吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› c6話想大家分開下!

夫婦情感今日: 0|主題: 42794

收藏本版

發帖

返回列表

跳至頁

查看: 5670 | 回覆: 32

c6話想大家分開下! [複製鏈接]

cmaa

大宅

積分: 1725

好媽媽勳章

1^#

發表於 11-12-6 23:09 |只看該作者 |正序瀏覽 |打印

我同我c6拍左2年拖就結婚，上個月岩岩結左7年（仔都4歳了)！仲要結婚週年日不歡而散！之前大家都會嘈下，過一排就會好番！但自從依2年佢升職後，成個人就唔同左！因佢開始群住一班同grade嘅人玩，以前都會就下我時間先去玩，依家只會知會你一聲，話去就去玩，簡直唔使理我同埋個仔！昨夜問c6我地應點樣繼續下去，我話我唔想再在人前人後扮冇事，但一返到屋企兩個人好似唔識嘅租客住在一齊、依家兩個人住係一齊簡直係冇意思。佢話既然唔想再扮，不如分開下喎！究竟我c6諗乜我真係唔知！之前都有提過離婚、不過後來又拖住左！因佢驚我會做傻事，如果我死左佢話佢會內疚喎！我就講你恨不得我早死早著！唔使再對住我你唔開心咩！跟住佢就話我唔好成日講死字，我仲有個仔！我即駁佢，你曾講過離婚後我唔可能要返個仔！（佢之前仲話過我已經冇貨買！但佢話佢無講過！）我問佢仲鍾唔鍾意我，佢話答唔到我，但否認外面有女人。我跟住再問咁你係咪以後都唔再理我，佢答我係！我即刻走去幫佢除結婚戒指，但佢唔肯除、我再講你再帶住都冇意思啦。於是我即打電話俾我媽咪，我要搬返外家住！但我媽咪話唔好返嚟、依家係佢話要分開，係應該佢走唔係我走！仲有既然佢鍾意人前人後扮冇事，咪等人問佢點解要搬走囉！我好煩呀！點解d男人咁乞人憎架！

點評

jean135 年青有本錢的,應該離婚!!! 發表於 11-12-10 21:25

0 0 0

私人傳訊

機會在面前

禁止發言

積分: 1082

33^#

發表於 11-12-12 02:27 |只看該作者

提示: 作者被禁止或刪除內容自動屏蔽

私人傳訊

Nancy20090615

瑪瑙宮

積分: 139573

32^#

發表於 11-12-10 23:03 |只看該作者

佢都幾決絶, 係留都留唔到, 留到亦無意思, 如果去到呢 d 位, 我會為自己打算, 限日叫佢搬走.

私人傳訊

annsonson

大宅

積分: 1972

31^#

發表於 11-12-10 19:24 |只看該作者

回覆：cmaa 的帖子

而家好多男人都無婚姻觀念，所以而家就算結了婚也只是一份合約，最終也要靠個人的本質！

點評

oolong817 冇錯! 發表於 11-12-10 22:24

私人傳訊

canies

翡翠宮

積分: 97287

30^#

發表於 11-12-10 18:38 |只看該作者

台灣有個名導演，拍海角七號嗰個，為左籌集資金拍套巨著，要求老婆按左層樓，佢老婆含住泡眼淚抱住個幾歲仔簽名，之後成個月冇講過一句。

好彩搏贏左，比我末必簽得落手。

私人傳訊

ckuj

複式洋房

積分: 166

29^#

發表於 11-12-10 13:39 |只看該作者

我想問:
(1) 如果c6唔係打工仔, 係做生意o既! 我都係在公司幫佢手。因為佢想有名(利係其次), 想人覺得佢好叻, 好成功, 每天都很夜回家, 差不多個個星期六、日都走左上大陸; 陪客叫雞、卡拉ok、去骨場瘟女, 妳仲想唔想佢成功? 每晚他回來妳會否仲笑面迎人, 去氹佢開心?

(2) 如做一單生意, 要按樓、借好多錢去做, 妳仲會唔會好認同佢同讚賞他?

(3) 妳為他付出了二十幾年青春、心力, 為家、為公司、為佢、為個仔, 到頭來原來當妳提出離婚時, 佢話已經唔會再理妳感受, 唔再當妳係老婆, 妳會怎樣?

我就係呢個例子。

CKCK

私人傳訊

cat_lady_128

大宅

積分: 2613

28^#

發表於 11-12-10 12:32 |只看該作者

妳唔想分但佢想分喎 ! 我諗妳點咁留點拖點威脅佢都已經無咩用了

私人傳訊

obapa18

大宅

積分: 1670

27^#

發表於 11-12-10 12:28 |只看該作者

回覆：c6話想大家分開下!

其實男人升左識，不單只錢多左，見識亦可能擴濶左，同畢左業出黎做野一樣。但女人要求簡單，未必會有轉變，特別係已經有小朋友。所以當男人諗野既角度唔同左既時候，有時女人都要作出適當的調節，大家至可以一齊用同一個步伐繼續生活落下。可能你會講，你變左，但佢可能都會講，點解你無變。我唔清楚你老公有無問題，但只可以話如果你想同佢繼續在一起，try下投入去佢既角色諗一諗，然後至同佢再傾下。

私人傳訊

jackieho911

複式洋房

積分: 307

26^#

發表於 11-12-10 10:06 |只看該作者

:;pppp::;pppp::;pppp:

私人傳訊

phinephinelau

禁止訪問

積分: 822

25^#

發表於 11-12-10 01:40 |只看該作者

回覆：cmaa 的帖子

提示: 作者被禁止或刪除內容自動屏蔽

私人傳訊

子爵府

積分: 12169

24^#

發表於 11-12-8 00:54 |只看該作者

Cmaa:

你應該先冷靜下來，你情緒越激動，你和c6的結會越打越緊。你會更迫他走出去，每個男人最怕回到家還要給別人哦！

你c6不斷地升職，代表他很發奮圖強，他不停地進步，那你呢？你有否好好地讚賞他，或只是在猜忌他可能會變？他想換大屋是好事，他想一家人生活得更好。裝修好的房子可以高價賣出，也不算浪費。如果每次他懷著興奮的心情回來告訴你好消息時，你都潑他冷水，他自然很不開心，有事情都不和你說。夫妻在一起的日子裹是要一起進步的，你一定要先有自信心，努力去進修提升自已到更高的境界，這樣才可以和c6分享心事，他才會覺得回家是一件快樂事。

婚姻出現問題不會只是突然發生，而是應該你c6已經忍了很久，他終於受不住，才會說要離婚。你現在真要平心靜氣想想，過去一段日子裏是否有任何磨擦令你們都很難下台？

點評

Hi-Fi 同意你所講... 發表於 11-12-10 16:55

mc <()>

私人傳訊

全為愛

水晶宮

積分: 58550

23^#

發表於 11-12-7 23:08 |只看該作者

回覆 cmaa 的帖子

cmaa：

完全明白你的感受和反應。

就你所形容，我有兩個建議：

1) 先停止用你的方式 (你post所形容的言行) 去回應c6。建議你暫時只回答他：「讓我想一想你提出的分開的要求，遲些再答覆你。」(此乃緩兵之計，buy time 去做以下的建議)

2) 檢討一下你倆的婚姻出了什麼問題而令c6有分開的想法。注意：是你倆的婚姻關係，不是外界因素。你c6和你都分別有須要負上責任的部份，不會是只有一方有問題及引至婚姻關係變壞。而你必須要看到自己的問題是什麼，你才能踏上挽救和修補之路 (或者有更好的解決方式) 。當然你c6也有他的問題，但現在是回應你，所以先不討論他的部份。我看到你暫時將責任推御給你c6 (sorry，我想幫你，所以只好直說了)，你覺得是他變了，那麼你呢？你結婚至今有沒有也變了？

你檢討之後 (想到什麼就寫什麼)，我樂意再幫你分析。

私人傳訊

aidan08

侯爵府

積分: 21125

22^#

發表於 11-12-7 18:35 |只看該作者

先先唔好咁激動住！......

就咁睇你描述，好難知道你老公究竟係幾常出咗去玩。個個女人接受程度都唔同，有D一星期一次都接受唔到，有D就無問題。你老公出去玩得幾密呢？係咪次次佢返嚟你都黑面鬧情緒發脾氣同埋怨呢？呢D你無講我哋都唔知。但係，幾肯定的是，大部份男人都係唔逼得的，你愈鬧佢愈走，好多聰明的女人都識得以退為進，譬如男人夜返反而仲會煲埋湯等佢解酒，仲要對佢好D，男人明白個老婆對自己好，反而會自律同內疚.....

不過，睇你的情形，一開始你如果唔係咁，而家先做又未免太遲。但係，我覺得你真係可以試吓同佢分開冷靜吓，唔係叫你離婚，係比大家冷靜一吓，而呢段時間，你唔好埋怨，仲要積極D生活，適時表達關心佢，等佢知道你都會冷靜處事。因為，睇你所寫的，似乎係你老公都幾冷靜，亦希望你冷靜D成熟D面對問題 (佢叫你唔好講個'死'字.....因為你仲有個仔)，講真，你老公點衰我唔知，但佢呢句講得啱，為人母的不輕言呢個字呀！而且，吓吓以死相逼的人，係唔會得到人尊重架。

仲有，我諗你老公都好怕再吵吵鬧鬧，其實佢都講得幾明.....只睇你仲想唔想挽救，如你仲想，你真係唔好再步步進逼，吵吵鬧鬧，如果唔係佢會愈走愈遠.....如你都唔想同佢一齊，咁你點做都無問題，最緊要唔好影響細路仔。