醫護健康今日: 3|主題: 7951

收藏本版

發帖

返回列表

跳至頁

查看: 9308 | 回覆: 48

[長者] 媽媽入到政府資助既老人院喇,好放心。 [複製鏈接]

12 3

CherryCake

大宅

積分: 2730

1^#

發表於 12-5-23 20:45 |只看該作者 |正序瀏覽 |打印

本帖最後由 CherryCake 於 12-5-24 20:12 編輯

媽媽之前中風,大小便失禁,請工人都走左幾個,請到我怕,係醫院搵醫務社工,佢幫我地排政府老人院,
社工話如果想快d入,就唔好選擇特定區域,邊到有位就去邊間，終於等左一年社工通知有位。
(正常排3-4年喎),間老人院職員call 我,話會上門同我媽媽評估,我就問我可唔可以去參觀下。

個職員話可以安排,咁我就推媽媽一齊去,間院都幾大,10個房,每間房10個床位,有床頭櫃,有衣櫃。
個職員係護士,佢介紹左間院既人手,每月費用 (1xxx,未包尿片及其他醫療用品).生活程序等等.

之後個職員上門同媽媽做評估,問下日常生活細節既野,食咩餐,大小便點,行路情況。

半個月後就入住,入院見護士,社工,物理治療師,做評估。第一日周圍講解間院內容,探訪時間,
規矩(都係唔可以食煙之類)等,同房有9個婆婆,佢地有d睇落老過我媽媽,不過都精神,間院都無咩味,
幾乾淨。

入住左3個月,我經常都有探媽媽,媽媽開心左,社工安排佢參加左個園藝小組,學種花,遲d上英文班,
一星期一,二次玩呢d小組,佢能力上都應付到，護士安排派藥,覆診，到時到侯打比我,問我去唔去,如果我
剛好有事,佢地會幫我請陪診(雜費已包左),用院車車佢去,之後護士會打返比我,講返媽媽覆診後情況。

平時佢都係坐係廳同d老人家一齊睇電視,每日5餐,多到佢唔想食,不過佢有話老人院既食物好清淡，無味精,so我間中會買下外賣比佢,不過其實我見每餐都好好餸,有水果,屋企都無咁豐富。

物理治療師安排媽媽一星期2次做運動,佢話媽媽好勤力,好肯做,佢仲幫我訂左枝arm媽媽size 既學行架。
總知,我好慶幸媽媽入到政府資助既老人院,唔怪得咁多人排。

0 0 0

私人傳訊

CherryCake

大宅

積分: 2730

49^#

發表於 13-1-1 18:22 |只看該作者

回覆：kwan_tomato 的帖子

最近好煩，阿媽同同房嘈，阿媽唔多出聲，同房另外一個老人家話我阿媽唔乾淨，阿媽忍不住出聲，同佢嘈左幾句，職員settle 左件事，但阿媽好唔開心，攪到日日都要去睇佢，同房老人家比說話我聽，我同職員要求幫阿媽調房，不過因為住滿哂，要等。
一間房住幾個人，生活習慣唔一樣，開頭住得幾好，慢慢問題就會出現。

希望快d有位調，舒緩一下。

私人傳訊

kwan_tomato

大宅

積分: 4591

48^#

發表於 12-12-21 18:56 |只看該作者

咁就好啦

不過記得多d去探佢呀
我之前成日去私人同政府老人院做義工探訪衣家有左bb少左去，有d老人家仲好精神奕奕行得走得食得，其實佢地唔想去老人院住，但又唔想成日仔女負累，我同佢地傾計佢地表面好開心咁，但其實我感受到佢地唔開心，原來佢地話一開頭入去住個時仔女同孫都會去探一個月去探下一兩次，買下野比佢地食，點知住下住下幾個月先見到一次，有d仲離譜一年都唔去探下，只係識得打比佢地問候下，其實老人家去到個個年幾自己一個係老人院，都無咩要求，養到仔女咁大都係想見下有人關心下，聽到佢地個個都咁講，心都拿住拿住痛
你一定要多d同屋企人去探佢呀