吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 大出血

懷孕前後今日: 1|主題: 330673

收藏本版

發帖

返回列表

跳至頁

查看: 4949 | 回覆: 40

大出血 [複製鏈接]

12 3

easyview

大宅

積分: 1879

1^#

發表於 12-3-26 11:24 |只看該作者 |正序瀏覽 |打印

宜家8week几，上個星期返工時突然流血，鲜红色的，即刻返屋企，返到去時，已好似开咗水喉，衛生巾都唔得，整條褲，腿，地下都係血，懗得我脚都軟，坐係梳化度呆咗。call我老公返來，他見到我整身都係血，他都呆咗，淨係講咗句，不如call白車了。最後，我都係搵私家去check，我有晒心理準備了，只希望流得干淨啲，但check完，醫生話bb ok喔，有心跳，size也正常，無問題喔。點解會甘？我唯一就係個肚唔係好痛，但好驚又會來多次，我宜家已經有啲失血過多的頭暈了，再來多次會頂唔住ge.

0 0 0

私人傳訊

allah

侯爵府

積分: 20913

41^#

發表於 12-3-30 15:02 |只看該作者

回覆 easyview 的帖子

冇辦法啦, BB最緊要
錢可以搵返, 安全健康最重要呀

私人傳訊

easyview

大宅

積分: 1879

40^#

發表於 12-3-30 15:00 |只看該作者

原本晤想再提睇政府醫院個的晤開心的經歷，但又忍晤住了。
個急診醫生係廣華醫院的，個個都話廣華的婦科好，但個急診醫生就真係極品。她個樣已經晤似醫生了，叫我入去時，我仲以為係幫手的阿嬸。她第一句問我，你有無做產檢ga？我話咁係有了，她問，邊度做啊？我話仁安做，她即刻顯出晤高興的樣，問咗幾句其他嘢，就話要我入院。因為我有個大B係屋企，又癡身，夜晚無我會喊到傻，同埋我知入院係無嘢可以做，除咗卑個的實習醫生用的鴨咀鉗搞來搞去，所以我同個醫生講，我晤入院，但我想照下，睇咁流法，個BB仲係晤係度。她好晤耐煩，大大聲話，你晤入院？自己負責喔！你係都要照，我就同你照。（我覺得她的意思係讓你死心都好）。她皺著眉頭，照了好久（我想她是找晤到位置），跟住不停地歎氣，我無失望的感覺，反而覺得會有好消息，果然，她照了一大輪，然後好惡的講句“有心跳”就轉頭走出去了，隔離個姑娘都覺得晤好意思，好輕聲同我講，你小心，慢慢起身。我反而覺得無乜嘢，可能覺得自己估計得啱同埋BB真係度而有小小開心，我諗如果BB晤係度，她一定晤係歎氣，而係哈哈大笑咁同我講，你個BB無咗啦！我出番去後，她同隔離個姑娘講，佢晤入院呀，卑佢簽名走人。跟住又同我講，你去揾番你仁安的醫生了，佢哋個個都有證書ge！我好愕然，心諗原來係我話係仁安睇醫生而得罪咗佢。但因為我想要假紙，所以就忍住條氣，又同佢講想攞假紙，跟住就被佢串，你星期六，日都要返工ge？我這時，已經忍無可忍了，簽咗張紙，同佢講咗句乜嘢態度啊就走出去，我不停同自己講，我已經作小產了，晤可以惱，要calm down。我諗再一次證明我揾私家係啱ge，撞正呢的醫生，BB未出世，已經被激死了，所以我第二次流血，打死我都晤去廣華，晤好彩再撞到佢，佢肯定開心死，我肯定嘔血死！

私人傳訊

jeannie_cheng

大宅

積分: 2012

39^#

發表於 12-3-30 13:21 |只看該作者

回覆 easyview 的帖子

邊間醫院個醫生態度咁差？

我第一胎流啡入QE急症室，個女醫生好好轉咗我去睇早期孕科再一嘢俾個一星期病假，我第二日無再流啡所以都只係放咗一日。到我上次小X就真係遇到八婆醫生(都係QE)，全程問問題審犯咁，個病人己經小x仲咁態度，真係不知所謂

，所以出院就寫信投訴個醫生，寫花佢個record都好。

點評

easyview 諗晤到可以投訴佢添，呢的無醫德的醫生，抵被人投訴！發表於 12-3-30 15:04

私人傳訊

sumq

大宅

積分: 1991

38^#

發表於 12-3-30 12:48 |只看該作者

我陀bb時, 都試過9weeks 大量流血, 好多條M巾都唔夠用, 我都打定輸數, 去到急症室, 個心驚都手軟腳震, 但醫生一照, bb心跳依然好強, 冇事....
佢幫我預約去政府再照下胎盤位置(因為而家積血, 佢係照唔到), 又叫我去私家再照下, 咁後來醫生都話bb好健康, 胎盤位置正常, 唯一最大可能係胎盤生長既位置壓到血管, 所以引致出血, 但無人知真正原因...
我自從0個次之後就冇再大量出血喇, bb而家都就係兩歲呢~~ 唔好太擔心, 休息多d啦

私人傳訊

chuchuting

大宅

積分: 1184

陪月勳章

37^#

發表於 12-3-30 12:24 |只看該作者

本帖最後由 chuchuting 於 12-3-30 12:30 編輯

回覆 easyview 的帖子

我都係頭2-3個月時見紅，我果有飲桑寄生呀，果時成日發夢，飲了2-3日後，瞓得好好哦。我懶D，只係拿一“搾” 桑寄生（約兩湯匙多D）加8-10杞子，煲10-15mins，加小小黑糖。

另外紅棗，龍眼暫時5好用，因為怕太燥，太行血，孕婦好易受5到。

私人傳訊

easyview

大宅

積分: 1879

36^#

發表於 12-3-29 13:13 |只看該作者

回覆 allah 的帖子

係呀，我要返工的，今次就是返工逼地鐵，到公司後就流血的。我住九龍，返中環，又搭巴士又轉地鐵又行一段幾長ge路，真係好辛苦。我抖咗一星期就返工了，好想辭職，但家人好反對，公司的hr policy又嚴謹，我宜家唯有搭的士返工，令到自己無咁辛苦，但一日來回差晤多300文，計條數一個月成6000文，真係好肉赤，但又無其他辦法。

私人傳訊

allah

侯爵府

積分: 20913

35^#

發表於 12-3-29 11:11 |只看該作者

你駛唔駛返工架? 如果要返工一定要請假在家休息呀
最緊要係休息呀! 好彩都仲有心跳, 應該冇問題的, 唔好咁擔心 =]

私人傳訊

easyview

大宅

積分: 1879

34^#

發表於 12-3-29 11:08 |只看該作者

回覆回覆:chuchuting的帖子

9w可以飲桑寄生嗎？仲可以瞓得好啲添呀？我宜家時而失眠，又食唔落嘢，真係好痛苦呀。

私人傳訊

easyview

大宅

積分: 1879

33^#

發表於 12-3-29 11:02 |只看該作者

回覆回覆:callyso的帖子

我宜家發覺如果有出血，流啡，正路的做法就應該係甘，睇公立一啲用都無，我記得我要求個急症室醫生开假纸卑我，她仲鬧我，你星期六日仲要返工ge咩(我係星期六睇急症的)，大佬哇，你唔係覺得流血作小產抖兩日就得啦，真係好嫐，睇完流得仲多

私人傳訊

chuchuting

大宅

積分: 1184

陪月勳章

32^#

發表於 12-3-27 17:17 |只看該作者

我之前都有作小產，不過無你地咁嚴重，果時我日日都煲桑寄生蛋茶，飲了個人晚上瞓得好咗，人都精神D。你可以試下。

私人傳訊

callyso

複式洋房

積分: 351

31^#

發表於 12-3-27 17:03 |只看該作者

我好同意出血西醫真的無野可以做，
我第一胎時，11周出血，好驚入了公立醫院，
排急証等了5小時、見到急症醫生，他們好忙好忙，然後話都係交婦產科跟進，給轉了幾個地方，收了入院已是深夜。說明早先檢查，要禁食禁水，一夜無眠。
折騰了一整日，無事都變有事啦，我到現在都好後悔。

今次我又在第5、10周出血，我先去了看中醫安胎，為求安心出血後約私家照下BB，返正入醫院，都只是照一照告訴你，一個結果。現在7個月了，中間無出血。好期待BB出世。