自由講場今日: 625|主題: 1367506

收藏本版

發帖

返回列表

跳至頁

查看: 417 | 回覆: 6

大家咪幫襯呢間樓上舖 - ChocoB_b_ [複製鏈接]

mothergemini

大宅

積分: 2731

畀面勳章睛靈勳章

1^#

發表於 12-5-25 15:15 |只看該作者 |正序瀏覽 |打印

啱啱去咗上環文咸東街、皇后大道中交界嘅樓上舖ChocoB_b_睇衫（空格各位自己填字，亦請各位告知，若我post佢全名會唔會俾版主剷，唔會的話我會edit呢個post），佢係賣韓國衫嘅，主力賣童裝。

之前幫襯過一次，見佢有FB page，都like咗，近排見佢FB page話「各位粉絲注意！注意！由於本店業務有所改變！將會只有網購！所以店舖所有新貨由半價起！頭飾、手袋、頸巾都會特價發售！歡迎到店舖選購、任何查詢、亦可網購，多謝支持！」就上去睇吓啦。

其實上次買嘢時都覺得店主惡惡哋，想sell你買嘢，但語氣有點「倔」。

今次上去，我只係揭開咗佢三件摺好放晌枱面嘅衫睇，然後摺返好，同埋揭咗一吓佢褂晌衫架嘅衫。佢期間話過「你唔洗摺啲衫啦，你摺完我一陣都要摺過」一次（我覺得佢講時語氣有點「倔」），同埋講咗幾次啲衫抵著。

本來我都睇中咗兩條裙仔，諗住等我啲小朋友放學去試啱先買。我走時講咗句「唔該晒」，然後我都未閂門，佢居然好勞氣咁一路揭本雜誌，講咗句「混桔」！

我當時有諗過走返轉頭話佢，但佢間舖又無其他人，佢咁燥底，我晌佢間舖同佢嘈或會有危險。所以晌呢個平台同大家呻吓。

其實佢間舖今日根本無乜嘢賣，又expect人哋一定有幫襯。H&M多嘢賣過佢多多聲啦，又唔見我次次入去有幫襯？

寄語大家，第日咪同佢網購，費事想換貨或問嘢時又送上門俾佢鬧。等佢自己燥底想鬧人又無人俾佢鬧，谷爆佢。