我有，兩次都有，初初都好驚，但問人就話正常。
第一次剛知道有孕，發夢自己喺地鐵入面，地鐵停駛，一大班人喺地鐵軌度行，
試圖行去下一個站，同一情境其實係真有其事，好多年前喺香港發生過，
但當時我係冇被困地鐵架，所以夢到我都覺得好出奇。之後成班人多數係女人去到閘口，
點知過咗閘之後就話過咗嘅人全部死晒，我當時好驚話：唔得架，
我有咗BB，老公未知，我要出番去。（但當時我老公已經知道我有咗架啦）
跟住我係咁求果度一個著白衫嘅女人俾我走，之後就醒咗，
我老公問我咩事，我好驚淨係識得喊。後來問人，果個人話夢中死即係生，
孕婦夢到冇問題，唔駛擔心。
第二次又係知道有咗之後，當時已有大仔，夢中係時代廣場，
我推住BB車，裡面有我大仔，我等緊升降機上去，打緊電話俾我媽，
有個人猛咁向我揮手叫我走唔好入升降機，但我唔識果個人無理到，
入到去升降機好多人，但原本有上無落，我好驚，係咁想搵另一間升降機落番去，
但揸升降機果個話落係停喺地獄架，即係去到死亡之國，
我話我唔去架，我要帶個仔返屋企食飯，跟住見到同我揮手果個人話：都叫你唔好入去架啦，
之後我就醒咗，果陣都幾驚架，不過因為有上一胎經驗第二次好D。
花旗太太生活在花旗國，留意時差，你問我未必即時答到。
發表於 
靚太唔易做！！
返回列表
