母乳餵哺 今日: 0 | 主題: 85707

積分: 2348

1^#

發表於 12-11-11 22:57 |只看該作者 |正序瀏覽 |打印

唔知我算唔算失敗個案呢。

阿女 8 週大，前日開始我跟住本書訓練 bb 定時「食。玩。瞓」，試之前其實阿女已經係兩至三個鐘食一餐，但冇定時間表，阿女佢又自已戒緊夜奶，每晚愈瞓愈長時間，所以每日最早同最夜嗰餐都不定時。前日開始，先同佢 tune 時間，食同玩嗰部份都冇問題，時間表都跟倒。不過瞓我就用自己方法，以前佢玩完會扭計，要人抱住佢 un 吓 un 吓，行嚟行去。我方法係佢一扭計就放佢落床俾佢喊，每五分鐘探佢一次，如果中途，或者探佢嗰陣唔喊就抱起佢，但只會坐低，抱到瞓著就放返落床。有時佢會喊兩分鐘就停，而且明顯乖咗，唔會郁啲就喊破喉嚨，會忍住忍住，我估佢知道乖先會有人抱呢個道理。

但係照本書講，要放佢落床，由得佢喊到自己瞓著，我地今日試過一次，我同老公都已經心痛死！佢喊咗二十分鐘，停咗一排，唔知係冇瞓定醒咗，又喊過，我忍唔住俾奶嘴，但佢啜一陣，甩咗，又喊過，又再甩，又喊....如是者，最後都冇瞓過就到下一個循環喇。

最後同老公商量過，決定用返自己方法。我地覺得 bb 開心都好緊要，只要唔係扭計，我地都唔介意佢黐身啲。而且佢以前成日笑，有時連瞓咗都會笑出聲。其實我以前係認為，如果由得 bb 喊，佢最後係會唔喊，但其實只係對媽媽絕望，喊都冇用！都唔知點解睇完本書，竟然會咁樣折磨個女！

Further reading「抱？不抱？」：https://www.facebook.com/notes/michell-huang/%E6%8A%B1%E4%B8%8D%E6%8A%B1/10151103428077869

雖然如此，我覺得本書其他部份都好好，可以令 bb 有規律咁食玩瞓

0 0 0

私人傳訊回覆引用

Potato001

積分: 14819

37^#

發表於 12-11-12 18:11 |只看該作者

引用：應該唔關事TOUGH唔TOUGH事ge,+只係視乎阿媽

原帖由 clemencebaby 於 12-11-12 發表
應該唔關事TOUGH唔TOUGH事ge, 只係視乎阿媽想點養育個BB。
佢仲係BB黎, 好細個架咋。我唔需要佢表 ...

我係bb 10 week 時睇呢本書，發覺和我自己本身的做法有部份相似。bb 因為唔識埋身食，所以開頭用杯餵，餵咗十幾日，食多咗用杯容易倒瀉，就用奶瓶餵。我冇定時間表，但係用每餐相隔幾耐來餵，所以每日的時間會有1-2小時誤差，我覺得可以接受。之後慢慢加奶，bb 就自動延長餐與餐之間的時間。兩個半月戒夜奶，四個月開始一日四餐。

不同之處是處理喊同瞓覺。bb 一兩個月大時喊，我一定會抱起佢，幫佢掃風，因為佢好多時之後會嘔奶或者ur氣。bb 唔舒服，會出盡力喊，有咁大聲得咁大聲，唔可以唔理。瞓覺我都會抱，因為bb細個時成日ur唔到氣，頂住瞓唔著，唔抱下佢，每日會瞓得好少。瞓著就放落床，夜晚都好少瞓瞓下喊醒。到三四個月大，ur 氣叻咗，唔一定要抱至瞓，間中會自己瞓到，不過因為bb好鍾意玩，一人多就唔願瞓，所以到真係好眼瞓時會喊，同埋用個頭頂張床，所以我都會抱佢，通常五分鐘就瞓著，一係就一抱起突然變精神，同佢玩下就唔喊，放落床可以自己玩。我覺得如果抱一陣會瞓，抱下有咩所謂。

私人傳訊回覆引用

sumsumama

別墅

積分: 686

36^#

發表於 12-11-12 15:05 |只看該作者

引用：其實餵人奶要抱住BB黎餵OR同佢一齊訓係道餵

原帖由 jarixching 於 12-11-12 發表
其實餵人奶要抱住BB黎餵OR同佢一齊訓係道餵食食下佢都訓左啦咁呢本書既方法應該都唔太岩人奶B ...

我果個就係慣左啜住訓，情況越來越嚴重，一晚要起身好多次搵奶奶，我頂唔順之下就訓練佢自己訓，結果一星期後佢已可訓過夜！對我來講，呢本書係救左我同c6一命的。

私人傳訊回覆引用

積分: 2348

35^#

發表於 12-11-12 14:39 |只看該作者

引用：其實餵人奶要抱住BB黎餵OR同佢一齊訓係道餵

原帖由 jarixching 於 12-11-12 發表
其實餵人奶要抱住BB黎餵OR同佢一齊訓係道餵食食下佢都訓左啦咁呢本書既方法應該都唔太岩人奶B ...

the \"in-arm\" phase of baby\'s life is so short, even though it might feels like forever when u\'re in the middle of it

點評

jarixching

再過多幾年連拖都冇得拖

發表於 12-11-13 00:43

私人傳訊回覆引用

jarixching

複式洋房

積分: 404

34^#

發表於 12-11-12 13:50 |只看該作者

其實餵人奶要抱住BB黎餵OR同佢一齊訓係道餵食食下佢都訓左啦咁呢本書既方法應該都唔太岩人奶B

我個人係好鍾意抱我忍受唔到佢地喊冇人理我仔女好痴我我大仔而家都算係一個好有自信好有愛心既小朋友不過好痴阿媽好聽阿媽話雖然唔知同抱得多有安全感有冇關係不過隨住我小朋友大個已經冇辦法再抱佢好懷念以前抱住佢既日子

私人傳訊回覆引用

積分: 13658

33^#

發表於 12-11-12 13:42 |只看該作者

引用：bb來到世上,+最需要家人尤其媽媽的照顧,而b

原帖由 homommy 於 12-11-12 發表
bb來到世上, 最需要家人尤其媽媽的照顧,而bb又不懂言語,只能用哭聲告訴媽媽他需要什麼,而媽媽都不理他,實在 ...

唔該，而家唔係叫媽媽由得bb喊都唔理佢，而是佢喊的時候要搵出bb喊的原因，當所有原因(包括肚餓換片掃風) 都排除左，剩下的就是扭眼瞓，係扭瞓先至唔理，放落床仔等佢自己瞓

私人傳訊回覆引用

草

伯爵府

積分: 18713

環保接龍勳章

32^#

發表於 12-11-12 13:11 |只看該作者

真係唔係一個理論可以FIT晒全部FAMILY, 其賁個理論唔係FOR一個BB, 而係一家人, 好似由得佢喊, 如果兩公婆住就得, 一家大細真係好難WORK的. 同埋有D媽媽係好鐘意抱住BB訓, 覺得好SWEET, 我覺得相處到冇問題就OK, 唔一定要跟邊一套.

而我係跟到'從'書的, 因為我本身好需要優質睡眠, 同埋我又唔覺由得BB喊係好慘, 我只係覺得喊係好自然, 我會望住佢喊, 陪住佢, 佢知道我存在的. 我個女開頭真係成日喊, 可以喊一個ROUND的. 但係好快就唔會亂喊, 大女約兩至三個月左右(懷疑腸痛), 細女一出院, 佢地一喊我就GET到佢要咩, 因為唔扭抱, 佢地好少喊, 真係有事先會喊, 同埋就算出街咁, 佢係BB車訓得好舒服, 只要夠鐘佢, 開始想喊, 一放低佢, 摸下個頭就訓左, 我唔洗又抱又UN, 同埋佢一覺都可以訓好耐, 對我O黎講本書真係好好, 我兩個女都真係好好湊.

但係如果因為夾硬跟, 搞到媽咪唔開心, 夫妻吵架, 咁真係唔好, 揀適合自己的最好.

私人傳訊回覆引用

homommy

禁止發言

積分: 23847

31^#

發表於 12-11-12 13:11 |只看該作者

提示: 作者被禁止或刪除內容自動屏蔽

私人傳訊回覆引用

pikupi

積分: 10840

陪月勳章

30^#

發表於 12-11-12 13:10 |只看該作者

傻媽咪.. 唔好俾咁大壓力俾自己, 個個bb 既性格同需要都唔同, bb 係一個活生生既人仔, 有自己既性格, 唔係機械人, 唔可以全完話跟說明書 set programme俾佢自己跟住run, 當然有d 受教d 既bb 可以train 到。但如果bb 唔鐘意哩個方法, 就寧願搵d 大家都舒服,開心既方法去生活。由其係如果你唔係ftm, 遲d 要返工, 一日只會得幾個鐘見到bb, 我寧願珍惜同佢相處既時間, 俾佢開開心心咁成長。
我之前都係响bk 哩到見到d 媽咪讚哩本書, 都打算買黎睇, 試下跟下，但我買唔到, web vision 又無時間睇, 所以就算了。我唯一做到就係唔係行住un住咁揞訓, 每晚佢食完奶12點零, 食到飽就會訓, 完全訓著之前就放落床仔, 再輕聲同佢講, bb 要返落床仔訓覺覺喇, good night, 咁佢就會繼續訓。健康院d 書仔都係咁建議。

上星期我返健康院聽講座, 有個3個月大bb 習慣左抱住先肯訓, 因為一出院已經慣左, 個媽媽又係想train 佢, 但唔成功, 姑娘就話如果一次唔成功, 就隔一星期等佢精神好d, 狀態好d 時間穩定d先再試。我覺得如果你真係想set schedule 但搞唔掂, 不如返健康院搵姑娘傾下, 睇下有咩方法適合自己既bb。加油呀... 唔好俾自己咁大壓力, 多d 上黎傾下偈,開心下好過啦~

私人傳訊回覆引用

Pinkpling

積分: 3278

BK Milk勳章

29^#

發表於 12-11-12 12:29 |只看該作者

其實每套理論都有好取同不可取之處，點樣先適合自己同BB，相信無人清楚得過媽媽。所謂唔可以一本經書通到老，都要視乎實際情況。我支持俾bb有規律既作息時間，但因為我個b係全人奶，所以最初幾個月係好難做到，但當阿b食固體之後，就變得可以有規律了。定時食野，定時瞓覺，定時poopoo，佢亦由最初要抱住瞓，變得可以自己瞓(但要有人在旁陪住)。所以，做媽媽真係要慢慢摸索bb既性格脾性，咁就自然可以培養出適合自己同bb既生活模式，不過大前提下，當然係大人做主導，唔可以俾bb食住啦﹗

私人傳訊回覆引用

clemencebaby

積分: 4622

28^#

發表於 12-11-12 12:19 |只看該作者

應該唔關事TOUGH唔TOUGH事ge

, 只係視乎阿媽想點養育個BB。
佢仲係BB黎, 好細個架咋。我唔需要佢表現到勁乖唔扭計, 寧願佢有咩需要, 佢可以盡情比媽媽知道, 我希望佢長大變成小朋友, 都仍然明白, 佢有咩需要, 可以放心同媽媽講。我唔希望佢自小就覺得, 只有表現乖既時候, 媽媽先錫佢。我見過有D小朋友, 響父母面前好乖, 但父母唔響度就會好曳。

SO FAR我個女平時好少扭計, 成日笑既, 又可以自己響床仔玩好耐。除左佢出牙唔舒服果排。
至於自行入睡, 我就決定左唔會特登去TRAIN佢，佢而家間中都可以自行入睡, 佢終有一日會OK~
我講自己既失敗經驗出黎，係想提醒一D想試TRAIN 自行入睡BB既媽咪，你選擇用邊套方法唔係問題, 但一定要貫徹到底, 唔好左搖右擺, 如果唔係受罪既係BB。

私人傳訊回覆引用

小豬精

積分: 3805

27^#

發表於 12-11-12 11:43 |只看該作者

我無睇過呢本書但我BB 2個月已自己戒夜奶
每個BB性格不同一種方法唔係個個啱
不如等BB自然發展

私人傳訊回覆引用

積分: 13658

26^#

發表於 12-11-12 11:27 |只看該作者

回覆：＂從0歲開始＂.....點解我要咁折磨個女呢

呢套理論唔係叫人唔好抱bb，而是唔好抱住瞓，我而家喺bb唔扭計的時候先抱佢，玩下，漸漸地佢好似知道要乖唔喊先會有人抱，所以無點扭計

私人傳訊回覆引用

積分: 13658

25^#

發表於 12-11-12 11:23 |只看該作者

引用：Quote:原帖由+chan_chi_mun+於+12-11-12+發

原帖由 Crownbe 於 12-11-12 發表
其實我都覺得要一開始就跟佢既做法會好d，如果吾係無論大人同小朋友都辛苦，bb比我地更難適應。好慶幸我都 ...

餵人奶唔可以跟時間表，係要按需要來餵，即係如果佢要一個鐘啜一次都要比佢啜

私人傳訊回覆引用

積分: 13658

24^#

發表於 12-11-12 11:21 |只看該作者

引用：Quote:原帖由+chan_chi_mun+於+12-11-12+發

原帖由 liyk1217 於 12-11-12 發表
咁你 bb 嗰陣喊得淒涼嘛？每次又會喊幾耐呢？

開頭會喊得好淒涼，但是唔係喊好耐，我諗頂多15分鐘，因為未滿月前我會包得佢好實，好似喺醫院度包實左對手，佢好有安全感，所以好快收聲自己瞓著

私人傳訊回覆引用

積分: 2348

23^#

發表於 12-11-12 11:10 |只看該作者

引用：我係失敗例子,+分享下。我都試過由佢喊到瞓

原帖由 clemencebaby 於 12-11-12 發表
我係失敗例子, 分享下。
我都試過由佢喊到瞓, 5分鐘,10分鐘睇佢一次，其實佢一開始喊, 都係喊半個鐘瞓著啦, ...

好同意呢句「心中有不安，千萬唔好試」。

其實我又諗，成功例子入面嘅媽媽，會唔會係佢本身夠 tough，就自然都生出個好硬淨嘅 baby? 我媽咪話我細個都係成日要人抱，又係要行嚟行去架，咁我個女都係似我啫

再講吖，其實我宜家都好鍾意俾人攬住架，如果我老公話要訓練我獨立，唔肯攬住我，都唔知點算

私人傳訊回覆引用

darichie

積分: 13489

22^#

發表於 12-11-12 11:04 |只看該作者

回覆：liyk1217 的帖子

CIO呢套理論人夾人啦我覺得。但我個人就唔buy囉。

私人傳訊回覆引用

積分: 2348

21^#

發表於 12-11-12 10:59 |只看該作者

引用：Quote:原帖由+chan_chi_mun+於+12-11-12+發

原帖由 Crownbe 於 12-11-12 發表
其實我都覺得要一開始就跟佢既做法會好d，如果吾係無論大人同小朋友都辛苦，bb比我地更難適應。好慶幸我都 ...

咁佢又唔係話個時間表一定係三個鐘一次嘅，都要因應你 bb 需要去安排，重點係要有規律啫。

私人傳訊回覆引用

積分: 2348

20^#

發表於 12-11-12 10:56 |只看該作者

引用：Agree!+BB想人錫痴住人好正常，始終只係得

原帖由 darichie 於 12-11-12 發表
Agree! BB想人錫痴住人好正常，始終只係得幾個月!我冇睇任何育嬰書，湊BB靠日常對個仔嘅觀察去了解佢性格同 ...

你好叻呀，其實原本我都好似你咁，對自己好有信心，可能係成日見呢度嘅媽媽係咁讚本書，搞到心思思想試吓啦，跟住本書又實牙實齒咁話一定得，我就動搖喇

私人傳訊回覆引用

Crownbe