本帖最後由 Arrin 於 11-11-21 13:29 編輯
內容: 含有不衛生,嘔心情節.成人情節~今次都幾長~特請有心理準~
請勿在 嬰兒食奶時,小朋友瞓覺時,工作時,美容時, 開飯時,大笑~
特別懷孕夫女需要攬實個肚,以免笑傷個b~~
講咗幾集,有關玩野99既故事~, 好多fans以為我好忍得,EQ好高....其實唔係架, 我係捱打果個....我個心並唔係咁順攤...只係硬食架JA~但經歷咗以下個一役, 我決意同佢一刀兩段~~
粉紅色=我內心感受~
係一個HAPPY FRIDAY~由於咁啱C6唔返屋企食飯, 該DAY 我放工後, 可以有一晚自由時間...該天打算同我隻愛犬一齊HEA 返晚.....當我好開心跳跳札返到屋企樓下時...係樓下破璃閘門...
除咗見到看更阿伯....隔離仲有99坐係度...我呆咗(唔係呀WAH,我係咪有幻覺呀??)..我正打算掉頭扮睇佢唔到(你睇我唔到, 你睇我唔到), 但可惜99不停向我招手,而那果該死既看更好見義勇為馬上開門比我.
99話佢唔記帶所匙, 而62又人間蒸發咗...我問佢有冇打電話比姑9佢地(拿!你唔好話無電呀!) 99好快咁答我佢電話無電~(叫咗你唔好咁多野講啦~).....咁唯有叫佢上來我度等62啦...佢初初都推我,話怕阻住我, 但個死看更極力推薦99跟我走~(唔通連個看更都唔鐘意佢?).....
(配樂彭玲:來讓我跟你走~~~)
上到屋企, 佢冇除鞋, 我內心千萬個唔老禮...佢仲行來行去~...我個地下留有好多足跡(頂, 你踩屎嚟咩???)...我叫咗佢坐~叫咗5次, 佢仲係我個廳中間自轉(做咩JE你!!)...之後話急尿(咪死去痾囉~咪再印污糟我屋!!!)
由於我屋好多狗毛...我就馬上開吸塵機...99係廁所出來(好似冇洗手~)見我清潔緊, 佢就好委屈咁話,唔想阻住我, 係咪佢整污糟我屋企(知就好啦!講!) 我把口當然話唔係啦, 我日日都吸架啦~咁啱C6打比我, 我就同佢講99上咗來因為冇所匙....我又比咗個電話佢兩母子重逢下~但佢地馬上轉CHANNEL~(唔該晒)
收線之後, 佢同我講話一齊去搵姑9~...我問洗唔洗打比佢先? 99話, 係我返來前10分鐘到姑9已經返咗來(你係咪玩野呀!你返你個女度咪得LAW)唔怪得之個看更趕佢走~
99仲話我未食飯, 不如比下面佢去佢屋企食一次~(落去食~~我真係落咗去(地府)食呀!!!!)
我再打比C6,用英文講述以上情況, 條死佬狂笑~話我中咗祈福黨咁,呢獲點都要受一棍架啦
~...(配樂秋官: 誰人迫我~~屈我辱我~~~)
(月黑風高殺人夜....)
開門前,99笑住話[你唔好介意我咁污糟就得啦], 我本來都諗,(唉,,,之前都見識過啦~...都有心理準備架啦)..
我把口話無野既無野既..(我不入地獄,誰入地獄)....
點知....一入到去..OMG!!!!(第三世界???比人打劫嚟呀???) 間屋亂到好似比黑社會搗亂!!!堆填區!!!完全堆到冇可能企4個人.....我忍唔住,我馬上幫佢清理:
1)餐枱...
完全堆到冇位食飯~...一樽二樽科學實驗咁既野...有又個煲, 又有生果皮, 人體雲吞,隔夜餸
(你地係咪懶到咁呀!!!! 比我一野掃晒出街啦~)
2)生果盤
其實係個膠筲箕,但已經困有好深既黑邊, 一拎起D生果, 有爛有唔爛, 個底仲有果核, 又有人體雲吞,糖紙..電話繩...
(好能能一個生果盤...點解有電話繩..呢..係咪串係個生果度靚D?)
3)電腦椅
有著過既衫, 同報紙...99照坐~
(阿姐, 你屎忽有野銀住都可以照坐~好野呀)
4)梳化(99 的床)
有好多衫, 有環保袋, 有手袋,有報紙,有垃圾...
(老實講...瞓街D人仲企理過佢~)
執到咁上下,我去TOILET 洗手...好臭...一望...又屎又尿在屎坑中浮游...好嘔心...我馬上沖一沖隻手..就出返來~...(老公我唔想死呀~)
姑9一問, 99條所匙呢? 99 就好似玩波波池咁, 係佢張龍床搵~...一拎出來...係個胸圍. 佢盛住咗佢揪所匙...搵返後,佢仲可以笑得出....(你都痴痴地既, 你唔好再核突D~~用胸圍載所匙) PS:後來知道佢底褲用過來抺碗.
開飯時, 佢有個飽係咬過, 佢叫我同姑9, 一人一啖食咗佢....(我打死都唔會食, 你唔好迫我,我一腳申開你~)
佢話洗個生果我食,...洗係有洗...但佢用D人體雲吞來抺比我食~(...........)
PS:我就係咁又病咗10日
捱咗3個鐘...99 有個電話長講...咁我先甩到身...我返上屋企同隻狗講, 我好慘...我就咁喊咗出來...
咁大個女都未試過咁恐怖.......
<font color="Magenta">大家睇還睇,千萬唔好轉載去其他地方呀!!!!仲想追我既故事,就請大家合作~保持我神秘身份!!!!
發表於 
你99點解可以咁污穢架
我一定頂唔住囉
我覺得你EQ好高！仲能夠用咁有趣既方法寫出來，一山還一山高，你99比我99更高！ 我要好好跟你學習！
返回列表
