自理方面, 讀得n班上o既 (你話讀4年, 應該係由n班開始啦), 都唔會差得去邊...n班個d如果要留係學校食飯就更加啦, 聽講到升k1前, d 細路會學識自己用筷子食雞翼喎, 我囡係k1, 無讀n, 佢本身自理已經有好o既基礎, 所以我唔知學校有冇幫到佢更多...呀, 不過老師因為佢成日係入課室個刻唔捨得分離會喊, 就常常搵佢幫手做野, 拎野囉
愛閱讀 - 呢個係家長責任多過學校, 因為學校有圖書角, 都有d活動時間係俾小朋友睇書o既, 但真係要愛上閱讀, 其實係家長在家陪讀才會真正有效, k1間中都會有本英文圖書派番o黎, 係外籍老師同小朋友講完o勒, 咁就派回來, 因為我囡係屋企都好鍾意睇書, 所以我都唔知學校會唔會培養到喎
價值觀方面, 我覺得合一堂幾好, 每個月都有品格教育的主題, 好似9月係守時, 10月係做個盡責的人, 小朋友細個, 或許即時不會明好多, 但其實有入到腦, 好似我囡會叫我'記住早d返屋企, 要守時喎' (其實我日日準過打卡返屋企陪佢地啦), 有次又無啦啦話自己要守承諾喎, 雖然有時無頭無尾都唔知佢講咩, 但一定係o係學校學到囉...另外, 我囡的老師都係有愛心o既, 連d 嬸嬸都唔錯o架, 不過有人講校務處d文員就態度差d, 我接觸o既無呢個情況, 係咪個別事件就不得而知.
我唔知合一堂以前係咪課程好淺, 現在算唔算深呢? 我真係唔知, 我無比較過, 但so far 我個10月細b都跟得到, 上堂又知道發生咩事, 咁都ok啦, k1 上學期的所謂功課係做兩頁英文書作業(直到呢一刻...), 貼下貼紙, 畫下線, 其他畫線呀, 做手工都係上課時做o既, 我諗可以用一般來形容佢o既程度囉, 太深o既非學券校會offer o既, 太淺又俾人炳o既o者
老師的穩定性方面, 我係其他post都有講過, 我暫時俾唔到咩意見, 因為我未遇到嘛, 而我囡現在個班主任, 係上年interview見我囡o既, 咁即係....佢都起碼做了1年以上, 應該ok o卦, 其實, 呢樣野非家長可以控制, 你亦無可能expect 讀咁多年d 老師都咁stable, 我的心態係隨遇而安, 無謂搵野o黎煩, 邊間學校可以保證d 老師一直教到學期尾呢? 我自己的朋友呀, 都無厘頭係靈糧教了2個月就走人啦...對上一份就係保良局o既幼稚園, 2月先入去做, 教了大半個學期又走啦...我朋友話呢個根本係幼師非常普遍的現象, 現在d 老師亦唔會似我地讀書年代咁樣, 死都要捱到學期完, 唔想影響學生...現在人家是打份工o架咋！
我囡個班有7成都係n班升上o黎, 我諗學校都ok啦, 否則唔會有咁多人繼續讀o卦...
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
返回列表
