其實唔洗搵咩WEDDING PLANNER,
我成個結婚都係一手一腳自己攪晒, 錢又好, 人手又好, 時候表, 過大禮都係。
如果你地係定左結婚, 首先要定:
1) 擺酒/旅行? 擺酒的話你可以上網睇睇D酒席大約幾錢, 可以係婚紗展訂, 會平D。
另外大約問問男女家人數。
2) 婚紗, 晚裝, 禮服 (平有平搵, 貴有貴搵, 要問埋奶奶, 姑拉等等需唔需要包化妝等等)
3) 結婚花車? 花球, 手花, 等等...(都要問埋男女家, 要幾多個長輩花, 通常都係: 4個主婚人花, 每邊各2個長輩花)
4) 政婚? 政府定律師上門?
5) 結婚頭車, 姐妹車, 旅遊巴 (都係要問男女家冇親戚需要)
6) 姐妹裙? 兄弟衫?
7) 過大禮物品, 安床, 搬嫁妝等等...
8) 回禮小禮物? 請帖利是? 餅卡? 結婚用品如: 杯, 壺, 貼紙, 跪墊, 結婚介子..
9) 安排姐妹兄弟分工:伴娘伴郎做嘜, 頭車坐咩人, 姐妹車坐咩人, 唔好留左攝影師, (伴娘係扶你同遞茶, 另外建議搵一個姐妹負責拎茶杯, 一個姐妹負責幫你收人情或金, 兄弟可搵番伴郎, 至於夜晚擺酒, 如果兄弟姐妹分身唔到, 坐門口可以搵D熟落的親戚代坐, 姐妹兄弟負責帶位招呼。)
另外, 有D小細節可以留意:
1) 準備2個大環保袋比姐妹兄弟收金,人情。
2) 準備幾個大尼龍袋, 出發的時候用黎放姐妹們的衫, 鞋, 袋。走時放要帶走的野, 例如到時會有好多細細件物件, 你係唔會有時間一件件執的, 一次過掃晒落尼龍袋好過。
3) 禮金需要傾, 就算唔知實數, 估計數都要知道, 防止到時酒席訂好晒先因為禮金而嘈。
4) 擺酒收番的金,人情歸邊個? 呢樣野都係好重要, 我一早托老公問左, 因為初初我本身唔擺酒, 但奶奶想, 結果好辛苦自己比錢擺左33圍, 而因為一早講好左人情, 金番我地, 所以成件事完全冇嘈過, 唔開心過。事後仲每人(我呀媽, 我奶奶醒左1萬蚊添)。
5) 可以做一個結婚表, 有每一項入收支出說明, 坐位名單, 結婚物品名稱, 兄弟姐妹電話數目, 婚禮時間表(起身, 到達女家, 化妝, 遊戲, 中午飯, 回門, 出發酒樓, 律師到場註冊)
6) 約約問下到時有幾多人會飲茶, 女家早上有幾人? 男家早上有幾人? 到酒樓飲又有幾人。
7) 酒樓席前小食? 如親戚鐘意飲紅酒, 可自己買多小小紅酒。
8) 酒席前其他食品提供? 你會唔會批準其他人係酒樓食其他野? 需唔需要你批?
我當日就酒同酒樓講晒, 得我一個人可以批, 其他絕對唔得。
其實有太多太多, 你上網都應該搵都唔小資料。
今時今日物價貴, 但結婚唔一定會LOSE, 當然都唔好打算用黎賺。
我2011年結婚就賺左一個DOUBLE了, 所以真係好睇你點揀野, 有冇做好功課..
我慶幸我是水瓶星座.
爸爸是我心中的大樹.
媽媽是我一生的偶像.
姐姐是我一世的知己.
弟弟是我生活的依賴.
多多是我平常的歡樂.
一家人嘛!
發表於 
返回列表
