＋

母乳餵哺

收藏本版
回覆 發帖
返回列表
跳至頁

首頁
1

尾頁
   5
MaMa520


大宅

積分: 2642


1#
發表於 12-8-23 17:05 |只看該作者
想請問一下..

你們每天在公司會泵幾多次奶?? (初生至一兩歲果陣.)

如果公司冇地方泵奶, 你地會唔會呢入廁所泵? 或者有甚麼提議?

係公司保存的人奶要放入冰格, 還是普通格??

一放工要幾耐拿d奶番屋企? 放入屋企的冰格定普通格呢?

泵左的奶洗唔洗溝新鮮的奶一齊俾BB飲??

凍奶, 同冰奶, 要分別點樣整番熱俾BB飲架??

同埋你地番到屋企, 會點樣分配俾BB飲泵奶, 同埋身餵??


唔好意思, 咁多問題! 請多多指教
私人傳訊回覆 引用

Aurorasea


男爵府

積分: 7511

趣教勳章 有「營」勳章 wyeth冷知識勳章 畀面勳章 BK Milk勳章


5#
發表於 12-8-23 22:02 |只看該作者
MaMa520 發表於 12-8-23 17:05
想請問一下..

你們每天在公司會泵幾多次奶?? (初生至一兩歲果陣.)
想請問一下..

你們每天在公司會泵幾多次奶?? (初生至一兩歲果陣.)　＜﹣﹣２　﹣　３　次，３﹣５小時一次，睇有幾忙。

如果公司冇地方泵奶, 你地會唔會呢入廁所泵? 或者有甚麼提議?，＜﹣搵ＯＦＦＩＣＥ，同Ｄ同事講好。

係公司保存的人奶要放入冰格, 還是普通格?? ，＜﹣我ＢＢ只飲新奶，所以普通格。

一放工要幾耐拿d奶番屋企? 放入屋企的冰格定普通格呢?

泵左的奶洗唔洗溝新鮮的奶一齊俾BB飲??　＜﹣ＮＯ　ＮＥＥＤ　（ＵＮＬＥＳＳ　ＮＯＴ　ＥＮＯＵＧＨ）

凍奶, 同冰奶, 要分別點樣整番熱俾BB飲架??　＜﹣放入熱水坐

同埋你地番到屋企, 會點樣分配俾BB飲泵奶, 同埋身餵??，＜﹣屋企埋身，之後ＰＵＭＰ清。


唔好意思, 咁多問題! 請多多指教
私人傳訊回覆 引用

hellohellojenny


侯爵府

積分: 22925


4#
發表於 12-8-23 21:55 |只看該作者

回覆：MaMa520 的帖子

我依家餵咗9個幾月，放完產假初期，在公司泵3次keep奶量，依家就喺公司泵2次。

公司冇地方泵奶，好彩有會議室無人用，我就可以lunch一邊泵奶一邊食飯，不過大部分時間我都係去洗手間泵奶。

如果你公司附近有商場有餵奶房，你可以考慮下，不過一來一回要時間，又可能要等。

喺公司泵完奶，我會將奶樽用膠袋包好，放入保鮮盒，再放入雪櫃下格做雪奶，放工就用冰袋，將雪奶運返屋企，再放屋企雪櫃下格做雪奶，留待第二日食。

如果要整冰奶，要係泵出來10小時內就要雪冰奶。

雪奶冰奶都唔可溝新鮮奶一齊飲，只有相同溫度既奶先可以溝。

雪奶就咁座暖就可以餵，不可用滾水浸。冰奶就要先放下格，待溶解至液體先可以座暖，離開冰格24小時內要食完，把冰奶放在碗內加水浸住，放雪格下格，幾小時就可以溶晒。

喺屋企我會埋身，雪奶就係返工時間俾屋企人餵。
2011年11月媽媽
2014年02月準媽媽
私人傳訊回覆 引用

angelaccf


大宅

積分: 1502


3#
發表於 12-8-23 19:32 |只看該作者
我全人奶，B8個半月，放工埋身.
1）公司lunch泵一次，用雙泵快D多D
2）我係公司殘廁泵奶
3）公司放普通雪格
4）返屋企約45mins，去買嘢1.5hrs，返到屋企如2日內飮放普通格，否則放冰格做冰奶但係要泵出後10hrs內
5）先後泵嘅奶要雪到溫度一至可以溝埋
6）冰奶放水喉水浸再方雪櫃，好快溶，剪奶袋記得用凍食水冲下再抹乾至倒落奶樽坐熱，注意冰奶溶解後24hrs內（從冰格取出開始計）要飲，凍奶就咁倒落奶樽，又可以張溶解咗嘅奶同凍奶溝埋一齊坐熱但記得溫度要差唔多。座熱嘅奶1hr內要飲完
7）返工前7am埋身餵一邊同時泵另一邊，12:30pm公司泵2邊，7pm埋身一邊泵一邊，11pm埋身一邊泵一邊。B6個月前返工時間餵2-3餐樽，6個月起其中一餐轉固體，8個月起7pm埋身餐奶轉為食固體於是改泵2邊。

私人傳訊回覆 引用

nor.nat.


大宅

積分: 1512


2#
發表於 12-8-23 17:19 |只看該作者
回覆 MaMa520 的帖子

我係全泵媽, 現BB七個月,


你們每天在公司會泵幾多次奶?? (初生至一兩歲果陣.)我之前每天在公司(學校)泵兩至三次奶
我現少泵左, 因BB開始食固體, 所以唔想再帶咁多野返公司,(每日好似走難咁), 所以希望仲有一星期左右, 我可以減至每日兩次, 早晚各一, 咁就唔帶野返公司了.

如果公司冇地方泵奶, 你地會唔會呢入廁所泵? 或者有甚麼提議?
我初時係廁所, 後來借到一間ROOM, (記住可以反鎖, 出面開唔到!)

係公司保存的人奶要放入冰格, 還是普通格??
我係放普通格,
而個冰種就放冰格

一放工要幾耐拿d奶番屋企? 放入屋企的冰格定普通格呢?
我放工約一個鐘, 但我試過拎住行下街先返都OK
我估4個小時內回到家就OK了.
返到屋企, 我係會做雪奶或冰奶都會. 睇情況.

泵左的奶洗唔洗溝新鮮的奶一齊俾BB飲??
同一奶的溫度可以溝, 不同溫度的奶唔可以溝的.


凍奶, 同冰奶, 要分別點樣整番熱俾BB飲架??
用坐奶器坐暖佢.
食人奶(如非埋身, 建議買坐奶器)
因為暖人奶D水唔可以太高, 好似係四五十度的溫度.
如煲水溝暖, 要成日換水, 超煩.

冰奶要在用之前先放在普通格中, 溶奶.
但要在十二小時內食完.

所以日日都在計數, 洗唔洗溶奶呀.
雪幾多冰奶呀.
你的數口會好左.HEHE...

同埋你地番到屋企, 會點樣分配俾BB飲泵奶, 同埋身餵??
SORRY, i can't help you this question, cos i am 全泵媽. 無埋身.
不過我見好多在職媽早晚係埋身既. 以KEEP住奶量.
我就狂泵型.
頭一個月, 每兩個小時一次, 至返工, 就每日六至七次至五個月到.


六個月就改為三至四次.


七個月現在, 約八至九小時一次.
希望到九月三日返工, 能十二至十三小時先泵.


其實多D上黎呢到搵資料. 可以幫你好多, 當初我都碰過好多次板..
不過一路做, 一路學, 咁好快就成功.


祝你成功餵BB人奶


希望可以幫到你.
私人傳訊回覆 引用


首頁
1

尾頁

跳至頁
返回列表
回覆
發帖
高級模式 | 發表帖子
B Color Image Link Quote Code Smilies
你需要登錄後才可以回帖 登入 | 註冊
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy