協助父母適應退休生活！
父母退休了，少不免會有一些轉變，例如會將寄託轉移到你身上、終日悶悶不樂，又或者變得十分慳儉，面對呢個情況，應該點算？
抽空陪伴
初期總得多抽空陪伴，不過陪伴的同時，唔可以令父母過分倚賴你，因為你都需要有私人時間，不妨set定一啲時間和日子，例如星期天早上一起飲茶，等佢哋知道你甚麼時間會有自己的事做，甚麼時間可以陪伴他們。
安排「工作」
為咗令佢哋唔會覺得自己「無所事事」，你可以講出自己喜歡吃的菜式，等佢哋為你預備，更可以教他們到圖書館借一些跟烹飪 / 健康有關的書籍。我有朋友就曾經為了令媽媽覺得自己每日都「有嘢做」，叫媽媽每日煲湯俾佢飲。
培養興趣
呢一點好重要！當父母有了新的寄託、新的朋友圈子，就自然會變得開朗，兼且可以「話題多多」！你不妨帶父母到社區中心做義工，又或者教他們報讀一些興趣班，例如太極、健康舞等等，好似康文署就定期會有一些course提供：
http://www.lcsd.gov.hk/
如果父母唔識上網的話，不妨抽時間教佢哋，例如點樣用search engine搜尋想看的東西，又或者上YouTube睇片聽歌。
CG! Reminds U:
父母沒有收入，少不免會對錢銀比較緊張，因此有可能會催促你俾家用，又或者變得計較，喺呢個時候，盡量代入他們的處境：沒有收入了，所有支出都有出無入，第日到你年紀大了可能都會一樣，因此，記得要體諒佢哋啊！
最重要嘅一點，係要令他們感受到你錫佢哋：抽空陪佢哋散步、帶佢哋試新菜式、偶意陪佢哋去旅行 / 主題公園，其實佢哋已經好開心架喇！
想不開、就別想. 得不到、就不要. 失去了、繼續笑. 擁有了、要珍惜。
快乐不是拥有的多，而是计较的少。
生悶氣，發脾氣，煩躁，焦慮，失眠. 是指因生气（生闷气、怒气、着急上火生成的火气、思虑生成的郁气）。
理性討論交流者。
發表於 
返回列表
