自由講場今日: 122|主題: 1359873

收藏本版

發帖

返回列表

跳至頁

查看: 7516 | 回覆: 202

我有個fd嫁左個臺灣人

[複製鏈接]

12 3 4 5...11

陳曦

子爵府

積分: 11491

1^#

發表於 13-3-13 01:28 |只看該作者 |正序瀏覽 |打印

本帖最後由陳曦於 13-3-14 00:33 編輯

真人真事，個臺灣人係X教法師，喺香港有辦事處，幫人做法事咁

舊年年底結婚，請左女家三十幾位親友去臺灣（全包機票酒店）

男家好有錢（家中獨子）喺台北巿有棟五層高嘅樓

頭先同c6講笑話＂做法師咁好搵，不如你都改行囉!＂

C6：啐⋯⋯(下刪一千字）

仲有好多令C6深惡痛絕嘅事，得閒慢慢寫，依家有D攰啦

----------------------------------------------------------------------------------------------------------------------------------update 1.

想同大家分享下到底＂開佛堂＂係＂做生意定係＂盡自己所能幫人＂，有時做呢D嘢到底係做＂法事＂定係做show?
好啦，講正經嘢啦：

我個FD（係C6家比較疏遠嘅親戚）暫且稱之為A吧，A有二個家姐同一個細佬，大家姐同姐夫都係一般打工仔，二家姐單親自己做生意身家千萬以上，細佬就未結婚。A同嗰個臺灣法C拍拖唔夠三個月就喺美國注冊(襾年後先擺酒）。聽到佢同法師結婚嘅消息，當時一D同佢比較熟悉的人都覺得好突然，因佢三個月之前嘅bf係佢中學同學，喺埋一齊起碼超過5年。

咁感情啲嘢局外人好難明白，所以大家都冇評論啲咩，衷心祝福佢地。但有D事情，令到周圍親友非常不滿A同佢老公啲處事方法。

之前A媽媽(A媽咪係外國人，娘家人唔喺香港）喺醫院查到身體內有個器官生左個瘤，醫生話問題不大，可考慮切左個器官，或者係唔做手術做保守治療。當屋企人同A商議時，A同佢老公（當時還是BF）極力反對醫生嘅建議，話唔洗去醫，喺屋企做幾堂法事就會好返咁話喎。當時大家姐二家姐都係信X教信到上哂腦，竟然同意佢地嘅提議，好彩A細佬還醒識得求助D親戚長輩，最後亞奶奶打電話㑭我C6我地先知道，c6好激氣咁踩上佢家鬧到佢地7彩之後同A細佬送A媽媽去左醫院。後話：手術後A媽媽至今一切正常
..............................................................................................................................................................update 2. 117#

A二家姐之前喺藍XX島有個單位,有次A同佢老公（法師）上到去食飯，之後個法師好神秘咁問二家姐，問佢搬去嗰度之後係唔係感覺到有D咩唔妥？

二家姐認真咁諗下，係喎，自從搬左新居後冇幾耐就離婚，再之後生意上又有D阻滯，投資股市又失左利，於是好緊張咁問法師係唔係喺佢屋企見到D嘢?

法師好肯定咁答佢＂係＂，仲叫佢唔好擔心，話會幫佢搞掟，仲話佢係A老公，咁即係大家一家人咁話喇，咩香燭紙冥都唔洗二家姐操心喎，但二家姐又點好意思麻煩人地要人出錢又出力，最終二家姐都係㑭左A襾萬蚊叫佢幫手搞掟D嘢。

二家姐仲諗住從此後可高枕無憂.點知過左十幾日，個法帥同二家姐講佢屋企隻＂嘢＂太勁.佢搞唔定隻嘢，需要請佢師父出山先有轉機。

既然係咁，二家姐唯有聽從法師建議，一行人去左大陸五台山，又真係請左個幾年長嘅長老返來，做左場法事，又話要去xx地方點長明燈，要去xx地方塑個金身貢奉（否則二家姐會大禍臨頭咁話咼）又要去xx地方做D咩咩（具體詳情已經唔記得）

總之如此這般折騰落來，二家姐大喇喇洗左四十幾萬

之後二家姐仲賤賣左層樓，不但冇賺到錢，仲賺左場驚嚇