香港18區媽媽會 今日: 0 | 主題: 157000

積分: 10598

好媽媽勳章醒目開學勳章

1^#

發表於 13-10-15 13:04 |只看該作者 |正序瀏覽 |打印

我仔今年K2，下次到我地報小一喇，想請教下各位家長。

我暫時心水排名係--上水宣道(C6堂細佬妹讀緊小六/小五話幾好), 嘉福榮真,于良發(我老闆對仔女讀緊，老闆娘話好),上水榮真(我姪仔讀緊小六，阿嫂話好),靳X生(但早排睇新聞話功課壓力大到個小六女生跳樓我又有D擔心)

想請教--

(1)我心水呢5間位於上水/粉嶺，而我上水同粉嶺都有住址可以報，到時應該用邊區地址報名好? (如果用上水，我好擔心攪珠派左入鳳溪果D...同埋好似上水其他小學都麻麻地又多雙非?)

(2)我心水呢5間我都知區內好出名，一定好難考...曾梅係咪都幾好? 仲有冇其他小學評語好既介紹我研究下?(我理想既學校係活動教學，因為阿仔比較好動，功課方面相信都可以接受到多少少功課，依家讀緊嘉寶每日KEEP住2份功課，放假就4-6份)

(3)我母校係鳳溪小學(小一至小二)同東華三院港商聯下午校(小三至小六)，鳳溪我唔諗架喇(因為多雙非，而且想當年課程太淺所以媽咪先幫我小三轉校，我仲記得轉到過東華頭一年我追得好辛苦...好多英文生字都唔識...)

而東華聽講有國民教育，搬左地址之後亦差左，都唔知報唔報好...如果呢2間母校都唔報，我地兩公婆又冇宗教分，咁我仔首輪真係凍過水....

點評

littlecarey 計分只計小六畢業果間,所以鳳溪妳都不用考慮啦! 發表於 13-10-16 12:35

0 0 0

私人傳訊

fdcm

積分: 6235

2018復活節勳章 Poo得好勳章 15週年勳章親子王國15週年勳章趣教勳章畀面勳章叻叻勳章大廚勳章親子達人勳章 wyeth冷知識勳章陪月勳章爸B勳章遊學勳章炎夏勳章 BK Milk勳章 DHA勳章育兒性格勳章

33^#

發表於 13-10-31 09:35 |只看該作者

回覆野豬媽的帖子

我個時都無宗教,拎15分同我個仔博上宣,我兒甥仔都讀呢間,所以我個仔都話要入,本來我都想入靳x生,因為我係個到畢業,但我個仔唔肯

私人傳訊

kathywongwk

複式洋房

積分: 121

32^#

發表於 13-10-28 14:15 |只看該作者

唔好信曬d報紙寫嘅野,睇下有仔女讀緊該校的媽咪意見好過啦!
我個仔都係讀緊勒茂生，講真唔係好多功課咋! 好似上面個媽咪咁講一樣，寫好似好多，但有幾樣係改正，通常一兩小時乜都做完啦！校長都講勒校一年三次考試、大概兩星期才中英文默書一次、測驗都係考試前才有一兩次（咪當温書囉！）如果咁都話功課多壓力大，睇怕都唔好考慮曾梅、李志達、嘉福榮真了！
有朋友個仔讀嘉福，上年一年班已經每個星期都有默書串字......

但當然再上高年班功課測驗一定多，否則家長又話學校太鬆啦！要考呈分試喎，準備升中學嘛! 我相信每間學校都一樣咁緊張的，尤其果d標榜自己有幾高百分比入到Band 1中學嘅小學，你會認為佢地嘅學生會讀得好輕鬆嗎？

私人傳訊

積分: 10598

好媽媽勳章醒目開學勳章

31^#

發表於 13-10-21 09:54 |只看該作者

littlecarey 發表於 13-10-20 23:50
第1階段揀邊間好重要
如果揀母校有20分,妳小朋友入唔入到好睇果年有幾多校友子女報讀
如果妳選擇其他學校就 ...

好詳細呀，唔該曬你，我終於明喇~ 但原來第一階段只可以報一間....我仲諗住報馬小(我母校)同上宣TIM...咁真係要好好同老公商量下先得喇(因為老公同老爺好LIKE上宣呀~但之前都有講我地冇宗教分，得15分唔樂觀)

私人傳訊

積分: 10598

好媽媽勳章醒目開學勳章

30^#

發表於 13-10-21 09:51 |只看該作者

babamame 發表於 13-10-19 11:58
我囝囝讀神召會幼稚園,你呢?

我仔讀嘉寶呀~馬小個校長覆左我EMAIL喇~佢話有分架~咁都定D~

私人傳訊

littlecarey

積分: 8097

育兒性格勳章畀面勳章

29^#

發表於 13-10-20 23:50 |只看該作者

第1階段揀邊間好重要
如果揀母校有20分,妳小朋友入唔入到好睇果年有幾多校友子女報讀
如果妳選擇其他學校就只有15分(適齡學童+首名子女),基本上要計分的小朋友都有15分,妳要等學校派曬比25分(校友+相同宗教)和20分(校友或相同宗教)的小朋友,有剩先輪到妳小朋友抽
如果妳有心理準備第2階段派得唔好,會第3階段叩門,妳要預先問清楚D學校,因為有部份學校講明,第1階段要揀他們,第3階段叩門才考慮收唔收

私人傳訊

littlecarey

積分: 8097

育兒性格勳章畀面勳章

28^#

發表於 13-10-20 23:15 |只看該作者

野豬媽,我囡都讀K2
妳似乎唔太了解小學派位的方法,妳可以看看
http://www.edb.gov.hk/attachment ... 2014_leaflet_tc.pdf
統一派位分3階段
第1階段:自行收生
妳只有1張表交1間學校(不限地區),收生方法係計分,不會面試,學校會在這階段收最少50%學生,哥哥姊姊讀緊,弟妹必收,其他小朋友就計分,同分就抽籤,如果第1輪入唔到,就跌落第2階段
第2階段:統一派位
學校會將剩餘學額交由教育局攪珠派(跟地址指定校網),這個係填志願等教育局攪珠派的,如果妳運氣好,攪珠攪得前就會派到心儀學校,教育局一定會派到一間比妳,不過唔知邊間
第3階段:叩門
如果妳唔滿意教育局派果間,可以去學校叩門,靠小朋友實力考入去,但通常這階段的位很少,小學校長會揀最叻先收

私人傳訊

積分: 2009

27^#

發表於 13-10-19 11:58 |只看該作者

我囝囝讀神召會幼稚園,你呢?

私人傳訊

積分: 10598

好媽媽勳章醒目開學勳章

26^#

發表於 13-10-19 11:56 |只看該作者

babamame 發表於 13-10-19 11:40
野豬媽岩岩先留意到你小朋友K2,我細囝都係呀

你細仔讀緊邊間幼稚園呀? 尋晚同老公傾我收集到既資料佢話我太早諗定....話到出年我地報果時可以好大變化(例如轉左校長就乜都唔同曬)...

但09年仍然好多雙非，阿仔又係大仔我乜都唔識，所以先想早少少了解下，plan定嘛~

私人傳訊

積分: 2009

25^#

發表於 13-10-19 11:49 |只看該作者

openday 已經完哂啦,通常九月中,因為第一輪交表前所有學校都有OPENDAY比家長睇下間學校,不過好多時都係同一日,所以要睇清楚時間

私人傳訊

積分: 10598

好媽媽勳章醒目開學勳章

24^#

發表於 13-10-19 11:45 |只看該作者

babamame 發表於 13-10-19 11:33
我囝囝讀靳小功課又唔係好多呀,睇佢寫手冊見到有時七八樣以為好多,但其實原來有d係改正,正式做抄寫個d可能 ...

粉神我都會試下呀

靳小呢，我朋友母校黎佢話想當年壓力好大，谷得好辛苦，追POST見有家長都係咁講，跟住早排又有小六女生事件....所以即刻覺得唔係咁岩阿仔

依家好期待各小學既open day呀~始終要親身去見下d老師,學生，但好開心呢2日經過大家既解答我都叫做有初步策略

私人傳訊

積分: 2009

23^#

發表於 13-10-19 11:40 |只看該作者

野豬媽岩岩先留意到你小朋友K2,我細囝都係呀

私人傳訊

積分: 2009

22^#

發表於 13-10-19 11:33 |只看該作者

我囝囝讀靳小功課又唔係好多呀,睇佢寫手冊見到有時七八樣以為好多,但其實原來有d係改正,正式做抄寫個d可能只係四五樣,好快就做完,起初我都怕好多功課架,有時聽家長講好多功課可能高年班啦,如果你囝囝係活躍d的話可以考慮簡神召會小學,呢間都唔錯架

私人傳訊

積分: 10598

好媽媽勳章醒目開學勳章

21^#

發表於 13-10-19 11:24 |只看該作者

babamame 發表於 13-10-19 11:18
報之前我都有睇呢度d媽咪講嘅填表方法,話自己想入個d唔好放1-3先放後些機會會大些,不過我又怕如果我是單填 ...

但係聽STK親戚教路佢地話千祈唔好用返STK地址，否則好易派返入STK中心小學或者沙打區學校

地址問題真係好煩呀~~最慘係我爸爸瓜左十幾年，但尋晚問哥哥佢話水電煤好似仲係爸爸名，而爸爸既死亡證已經唔知去左邊......依家求神拜佛望佢下期寄STATEMENT黎其中一份係媽咪名就好辦~如果唔係....都唔知點攪轉名

私人傳訊

積分: 10598

好媽媽勳章醒目開學勳章

20^#

發表於 13-10-19 11:19 |只看該作者

babamame 發表於 13-10-19 11:03
其實舊年同亞囝報個陣第一輪我簡靳小,但我得基本分數冇機會,但上黎見到有d媽媽話第一輪簡上宣就收左(基本分 ...

勁呀，睇到都鄧你開心呀！可能我信心唔夠啦，又仍住自己冇運行....同埋尋日睇完馬錦燦小學既網頁同COMMENTS印象覺得幾好，咁我又有分如果考得入都係好事，唔洗心掛掛等攪珠嘛~

不過如果首輪唔限地區同數量，我想試考5間，上宣同馬錦燦就一定考架啦，跟住再研究下邊D岩阿仔多D。

我個仔有D專注力不足，做完評估話佢"較活躍"，所以我想搵D課外活動多D既比佢發揮其他所長。之前都想博下靳小架，但聽聞功課真係太多，我唔想迫到個仔咁辛苦。上宣我見C6個堂細佬妹又學珠心算又參加泳隊，多方面發展得唔錯~

私人傳訊

積分: 2009

19^#

發表於 13-10-19 11:18 |只看該作者

報之前我都有睇呢度d媽咪講嘅填表方法,話自己想入個d唔好放1-3先放後些機會會大些,不過我又怕如果我是單填頭3志願,萬一真派左就PK了,所以我同老公傾完都係跟番自己意願填甲乙頭三志願都係一樣最想入個三間之後就喜愛次序填哂,因為之前幼稚園校長話最好填哂(因為你唔填都唔代表唔會派你去,所以一定要填哂好些),另外上水網可以簡粉嶺同大埔嘅學校個D係小人選擇入的學,熱門個D冇借位架,所以我建議你用番stk地址重好,上水太多誇境啦

私人傳訊

積分: 2009

18^#

發表於 13-10-19 11:03 |只看該作者

其實舊年同亞囝報個陣第一輪我簡靳小,但我得基本分數冇機會,但上黎見到有d媽媽話第一輪簡上宣就收左(基本分數).之後大抽獎頭三志願我都係填我最想入個三間先,後尾派左第一志願

私人傳訊

積分: 10598

好媽媽勳章醒目開學勳章

17^#

發表於 13-10-19 09:47 |只看該作者

littlecarey 發表於 13-10-18 20:22
野豬媽
妳不用擔心啦,妳母校網頁寫得好清楚,妳間小學係分拆上下午校才改名,不是和其他學校合併,而且入學申 ...

好勁呀你！我只知道于良發同榮真JA~ 哈哈~我係個失職媽媽，也也烏咁~ 我張畢業證書仲係度呀~同我CV夾埋一齊，見親工都有拎埋出去。

不過尋晚同6299講起，62一聽到新校址就話好遠(坦白講其實我地住STK，上水係我外家地址)。老公就話佢首選始終都係上水宣道(因為聯和墟近D，堂細佬妹讀緊又覺得好)不過我地又冇宗教分，又冇讀過呢間學校冇分，真係打定輸數。

我想請問首輪自行分配呢，要唔要按返地址校網考架?!同埋有冇限報考學校既數量?? 如果唔洗按，咁我地打算到時首輪報馬錦燦小學同宣道，如果冇限數量就可能博多2,3間中等既學校。

唔知呢個策略O唔OK呢~

私人傳訊

littlecarey

積分: 8097

育兒性格勳章畀面勳章

16^#

發表於 13-10-18 20:22 |只看該作者

野豬媽
妳不用擔心啦,妳母校網頁寫得好清楚,妳間小學係分拆上下午校才改名,不是和其他學校合併,而且入學申請都寫明

5) 如申請學童之兄姐/父母在本校/東華三院港九電器商聯會小學下午校畢業者，須帶備有關文件正本及副本 (如兄姐/父母畢業證書、兄姐的出生證明)。

如果妳打算報這間,妳快D睇下妳張畢業證書係唔係到仲好啦

其實有很多學校都係分拆上下午校之後其中一間會改名
曾梅=李志達紀念學校上午校
正慧=陳式宏學校上午校
于良發=靳茂生小學上午校
嘉福榮真=榮真上午校

私人傳訊