香港18區媽媽會 今日: 0 | 主題: 156974

積分: 495

1^#

發表於 12-2-23 16:59 |只看該作者 |正序瀏覽 |打印

21/2 仔仔放學面仔紅哂..問發生咩事..佢話比英文老師用手打了5下面...用筆袋打了一下面...跟住當日去學校了解....副校長同班主任話會跟進...明天(22/2)會給我回覆...但等到22/2 下午3:45唔放心打去問班主任...佢話唔係佢in charge, 佢唔可以答我...咁我繼續等...到17:45再打去...負責既老師巳經走左...另一副校听...佢話會再了解事....再23/2回覆我...真係好奇怪...是小事一則嗎? 没人關心一樣...好吧...我再等....今天23/2 9:30副校長再回覆...因為小朋友naughty所以另老師一時失控用筆袋拍了一下面....感到好奇怪....因為小朋友有兩個...兩個面仔都咁紅....是輕力拍一下嗎? 23/2 12:30 再找校長.....他說再了解一下...又打比我...說老師是有用手打佢地幾下面....都道歉了....應該原諒嗎?

0 0 0

私人傳訊

maymayng1234

別墅

積分: 590

106^#

發表於 12-3-22 22:52 |只看該作者

回覆 Catng1001 的帖子

能夠大事化小, 小事化好, 是一種藝術, 需要很高的EQ同思維

我個人真係覺得小朋友既成長先至係最緊要, 至於係咪要公道, 要懲罰老師, 如果係我, 我真係會放在後面.
我諗個個媽咪都會把子女放第一位.

我支持樓主的決定, 這個決定, 當然非一個面面贏既決定, 但卻係在不好彩中將負面影響減至最小既決定

人生, 原本就充滿不公道, 挫折, 教小朋友點去面對這些, 先至係扶助佢成長.
下下父母挺身而出, 幫佢地擋, 公主王子病就係咁黎
何況, 佢真係有做錯, 只係懲罰重左10倍, 趁機會教佢以後要留心, 如果.唔係又俾老師罰

係呢, 我想8下, 你小朋友之後聽書有無比以前留心左?

私人傳訊

Catng1001

積分: 137

105^#

發表於 12-3-16 01:16 |只看該作者

回覆：lazydog143 的帖子

好佩服你，做了很多。由小朋友的心理至各方面的意見及現實條件都細心分析，我真的學了很多。最開心的是，你的仔仔夠硬淨，唔開心的事唔會放係心到，有D大陜風凡。

私人傳訊

積分: 495

104^#

發表於 12-3-15 12:42 |只看該作者

回覆 Catng1001 的帖子

其實呢個決定我都知道有好多爭議, 我同仔仔都傾过...我知道佢內心没有唔開心, 咁我又唔想佢要轉d無咁好既學校(當然依家都算不上很好), 但最少我知呢度派位好d...., 同埋我都知道佢果班仲有一d用心教佢既老師, 我同过佢班主任同數學老師傾过計, 佢地都算ok同好關心我小朋友...所以都比仔仔試試...比多次機會大家..好多謝大家比咁多意見我....真係希望仔仔平平安安...有個開開心心既學校生活....而幾十年后...我唔會後悔做呢個決定吧~~

私人傳訊

Catng1001

積分: 137

103^#

發表於 12-3-14 00:53 |只看該作者

回覆：lazydog143 的帖子

多謝樓主的分享，雖然學校係元朗數一數二，升bank one中學又容易D，知道這個消息，將來我唔會幫阿仔報讀。
第一掌摑是不能接受，精神科護士說的，我亦試過被精神病人摑過，當時的難受，現在仍隱隱作痛，我是個成人，何況是一個小朋友。
第二是一個㜢錯㜢犯的老師，能夠教好孩子嗎？孩子學了他的行為，怎樣？學術重要，但良好行為才是人生路上不可或缺。今天你的孩子得了人情，逃過往後的大難，但如此無理的行為，卻每天在課堂上上演。
第三縱容惡行的學校，或者該老師與學校高層關係千絲萬㜢，不然怎麼會有得留底。
第四上文提過精神病人才會掌摑他人，該老師像一個打老婆的男人一樣，是病態，道歉是一個渠道可以令他下一次再打。
你放心嗎？
我都是住元朗，唯有努力D儲$，中四之後讓孩子出國，好讓他有個快樂童年，讀一些快樂又簡單，精神健康的學校。

私人傳訊

christinefh

侯爵府

積分: 20558

好媽媽勳章畀面勳章

102^#

發表於 12-3-7 17:55 |只看該作者

lazydog143 發表於 12-3-7 10:36
回覆 HugoBBMa 的帖子

所以我咪話其實係咪習慣罰出去架? 其實個老師係咪忠實架? 唉...等我一陣試下問下班 ...

lazydog: 但全級第一都係我地班喎 !

私人傳訊

積分: 495

101^#

發表於 12-3-7 10:36 |只看該作者

回覆 HugoBBMa 的帖子

所以我咪話其實係咪習慣罰出去架? 其實個老師係咪忠實架? 唉...等我一陣試下問下班主任先...聽書真係好緊要呀?　連聽既機會都無．．．咪即係唔係有教無類．．．咁樣對小朋友太唔公平．．．ｈugoBBma, 你發唔發覺我地班既平均成績比其他班係差ｄ呀？佢地就算班名次好前....級名次都係好後架....你覺得呢班d老師ok嗎?

私人傳訊

HugoBBMa

積分: 1693

醒目開學勳章

100^#

發表於 12-3-7 05:19 |只看該作者

lazydog143 發表於 12-3-5 11:17
回覆 HugoBBMa 的帖子

HUGO BB MA: 我同过果個老師傾計...因為仔仔成日同我講老師罰佢出門口, 我果日同老 ...

就係我仔比佢罰左出門口企搞到返到屋企都唔知英文要做咩功課!!

私人傳訊

mingming_yip

積分: 2632

99^#

發表於 12-3-5 19:18 |只看該作者

引用：叻ge小朋友,去邊度讀都會叻使咩靠學校雖然

原帖由 701003 於 12-03-03 發表
叻ge小朋友,去邊度讀都會叻使咩靠學校
雖然你助紂為弱,但我都祝你小朋友前程一片~~光明:m ...

X 2

私人傳訊

wendy_jed

男爵府

積分: 6526

98^#

發表於 12-3-5 11:49 |只看該作者

回覆 lazydog143 的帖子

我囝囝响另一間小學讀小三, 我只係"想當年"响你囝囝的學校都有體罸經驗~

所以就算你果間係我地校網的名校,AND父母响學校畢業有多D分, 但小一派位我都無幫囝囝選LEE間"名校".......

點評

milk2008hk

發表於 12-3-14 10:56

私人傳訊

積分: 495

97^#

發表於 12-3-5 11:17 |只看該作者

回覆 HugoBBMa 的帖子

HUGO BB MA: 我同过果個老師傾計...因為仔仔成日同我講老師罰佢出門口, 我果日同老師傾...老師話一年先最多罰幾次小朋友出去門口, 但係我問过其他家長, 個個都話係企出去既, 咁樣我好擔心佢听唔到書呀, 我接受罰企但係听唔到書就唔係幾好....老師仲話佢係門口可以"裝"入去听....係咪真架? 係咪真係視線範圍架?? 真係唔知老師係咪講大話握我既....好似好唔match呀....

私人傳訊

積分: 495

96^#

發表於 12-3-5 11:00 |只看該作者

回覆 mingming_yip 的帖子

其實呢半年都係我再好好咁睇呢間學校, 如果真係唔ok, 我唸我都會試下小二同佢轉, 起碼好頭好尾, 同埋都唔想新學校係因為呢件事而轉....我想係半年時間好好留意佢, 對小朋友對學校老師都公平 ^^

私人傳訊

積分: 495

95^#

發表於 12-3-5 10:55 |只看該作者

回覆 wendy_jed 的帖子

你小朋友都是小一嗎? 是同班嗎?

私人傳訊

Mandy1021

積分: 2556

94^#

發表於 12-3-3 20:58 |只看該作者

回覆：學校confirm老師打了我小朋友的面幾下...應該點做呢?

現在只是一年班，轉校又點會難適應呢？剛剛升小一也是新階段，一樣適應到啦！這位老師已經不是第一次，有家長話佢又扭耳仔，我覺得應該要正面d處理囉，咁樣原諒左佢，佢只會繼續向其他同學體罸，比我一定唔可以算數，為下其他小朋友又好，為自己個仔女也好啦！

~I Love U~

私人傳訊

701003

水晶宮

積分: 62643

畀面勳章

93^#

發表於 12-3-3 17:59 |只看該作者

叻ge小朋友,去邊度讀都會叻

使咩靠學校

雖然你助紂為弱,但我都祝你小朋友前程一片~~光明

點評

milk2008hk

發表於 12-3-14 10:55

G.CHAN

發表於 12-3-10 10:00

私人傳訊

setyawan

積分: 1883

92^#

發表於 12-3-3 14:19 |只看該作者

噢，我都係元朗區.......

樓主決定左就算了，你選擇得必然已考慮好多因素，反正如想轉校，幾時都得，暫時相信無危機，都唔急於一時。

不過，我好建議開名，唔係要數臭學校，而係公眾監察，她仲有冇下次，bk媽媽收風一定知道，咁先知她有冇重犯。如果唔係，呢間學校同老師，重犯左都只會收收埋埋，唔想人知，不過，世界變了，公眾監察，等大家可以有選擇。

坦白講，她的行為應該一早上報紙，而家淨係bk開名咪叫放她一馬囉！

私人傳訊

HugoBBMa

積分: 1693

醒目開學勳章

91^#

發表於 12-3-3 00:28 |只看該作者

呢個英文老師好衰架我個仔試過比佢扭到隻耳仔紅晒之後罰左係出面企我仔返黎就話唔識做英文功課我仲話佢做乜上堂唔聽老師講點做返黎又唔識做佢之後先同我講比英文老師扭耳仔同罰左係出面企冇得上堂之後我打返學校了解左原來個同學仔同我仔上堂係到講野所以比佢罰我見呀仔隻耳仔冇乜野我先算咋估唔到佢仲出手打小朋友塊面真係好過份..

點評

milk2008hk

發表於 12-3-14 10:54

私人傳訊

mingming_yip