吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 夫妻關係可以再持續下去嗎?

夫婦情感今日: 0|主題: 42793

收藏本版

發帖

返回列表

跳至頁

查看: 4433 | 回覆: 76

夫妻關係可以再持續下去嗎? [複製鏈接]

12 3 4

41009022009

子爵府

積分: 10911

1^#

發表於 11-9-28 00:51 |只看該作者 |正序瀏覽 |打印

我係一個全職媽媽,09年我生左個女,同先生關係起了變化,唔知我需要需要睇醫生?我喂媽媽奶喂左一年,呢一年我同先生甚小行埋,到現在,行埋次數快既可能3個月一次,唔係先生對我無興趣,係我無興趣,甚至覺得討厭,唔知係未日間要照顧個女照顧頭家,令我身心勞累,再加上我係多野諗既人,覺得好大壓力,又或者我先生太懶,令我吃不消,因為每日放工回家後,甚小主動幫我分擔家務,照顧阿女只限一兩小時,永遠只顧自己,而我時常覺得好無助,最好笑好小同我傾計,永遠一句起兩句子,大時大節又唔慶祝,其實我好悶好想人陪,但好似有老公又等於無.不過為左個女好,所以繼續落去....

0 0 0

私人傳訊

chan803

翡翠宮

積分: 83157

貢獻勳章 BK猜猜猜慶中秋 +5熱血勳章

77^#

發表於 11-9-30 17:58 |只看該作者

本帖最後由 chan803 於 11-9-30 17:59 編輯

各位在討論請善用 '只看該作者' 的功能, 可看清楚該會員有關之發言再作評論.

私人傳訊

cotychan

伯爵府

積分: 18748

畀面勳章環保接龍勳章

76^#

發表於 11-9-30 17:39 |只看該作者

alice44 發表於 11-9-30 17:34
// 另外,唔明點解要只認同自己既工作岡位重要,而去踐踏人地既付出?!要講到"感恩"!!乜嘢叫"感恩"?!係因為佢 ...

我無話過係你講既,而且,係你自己一直回我!
仲有,我重申一次,我都從來無講過,做在職媽媽唔辛苦!亦都無去比較過誰更辛苦!而係你地呢啲,一直去比較在職比ftm辛苦!我曾經係在職媽媽,但係做過ftm未?

私人傳訊

alice44

男爵府

積分: 7623

75^#

發表於 11-9-30 17:34 |只看該作者

cotychan 發表於 11-9-30 17:22
首先,我從來無呻過!只係寂寞唔係單單因為只會同老公溝通不足而引起!返工既會見到其他人.無論如何都會同其他 ...

// 另外,唔明點解要只認同自己既工作岡位重要,而去踐踏人地既付出?!要講到"感恩"!!乜嘢叫"感恩"?!係因為佢地無做過任何嘢,只有收穫?!而唔應該要求個老公去關心下自己?! //
重新一次, "感恩"唔係我講, 你唔好再用呢個point嚟同我講. 我只係講話, 在職媽媽一定辛苦過ftm. 呢句係我講, 我唔覺得ftm會辛苦得過一個又要返工, 放工要湊仔, 煮飯做家務的媽咪.
Sorry! 我同你意見唔同, 所以真係講多無謂, 你唔使再覆我.

私人傳訊

cotychan

伯爵府

積分: 18748

畀面勳章環保接龍勳章

74^#

發表於 11-9-30 17:22 |只看該作者

alice44 發表於 11-9-30 17:10
// 全職湊住一個小朋友,同你放工返到屋企湊一陣又唔同喎!無錯,你屋企依然要洗衫掃地,家務依然要做.但係你話 ...

首先,我從來無呻過!只係寂寞唔係單單因為只會同老公溝通不足而引起!返工既會見到其他人.無論如何都會同其他人講嘢!ftm可以半日,或者一日無人會同佢地講嘢!
另外,唔明點解要只認同自己既工作岡位重要,而去踐踏人地既付出?!要講到"感恩"!!乜嘢叫"感恩"?!係因為佢地無做過任何嘢,只有收穫?!而唔應該要求個老公去關心下自己?!

我由一開始回post,已經同樓主講,佢老公返工一樣好辛苦,會幫手湊一~兩個鐘頭既已經好好.意思都叫樓主體諒一下!但係有人講到,做ftm就係要奉旨全部嘢做晒,唔可以有要求,唔可以叫人幫下手咁!因為呢種人,已經唔駛做,得到莫大既恩惠,仲夠膽咁多嘢講?咁多要求!

私人傳訊

alice44

男爵府

積分: 7623

73^#

發表於 11-9-30 17:10 |只看該作者

本帖最後由 alice44 於 11-9-30 17:11 編輯

// 全職湊住一個小朋友,同你放工返到屋企湊一陣又唔同喎!無錯,你屋企依然要洗衫掃地,家務依然要做.但係你話唔駛返工比人困喺公司1~10個鐘!乜ftm唔係都比個小朋友困足一日咩?!係困到可能去個厠所,都要去一半因為bb喊唔知乜事而跑出嚟!
如果話見到啲c9可以好得閒咁吹水,咁,同樣地,返工既人一邊上網吹水既都唔少. //
你係比個小朋友困一日, 但我地在職媽媽要在外做嘢, 返到屋企同樣比個小朋友困住. 不過你時時講到在職媽媽好似唔使湊仔咁, 可以隨時放低個仔比人唔理, 自己去鬆一鬆.

// 我係話可以去約人食飯,行街,睇戲,旅行.你唔做,並唔代表唔可以.而ftm要做,要搵人,基本上係要"求"人先可以去幫佢湊一陣,先可以去落街一陣.以上既約會,基本上就係無可能有.分別喺呢度!就算小朋友返咗學,都無可能走咗出去.因為學校有可能突然因為小朋友唔舒服而要你接返走佢.更何況,佢地返學喺我地乗機執屋做家務&買餸既時候,搞得掂都差唔多要去接放學. //
係可以約人, 但一個負責任的媽媽, 係唔會隨便約朋友食飯, 要返學的日子更加唔得, 唔係話想同人食飯就可以去, 除非係一d必要的約會, 否則係唔會約人去街shopping. 放假湊仔, 我會帶埋佢落街買嘢, 亦唔覺得落一陣街要去求人睇住個仔. 如果佢返學時間已做了大部份家務, 咁湊放學後, 只係同佢一齊食飯, 之後洗碗, 個仔/女午睡, 可以準備晚飯, 我覺得小朋友午睡大多都有1.5-2個小時, 準備晚飯後, 應該仲有時間休息呱.

// ftm除咗困身之後,最大既問題係,寂寞!尤其小朋友3歲之前.喺屋企無人同我講嘢.有問題唔知問邊個,唔開心唔知可以同邊個玩,因為,基本上由佢地解決要做ftm之後,朋友就會遠你而去.真係由朝到晚無人同我講嘢,口都臭埋!的 //
我同意ftm係困身, 但在職媽媽一樣係困身喎, 比份工同個小朋友困住.
有問題可以等老公放工返嚟同佢傾o架, 唔開心都可以等老公返到屋企同佢講o架. 我唔知你兩公婆有咩問題, 有問題唔問得, 有唔開心唔講得. 我諗你兩公婆應該係溝通上出問題.

// 仲有,我從來都無話做在職媽媽唔辛苦,但係對於話ftm好得閒,唔駛點做,呢點好反感!尤其嗰句要"感恩"! //
呢句說話好似唔係我講喎.

最後, 每個人有每個人的崗位, 我要返工又要照顧頭家, 係好辛苦, 但係值得嘅, 因為無一樣嘢比老公&阿仔重要, 三個人一齊, 就算幾辛苦, 我和我老公呢13年一句都無呻過, 大家為呢頭家努力, 如果覺得係值得, 真係唔會同個老公斤斤計較邊個付出多d, 邊個辛苦d, 邊個揾得多錢d.
好似話出街食飯, 食都要倒落去咁, 無餐安落茶飯, 我估大部份媽媽初初都係咁, 要到仔/女自己識食先可以一同起筷, 我仔細過時, 出街食會先快快手喂阿仔食, 但阿仔食得慢, 要等老公食快d嚟接力, 到我食嘅時候已經尾聲, d嘢食都唔知咩味, 但日子總會過去, 只係頭幾年唧, 之後就會慢慢好轉. 其實生之前都知道會係咁, 又何苦生完出嚟先喺度呻吖!

私人傳訊

Pudindin

別墅

積分: 860

72^#

發表於 11-9-30 16:06 |只看該作者

朋友CASE..C9轉左做 FTM
朋放工返黎都會幫手,但係佢C9成日覺得佢幫倒忙
佢要係 FB打晒出黎...一次,兩次.都係咁
咁佢邊有引呢..

私人傳訊

cotychan

伯爵府

積分: 18748

畀面勳章環保接龍勳章

71^#

發表於 11-9-30 16:00 |只看該作者

本帖最後由 cotychan 於 11-9-30 16:04 編輯

alice44 發表於 11-9-30 15:08
點解你可以講到在職mami放工唔使湊仔咁, 可以去旅行, 可以去睇戲, 可以去約朋友食飯, 可以同老公拍拖, 你 ...

全職湊住一個小朋友,同你放工返到屋企湊一陣又唔同喎!無錯,你屋企依然要洗衫掃地,家務依然要做.但係你話唔駛返工比人困喺公司1~10個鐘!乜ftm唔係都比個小朋友困足一日咩?!係困到可能去個厠所,都要去一半因為bb喊唔知乜事而跑出嚟!
如果話見到啲c9可以好得閒咁吹水,咁,同樣地,返工既人一邊上網吹水既都唔少.

我係話可以去約人食飯,行街,睇戲,旅行.你唔做,並唔代表唔可以.而ftm要做,要搵人,基本上係要"求"人先可以去幫佢湊一陣,先可以去落街一陣.以上既約會,基本上就係無可能有.分別喺呢度!就算小朋友返咗學,都無可能走咗出去.因為學校有可能突然因為小朋友唔舒服而要你接返走佢.更何況,佢地返學喺我地乗機執屋做家務&買餸既時候,搞得掂都差唔多要去接放學.

ftm除咗困身之後,最大既問題係,寂寞!尤其小朋友3歲之前.喺屋企無人同我講嘢.有問題唔知問邊個,唔開心唔知可以同邊個玩,因為,基本上由佢地解決要做ftm之後,朋友就會遠你而去.真係由朝到晚無人同我講嘢,口都臭埋!的

仲有,我從來都無話做在職媽媽唔辛苦,但係對於話ftm好得閒,唔駛點做,呢點好反感!尤其嗰句要"感恩"!

私人傳訊

alice44

男爵府

積分: 7623

70^#

發表於 11-9-30 15:08 |只看該作者

cotychan 發表於 11-9-28 19:35
你講得好啱,同樣地,我諗你都要調轉,去做個真正既FTM,去體會下,無病假,無事假,無大假,無雙糧.
或者你本事,可 ...

點解你可以講到在職mami放工唔使湊仔咁, 可以去旅行, 可以去睇戲, 可以去約朋友食飯, 可以同老公拍拖, 你之前話我可能未有小朋友, 所以話在職媽媽比ftm辛苦. 我可以話比你聽, 我12年的生活係點:
阿仔未讀書時, 我地早上7點起身, 7點半帶阿仔去阿媽度, 跟住搭車返工, 老公放工會去接阿仔返屋企, 我放6點但9成要加班, 放7-8點, 返到屋企要煮飯, 洗碗, 又要幫阿仔再沖多一次涼, 半歲後又要煲粥仔比佢食, 仲要洗衫涼衫呢!
阿仔讀書後, 早上一樣要早起送佢上校車, 其餘一樣, 都係老公放工去阿媽度接仔, 讀書後仲死, 仲要對功課+黙書+溫書.
FTM要做的, 在職媽媽都要做, 但FTM媽媽至少唔使返工比人困9-10個鍾頭.
旅行?? 每次旅行我都有帶阿仔去. 去睇戲?? 每次旅行我都有帶阿仔去. 約朋友食飯?? 一年都有3次嘅. 兩公婆拍拖?? 未試過, 只有三人行, 但我兩公婆都好享受同阿仔一同去街.

//無病假,無事假,無大假,無雙糧.//
病假...我都無病假, 亦好彩, 這12年都好少好少病, 我病係會自己湊噃, 因為都帶唔到個仔去阿媽度.
事假...咁就真係有喎, 攪掂咪又即刻去接噃個仔. 唔會因為做完私事就唔湊返個仔.
大假... 即是我阿媽的大假, 放假係自己湊噃.
雙糧...有, 不過都要比雙糧阿媽過年o家! 咁你地老公都會比多少少你地過年買嘢呱!

私人傳訊

sandy1109

大宅

積分: 2556

69^#

發表於 11-9-29 14:52 |只看該作者

回覆：夫妻關係可以再持續下去嗎?

首先佢工作支持成頭家已是 ok 喇，要體諒佢，放工回家可能好累，你是全職媽媽更加要照顧好頭家，互相諒解吧

私人傳訊

flowerw88

大宅

積分: 4944

68^#

發表於 11-9-29 14:27 |只看該作者

bb會否讀n班？佢都大啦！唔讀n班，試下找些暫托班。等bb識下朋友之餘，你自己都休息下。

私人傳訊

fencolo

複式洋房

積分: 184

67^#

發表於 11-9-29 13:39 |只看該作者

回覆回覆:leanna~的帖子

完全同意你的說法

私人傳訊

leanna~

禁止訪問

積分: 32957

66^#

發表於 11-9-29 13:03 |只看該作者

回覆：夫妻關係可以再持續下去嗎?

提示: 作者被禁止或刪除內容自動屏蔽

私人傳訊

melonfans

珍珠宮

積分: 35145

65^#

發表於 11-9-29 12:27 |只看該作者

不過原來仲有好多人認為做 ftm 係低學歷, 低人工先做ftm! 大把專業人仕, high salary都做 ftm. 如果有dream work我好鍾意, 我去返工! 我會叫c6做 ftd, 佢都agreed !

做ftm or ftd 係為咗小朋或個人其他選擇 ! 請工人係幫人湊仔, 吾會幫你教仔!

私人傳訊

41009022009

子爵府

積分: 10911

64^#

發表於 11-9-29 11:28 |只看該作者

kikiboy 發表於 11-9-29 10:13
似乎樓主需要別人認同佢係全職媽媽好辛苦呢d點多d

我唔係要人認同我,亦唔係好偉大,係之前有人留言,覺得ftm好得閒,唔使做好舒服,仲要乞求老公幫手,比人養仲要多多說話....

私人傳訊

cotychan

伯爵府

積分: 18748

畀面勳章環保接龍勳章

63^#

發表於 11-9-29 10:47 |只看該作者

kikiboy 發表於 11-9-29 10:13
似乎樓主需要別人認同佢係全職媽媽好辛苦呢d點多d

我諗樓主同我既意思都係一樣.唔係要人認同佢既付出,又幾辛苦.只不過有人言論話,FTM唔駛點做,竟然仲怪個老公唔幫手,而且唔應該怪老公無幫手之餘,仲要用到要"感恩"既態度!好似係皇恩浩蕩,有人比飯你食,唔駛你做,仲想點既意思,所以有啲嬲.
而呢個問題,係之後先有既(係有人回呢個論點之後),而唔係樓主發POST既出發點.