本帖最後由 大力大力 於 12-2-22 17:52 編輯
話說星期五夜十時多, 阿女 (8歲) 話想嘔，拿拿林拿左個小盤，即嘔左一大堆飯餸，見到比左少少溫水佢飲，跟住一小時後又嘔多兩次，由於第一次嘔不需要食藥，一般嘔左就無事，但三次就比左止嘔藥阿水食，半小時又嘔反出來，兩小時後又再比又嘔..........
到第二朝同她去睇家庭醫生，同他講反之前請況，佢開左塞肛止嘔藥及退燒藥，自於這醫生星期六下午休息，己問定如果食左止嘔藥唔得怎麼辦？佢話入急証室，塞左第一次肛，飲 dd 水又嘔，塞左第二, 第三次都嘔，到晚上十時多共嘔左成十次，決定同佢之依利沙伯急証室..........執定留院物品！
11:15PM 坐的士到達，立刻登記 $100！
見到係...................
.................人山人海
..............告示版打出！
緊急等候時間 60 分鐘
次緊急等候時間 400 分鐘
非緊急等候時間 480 分鐘
在我登記前面，兩疑似母女 60歲 + 80歲 一個話係綜援，同時睇急証？ (好明顯濫用, 等陣再講)....... 
11:18PM 叫名到分流站, 同係姑娘講返過去 24 小時情況, 佢叫我們入到等見醫生！
11:45PM 等左 25 分鐘，醫生睇左一輪以前電腦記錄，問左一輪，叫立刻去照 X Ray 及留 小便化驗 !
12:10PM 照完 X Ray (好快)
12: 25 PM 留左小便
12:50 PM 再叫名入去見醫生......話 X Ray 無問題，小便都無問題，問我地可以選擇回家照塞肛，或留院！ 我問 如果明天都嘔是否見直接入院？佢話唔得，要重頭再排！甘我話入院啦！ ~~
1:00 AM 辦入院手續 ! ( 之前出門口前，己執齊衣物 !)
1:30 AM 醫護助理帶上兒童病房！同佢講開，佢話好多人頭痛，胃痛，小小事都入急証室，好濫用！
1:45 AM 兩個護士, 問問題，磅重.........安排左間單人房！
2:15 AM 註房醫生睇阿女，話要吊鹽水，驗血，驗大小便........
2:45 AM 兩個護士 + 醫生 同女打豆豆, 抽血！
2:55 AM 反房，護士留低一瓶電解水叫阿女飲，工人留低，有幾張椅打橫訓，老婆第ニ朝 九時接班，見巡房... 主診醫生！
星期日
早上老婆接班，工人話早上 7 時及 8 時飲過水無嘔！十一時見醫生，今日都有飲少少水，食左 D 希粥，都無嘔，但有無咩精神！
星朝一
可能今天都未比出院！
剛老婆打黎，話下午或明天出院！！
到我輪班，醫生話可以出院，4/04 2:309 AM 入 6/02 7:00 PM 出，佢低計一日收左....$ 50 元
我詳細寫出來，希望可以比到多 d 媽咪知，小朋友有病時應該怎麼樣處理，我多年經驗，政府醫院，對於小朋友係比較緊張 d , 同比較容易收入院，但要做左第一步先, 係睇左家庭醫生，真係唔得，才好送入急証室！
那晚真係好多人, 小朋友佔 10%，老人家約 30%，好多年青及中年人，有幾對年青人仲好似入去拍拖, 有講有笑，真係唔好濫用急証室！！
~~~先感謝各位的留言慰問 ~~~
.
大力理財篇 之 子女理財！
http://www.baby-kingdom.com/forum.php?mod=viewthread&tid=3868590&extra=page%3D1
買基金真係好傷
http://www.baby-kingdom.com/forum.php?mod=viewthread&tid=3294843&extra=page%3D1
發表於 
返回列表
