想生BB 今日: 1 | 主題: 109648

積分: 6114

1^#

發表於 11-12-30 18:36 |只看該作者 |正序瀏覽 |打印

本帖最後由 joygigi 於 12-1-2 16:16 編輯

各位jm好呀!
我之前一直有睇呢個forum架,不過就齋睇無回覆~~
我同老公結婚兩年幾,試左一年幾都未bingo
之前一直睇大家點做點做,心中越睇越擔心
量過體溫,但亂到七彩===>之後買左大衛驗,又唔知點解無好似各位jm咁有好深的線
5月份時睇左個婦科醫生,食左兩個cycle排egg藥無效
等等等,終於等到11月尾睇dr.tay,佢話我咁後生,又只係試左一年,唔叫不育
但我話我真係好想要,結果跟佢指示驗呢樣驗那樣,最初dr. tay話我好大好大機會輸egg管塞,那段時間好傷心

今天取晒report去睇dr.tay
佢話我輸egg管無塞,本來好開心,但卻講了幾樣野,好似講到幾難自然有咁,佢話試幾個月,唔得就iui

問題如下:
1.佢話我有肌線症(我第一次聽,其他醫生都話係肌瘤,dr.tay話其他人唔知先咁講)
2.我本身子宮內膜移位(呢個係其他e生講)

呢兩樣就係想問下大家:
3.老公丁丁(我唔係太知點睇)(大家講數量,我都唔知邊個係,質量又唔知邊個)
~volume 2ml(>1.5)
~motility54(>40)
~morphology2(>4)
係咪只係睇呢幾數??
dr.tay話最大問題係最後那個,我見張紙寫>4,但又好似好多jm話老公有1x-3x??我睇錯左??
請問有乜方法幫下c6呢??

我問dr.tay有乜可以做,佢話無~~點解佢會咁講??

4.我的oestradiol(e2)係333,dr.tay話正常唔會高過250(我係經期第三天早上驗)
咁係乜野問題呢??

我覺得好迷惘,想做d野幫下,但dr.tay又話無野可以做,
但見好多jm積極做好多野,有無人幫下我??

我本身m都幾準,係咪唔好食egg子維生素??
咁c6呢??佢係咪數據好差??

0 0 0

私人傳訊

積分: 11748

52^#

發表於 12-1-8 00:04 |只看該作者

回覆：joygigi 的帖子

我識的只等於專科的ABC，亦係普通不過的婦女常識.....

你似乎明唔晒，條問題係上兩個回覆已講了，有乜係排卵前無，但係排卵後有? Progesterone囉....

可能個醫生已心中有數，而且佢都建議左你遲d做人工, 唯一100%肯定排左卵就係大肚

私人傳訊

積分: 6114

51^#

發表於 12-1-7 13:18 |只看該作者

回覆：torotoro 的帖子

真的謝謝你呢！唔該晒！
你的知識好勁，我大概明白了，但反而想問，做什麼檢查（名稱是什麼？）係會知自己有無排卵呢？
同埋有小小唔明醫生點解唔幫我驗埋？提都唔提呢，所以仲以為自己一定正常添

私人傳訊

積分: 11748

50^#

發表於 12-1-5 23:47 |只看該作者

回覆：joygigi 的帖子

起碼你仲識講唔該，有d人真係唔該都無句，但又不停同其他人吹水，嘿嘿

排卵正常的話，卵子出左去之後淨番的卵泡會變成黃體，產生黃體素progesterone，progesterone 會令體溫輕微上升，一般係排卵後七日左近到頂，然後開始跌，除非中左....

有人無排卵，其中一個可能就係得堆卵泡但無粒生得大(原因?唔夠FSH?無靚卵？我唔肯定)，正常果堆去應徵的卵泡最後只得一粒會成為正式員工(dominant follicle), 到佢熟左就會產生大量estradiol(E2), 大腦收到後會派LH去引發排卵，如果無粒大咪會無排卵，紅d因此亦唔會有深粗，體溫亦唔會有靚的biphasic pattern....

不過我唔知你係咪哩個case....都係果句，問番醫生，但千奇唔好同佢講上網見人話乜乜乜，一般醫生都唔鐘意

你明唔明?

私人傳訊

積分: 6114

49^#

發表於 12-1-5 22:50 |只看該作者

回覆 torotoro 的帖子

謝謝你呀~~成日都解答我這個問題C9仔

我之前都係抽血驗的,不是同一種??
係有好多隻抽血檢驗?我以為千幾元會驗好多樣!
我當時驗左FSH、LH、E2、PROLACTIN四種
FSH係5
LH係2.1
E2係333
PRO係15.1
當時醫生只話E2高左
同埋話好多卯泡

私人傳訊

積分: 11748

48^#

發表於 12-1-5 22:36 |只看該作者

回覆：joygigi 的帖子

你屋企條喉塞左出唔到水平，同水塘有無水出係兩樣野

屋企check有無排卵咪就係量bbt, or搵醫生refer去驗血, 一般係cycle length減7日時驗

私人傳訊

積分: 6114

47^#

發表於 12-1-5 18:04 |只看該作者

回覆：mamee 的帖子

我都諗緊排政府，兩邊都做！但請問係咪一定婦科先可以寫轉介信？

私人傳訊

積分: 6114

46^#

發表於 12-1-5 18:02 |只看該作者

回覆：torotoro 的帖子

我睇醫生時講明試左年幾，但佢只叫我檢查三樣，丁丁、輸卵管、同荷爾蒙，想問輸卵管無塞不代表一定排卵嗎？

醫生完全無講我有無排？點先檢查到？

私人傳訊

mamee

積分: 14607

45^#

發表於 12-1-5 08:48 |只看該作者

本帖最後由 mamee 於 12-1-5 08:50 編輯

torotoro 發表於 12-1-5 00:34
我覺得你可能無排卵....醫生無同你研究你有無排卵? 至於c6 丁丁morphology 低啫，揀d好樣o既人工受孕囉 , ...

我都覺得你平時係來無排卵性月經, 量體溫表, 有排卵的話, 表道真係睇得出有高低溫變化. 再加上你老公丁丁形態低=不正常精子應該係成孕唔到, 所以機會又細啲.
正如網友所講, 老公就易搞啲, "洗精"就得, 揀啲靚; 你就要搞好排卵, 通常都係口服或注射藥物. 其實個醫生提議做IUI都係咁上下原因, 因為做IUI都係會check你幾時排卵, 之後放(洗完既)精.

我係你, 就一定會排埋政府, 因為睇不孕實在太貴.

私人傳訊

積分: 11748

44^#

發表於 12-1-5 00:34 |只看該作者

回覆：joygigi 的帖子

我覺得你可能無排卵....醫生無同你研究你有無排卵? 至於c6 丁丁morphology 低啫，揀d好樣o既人工受孕囉 , 大前提你都有粒靚卵囉

私人傳訊

積分: 6114

43^#

發表於 12-1-4 23:54 |只看該作者

回覆：torotoro 的帖子

我有驗埋FSH的，但睇報告時，醫生只話我E2高，又無講其他，當時我又乜都唔識，又未認真了解過，所以無多問，但我要六月先見醫生呢！所以先上黎問一下呢

但如果要六月前再睇，又要俾多千幾蚊

私人傳訊

積分: 6114

42^#

發表於 12-1-4 23:48 |只看該作者

回覆：joygigi 的帖子

bbt即係基礎體溫，我一直都有做，因之前婦科叫我量，但結果係好亂，睇唔到明顯走勢，我近日去睇不育醫生，佢睇都唔睇，話好耐無叫人量。另外我又有用紅d，但無見過超深線，但約有50%左右深

私人傳訊

積分: 6114

41^#

發表於 12-1-4 23:39 |只看該作者

回覆：torotoro 的帖子

請問什麼叫bbt?

私人傳訊

積分: 11748

40^#

發表於 12-1-4 22:57 |只看該作者

回覆：joygigi 的帖子

我反而奇怪你竟然m準... 如果量bbt對你唔會構成壓力的話，你不如認真及正確地量番兩三個cycles, 睇下有無biphasic pattern(代表多數有排卵), 順便睇follicular phase同luteal phase有幾長

私人傳訊

積分: 11748

39^#

發表於 12-1-4 22:46 |只看該作者

回覆：joygigi 的帖子

我係話可能....各種荷爾蒙關係緊扣，你做的test無驗埋FSH? FSH會用做卵巢功能指標，但由於你E2高可能會抑制左真正FSH量..... 我無講FSH"整出卵子"，係"招聘"卵子, FSH越高代表越黎越少卵子黎應徵(個腦見少卵子黎見工就會用多d FSH去做招聘).....而你實情係點真係醫生先可以話你知，我只係講theory, 網上任何路人甲都唔可以憑你果幾行字話你知你乜事...你有機會再見專科時問清楚啦

唔知你平時食乜，但一般普通飲食唔見得對hormonal balance有明顯影響

私人傳訊

積分: 6114

38^#

發表於 12-1-4 19:51 |只看該作者

回覆：torotoro 的帖子

謝謝你！非常詳細，明白多了！
但你說卵巢功能有問題，即係唔係卵子質素差的問題？FSH低（因你說係與E2相反關係）係咪表示我會少左卵子？因為你說FSH會整出卵子。唉！好灰！係咪我應該食少些冇激素的食物？

私人傳訊