想生BB 今日: 0|主題: 109587

收藏本版

發帖

返回列表

跳至頁

查看: 42823 | 回覆: 2901

不想再被紅綠D玩到就癲的jm請集合 (Part 3)

[複製鏈接]

12 3 4 5...146

prettygirl1205

男爵府

積分: 6423

1^#

發表於 12-7-24 14:34 |只看該作者 |正序瀏覽 |打印

修葺了上一個POST 的精華如下 :

Q:紅d綠d係乜?
A:簡單來說,紅d是check排卵,綠d係驗孕棒.

Q:紅D綠D邊度有得買?
A:最方便,請去YAHXX拍賣Search “紅d綠d”,想平應該是淘x.藥房係冇得賣的!

Q:紅d綠d的原理?
A:紅d係test LH,呢一種hormone係排卵前一至兩日最高,所以紅d出現深粗,即係準備排卵.綠d係test HCG,呢一種hormone係懷孕時會升高取代了LH,所以綠D有反應,就可能係BINGO了

!

Q:甚麼時候用紅D.
A:M前14日會排卵,所以如果週期係28日,咁大約DAY10-12就可以開始用.如果週期不定的人,我就建議M完就開始用,反正一條咁平,一日一條都冇所謂!到估計差唔多排個幾日(可以同體溫+拉c分泌一齊compare),就一日TEST2-3次.排完之後的10日左右,如果有BINGO,就會開始加深,所以又可以開始一日一條去睇下有冇機會BINGO.

Q:見到紅d深粗,咁點算呀?
A:可以用CB 哈哈笑confirm,如果係就即將1-2日排,可以dodo.有人會問幾時do好?我都唔知,不過我個幾日就加多兩錢肉緊啦

!

Q:點解紅d冇深粗?
A: (1) LH冇高過,LH高先可以Trigger排旦旦 (2)LH 低所以去唔到100%深 (3) VV太稀,試下驗前兩小時唔好飲水. (4)人人體質唔同,其實用1-2個月都已經知道點就已經算係自己的深粗.(5) 未排旦旦,等多幾日,KEEP住check.

Q:為什麼BINGO前紅D都會出現加深?
A:簡單來說,因為HCG同LH係相似的hormone,紅d本身係好sensitive to任何hormone,但係紅d好蠢佢分別唔到LH同HCG.所以BINGO後紅D都會有反應,因為佢認錯左HCG係LH,所以有反應.BINGO後HCG會日日升,所以蠢的紅D又會日加深.但記住,紅D唔係for test bingo,唔好有控有線就好開心.紅d只係俾個hints你,但俾唔到conslusion你.

Q:甚麼時候用綠d?
A:我的建議是,真係過左m該來的日子仲未來先好出動綠d.因為佢係test bingo. Suppose 旦旦遇上虫虫後要14日先知道結果,太早check冇咩用,白雪雪又唔代表真係唔bingo,加上每次見到白雪雪心情一定好失望,為什麼要一早每日俾綠d打擊,要俾6d玩呢?

Q;為什麼綠D有控有線,最後都M到?
A:我好相信,綠d真係一d幾cheap既野,佢個design可能係好簡單,所以會有奇怪的結果都唔出奇.有jm試過綠d得半條線,有d就連對照線都得一半,有d聽過一開綠d包裝條綠d都唔見! 所以醫生從來冇人用綠d去肯定你bingo.如果係得好明顯用肉眼見到的線,恭喜你99%中!快D去用驗孕棒驗!!如果只有淺的控,先恭喜你一半,快d去買支棒棒驗,係先算bingo.如果都係冇,咁就唯有過多一兩日再驗棒棒,因為如果真係bingo,HCG係會升,應該會有結果.如果真係冇,咁就要接受自己真係從來冇BINGO.所以唔好話用綠d來做conclusion.醫生都唔知咩叫綠d啦!係咪!?

Q:為什麼用驗孕棒驗有,最後都m到
A:基本上我覺得市面上的棒棒係99%準,不過真係有錯誤都唔出奇.冇邊個牌子敢話自己100%準.臨床上照到胎係子宮入面先係肯定正確的懷孕.點解驗孕棒驗有,最後都m到??(1)其實冇BINGO過,係棒棒出錯!要解決此問題,可以第二日同時用多一兩支棒棒一齊驗,如果3支有2支都係冇,就要接受支棒棒係錯的.(2) 化學性懷孕,其實嚴格來說係化學反應,並沒有真的懷孕!因為精子與卵子結合,進入子宮慢慢著床,已經有HCG增加,但其實係未complete,胚胎仲要痴得實長大,先叫做成功懷孕!只不過係我地係人地中途有HCG的時候就去CHECK,咪以係BINGO(有d牌子的驗孕棒的sensitivity真係好好,少少都驗到有)!所以我真係好建議唔好太check,免得俾自己一個錯誤的結果而唔開心!好似跑馬拉松的比賽,明明佢係由一開始到最後100米時係跑第一,但最後佢都唔係冠軍?咁個比賽都未complete,點都係衝左線先知結果嘛!!所以唔好太早以為佢係冠軍!!佢根本就冇win過,唔可以話佢係”技術性/物理性/化學性/乜乜性冠軍”