其實我覺得睇下你99係個咩人囉，人人對錢嘅價值觀都唔同，好難講俾幾多係等如多與少，同一個數對你可能係多，但對令一個可能係少！有99錫孫錫自己個仔，佢唔使你俾錢就幫你揍添；有啲6299甚至唔使自己個仔俾家用添啦，當然佢地自己有少少錢。好似我99佢退左休響屋企又嫌悶，話幫我揍b過去我到住，佢自己本身都有啲錢，但係個人就好計較錢，有其他仔唔俾家用的話，佢會響其他仔面前唱佢。好計較，買包餅俾我地食，我地都會俾番錢佢，唔想欠佢。佢生日如其他仔的女朋友或阿嫂唔買禮物俾佢，通常只食生日飯，佢又會響其他仔或新抱到唱佢。當然佢幫我揍b,我地係唔會要佢出一毫子，俾家用加揍b錢。但就揍到一肚氣，原來佢根本唔識揍b又唔係咁錫孫,衞生程度又低，煮飯又好難食，又唔話得，又唔可以叫佢做家務，仲要周不時響c6面前講你壞話，關係開始差，而你就會覺得請工人好過。如果個99本身係貪嘅，佢會同你講，阿邊個三姑六婆幫人揍都有幾多啦，揍揍下又覺辛苦時，冇論你俾幾多千佢都會嫌少，如果好果啲，就算你俾少少佢都唔計較，為幫個仔，或以揍孫為樂。所以好難講幾多為之arm,最緊要個數佢自己feel ok 咪得。雖然請工人都未必一勞永逸，因為都有唔好嘅工人，但工人你叫做可以話下，唔掂最多換，99你要以後谷住度氣死忍難忍，同埋因99揍b問題搞到同c6關係會差，要唸清楚。如果你99一向都睇錢重，我唸最好唔好俾佢揍，除非你俾好多，如果唔係三千五千佢都會嫌少。我認為99最好就係響你換工人期間發揮作用。我依加都係請工人，99唔揍b大家關係反而好啲。
發表於 
mouth:
返回列表
