本帖最後由 180 於 13-5-16 23:58 編輯
尋法律意見:
我奶奶個工人問我個工人借左$3000, 借個時應承係我工人走之前會還晒(我工人11/5完約會走), 但奶奶個工人家陣好似唔想還錢, 問親佢就賴皮, 呢件事, 我老爺奶奶都知。
我地想幫我個工人追番佢既錢, 想知,
1) 當我老爺出糧比佢個工人時, 可唔可以扣起佢部份既人工還比我個工人?
2) 咁又會唔會犯法呢?
3) 如果唔可以咁做, 有咩方法可以令奶奶個工人還錢比我個工人呢?
**UPDATE** 16/5
今晚終於成功幫姐姐追番D錢, 
多謝大家提供既寶貴意見。 
呢件事仲有D小插曲, 更加令我地覺得, 我奶奶呢個工人, 真係好唔乸掂......件事係咁既:
當我個工人話比我地知"借錢唔還事件"既幾日後, 我奶奶個工人(下稱"大話精") 問我奶奶, 可唔可以提早一個星期出糧, (大話精仲未知我地已經知道佢借左我工人錢), 我奶奶問佢借錢(提早出糧)尼做咩, 大話精就即刻咇左兩滴眼淚出尼, 飲泣地同我奶奶講, 話佢家姐死左, 要寄錢番菲國做身後事, 我奶奶就更係唔信啦, 於是就問佢, 你唔係已經問左"LISA" (我工人)借喇咩? 佢即刻左兜右兜 (詳情我奶奶冇講), 但總之我奶奶就拒絕左提早出糧比佢啦....
跟住, 個大話精打電話比我個工人, 鬧佢做咩爆借錢呢單野比我奶奶知, 我工人冇理佢, "FU蜆"左佢幾句就收佢線......
我個工人就打比大話精個朋友, 問佢知唔知大話精個家姐死左, 大話精個朋友既答案好搞笑囉--->> 吓...唔係佢細佬死仲咩? 佢同我講話佢細佬死左喎.....
咁大話精之後就冇再問過我奶奶提早出糧既事喇....
今晚, 我老爺奶奶尼左我家附近食飯, 仲帶埋cash, 係我家出糧比佢個工人 ( 我地夾定), 因為佢地同大話精講, 雖然星期日先係正式出糧日, 但既然你急用錢, 就早一兩日冇所謂, 但呢幾日假期佢兩老都會早出晚歸, 所以今晚會係我家出埋糧比佢, 等佢早D SEND錢返去.......
好喇...咁我奶奶就特登係廳個度出糧比大話精啦, 而我家姐姐事前已知, 於是扮做家務, 留左係廳度....當比左人工大話精, 同埋大話精簽好晒收據時, 我個工人就當住我地面, 叫大話精還錢啦, 大話精想推佢, 叫佢夜D先傾, 我之前教我個工人, 一定要係我地面前問佢攞番D錢, 唔好比佢拖延...所以我工人堅持要即刻搞掂筆數......
個大話精, 死都唔肯比番錢我工人, 又多多藉口, 呢樣個樣, 又喊苦喊忽, 拉拉址址左成個鐘, 我地全程都在場, 最後, 我工人終於攞番所有錢......
好開心可以幫到姐姐, 佢係一個好單純既人, 係我度工作兩年, 我地好滿意佢表現, 我地關係好好, 我真係唔希望佢臨走, 都有咩唔開心野發生...
再次多謝大家比左好多寶貴既意見.....謝謝!!!
如晴報或任何記者刊登此留言, 必追究。因為我唔認為係度講就預左比人抄!!!
...掉晒D錢係枱面, 跟住話落街冷靜下, 仲攞埋手袋...我咪即刻欄住佢, 要佢執番佢應有既錢, 放低個袋, 先可以落街冷靜....佢都低低地, 我就咁比佢落街, 一陣佢去搵差人上尼話我地搶佢錢咪死....佢真係當我地冇腦架...
發表於 
.....我叫左我奶奶最好炒左佢..但要老爺點頭囉..
返回列表
