婆媳關係 今日: 0 | 主題: 27771

積分: 1923

1^#

發表於 12-4-2 06:07 |只看該作者 |正序瀏覽 |打印

琴日同C6一家飲茶，6299竟然又比說話我聽！想爆！

大囡11年8月出世，宜家7個多月大，現正再度懷孕三個月。兩年抱兩，本來我同C6都十分開心（又有少少擔心）！但經過琴日之後，開始越來越唔開心！

生大囡後，同99在湊女意見及其他生活細節上，開始有重大分歧（註：我係全職媽媽）。暫時仍未有正面爭執，但已經有少少口和心不和的態度，及已經傷害我和C6的感情！

今年1-3月（頭3個月），由於身懷六甲，加上自己全職湊大囡（剛剛食粥仔），我真的好疲倦。農曆新年後，甚少出街，頂多只係同C6到街市及超市入貨。每日除了湊囡，便瞓覺休息，根本無精神體力做其他事。

而99喺我心目中，係好錫我囡囡，但係好很煩既人。唔知乜嘢因素，令佢覺得自己可以控制我們仨。

1）由大囡出世到宜家，每日幾個call問c6及大囡既生活、成長！（我已經完全唔聽佢既電話）好似驚死我照顧囡囡不周！煩到嘔！我作為媽媽，當然有責任及樂意去用心照顧我的寶貝！唔使佢擔心！囉唆到暈！
（我的不滿：唔該比返啲空間我們仨，特別係囡囡宜家肥肥白白，健健康康！根本無需要過份關心！我想靜靜的安胎！）
（C6解釋：99出於關心，是善意的！）

2）農曆新年期間，好似要日日陪佢，又要咁又要咁！仲想私自安排佢細妹（C6亞姨）上黎我地新居擺年及參觀！
（不滿：裝修期間已經未經我地同意下，比佢細佬（C6上黎參觀！我都有大把親戚朋友要見的！自把自為！完全無尊重過我同C6！呢間屋係我同C6的，唔該分清楚！）
（C6：已經話咗99嘞。新年已經約哂人！我心諗：話既意思係？因C6非常淋善）

3）最終，新年仍有空間比佢知道我地在家休息（因為朋友探望完已走），我與囡囡瞓覺中，99堅持和姑9上黎探我地（見C6同囡囡）！
（不滿：99那種打不死精神，夠煩！6無我同意下應承比佢地上黎！）
（C6：99只想見下囡囡！註：明明3日前見過！）

4）農曆新年後，我和6到北海道旅行，婆婆到我家住湊囡囡。臨行前，99問我婆婆電話號碼是否一樣沒變。結果，婆婆新年期間轉號碼，我當然可透過妹妹找她。但99超煩，竟然打長途比我，我唔聽及通知C6！
（不滿：有乜事咁緊要，只係想見亞囡，就要煩到我同我媽媽！）
（C6：已通知99下次打比佢。）

5）某日，C6放工前打比我話99想上黎坐，有嘢比亞囡，同想探下亞囡。我話：我好倦，想休息，唔想比人打擾。C6無奈地拒絕99，但和我吵咗幾句。
（不滿：又自把自為，打擾大肚婆休息！）
（C6：應該比面佢喎！）

6）琴日，C6一家拜山，我應承和亞囡同6299、姑9飲茶。一坐低，6299齊聲話亞囡望到佢地眼定定，好似好默生。62好串咁話：成一、兩個月唔見，梗係唔認得啦！
（不滿：我有咗，一句問侯都冇，你點知大肚加湊囡有幾倦呀！加上亞囡呢段時間非常認人！最後，我唯有講：佢乜嘢人都唔認得！）
（C6：講者冇心，聽者有意。）

7）一早已經提醒C6，唔好立亂比佢地抱亞囡，因認人，易喊。食咗一陣，6借意幫我抱亞囡，其後，傳比62、再比99（亞囡已喊）、再比姑9，最終，只肯比C6，唔比我！
(不滿：唔想次次亞囡好似洋娃娃，比人傳黎傳去，仲喊！我最憎人咁做！同埋C6冇即時抱返亞囡，任人魚肉！只滿足6299、姑9的抱囡慾望。）
（C6：諗住亞囡ok，下次不會！）

其實，還有很多很多。所以，我想離開一下，靜靜地安胎。C6知道我任性，叫我唔好亂黎。但每一次見到佢地，我都唔開心，同C6吵鬧，好煩，可以點做？因為C6好似只係幫6299講好話，但實際冇保護我同亞囡。如果小B出咗世，可能煩上加煩！救命！

0 0 0

私人傳訊

方方媽媽

水晶宮

積分: 74328

50^#

發表於 12-4-5 20:05 |只看該作者

可能係懷孕中,心情唔靚啦.
其實,你99都無咩大問題,可能煩左少少.
你唔想應酬佢,咪乍病囉,連你C6都厄埋,但唔比佢單獨帶小B出街,話唔放心,咁咪算囉.
兩夫妻,無講傷感情啦.
手掌係肉,手背又係肉,佢都好難做架.

私人傳訊

Decmar

男爵府

積分: 5141

49^#

發表於 12-4-4 10:14 |只看該作者

回覆：Magnifique 的帖子

其實好少事啫。將心比已，你奶奶都係想見吓個孫啫。我覺得樓主都幾難相處

你唔鍾意佢地，佢地做咩你都覺得"銀＂眼架啦！

私人傳訊

奶油B

積分: 4328

48^#

發表於 12-4-4 09:23 |只看該作者

回覆：到底可以點做？

湊bb已辛苦，仲要大緊肚仲辛苦，樓主加油！

私人傳訊

積分: 18748

畀面勳章環保接龍勳章

47^#

發表於 12-4-4 03:57 |只看該作者

既然人地講既嘢,你可以逐點擊破,你根本無必要去問人地意見~~上得嚟論壇,必然有意見,有批評

私人傳訊

積分: 1923

46^#

發表於 12-4-4 01:47 |只看該作者

回覆：到底可以點做？

＂你為咗怕人地抱你個女,會整喊佢,所以唔比人地抱佢,＂

Btw，我唔會自己整喊個囡而唔比人抱。相反，佢地抱而令我個囡喊就唔好。佢地抱，亞囡冇喊，當然冇問題啦！明未？

私人傳訊

積分: 1923

45^#

發表於 12-4-4 01:37 |只看該作者

回覆：cotychan 的帖子

忍不住再回應。你個人經歷唔好套用在別人身上吧。相信每一對夫婦都有自己一套相處方式。無錯，我和C6在好多方面都需要互相通知、批准，兩公婆就係咁，如果唔係結婚意義何在？我又唔係提出單向要求，有乜問題？C6有時都會拒絕，唔通佢唔舒服，我又迫佢？我唔高興就係因為嗰次佢無問過我而比99及姑9上黎，佢地好鐘意吵醒bb比佢地自己玩。批評唔係意見！乜問可以點做等於被人批評！？我只想知雙贏方法。如果我自私，可以直情唔多見99啦，見佢多過見我媽媽。就算我C6都唔會咁講，有無男人去啞忍呀！係，C6佢比較唔識處理婆媳關係，但佢係一個愛家人的好男人，所以更加難去平息99同我（兩個至親）之間的矛盾。其實唔好喺別人的post到搞事啦！祝生活愉快！

私人傳訊

積分: 18748

畀面勳章環保接龍勳章

44^#

發表於 12-4-4 00:47 |只看該作者

Sammyan 發表於 12-4-3 23:27
我諗樓主都係想有d 私人空間，點解有d JM 搬出黎住都係唔想同99住，唔想受到99管制，但點知唔同一齊住情況 ...

唔打電話就直接上嚟,梗係有問題啦!而樓主係,佢99已經同佢老公講咗話要上嚟睇樓主老公&個孫,而樓主覺得,要經過佢既"批准",佢老公先可以比佢99上嚟.而且樓主喺佢既po入面,提咗好多次佢老公無經佢"批准"就"批准"咗佢99佢地上嚟.
你覺得你老公有必要嚟同你講"老婆,我亞媽想上嚟坐下,可唔可以呀?"呢樣嘢無問題咩?如果老公係話,佢想帶啲豬朋狗友上嚟睇波,就話要問下老婆鐘唔鐘意啫!嗰啲係老公既屋企人嚟架!你會唔會問下你老公,"老公,我亞媽想上嚟探我呀,可唔可以?"跟住你老公話,唔得喎!我覺得好攰,要休息!你又有何感想?

私人傳訊

Sunnn

男爵府

積分: 9543

43^#

發表於 12-4-4 00:27 |只看該作者

回覆：Magnifique 的帖子

最怕呢類男人~諗住要做好仔
無係女人立場睇過！
經常要自已老婆讓步！
我以前個老公就係咁結果
忍不下去結婚8年就分開

私人傳訊

Sammyan

積分: 4414

42^#

發表於 12-4-3 23:27 |只看該作者

回覆：到底可以點做？

我諗樓主都係想有d 私人空間，點解有d JM 搬出黎住都係唔想同99住，唔想受到99管制，但點知唔同一齊住情況都係一樣。同埋因為係99，所以只可以唔出聲，如果係自己阿媽就可以出聲講，竟然唔可以出聲，屈住就唔開心，而且樓主又唔係唔比佢99上佢屋企，有d JM 都呻緊99經常唔打電話就上佢屋企啦，甚至自己開門入屋，唔通呢d 又係新抱自私行為？我諗無人想自己屋企好似無掩雞籠咁掛。以上只係個人意見，不喜勿回！

點評

vanessamom 其實我都覺得雖然係錫孫女,但唔可以想點就點,要顧及新抱感受! 發表於 12-4-4 08:02

vanessamom 係自己屋企,想要有私人空間,係好正常啫,咁都有問題? 發表於 12-4-4 08:01

私人傳訊

mother904

翡翠宮

積分: 81240

畀面勳章

41^#

發表於 12-4-3 23:08 |只看該作者

我都唔like 99太煩太癡身，要求多多。

有好多事一開始就要講清楚，每個人都有自己既底線，你要同老公溝通清楚。

日日是好日

私人傳訊

smile_tiger

別墅

積分: 680

40^#

發表於 12-4-3 23:05 |只看該作者

我個時生左第二個就就無咁執著了，試試從奶奶同老公角度諗下會舒服好多，唔好係咁我想我想。。。

私人傳訊

smile_tiger

別墅

積分: 680

39^#

發表於 12-4-3 23:00 |只看該作者

從第三者角度來看，我覺得樓主緊張了，我兩個女都會成日比人抱，都要訓練下，而且，我也覺得其他媽媽也說得對，也中肯，你的題目是可以點做，但係所有都拒門外，咁不如唔好問算啦，呻下算啦

私人傳訊

積分: 18748

畀面勳章環保接龍勳章

38^#

發表於 12-4-3 22:51 |只看該作者

既意你都無打算去聽人地既睇法,你個標題,就唔應該用"到底可以點做?"

私人傳訊

積分: 18748

畀面勳章環保接龍勳章

37^#

發表於 12-4-3 22:49 |只看該作者

覺得人地唔可以去批評你,我諗你都係唔係再發post好啦

又或者一開始就講明,唔要不認同既意見,只要人地撐囉~~

我諗你應該未比你老公去拒絕過你親友嚟屋企探你!!所以你唔會知道,你去拒絕老公比佢屋企人上嚟嗰種難受同唔開心!又或者親友背面講,老婆話唔比上喎!佢就唔可以比架啦~

點為斷章取義?你寫咁多,人地未就事件上比回應你囉~無錯,人地係唔清楚咁多嘢,就因為唔清楚你咁多私人恩怨,所以先以事論事!

我係見你喺強調咗好多次,你99同佢啲屋企人,要上你屋企,你又怪你老公無經你同意就心咗佢地上嚟!仲要唔止一次,如果你老公同你講,佢亞媽同妹會上嚟,而你會"批准"既,咁你老公就唔會"經常"唔知會你就比佢地上嚟啦!

或者唔係人人都係咁,我同我老公,好少事要經對方同意既,除非係大決定,否則都係知會聲咁就ok,即係佢去街,無必要要我同意,只要話我知佢要出去,幾點返,我買嘢亦無必要同佢講我駛咗幾錢.我帶朋友上屋企打麻雀,佢從來唔過問,佢喺屋企我都係咁帶,同樣佢帶朋友上嚟,都只會叫我唔好着住件睡衣咁,無必要去問淮唔淮帶朋友或者屋企人上嚟囉!

私人傳訊

積分: 1923

36^#

發表於 12-4-3 22:26 |只看該作者

回覆：到底可以點做？

點解有些人只懂斷章取義，加上個人情感、經歷去批評別人及提供冇意義的意見。（其實三言兩語點解釋到所有家庭事！點解認為自己可以批評別人？）

與C6一路以來都互相尊重，最基本嘛。當然，如女家親友到訪，我都需C6的同意。去日本同比婆婆湊係先生提出的，還有誰比婆婆信得過？我日日都有打長途比婆婆，個心當然掛念bb，去幾日旅行和全職媽媽只在星期六日見bb有差嗎？

其實呢兩日同C6再溝通過，大家開始有更多共識。為着我們一家四口繼續幸福快樂地生活落去，我諗我知點做。多謝曾經提出有意義建議的JM，為了開開心心去照顧大小b及安胎，這篇將是我最後回應。

私人傳訊

積分: 18748

畀面勳章環保接龍勳章

35^#

發表於 12-4-3 21:23 |只看該作者

樓主,你成日話你99,姑9嗰啲上嚟你屋企,無通知你就上嚟,我想問,你屋企人上你屋企,你有無問準過你老公,先叫佢地上嚟你屋企架?!問屋唔止係你一個人架!!你可以比你媽咪上嚟,你老公點解要問過你先"放"佢媽咪上嚟??

（我的不滿：唔該比返啲空間我們仨，特別係囡囡宜家肥肥白白，健健康康！根本無需要過份關心！我想靜靜的安胎！）

（不滿：我有咗，一句問侯都冇，你點知大肚加湊囡有幾倦呀！加上亞囡呢段時間非常認人！最後，我唯有講：佢乜嘢人都唔認得！）

你一直將人地拒之門外,但係又話人地無去問候過你!!我諗你平時見到你99,你根本就唔會同佢講嘢!而且認人就唔唔比人地抱,咁未以為只係痴住你一個囉!!到你生埋細嗰個,你就知道,你為咗怕人地抱你個女,會整喊佢,所以唔比人地抱佢,你呢個做法係幾咁愚蠢!

農曆新年後，我和6到北海道旅行，婆婆到我家住湊囡囡。臨行前，99問我婆婆電話號碼是否一樣沒變。結果，婆婆新年期間轉號碼，我當然可透過妹妹找她。但99超煩，竟然打長途比我，我唔聽及通知C6！
（不滿：有乜事咁緊要，只係想見亞囡，就要煩到我同我媽媽！）

事實上,你99真係可以唔打比你架!佢知你亞媽喺你屋企湊女架麻!佢直接上你屋企未得囉!!你可以放心放低個3個幾月既bb喺屋企,自己走咗去日本,比着我真係放唔低,會好掛心,我諗你99都會好唔放心.

5）某日，C6放工前打比我話99想上黎坐，有嘢比亞囡，同想探下亞囡。我話：我好倦，想休息，唔想比人打擾。C6無奈地拒絕99，但和我吵咗幾句。
（不滿：又自把自為，打擾大肚婆休息！）

小姐,你99上嚟,你可以走去瞓覺架!佢又唔係上嚟睇你,又唔駛你去陪佢!!佢上嚟睇個仔同個孫,點打擾你休息??佢講嘢用咪講,好大聲架?或者咁講,你99都未必想見到你!!佢上嚟只不過係想見個仔同孫!而事實上間屋唔係只係屬於你既!你老公都有份!你有乜權去禁止你老公比佢屋企人或者朋友上嚟?!!

總括嚟講,除非樓主你有產前抑鬱,將啲小事放大,否則樓主你係個自私又自我既人.

私人傳訊

gk678

積分: 19582

34^#

發表於 12-4-3 18:04 |只看該作者

樓主, 我都認同問題出係你老公度, 佢真係太淋善喇.

私人傳訊

Viwawing

別墅

積分: 746

33^#

發表於 12-4-3 17:22 |只看該作者

樓主, 你放鬆心情迎接第二個小生命啦~同你c6好好傾下, 話佢知你點諗同有咩感受, 你唔講, 佢真係未必明白你依家心情架, 好多時男人覺得呢d問題唔係問題, 所以溝通好重要
加油,祝你同小b都健康

私人傳訊

藍莓綠茶