本帖最後由 fwsaefong 於 13-9-25 23:43 編輯
姨婆噚晚走咗，我其中一個阿姨甲開咗個群組講點安排生後事。我姨婆本身就信基督教既，而我地就信佛教，其實我地都打算同佢搞基督教既儀式。
個群組開始咗無耐，其中一班移民咗加拿大多年既親戚A就開始講姨婆一定要行基督教，佢靈堂入面一定唔可以有任何佛既嘢。由於我地信佛，我係姨婆彌留之際我都有同佢地念經既，咁我就講冇問題，只係我地幾個企埋一邊唸經有冇問題呀？原本個親戚A都話冇問題既，點知另一個大西洋親戚〔親戚A個老豆〕就話要尊重死者，諗經唔可以諗出聲。咁我地都冇所謂，唔諗出聲就唔出聲囉，我都會尊重你既儀式既。
但係個親戚B仲係咁講要點樣捍衛個基督教儀式，又點點點…大哥，我幾時有話唔行基督教儀式呀﹗
我個妹呢個時候頂唔住頸，就頂咗佢話我阿哥冇講到唔行基督教，跟住佢地兩個開始互罵。當然，我都有勸佢地，要尊重先人，唔好再嘈啦…呢個時候我阿妹收咗聲，但阿姨乙〔又係大西洋親戚，十年先探姨婆一次〕就頂咗一句，以前另一個姨婆走果時班細既都冇幫過手〔但佢果時都冇幫到〕，做細既唔好咁多爹，話邊個阿姨係基督徒，佢地搞得好…
頂，佢唔講尤自可，一講就眼火爆，我講既然佢地搞得咁好，今年拜託佢地啦，同時希望你都會返嚟幫下手啦。
講完，退出群組。既然呢位阿姨覺得我地做細冇發言既權利，我都無謂理佢地點樣搞。
死者已已，點解仲要為儀式上既嘢係咁嘈，究竟你堅持你既儀式係為死者最好，還是還死者一個安息既空間好呢？最大問題你地班大西洋親戚，十年都唔返嚟香港一次，姨婆點既樣你都唔記得。照顧佢既係我地唔係你，人地走咗啦仲要隔個大西洋嚟抽水又指指點點，雖然阿妹有時講嘢係過咗火，但我都出哂面勸你就好收口啦…早前另一個姨婆走既時候又唔見你幫手，錢又唔見你夾，淨係識質問我點解唔照顧得佢好點，咁多年除咗十年一潤既一封利事仔外，佢地兩老既照顧費咪又係我地畀﹗
總之我地懶得同你嘈，你地點搞就點搞，我再出聲盞姨婆唔安樂。
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
返回列表
