由23/8開始打第一支誘發排卵針, 共打了9支, 3/9晚返醫院打多支破卵針, 終於等到今日成個療程中最重要的時刻了, 今日5/9一早懷住興奮又緊張的同C6到醫院, 首先係C6要抽丁丁, 姑娘安排了一間房仔俾佢自己搞掂, 我就係等候室睇報紙等C6, 過左大約20分鐘, C6出來, 姑娘叫我0地帶埋丁丁去另一層樓化驗, 途中佢話俾我知佢射失左D丁丁, 只有好少留番係個樽到, 然後俾個樽我睇, "嘩!真係好少, 咁少實唔夠啦, 我捱左咁多針, 依家臨門撻Q!" 我當時真係好唔開心, 仲好嬲C6, 唔明點解佢可以咁大意, 因為佢D丁丁係這個療程好重要. 我黑左佢面約20分鐘, 我見佢都好唔開心, 好內疚, 接著, 我也心軟了, 我同佢講"一個家最重要係兩公婆關係, BB係神賜俾我0地的產業, 所有人為的事如無神祝福下也不能成事, 不要將人和科技凌駕上帝" C6聽完我講, 流了幾滴眼淚, 這刻我感到有點心痛, 決定無論丁丁化驗結果如何也不可再發脾氣. 我心裡也不斷祈禱, 求神幫我0地.
過左2HOURS, 我0地回到醫院等候期間, 大家都好緊張, 尤其是C6, 佢好擔心結果. 我0地等左40分鐘, 姑娘叫我入房話醫生有野同我講, C6勁擔心, 我都有D擔心, 怕醫生話C6丁丁太少唔合格, 出奇地, 醫生話丁丁數量足夠, 形態合格, 流動性經洗滌後由35%增至90%, 丁丁質量很好, 感謝主!
做丁丁官腔注射過程比我想像中有點辛苦, 個肚好漲, 注射有點痛!
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
返回列表
