anita12282003
概要
最新動態
食評
心水餐廳
相片
留言板
開飯團購
更多
推介食評心水食家食評留言影片Widget小工具
文章形式 | 地圖形式瀏覽: 已批核食評未批核食評食評稿件
共 1 食評，正顯示第 1 至 1 篇食評
極度不愉快的反面晚餐
24小時內
歡喜素食
類別 : 港式、中菜館、素食
我從來是不寫食評 , 頂多看看其他食家的食評作參考而已。因為昨晚一頓極度不愉快的反面晚餐事件 , 我決定第一次親筆寫食評感受。
我是葵涌居民已有7 年多 , 和附近的大小食肆一向保持友好關係 , 有來有往 , 絕不生惡生事。但昨晚 (時間 8:30) 我和先生如常到經常光顧的歡喜素食晚膳 , 沒想到這是最後一次光臨。
女老闆娘坐在收銀處, 一直黑著面, 我當時沒太在意她情緒如何 , 專注享用晚橏。她用不客氣的語氣問我 " 你收得好夜咩?"我答 " 唔係呀 ( 我感應她的惡意, 所以嘗試讓她平和,歡容方式再說) ---> 我掛住呢度粟米魚肚羹,好好味呀。" , 總算緩和了少許。但女老闆娘再發炮 " 你地唔知我地收 9:00 咩 ?" 我先生回應 " 吓 ,係咩 ? 無下次啦 , 乜唔係收 9:30 咩 ?但你老公當時同我地講廚房收 9:00 , 樓面收 9:30 嘛。" 女老闆衝口而出說 " 我老公還我老公做 , 我有我做 , 我老公好人俾你地係度磨爛脊姐, 但我唔會 !" 我先生真的生氣了問 " 咁你點解唔放個牌係出面話截單8:30 , 我地入嚟又唔同我地講現家改收 9:00 , 咁我地都會識做走人唔好阻你收工。"原來我和先生吃東西時,那個女老闆一直發出Jeep Jeep 聲 , 又單單打打 , 我先生忍無可忍說 " 喂 , 你 jeep 夠未 ? 講完末呀 ?" , 當時, 伙記還是客客氣氣說 " 別急別急 , 慢慢吃啦。" 那女老闆狗血臨頭地狂罵伙記" 仲慢慢食 , 你留低睇住佢地食呀 ? ', 我先生再回應 " 我講多一次係你老公話樓面收 9:30 架 ,!" , 女老闆發難 " 我係老細 , 我話收幾點就收幾點 , 唔好以為你地有幾個臭錢大晒呀 , 我唔志在你地嚟唔嚟 , 無所謂架 ( 不停重覆數次) , 我唔做你生意 , 走 , 四眼仔 !"
我先生回敬 " 放心 , 請都唔會嚟。枉你週圍叫D客修心, 你根本佛口蛇心 , 仲有一堆自以為是佛理 , 走火入魔呀 !"女老闆說 " 四眼仔 , 睇你斯斯文文 , 原來你係咁 , 枉你係佛門第子 , 醜死鬼 , 自作孽 , 不可活呀 !"我先生笑著答 " 我幾時話過自己係佛門弟子, 但你經常自稱係弟子,仲週圍同D客講一堆佛理, 你根本就齋口唔齋心 !"女老闆不堪一擊 , 竟然犯下口孽對我先生說 " 四眼仔 , 你都會生仔架 ! "我先生大笑 " 我會呀 , 但我知你唔會 !" 找數的時候竟然要 $238 / 2 人 , 明顯收多了 , 變得不老實。還有找錢時女老闆手指指接近我先生鼻子說 " 找埋今次錢,唔做你生意" !
以後不會再有以後 , 歡喜素食由第一天開張至現在我們一直也光顧 , 昨晚緣盡於此。女老闆大可用另一套劇情演譯你的委屈以及掩飾你的真實修為 ,我相信舉頭三尺有神靈。女老闆情緒事實如此 , 此時此刻 , 再好的廚師也是徒然。
不斷迴避自己做人修養問題 , 卻隨便把自己的一套思維強加在人客身上以及情緒隨時失控 , 內心真的如舖名字歡喜嗎 ???
堂食等位時間: 0 分鐘
用餐日期：
2013-01-24
評分：
味道4
環境3
服務2
衛生3
抵食2
回到頁首
發表於 
俾錢佢賺仲要受佢氣
hohohohooooooo
返回列表
