我之前喺家事嗰版出過個post關於整坐廁及洗手盆, 冇幾耐有位會員pm我 (我唔打算開名, 想知既請pm我), 我見呢位會員經常出post解答有關廁所維修既問題, 相當熱心, 同埋佢話自己喺馬灣有舖, 於是就揾咗佢上嚟整...
個洗手盆係整好咗, 但係個坐廁整到一半就話好難整, 入面條管唔啱, 要第二朝一早上嚟再整 (但係佢已經整到我個廁所沖唔到水). 另外我個廁紙架都爛咗, 佢話幫我地買過個, 第二朝一齊整埋. 結果佢就收咗洗手盆維修費, 另外收多咗我$150 ($100廁紙架錢+50坐廁訂金).
本身講好咗尋日一早8:30-9am上嚟整, 點知等咗成朝都唔見人, 打極電話都飛落voice mail. 中午左右c6好好彩揾到佢, 佢話冇帶電話, 會2pm左右上嚟. 好啦, 又等... 結果又係no show... 到今日為止個電話仍然係冇人聽, 個voice mail都爆哂... 結果我個坐廁到而家為止都未沖到水.
如果呢位會員有睇到此post或收到我既msg, 請你跟唔跟都覆我一個電話, 唔好搞到我唔知揾唔揾過等二個師傅上嚟好. 如果唔跟既話, 請你將你收多咗既錢退返俾我.
做人請有點責任心.
***跟進***
事件至今已經成個禮拜, 我同c6每日都有打俾佢, 而佢仍然堅持每次都飛落voice mail (但係我知佢有清voice mail, 因為個mail box次次爆完, 第二日又可以留言), 所以我相信我今次係的而而確遇上極不負責任的水電師傅(唔再係懷疑), 因此我決定開佢名.
請大家留意此會員 homemade . 我有check過呢個會員自事件發生以後都冇用呢個名上bk. 如有需要請pm我, 我再提供其詳細資料.
發表於 
整爛你啲野仲要收你錢
返回列表
