婆媳關係今日: 0|主題: 27783

收藏本版

發帖

返回列表

跳至頁

查看: 4471 | 回覆: 60

狂人親戚 [複製鏈接]

12 3 4

Music_sister

伯爵府

積分: 16794

畀面勳章

1^#

發表於 11-11-9 07:53 |只看該作者 |正序瀏覽 |打印

本帖最後由 Music_sister 於 11-11-9 09:24 編輯

　　　小時候同呢個疏堂親戚Ａ都幾好感情,但多年前巳慢慢疏遠,我可能見識小啦,我第一次見到有女人可以甘狂野,年小時候她的男女關係巳經亂到嚇死人,難聽同直接D講就係男人都岩,當時曾幾何時佢同我講:佢有左,佢叫我借錢比佢落左去,我巳經同佢講,你巳經唔係第一二次架喇,你唔怕做得陰質野多,你都顧下自己身體啦,問佢個男人D背景,其實連佢自己都唔清楚,我話佢你連人地低細都唔知，就算要同人發生關係，可唔可以保護下自己？人地話點就點咩，如是者，她試過４－５次，我覺得佢巳經無得理，開始疏遠佢

　　我經常都聽到呀Ａ個呀媽常常打來借錢，（當時我都未嫁）大家其實對呢家人一直都有小小反感，因為成日問人借錢，有錢個時就大大聲，３更窡５更富，皆因係難賭，仲要多數一借無回頭，一係就借５０００就還１０００，其他親人聽到佢電話都好驚～不過當時大人既野我都費時理甘多，聽完就算

　　無耐，呀Ａ又打比我話我知佢又有左，我都巳經無咩感覺了，你鐘意點就點啦，講到口臭都唔聽，後生個個都會去玩，邊有人玩到甘架？，最好笑佢之後同我講佢今次想生，我問佢識左個男仔幾耐?佢話２０日，我叫佢諗清楚，佢唔聽，我都費時再理佢，雖然小出來見面，但都仍然有傾下電話，她終於透露左比我知點解她今次選擇同呢個識左２０日既男仔生ＢＢ，佢話個男仔係住圍村既，如果生仔係有地分架，我聽完好反感，我鬧佢乜你係生仔機器咩？甘如果唔係仔又點算呢?佢話佢好想有自己住既地方，唔想再同個呀媽住，因為佢亞媽爛賭，（但佢兩個好怪，一時糖痴豆，一時水溝油，但通常佢地都係為錢噪，一個想拎哂個女份糧去賭，一個無份工做得長，有錢亦只會拎黎去玩）我問佢甘就算比左塊地你又如何？你有錢起屋咩？佢話個男仔有，我話佢，個男仔就算有，就當你真係起左間屋，都唔會係屬於你啦，一句唔該你地關係有變的話佢隨時可以趕你走啦，況且有甘多因素未知，何必為左一個識左２０日既人去生仔？點講生仔都唔應該為同錢掛鉤。比我話完佢有一段時間無搵我，佢覺得我唔登佢開心，事實上我唔知有咩值得開心囉。

　　直到我有朋友生日，朋友聚會中有人識佢，從朋友口中得知，當時她巳經有７個月了，但她仍然落ＤＩＳＣＯ，我真係聞所未聞，但我完全無質疑過呢個消息既真假，以我識既Ａ，佢的確係咩都夠膽死，佢仲話比人知自己係生（古漲），同埋佢本個人身好廋，其實個肚唔係好大，仲仍然有濫藥，我真係覺得佢係痴線，我自己都唔知自己巳經係出於關心定係八卦，我之後打比佢，我問佢點解你老公仲比你去玩架？你同老公而家點呀？（佢當時決定要ＢＢ的時候即刻去左註冊）佢好嬲甘同我講，雖然佢係圍村人但係原來佢屋企都無錢起樓，亦都唔一定賣到塊地，仲話佢老公唔做野，仲玩得勁過去，一個星期返得２日工都仲好似覺得多，屋企而家連煤氣都ＣＵＴ埋，要用ＧＵＥＳＳ爐煮食，再加上佢照左係女，佢話佢想離婚，我真係無言以對。

　　之後她終於生左，幸好ＢＢ無事（佢真係好彩）我地慢慢巳經疏遠佢，就算當時我也只是18,9歲，我都覺得呢個人好得人驚，搵到工又唔認真做，晚晚去玩識男仔，識到個好既兩三個月又唔要人，兩母女三日唔埋兩日又借錢。做親所有決定都係得人驚的，但我知道佢最終無要到個細路仔，佢好似係比左保良局，但佢亞媽最好笑仲成日打黎話ＢＢ無奶粉食想借錢，佢以為我地唔知道其實個ＢＢ巳經比左人。其實我地真係好疏堂既親戚，真係同佢較親既都巳經一早離佢而去，不過我同佢個女曾經係讀一間中學，又係有一齊玩，佢同我地住得好近，所以先會有聯絡，如果唔係甘本我地疏到其實都唔知算唔算係親戚，但通常如果數目唔大，我亞媽都會借比佢，亞媽成日話：係街成日都撞到，唔借好似唔知點。（我亞媽本身林過隻羊）之後又到佢個女問我借，佢話搵到工無錢返工，我直情老實不客氣同佢講，我唔會再借亦都無得再借，我自己個時都好細個唔係有好多錢，佢以前借借埋埋落仔既錢一元都未還過，Ａ之後好慘情甘同我講，佢本身有工返，但總知比佢亞媽追數公司攪到佢無左份工，（雖然我唔知真假，但佢亞媽爛賭係事實）我同佢講：好心你的起心肝做番個人啦，自己正正經經搵份工，自己出黎住啦，你係屋企住的話你甘本無心機番工（因為你搵幾多都比你亞媽陰哂你）唔係叫你不理你亞媽呀，但甘耐都係甘點理呀？如果佢係介賭的話就話幫佢還姐，但不停賭又不停還,再不停賭甘點還呀？

　　　講完呢番說話後，唔夠５小時突然佢個顛亞媽上我屋企拍門大吵大鬧，話我教壞佢個女，教佢個女唔好理個亞媽，不停鬧不停鬧，好似顛左甘，我緊係同佢死過啦，首先你個女出賣我，我講呢番說話都係為佢好姐，你當我係朋友先黎問我借錢姐，同樣我當佢係朋友先同佢講呢番說話姐，佢同番哂佢亞媽講，況且我都係講事實，但佢媽係到發顛，我亞媽雖然好蝦，但我老豆係到鬧到佢兩母女走左。我覺得佢地有病。

　　　之後大家完全巳經無聯絡，幾年後直到有一次係酒樓撞到，佢真係好似電視個Ｄ８婆，佢係到哂命話而家有幾好，個女婿係咩係咩，我地一句都無彩佢，得我亞媽客氣說話同佢講幾句，我連亞Ａ都無同佢ＳＡＹ　ＨＥＬＬＯ～佢個女婿係咪真係甘好我地唔知，但之後從一Ｄ大家有啦能既親戚口中得知，話佢呢個所謂女婿同佢個二女結婚之後（佢有３個女）而家追左最細個果，即係呀Ａ（當時仲巳經有左）我心諗係咪顛架呢家人，追完細妹追家姐?同家姐結完婚攪大亞妹個肚?亞Ａ又有左？有無甘生得呀？落甘多次都仲可以成日有既？而佢亞媽無反對，我覺得係因為呢個女婿有Ｄ錢，我心諗以前佢Ｄ女比小左家用都唔比Ｄ女返屋企啦，而家追完家姐追細妹都接受？呢個真係一個好貪錢既人。呢個顛狂呀媽最好笑係成日同Ｄ親戚講話我地同另一家人都爭佢錢，又話幫我地好多。我聽到一點都無嬲，因為我知道講都無人信啦，我地一家人一直住居屋，我爸爸哥哥同我雖然不是做什麼高新職位，但係個個都有穩定收入，並無欠債，我地對佢算係甘架喇～而她們一家亂過亂葬崗，正常人會識分別。

　　直到前年我結婚擺酒，我地都無請佢，但係咩叫不請自來，我真係第一次見，真係覺得佢好好野，甘都黎，所有親戚無一個ＳＯ佢，（佢亞媽自己一個人黎）佢笑哂口甘話只係黎公喜下我，她說別無其他，我信她不是想攪事（因為呢Ｄ人有錢個時就好惡，無錢個時又變哂想周圍搵番Ｄ親戚）但我亞哥都決定請佢離開。我絕對同意，因為真係唔係太想同呢Ｄ人有咩關係。

　　大家仍然係一直無聯絡，直到幾日前有個親戚擺酒，我地全家都有去，我個女只得２個月都有去，點知原來a媽一家都有份，亞Ａ當時之前有左既ＢＢ而家巳經生左，而家我估佢都有３－４歲，但聽聞佢巳經又離左婚，本身我地都特登都睇佢唔到，主人家都話特登編佢地一家去好遠，亞Ａ拖住個女主動走過黎ＳＡＹ　ＨＩ～（雖然我都覺亞Ａ既行為好過份，但佢始終無佢亞媽甘衰）我覺得ＳＡＹ過ＨＥＬＬＯ無所謂，大家問候兩句，佢個女一直都望住我架ＢＢ車架喇，我其實巳經望住佢，點知佢個女手快突然插我個女隻眼，我即時撥開佢對手（吊，佢個女仲係到喊）我唔知係因為個細路唔識就力定係真係甘無家教，總知個一下嚇死我，好彩我個女最後無事。好戲在後頭，我亞媽一直都林過隻羊，但今次差Ｄ整親佢個（酸），佢終於爆炸喇，不過佢都等到散哂席先捉住佢成家黎鬧，（我同老公當時巳提早走左，同個女去睇Ｅ生先，因為唔知有無事）我哥話一世人未見過亞媽甘惡呀，今次我亞媽一出聲鬧到個女人無聲出（平時A媽佢好叻狡辯）加上好多親戚都幫口鬧A媽，今次真係大快人心。再經過今次呢一次，真係咩都唔洗講呀，以後唔會連招呼都費時打丫，以後我見到你一家係街頭我地就係街尾走喇，真係從來都無好野架，呢家人真係見過最恐怖既一家人,甘耐以黎都係甘,十年前佢地成家人巳經係甘,十年後佢地都仲係甘,我服得佢地好交關