兩年前個時我返工，因為想有ｂ又有壓力， ｍ遲來、流啡，睇咗兩個ｘx大學中醫幾個月，一直都唔好。後來辭咗工，休息一排， 做下運動， 脈搏反而強咗，ｍ又準咗， 唔洗靠藥。轉眼我呢一年已經係運動健將。
今日抽血個姑娘問我係咪成日做運動， 做咩運動， 佢話我手臂ｄ肌肉好實， 勁呀。抽卵同放胎中間個３個月， 每日游一個鐘蛙式， 運動量達至人生頂峰， 成世人都未做過咁多運動！
重有我聽我ｆｄ講，正餐食飯， 唔食粉面， 佢話中醫話食飯血氣好好多，個人會暖ｄ。我怕肥，食少ｄ飯， 但都覺暖咗。
放胎前４日，子宮內膜得９。７ｍｍ， 於是即刻食幾日花膠、燕窩， 放胎個日１１ｍｍ。 唔知係咪有用呢。
放胎後第一日ｂｅｄ ｒｅｓｔ。第二日，已經拖地，吸塵， 郁慣咗唔郁好辛苦， 之後每日散步３０ｍｉｎ。 有聽ｂｋ ｄ ｊｍ講搵喜劇睇。笑下。家裡經常放輕鬆嘅古典音樂。 不過， 我依然係成日都諗住ｂｂ， 唯有盡量ｆｅｅｌ下身體ｄ肉有冇拿住， 逼自己要留意肚皮時常放鬆, 有緊張就做放慢腹式呼吸。。
放胎後不能運動，唯有用力將手指、腳指撐大至最開最大， 收緊屈曲，日日做幾十次，聽過醫生講座話可以增加血液循環， 又唔會心跳加速， 幾好。
放胎後日日飲全脂奶 （我信食物成份比例好重要， 唔飲脫脂， 等於我認為食維他命ｃ永遠冇我食個橙對抗傷風有效）， 一日食１－２個西柚， 抗感冒。
第１次ｉｖｆ時超緊張又臨時中斷， 晴天霹靂， 第２次已經麻目，因為ｏｈｓｓ又做唔到放胎, 要休幾個月。。。
今次可能已經知道未必係最後一次， 所以同上兩次瞓唔著個種緊張比， 今次好咗好多，瞓得幾好。
放胎第十日， 因為塞藥， 下面痕到飛起， 去搵醫生， 點知姑娘突然同我講我體溫得３６。３！！！
我一直都冇度，救命，做咩話我知我低溫呀! 睇咗醫生， 醫生安慰咗我。
我返到屋企都忍唔住流咗兩行眼淚。 後來， 我鼓勵自己未失敗， 唔好喊,激動影響個胎嘅生存機會。面對突發事時要堅強.. 唯有不斷祈禱， 最終捱到最未個晚， 又一直唔敢ｃｈｅｃｋ。。唯有真真正正咁眼光光望天光。
好彩最後天父憐憫我, 感謝主! 希望大家都沾到孕氣, 快快bingo.
發表於 
你好叻好有毅力
祝恭祝恭祝恭你有喜
返回列表
