本帖最後由 180 於 12-3-4 23:46 編輯
羊棧嘩鬼樂園~之~第十六回
牛奶布丁
材料：(大約3人份量)
北海道特選3.6牛乳 350毫升
(普通牛奶都OK, 我試過用朱古力奶都好好食)
砂糖 35克 ( 2.5 table spoon)
淡忌廉 150ml
魚膠粉 7克 ( 2 tea spoon)
水 15克 (1 Table spoon 多小小)
做法：
1. 魚膠粉用水開勻，用熱水坐溶。
2. 牛奶和砂糖用小火煮熱，但不要煮滾，只須將砂糖煮溶即可。
3. 砂糖溶化後熄火，倒入魚膠粉水拌勻。
4. 加入淡忌廉拌勻。
5. 用茶隔過濾，注入容器內，放進雪櫃(普通格)冷卻至凝固。
(冷藏溫度為4度，一般冷藏約兩小時已凝固)
【小貼士】
1.緊記魚膠粉必須用凍滾水開勻，不可用熱水開勻，開勻
後坐熱水才會溶，否則會結成一舊舊
2.此食譜的魚膠粉份量可隨個人喜好而有所增加，因為此
份量製作出的布甸好軟滑，但亦有朋友喜愛較有口感的布
甸啊~
3.用北海道奶製作的布甸奶味濃郁，不習慣重奶味的朋友，
可改用其他全脂牛奶代替啊~
______________________________________________________________________
日式面豉醬 份量依人數而定 (4 人份量)
材料:
急凍三文魚頭一個
豆腐一專
蘿蔔一條
日式面豉醬3湯匙 (依個人喜好而定)
蔥花 炸蒜蓉 (依個人喜好而定)
做法:
1.將魚頭洗淨切件,
2.蘿蔔刨皮, 洗淨切片, 約 1 cm 厚
3.在一個鍋裡(砂鍋更佳)將日式面豉醬開水煮滾及放下蘿蔔
4.另一邊,將油燒熱後用薑片煎香魚頭, 猛火煎至7成熟(雙面)
5.然後撈出,將油滴乾後放入面豉/清湯中蓋蓋中火煲30至45分鐘
6.最後加上蔥花 炸蒜蓉等(如喜好的話)
________________________________________________________________
芝士波
材料：(此份量可做16個芝士波)
糯米粉 110g，
木薯粉 15g，
芝士粉 50g，
蛋1隻，
牛油(己溶)3湯匙，
牛奶70ml。
鹽 少許
做法：
1. 蛋拂勻，牛油用微波爐丁30秒(也可座溶牛油)。
2. 先將糯米粉、木薯粉、芝士粉倒入大盆中拌勻。
3. 再加入蛋拌勻，跟住加入牛油拌勻。
4. 最後加入牛奶，要加入2/3牛奶，再看粉糰嘅情況逐少加入或減少。
5. 可用磅將粉糰分成20g一份，搓圓成一粒粒。
6. 放入以150度預熱的焗爐中，以170度焗15-17分鐘。
__________________________________________________________
水晶包(大約15-20粒)
奶黃餡材料:
粟粉: 35g
吉士粉: 10g
鮮奶: 70ml
蛋黃: 一隻
砂糖: 60g
牛油: 25g
水: 50ml
餡料做法:
1. 將粟粉同吉士粉混合, 加入鮮奶。
2. 用水煮溶砂糖及牛油, 加入(1) 粉漿水及蛋黃。
3. 以慢火煮, 一路煮一路搞, 慢慢就會凝固, 待涼。
4. 將奶黃搓成小粒, 備用。
水晶皮材料:
生粉 (木薯粉) *: 80g((木薯粉又即係泰國生粉, 但唔係鷹粟粉。))
澄粉* : 80g ((原來係街市d人係叫“鄧”粉, 叫澄粉係冇人知係咩尼架。))
超滾熱滾水: 240 ml (唔好用熱水壺個d, 唔夠熱架, 要煲滾到好多泡泡個d先夠滾。)
砂糖: 30g
生油: 小許
水晶皮做法:
1. 將生粉及澄粉過篩混合。
2. 加入熱滾水攪勻, 分兩次加入糖。
3. 搓成粉團後, 加入生油搓勻。呢個時候, 團粉仲係好熱, 好黏手, 待粉團冷卻後就冇咁黏, 亦可查小小生粉係手上, 都冇咁黏。
4. 粉團分成小份, 包上奶黃, 搓成圓球。
5. 將碟查一層薄溥既油先, 才放搓好既水晶包, 咁就唔會黏住隻碟。
6. 用大火隔水蒸10分鐘, 再熄火焗5分鐘即可, 完成後, 盡快享用, 因攤凍後d皮會硬。
____________________________________________________________
馬蹄糕
材料
馬蹄粉：250g
新鮮馬蹄肉：25粒（淨肉計）
黃片糖：340g (如怕太甜, 可落小D糖)
水 : 分開 400ml 及 650 ml兩份）
做法
1：馬蹄粉先用400ml水攪勻溶解成馬蹄粉漿備用。
2：馬蹄肉用闊身菜刀拍碎備用。
3：將黃片糖放入煲內加 650 ml水慢火煮溶，待糖水滾起後隨即將大約十份之一的馬蹄粉漿慢慢加入糖水內，以煮餸埋獻方式將糖水輕攪至稀糊狀，隨即離火。
4：大約等5-10分鐘，待糖水的溫度稍降後，便可以將所有的糖水以邊倒邊攪的方式慢慢加入馬蹄粉漿內。
5：最後將馬蹄碎加入馬碲粉漿內攪勻，然後分成適當份量倒入蒸盆內，水滾後以大火蒸約35分鐘，取出涼卻後用保鮮紙包好，便可以放入雪櫃保存，吃時將馬蹄糕切成片狀，加小許油，用慢火煎至兩面金黃，微焦帶脆，便成一款爽滑彈牙，金黃晶瑩的美味賀年馬蹄糕了。
貼士
1：一定要選用新鮮刨皮，爽口，夠甜及肉身雪白的馬蹄，不要購買現成已經去皮用水泡著的馬蹄肉，這樣做出來馬蹄糕內的馬蹄粒咬落才爽口好吃，而且乾淨衛生。
2：不要將剛煮好太熱的糖水急速加入馬蹄粉漿內，同時亦不能太快速的攪動，否則馬蹄粉漿便會起粒，不均勻，蒸出來的馬蹄糕便不夠幼滑了。注：一定要待糖水稍為降溫才可以加入馬碲粉漿內，因為製成品的幼滑度跟以上步驟有很直接關係。
3：蒸馬蹄糕時最好在蒸盤上蓋上一層保鮮紙，並且要將保鮮紙貼著馬蹄粉漿，因為這樣便可以避免在蒸糕的過程中蒸氣水分滴在馬蹄糕上，這樣蒸出來的馬蹄糕便光亮滑溜，美觀吸引了。(呢樣我冇做, 個效果出尼都唔係好差)
4：如果在切好的馬蹄糕上樸上一層薄薄的生粉才煎，這樣煎出來的馬蹄糕便更香脆可口了。吃剩的馬蹄糕可以切成粒狀，加些蓮子，百合，紅豆之類的中式糖水材料，配以黑糖同煮，(馬蹄糕粒要最後才落）便成一款配搭新鮮的創意甜品了。
如晴報或任何記者刊登此留言, 必追究。因為我唔認為係度講就預左比人抄!!!
發表於 
發表於 
咩啫，呢度就泥一百嘛
唔考晒野
有頭有尾考啲
踏正拾異典
平樹只有禾有樹留唔到言
mouth:旦甘日出奇地正常啊
返回列表
