吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 作為一個60-70後的香港人好可悲

自由講場今日: 755|主題: 1359895

收藏本版

發帖

返回列表

跳至頁

查看: 10980 | 回覆: 209

作為一個60-70後的香港人好可悲

[複製鏈接]

12 3 4 5...11

Pulmma

水晶宮

積分: 64499

馬年勳章 2024年龍年勳章好媽媽勳章

1^#

發表於 12-2-1 17:31 |只看該作者 |正序瀏覽 |打印

由我懂性開始, 我就知我地頂頭老細係英國人, 參加比賽WIN 咗係播英國國歌, 但偏偏我地係黃皮膚. 心中個份矛盾, 由出世至97年前都存在. 令我我地沒有安全感, 只好靠自己. 97前, 讀書無國民教育, 完完全全冇提早比我地認定自己係中國人咁就回歸咗, 甚至冇根的感覺. 更談不上愛國.

97年後突然要我地愛國, 唔愛國就係狗, 有法制係因為我地欠揪, 唔講國語就係狗. 唔鐘意國內人又係狗, 係英國人面前係狗, 係中國人面前係狼. 唔收雙非我地有問題, 比人搶奶粉, 搶高樓市, 租金, 係應該? 本地人沒有消費的地方, 周街都係一式一樣的舖頭, 金舖, 藥房, 電器舖, 一條廣東道的名店比巴黎香榭麗道還要多. 即使想消費, 只要你係講廣東話, 唔係有人招乎你, 食同一大集團的快餐店, 加價都冇選擇, 呻下比人話大反應. 這個城市不是步向死亡是什麼???

不是死懷念過去的安寧, 事實上, 你地有冇發覺E幾年, 街上多咗好多乞衣, 和尚, 斷手斷腳, 阿媽抱BB係垃圾桶側邊乞錢??? 就算係我阿媽個年代都冇咁多.

我. 無論去到度個國家, 當地人問我: U COME FROM CHINA???? 我都唔知點解我好自己會走去更正: I CAME FROM HK!! 係條件反射咁去講. 心中個一刻第一時間想話比人知I NOT CAME FROM CHINA!!! 我是狗嗎??

我. 好可悲, 上年四月去英國玩, 走到LONDON 大街, 有種說不出的激動, 好似返咗鄉下咁, 見到郵筒, 忍唔住去摸下. 我個女, 12YRS, 唔明我點解郵筒都好摸, 仲摸得咁興奮. 我真係說不出. 走在LONDON 不去發狂去找可以退稅的名牌手袋, 而係專道走去白金漢宮去找英女皇頭像的記念品. 可悲嗎, 作為一個黃皮膚的人, 竟然想當殖民地的一隻狗, 也不想當強國中的人. 可悲嗎?????? 我覺得自己好可悲又可憐!

無論母國多強大, 我仍然無法代入, 是我是錯嗎??? 一個國家15年, 仍無法令大部份人去應同自己的身份, 無法令自己的國民去愛國, 去包容自己國家所有的優點同缺點. 咁係咪我地錯??

點評

lok1503 中國　－　家中的不肖子．不肖子劣積斑斑, 但...

發表於 12-2-2 16:18

titanlow 我都好認同...常常想uk管番算數...: p 發表於 12-2-2 11:49

matoba x1000000 發表於 12-2-2 11:29

janetlam74 我........同你一同有這感受!!!我媽媽就算讀書少,佢都係聽英文歌大架! 發表於 12-2-2 08:32

dlp38 好有同感!!!!係歷史令到我們這樣身心受創!!! 發表於 12-2-2 01:08

zarara188 佢地不斷灌輸 D 國民知識比我地... 教我地愛國! 哎! 發表於 12-2-1 21:46

潘高壽講真,我投入唔到囉 ! 發表於 12-2-1 20:27

c朗媽要我地如何代入自己是中國人呢?????? 發表於 12-2-1 19:54

c朗媽覺得可悲的是以前和平的香港不在, 現在的香港給人又亂, 治安又差的香港發表於 12-2-1 19:53

for987 以前唔會覺得自己係英國人,依家唔會覺得係中國人,一直覺得自己係香港人! 發表於 12-2-1 19:22

awah112 是因我地接受殖民敎育長大發表於 12-2-1 18:57

芝達唔同意你用「可悲」呢個字眼！發表於 12-2-1 18:39

ccsccs

發表於 12-2-1 18:27

conniechan125

發表於 12-2-1 18:11

gk678 係英國人面前係狗? 係咪諗多左? 發表於 12-2-1 17:52

newbiee

你講嘅都係我心中所想及感覺.

真係好可悲發表於 12-2-1 17:51

0 5 0

私人傳訊

EVA222

禁止訪問

積分: 81485

210^#

發表於 12-2-3 09:58 |只看該作者

提示: 作者被禁止或刪除內容自動屏蔽

私人傳訊

淚城堡

子爵府

積分: 13126

209^#

發表於 12-2-3 01:13 |只看該作者

回覆：作為一個60-70後的香港人好可悲

私人傳訊

Yan801

大宅

積分: 3935

208^#

發表於 12-2-3 00:55 |只看該作者

回覆：作為一個60-70後的香港人好可悲

講得好好！

私人傳訊

WChan

水晶宮

積分: 71007

2025勳章蛇年勳章牛年勳章 hashtag影視迷勳章

207^#

發表於 12-2-3 00:03 |只看該作者

本帖最後由 WChan 於 12-2-3 00:04 編輯

Pulmma 發表於 12-2-2 21:11
我仲有打不死的精神咖！可恨係e+依一代冇咗咁。你的回覆令我反思，但我思想仍舊會同人講我是香港人！

我都仲有打不死既精神架, 我自己覺得相比時下既年青人我仍然係肯捱肯搏肯蝕底, 所以總算不愁生活.

但係自問同上一代比, 我就好慚愧, 我嫲嫲, 媽媽佢地, 師奶仔靠串膠花, 整假髮, 可以儲埋唔少錢, 仲要係照顧得屋企妥妥貼貼, 我媽媽後生返工, 每日都由油麻地行路去到尖沙咀, 唔會坐車, 因為要慳錢. 佢日頭返完工, 返屋企食兩啖飯又出去補英文, 都係想將來生活好D, 一有空閒就串膠花, 佢地唔會浪費時間, 工作效益真係比我地高幾倍.

時勢當然會影響我地既生活, 但最重要既因素都係自己, 你用咩態度去生活就自不然得到返咩既生活. 如果生活只有怨懟, 憎恨, 厭惡, 咁蝕底既一定係自己.
...

私人傳訊

nainaitze

珍珠宮

積分: 44184

2018復活節勳章

206^#

發表於 12-2-2 22:47 |只看該作者

WChan 發表於 12-2-2 20:42
咁點解依家又唔可以亞q d? 唔可以有打不死既精神? 如果父母可以唔理鄉下好唔好都視之為根, 我地又點解唔可 ...

認同你所講,尤其係最尾呢段
香港以前之所以成功係因為我地上一代人人都自食其力, 一個人做幾個人野都無怨言, 但新一代, 個個驕生慣飬, 蝕底少少都唔肯, 試問咁又點可以繼續維持我地自己既優勢呢.
喺大家(包括我都係)都好討厭d破壞緊香港嘅蝗蟲嘅同時,更值得我哋反思............

私人傳訊

nainaitze

珍珠宮

積分: 44184

2018復活節勳章

205^#

發表於 12-2-2 22:37 |只看該作者

uoaccf 發表於 12-2-2 20:32
唔滿意內地,唔代表我會覺得英國好或者懷念英國.英國人響我地度掠左幾多水先成立廉政公署,當年要我地做第一 ...

講得好好

私人傳訊

Pulmma

水晶宮

積分: 64499

馬年勳章 2024年龍年勳章好媽媽勳章

204^#

發表於 12-2-2 21:11 |只看該作者

引用：Quote:Pulmma+發表於+12-2-2+15:00+早期英

原帖由 WChan 於 12-02-02 發表
咁點解依家又唔可以亞q d? 唔可以有打不死既精神? 如果父母可以唔理鄉下好唔好都視之為根, 我地又點解唔可 ...

我仲有打不死的精神咖！可恨係e+依一代冇咗咁。你的回覆令我反思，但我思想仍舊會同人講我是香港人！

私人傳訊

kkttssng

侯爵府

積分: 23465

玩具勳章畀面勳章 wyeth冷知識勳章環保接龍勳章大廚勳章 BK Milk勳章

203^#

發表於 12-2-2 21:01 |只看該作者

回覆：作為一個60-70後的香港人好可悲

所以我決定左移民！

私人傳訊

uoaccf

男爵府

積分: 7692

202^#

發表於 12-2-2 20:51 |只看該作者

2BMa 發表於 12-2-1 18:33
我對英國又不致於要連郵筒都攬住黎懷念，雖然英國都係香港搵到唔少野，不過我知道如果沒有她的管治下，可能 ...

冇得咁如果呢.d人成日話,如果唔係香港係英國殖民地,我地會經歷文革呀,好慘呀.但諗真,如果當初唔係列強欺凌我地國家,而係將佢地既民主文明介紹比我地,紅色思想可能唔會落地生根,後來亦都唔會有紅色政權.

私人傳訊

WChan

水晶宮

積分: 71007

2025勳章蛇年勳章牛年勳章 hashtag影視迷勳章

201^#

發表於 12-2-2 20:42 |只看該作者

Pulmma 發表於 12-2-2 15:00
早期英國佬對我地唔好，阿q D，唔係多得佢欺壓，唔會有當時的hk打不死的精神。父母個代大多走難來香港，故 ...

咁點解依家又唔可以亞q d? 唔可以有打不死既精神? 如果父母可以唔理鄉下好唔好都視之為根, 我地又點解唔可以視中國為根, 唔係要你愛個政府, 但國家始終係我地既國家, 上面既中國人又真係我地既同胞. 可以幫英國佬開脫點解又唔可以體諒下自己既國家呢.

坦白講我都勁憎d無禮貌, 攞著數既同胞, 但中國咁大我肯定咁講唔係全部都係咁既人, 佢地當中都有好人, 有有教飬, 有學識, 有抱負, 對世界有貢獻既人. 我覺得我地都要公平d, 勁鬧蝗蟲之餘都唔可以抺殺中國人都有好出色既人, 唔係鬼佬咩都好.

香港以前之所以成功係因為我地上一代人人都自食其力, 一個人做幾個人野都無怨言, 但新一代, 個個驕生慣飬, 蝕底少少都唔肯, 試問咁又點可以繼續維持我地自己既優勢呢.

點評

uoaccf

發表於 12-2-2 20:45

私人傳訊

uoaccf

男爵府

積分: 7692

200^#

發表於 12-2-2 20:32 |只看該作者

唔滿意內地,唔代表我會覺得英國好或者懷念英國.英國人響我地度掠左幾多水先成立廉政公署,當年要我地做第一收容港,到而家聯合國條數都未找晒,同中國傾唔惦數第一時間諗橋取消香港人既居英權.而家我地有d惡果,根本係殖民地時代留低既,例如高地價政策,例如太依賴金融業,例如行街紙,例如冇民主.我倒返轉覺得,應該係英國懷念返香港對佢地貢獻幾大,當年養左幾多英資公司,幾多英國人,有幾多個殖民地可以比佢咁有面咁撤退,佢地當年已經係明日黃花.
香港有今日,係幾代人辛勤既結果.當年一樣有劏房戶,當年排公屋排佢十年八載,當年後生仔畢業係諗要比家用屋企,等阿爸阿媽唔好咁辛苦,唔係諗點解政府唔幫我搵屋,等我有私人空間.而家有d人,開口埋口問你點幫我,或者幫左佢又話小恩小惠,剩係講權利,從來唔講責任,我覺得呢個仲悲哀.