吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 母乳餵哺› 我好矛盾...想呻下!

母乳餵哺今日: 0|主題: 85708

收藏本版

回覆發帖

返回列表

跳至頁

查看: 1432 | 回覆: 21

我好矛盾...想呻下! [複製鏈接]

babyloklok

男爵府

積分: 7789

畀面勳章

1^#

發表於 12-8-14 02:39 |只看該作者 |正序瀏覽 |打印

我做奶媽有兩個月…全埋身...由初頭未上奶俾呀B啜損，到呀B有黃要照燈…跟手留e後又唔肯埋番身…搞到又出泵又用手擠搞成大半個鐘先有2-3安奶……嗰時真係試過抱住呀B一齊喊……餵到宜家兩個月，雖然有時做埋人肉奶咀，不過都算同呀B夾得到.....
我c6同媽咪都話人奶對BB好，想我盡量餵！我初時係諗住餵到嘅就餵到出牙仔先轉食奶粉，不過呢排開始心理上好予盾……
我係ftm，仲要湊個8歲大仔…呀B仲細，食得好密，加上慣左啜住訓，搞到我基本上無咩時間理個大嘅，個心已經唔安樂……
健康院教我話基本上唔係太需要戒口，均衡就得！但係jm們分享嘅就唔係咁…我陀住bb嘔足5個月，咩都唔食得，到生左諗住放鬆下，點知呢樣唔得嗰樣又唔得，去飲杯凍0茶都話唔得…咁我咪懶醒咁出親街都飲熱華田囉！大熱天時飲熱野真係好癲呀…唉…可笑係我都係前兩日先知原來華田有麥芽唔飲得，平時食嘅零食有好多都唔得……我唔係話為呀B戒下口都唔肯，而係個心好屈住，入到餐廳打開餐牌食得咩都要諗一輪…見c6食得好自在，個心真係唔多舒服……好似無人理我感受咁!!!

近呢個星期…個心真係好動搖…一方面想呀B食得多d…想盡量餵耐d…但另方面又想無咁困身，想活動性大d……其實我好enjoy同呀B埋身食，我攬住呀B，呀B隻手仔就擺喺我心口上面，大家都感覺到對方嘅呼吸…心跳……好warm!
原本我係想襯上星期四呀B打針…去健康院見姑娘順便問下轉食奶粉，點知又奶粉出事……加上呀B磅重，一個月重左1.1kg…我同c6都好開心…姑娘又猛讚我叻，又即刻送左條披肩俾我(其實我知健康院係逢奶媽都送)，嗰刻轉奶粉嘅事又講唔出口……
其實我呻下咋！真係呻下咋！

0 0 0

私人傳訊回覆引用

jelly208

男爵府

積分: 7154

畀面勳章

22^#

發表於 12-8-15 07:53 |只看該作者

回覆：我好矛盾...想呻下!

放鬆啲, 其實除咗收奶食物, 其餘魚生, 雪糕, 凍檸檬我都有不時食。

私人傳訊回覆引用

hugopigpig

大宅

積分: 3017

21^#

發表於 12-8-14 22:38 |只看該作者

回覆：babyloklok 的帖子

我都係大熱天時仲飲熱華田。
但係唔覺會收奶。
我原本都打算餵到返工唔餵。
不過而家四個月，每日攰到爆都堅持緊。
而家每日埋身兩次，真係好懷念之前日日埋身八次

私人傳訊回覆引用

scmtse

男爵府

積分: 9224

20^#

發表於 12-8-14 20:11 |只看該作者

引用：加油努力!+我個女四個幾月，月頭到健康院6.

原帖由 nicolandavy 於 12-08-14 發表
加油努力! 我個女四個幾月，月頭到健康院6.28kg，我都ftm全埋身，仲有兩個分別三歲半同兩歲半既仔，我食野 ...

我係泵媽都唔戒口啦，得閒就雪糕，雪條，華田，即食面，咖哩，朱古力....個人開心d就係保持同増加奶量其中一個方法。我每次見完99，呻完佢d野，d奶都好多d。

私人傳訊回覆引用

浠文寶寶

大宅

積分: 1797

19^#

發表於 12-8-14 17:48 |只看該作者

我仔仔18個月大了，我都冇點戒口哦，魚生，凍嘢，榴蓮我都照食！只係豬潤，乳鴿唔食。可能因為我唔戒口，仔仔都未試過敏感，有人話乜都食BB反而冇咁易敏感哦。

私人傳訊回覆引用

nicolandavy

別墅

積分: 870

18^#

發表於 12-8-14 16:11 |只看該作者

回覆：我好矛盾...想呻下!

加油努力! 我個女四個幾月，月頭到健康院6.28kg，我都ftm全埋身，仲有兩個分別三歲半同兩歲半既仔，我食野完全冇戒口，只係每日都飲一大碗魚湯，我仲試過一路飲可樂一路餵奶

日日我都同阿女出街，帶住條餵奶巾行到邊餵到邊，最辛苦既暑假都捱過去了 (同工人兩個大人對三個細路，仲要日日出街!) 我覺得唔駛咁虐待自己，熱到屎唔飲凍野點得??? 你可以參考下我做例子，唔駛人地一話食咩收奶就唔食! 因為當事人可能係泵媽，泵媽好多時奶量都會唔穩定的，真係好登佢地辛苦! 樓主而家同我一樣可以全職埋身，其實係好幸福既事，努力唔好停呀! 俾阿女張相你睇下全人奶bb有幾好肉地~

私人傳訊回覆引用

小龍b

大宅

積分: 4406

17^#

發表於 12-8-14 15:45 |只看該作者

引用：我唸所有人奶媽都會經歷過，唔好話收奶食物

原帖由 scmtse 於 12-08-14 發表
我唸所有人奶媽都會經歷過，唔好話收奶食物唔食得，令BB有風又話唔得，甚至d唔事d99又話唔得。不過有時都要 ...

認同

私人傳訊回覆引用

scmtse

男爵府

積分: 9224

16^#

發表於 12-8-14 15:26 |只看該作者

回覆：我好矛盾...想呻下!

我唸所有人奶媽都會經歷過，唔好話收奶食物唔食得，令BB有風又話唔得，甚至d唔事d99又話唔得。不過有時都要relax d ，其實一杯華田係咪會收奶又唔會，自己開心d仲緊要。我就隔日一杯，都冇事。我先先泵奶真係好緊張，有時跌左幾滴都唔開心，又成日覺得冇人明白我地。我99成日以為泵奶好似去汽水機咁，幾時按幾時有，我都冇佢咁好氣。我都得閒上黎呻下，又OKd喎!有咩唔開心係度講，呢度djm真係好好，冇BK我都唔會支持倒!

私人傳訊回覆引用

purple_k

大宅

積分: 2960

15^#

發表於 12-8-14 14:40 |只看該作者

加油丫!

HAHA~比你呻~
下次到我呻時, 你又氹返我!

私人傳訊回覆引用

obapa18

大宅

積分: 1670

14^#

發表於 12-8-14 12:31 |只看該作者

回覆：我好矛盾...想呻下!

我都唔飲凍野，但魚生同雪糕我4個月後都開始食，食小小等自己開心d，奶都多d

私人傳訊回覆引用

小龍b

大宅

積分: 4406

13^#

發表於 12-8-14 11:50 |只看該作者

回覆：我好矛盾...想呻下!

果陣我都係咁，諗番起初初因為餵人奶搞到自己日日以淚洗面咁滯，但係不經不覺餵左4個半月，到而家雖然有時都會好矛盾，但係諗到全人奶係我唯一俾bb世上最好既野，動力又再返黎了。
我為左平衡自己個心態，無話特別戒口架

，不過睇住份量囉，好似去食buffet咁，以前起碼食兩打生蠔，而家兩隻食過咪得囉，以前海鮮係我既至愛，而家唔會刻意要去食，咁啱有既咪淺嘗，一至兩舊又何妨。令自己快樂，先可以令自己有更大既動力支持落去

私人傳訊回覆引用

Louisa88

大宅

積分: 1479

12^#

發表於 12-8-14 11:49 |只看該作者

其實餵人奶係咪 唔好飲奶茶呀? 否則bb 肚仔唔舒服, 我都係餵人奶, bb (現在3個月),我最近飲番奶茶, bb最近經常放屁,食奶又哭, 同飲奶茶有無關係呢?

私人傳訊回覆引用

fai_ling

男爵府

積分: 7119

11^#

發表於 12-8-14 11:46 |只看該作者

我都系FTM，亦系有個8歲嘅大仔，細囡五個月，全埋身。我平時要做所有家務，輔導個仔做功課，湊女，同佢哋玩，不過即使咁忙，我都要D時間上下網，行下街，唔系個人會發癲，我就一般等囡囡訓覺時就會叫大仔做功課，自己上網，佢有問題就過嚟問我，等囡囡醒咗，就會同囡囡仔仔一齊玩，有時叫仔仔氹下囡囡，咁樣就唔至於會理唔到個仔，下午就會一齊出去行下街，晚上兩個都訓咗，就會有少少時間同C6傾下計，咁樣嘅生活雖然好忙，都幾辛苦，但還算滿足，能夠付出都系一種幸福。一齊努力

私人傳訊回覆引用

carollung

公爵府

積分: 25533

開心吸收勳章畀面勳章 BK Milk勳章

10^#

發表於 12-8-14 11:28 |只看該作者

回覆：我好矛盾...想呻下!

我同你有好多野相似呀！我都有個大仔七歲，開頭細囡又係食得唔好，入院照黃後，埋身食得唔好，做左個幾月泵媽，又係得二，三安奶，追奶追到暈。
陪月走前，迫阿囡全埋身，因為之後要一個湊二個，無時間泵奶。有時真係無時間同大仔玩，為有餵奶時同大仔玩或者教佢做功課。至於介口，我無特別去介，壽司，雪糕，凍野都有食同飲，不過係好間中，我多數飲好立克同0水，係熱，因為習慣左，以前做女夏天都係飲熱。不過我係由囡囡四個月開始無乜點介口，因為佢都要試下不同既食物

。我食雪糕，大仔會話阿妹等陣有雪糕奶飲

http://www.babyhome.com.tw/happyheihei

私人傳訊回覆引用

smitty

大宅

積分: 3347

9^#

發表於 12-8-14 10:21 |只看該作者

回覆:我好矛盾...想呻下!

好明白你心情，我細女12日人仔，大女2歲多，我心裡覺得忽略了大女，餵人奶很困身，我未能接送大女返放學，家人想幫手但埋身餵又幫不到，我現睇下一個餵成點，除時轉奶粉加pump,我知無論如何，小朋友都會健康成長，只係好同好好的分別，加油！

私人傳訊回覆引用

petercheok

禁止訪問

積分: 1096

8^#

發表於 12-8-14 09:19 |只看該作者

引用：你真係好乖，我餵左七個幾月，基本上除左收

提示: 作者被禁止或刪除內容自動屏蔽

私人傳訊回覆引用

babyloklok

男爵府

積分: 7789

畀面勳章

7^#

發表於 12-8-14 09:12 |只看該作者

回覆：我好矛盾...想呻下!

多謝咁多位jm支持

其實我陀住BB嗰時真係咩都無戒，頭5個月都食咩嘔咩，之後嗰4個月就真係咩都倒落口…食得就食
到宜家餵奶，我都唔算戒得好清，魚生…生蠔都有食過…只此一次嗰隻

不過唔知係咁啱得咁橋…我飲過兩次熱奶茶，兩次呀B都扭到半夜3 4點……試過飲凍野…呀B係咁不停放屁…好似肚仔痛咁典…見呀B咁樣，我都怕左佢

私人傳訊回覆引用

menqoo

大宅

積分: 3127

6^#

發表於 12-8-14 08:46 |只看該作者

回覆：我好矛盾...想呻下!

你真係好乖，我餵左七個幾月，基本上除左收奶有戒其他咩都無戒，出親餐食都涷檸茶

私人傳訊回覆引用

Sammyan

大宅

積分: 4414

5^#

發表於 12-8-14 08:36 |只看該作者

回覆：我好矛盾...想呻下!

其實有時放縱下都好呀!我有時都會買薯片，食生冷野，因為有時都會諗餵人奶好多野都唔食得，唔開心。但食一次半次我又覺得無問題，最近要食左bb唔敏感，。我其實都有飲阿華田，但又唔覺奶少左喎。不過我唔係日日飲，只係星期六日lunch出去食先飲。不過相比大肚果陣，而家已經叫好好，起碼食魚生，雪糕都無人話，飲凍野都得。