吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 係咪我太自私？

夫婦情感今日: 1|主題: 42744

收藏本版

發帖

返回列表

跳至頁

查看: 1771 | 回覆: 26

係咪我太自私？ [複製鏈接]

782012

洋房

積分: 39

1^#

發表於 12-8-8 01:25 |只看該作者 |正序瀏覽 |打印

有啲事諗唔通，想大家比啲意見，唔好意思，想比多啲background, 寫得比較長。
最近為初出生囡囡嘅照顧問題同老公鬧大交，我地睇法相差好大，達唔成共識。先講背景，我26歲老公30歲，結婚未夠一年，我地係拍左年半拖有左bb而結婚嘅。本身我地係一齊做嘢嘅，份工係要經常出trip，一個月大概有11日假，而老公而家份工唔需要出trip。
上年年尾意外有左，當時老公失業4個月，佢無揾過工，我想要個bb，老公唔想要。佢係咁話要好好地傾下，其實除左叫我唔要bb之外仲有咩可以傾，所以佢一提要傾下我就好激動，我覺得啲男人搞大左人個肚要人落係十分不負責任嘅做法，又唔係佢傷身，當然可以咁輕易就打算唔要。我好唔想落，喺我堅持下，我地結左婚生左囡囡。由我地結婚到生bb，中間嘅過程佢幾乎無參與。結婚時嘅準備都係我同我家人去做，場地佈置請帖律師，除左禮服，派帖同婚禮當天出現之外，其他講得出嘅都係我做，我不止一次叫佢分擔下我嘅工夫，但佢都無。婚後我同老爺同住，其實老爺係個好人，但生活習慣大不同，令我成日唔想返去，例如佢食煙，日日飲酒，有時飲到有啲醉，開口埋口粗口。老公屋企好污漕，好多曱甴，有時佢地食完嘢啲碗碟唔洗唔浸就放過夜，唔拖地，塊地經常一撻撻食物汁液嘅漬，家有貓數隻，但已唔知幾多年無沖涼及打針。懷孕時嘅產檢老公只去過一兩次，搬進去前換雙人床及衣櫃都係我同家人去搞，仲記得到36週我仲自己一個人由tst去將軍澳買浴盤。所有嘅種種令我覺得咩都係自己一個，我甚至同佢講我唔覺得個bb佢有份。其實婚後我時常返娘家住，因喺老公度太辛苦，由於老爺煮嘢食用好多油鹽糖，所以放工後我會買餸煮飯，拖地洗碗，到36週都係咁。返到娘家我咩都唔使做，屋企又會煲補嘢比我，所以我會喺呢邊養胎。囡囡出世前同老公講囡囡比我父母湊，放假我就湊返去，老公反對，佢想日日對住，大家可以話我唔理佢感受，係，可以咁講，但老爺已7x高齡，加上見過佢之前点照顧細路，我係十萬個唔想比老爺同bb單對單，而我父母經常湊親戚嘅bb，已湊左9個bb。
囡囡出世後，喺娘家坐月，之後老公家唔方便我返去，至而家兩個月大都一直喺娘家，老公見bb 10次都唔知有無，我住新界佢住九龍，佢覺得黎睇bb好遠，黎親都會話撘好耐車，其實以前拍拖都係我出去，咪又係咁，佢有時放假寧願做其他嘢都唔黎見bb，佢話唔覺得呢個係佢個女，因太少接觸。最近可以返去喇，又突然同我講囡囡要老爺湊。我反對，佢就係咁話我，話而家個女淨係我有份，（好老實講，由知道我有左到生bb成個過程，佢同佢家人係零付出，我真係唔知点可以令自己覺得個女佢有份，咩都唔理，到生左之後又想理）又話我爸媽唔識教女，教到我個人道德好有問題，唔放心比我爸媽湊。我承認我以前係貪玩，但佢都有貪玩嘅時候，只係佢玩得比我少。其實一直我都話唔比老爺湊，因佢唔識湊，例如開冷氣比小朋友直接喺冷氣底下，著件短袖衫又唔扣鈕，褲都無條得條片，流曬鼻水，飲剩嘅奶唔倒留成晚又比返佢飲，成日比益力多維他奶等甜嘢比歲幾嘅小朋友飲，水都唔飲啖，比小朋友食即食面加腸仔落埋味精，仲有太多太多，外加粗口唔衛生飲酒食煙等問題，再加上70幾歲，試問做呀媽嘅点放心比佢照顧初生嬰？當然我爸媽都有湊得唔好嘅時候，試過睇少陣跌bb落床，都係啲意外嘅事情，其他湊bb嘅知識同經驗係非常豐富。老公堅持，成日話老爺湊大佢同呀哥，仲有呀哥兩個小朋友，点會唔識湊，呢個係佢daddy，佢眼中當然無問題，但我唔係，我話一係請工人，一係我父母湊，但佢唔肯，話唔使講。其實我已經讓步，由唔比老爺湊，到可以比老爺湊但唔可以單對單，点解佢唔可以體諒下我心情。佢成日話為左我同bb留低喺香港，話娶我其中一個原因係想老爺開心，但娶我後仲衰過以前。我真係好唔開心唔知点同人講，其實我唔係唔帶返去，我放假就會返去，一星期都可以見到3日左右，一係請工人咪可以日日見。其實係咪我問題？係咪我太固執？
唔好意思真係好長，多謝你地有心機睇完。

0 0 0

私人傳訊

rayrayus

翡翠宮

積分: 84890

2025勳章 2025勳章蛇年勳章 2024年龍年勳章 2023年兔年勳章虎到金來勳章牛年勳章 2018復活節勳章育兒性格勳章趣教勳章叻叻勳章 BK Milk勳章 hashtag影視迷勳章 15週年勳章親子王國15週年勳章

27^#

發表於 12-8-8 20:02 |只看該作者

782012 發表於 12-8-7 23:10
佢唔戴套，我試過食避孕藥但會作嘔。而我本身其實不想食藥打針去避孕，始終怕影響日後生育。之後就無再作避 ...

其實食避孕藥冇副作用的，係開頭食時個人浮腫d，之後冇野，我食左7,8年，停藥之後半年就有第一胎，而家陀緊第二個了。如果男朋友係都唔肯戴套，我絕對會食藥，因為我唔想小朋友在未真係planned好底下出世。當然如果父母夠廿歲我唔贊成墮胎，不過我亦唔同意有左結婚係唯一既做法，其實如果我係你，當初佢叫我落我唔會，我會做單親，總之佢錢銀上返少少責任就算，我唔想同一個叫我墮胎既人勉強結婚

既然你地已經結左婚，而家只有多忍讓下，一世人咁長時間，如果想繼續一齊落去只有多遷就，心平氣和傾下

私人傳訊

肥肥寶

伯爵府

積分: 18791

26^#

發表於 12-8-8 15:51 |只看該作者

請工人係最好方法,照咁既情況睇,2個都唔肯相讓既話婚姻會有好大危機,你老公一開始好似被迫結婚咁,而佢到而家都唔肯對你同個囡有咩付出,睇黎要你肯作出讓步先得,唔洗指意佢會有咩改變, 佢呢句------娶我其中一個原因係想老爺開心，但娶我後仲衰過以前,可見佢從來唔會係你角度為你著想,跟住呢個人要預左有排受

私人傳訊

cmcmiu

別墅

積分: 942

25^#

發表於 12-8-8 15:12 |只看該作者

782012 發表於 12-8-8 01:25
有啲事諗唔通，想大家比啲意見，唔好意思，想比多啲background, 寫得比較長。
最近為初出生囡囡嘅照顧問題 ...

請工人啦, 又有得俾62湊又有得返屋企,唔使煩

私人傳訊

岚月亮

侯爵府

積分: 20164

24^#

發表於 12-8-8 13:42 |只看該作者

782012 發表於 12-8-8 13:10
佢唔戴套，我試過食避孕藥但會作嘔。而我本身其實不想食藥打針去避孕，始終怕影響日後生育。之後就無再作避 ...

我系你,我會確定自己同老公都好SURE要個BB我先會考慮懷孕(并唔系得把口講就得)!我從20歲開始拍拖到28歲先生個仔,呢8年時間我無出現過"意外",點解?就系因爲我好清楚知道我自己可以系几時承受到BB的到來(包括心理上,經濟上),而唔系靠我老公!

自己個老公系個乜人,相信無人俾你更加清楚,我亦都唔相信你個老公以前系好負責任,而因爲BB既到來而變得不負責任.好多野你都好大責任.有左BB已經系不可以改變既事實,佢唔想要,而你想要,本來就已經存在一個分歧,你要佢開心甘接受呢個事實,就一定要犧牲你既某些標準而令到佢參與其中,從而等佢可以感受到BB既存在系可以帶俾佢快樂!就好似你好想同佢去食M記,而對方唔想,你爲左可以同佢一齊食飯,甘你可以改成食佢中意既野,等佢可以好心甘情願甘同你食飯!(而唔系一味系度埋怨點解佢唔中意食M記囉)

從你既描述,佢由唔想要個B,到結婚生BB,到想系屋企湊想日日都可以對住個BB,系我既眼中,佢已經系有進步,但系你呢樣唔好,個樣又唔准,甘你想佢點呢?(你系外家坐月由話佢少去睇你同BB,到搬番去俾62湊,可以日日對住啦,你又話唔好).佢唔理妳地,你又話個B好似無佢份甘,到佢想參與,你又唔俾佢話事,甘你想點呢?

私人傳訊

Ling_P

禁止訪問

積分: 8244

畀面勳章

23^#

發表於 12-8-8 13:25 |只看該作者

提示: 作者被禁止或刪除內容自動屏蔽

私人傳訊

782012

洋房

積分: 39

22^#

發表於 12-8-8 13:10 |只看該作者

引用：Quote:782012+發表於+12-8-8+12:18+我無講

原帖由 岚月亮 於 12-08-08 發表
本帖最後由岚月亮於 12-8-8 12:47 編輯

佢唔戴套，我試過食避孕藥但會作嘔。而我本身其實不想食藥打針去避孕，始終怕影響日後生育。之後就無再作避孕措施，當然有bb我有責任，所以我都努力去承擔緊應負嘅責任。你可能話我推比老公，但老實話，我唔想喺呢個時候要bb呢個想法好大好大原因係因為老公唔想喺呢個時候要，喺有bb之前老公話welcome bb ，有bb後老公唔想要。如果佢喺有bb前講清楚原來已經改變想法唔想要，咁我都可以逼下佢戴套。我本身係隨時都歡迎有bb，有bb 又好，無bb都好。佢想我落，邊個確保我墮胎後仲有得生？你係我你會点做？你會落左佢？你會生完送人？希望你可以墮入我角色諗下。多謝。

私人傳訊

YuenTung

禁止訪問

積分: 8045

21^#

發表於 12-8-8 13:05 |只看該作者

引用：其實我覺得你老公唔想結婚，只係當初你堅持

提示: 作者被禁止或刪除內容自動屏蔽

私人傳訊

岚月亮

侯爵府

積分: 20164

20^#

發表於 12-8-8 12:47 |只看該作者

本帖最後由岚月亮於 12-8-8 12:47 編輯

782012 發表於 12-8-8 12:18
我無講清楚，想補充其實拍拖時一直無避孕，我問佢有bb咁点，佢話有bb就結婚。到真係有左，佢話唔想喺呢個時 ...

就你呢句:有無人問過我係咪想喺呢個時候要，可以選擇我唔想喺呢個時候有bb

,你應該要自己避孕啦!

除非你好想有BB同結婚啦!

私人傳訊

Nancy20090615

瑪瑙宮

積分: 136698

19^#

發表於 12-8-8 12:33 |只看該作者

唯一方法都係請工人了.

私人傳訊

782012

洋房

積分: 39

18^#

發表於 12-8-8 12:21 |只看該作者

引用：係呀...係你太自私...個時人地都話唔要bb你

原帖由 louisss 於 12-08-08 發表
係呀...係你太自私...個時人地都話唔要bb你係要生
係呀...係你太自私...係你地準備婚禮個時佢既態度擺明無 ...

多謝你嘅意見，我都會好好反省其實自己係咪真係咁有問題

私人傳訊

782012

洋房

積分: 39

17^#

發表於 12-8-8 12:18 |只看該作者

回覆：louisss 的帖子

我無講清楚，想補充其實拍拖時一直無避孕，我問佢有bb咁点，佢話有bb就結婚。到真係有左，佢話唔想喺呢個時候要bb，有無人問過我係咪想喺呢個時候要，可以選擇我唔想喺呢個時候有bb。你都係女人，如果你已生育，我相信你明白懷孕時同bb嘅血脈相連，可能有人會墮胎，有人會選擇懷胎十月生完送人，但我做唔出。而我父母都話湊仔係辛苦但佢地樂意湊。其實我一直都覺得對唔住父母，主要係因為覺得自己嫁錯郎，要佢地擔心。

私人傳訊

子爵府

積分: 12169

16^#

發表於 12-8-8 11:41 |只看該作者

回覆 782012 的帖子

綜合你的說話，我覺得是你和c6之間缺乏一個良好的溝通。想想你當時發現有bb時，正值你c6人生事業的低潮期，在那個時候又要接受有bb，又要接受結婚，我想他當時真的很混亂，但相信他是真的愛你，所以仍然願意把孩子生下來並和你結婚，在這件事情上他是一個有擔帶的男人。從來籌備結婚都是女人一頭熱的，男人很少或甚至不在乎究竟婚禮要如何？何況當時你c6還在失業當中，他的心思都在如何為未來努力，如何開拓自己另一條出路，另一方面可能是你太能幹了，既然bb是你想要，你有家人陪伴一起弄，他當然可以不理，反正所有事情不是已經準備妥當了嗎？

現在你和c6的問題膠著點是你62可能有微言，他想多些看到個孫女，所以向你c6施壓，你c6自然地就把這個問題向你施壓。我想你這次可以提出幾個建議方案，給你c6考慮，並把各項方案的利害關係列出，和他商議，也可邀請62和你父母一起討論，找出一個對孩子最好的照顧方式，因為隨著孩子大長大，到她要入學時，你都要面對由誰照顧她的問題，屆時還要教她功課，我想放在身邊是最好的方法。

例如方案一︰請工人，但你現在的家是否夠大可以容納工人？好處是︰可以讓62看顧孩子同時，有人幫手做家務，買菜拖地洗依服，有甚麼事都有多一個人看著bb。壞處是︰要額外支付工人的薪金…

其實重點可能是你首先要讓你c6看到你是找他一起商量，而不是告知他應怎樣做，男人都要面子的，你給他一個下台階，他會較易去接受你的善意建議。你作為母親，這麼辛苦懷胎十月，冒著生命危險把孩子生出來，當然首要是確保bb的安全健康成長啦！我相信你c6都愛錫自己的孩子，他都會明白你的苦心。

mc <()>