本帖最後由 mikona 於 13-12-24 09:28 編輯
回覆 LHSmama 的帖子
其實基本上佢都話俾你聽,
"細路仔係咁o架喇, 忍忍佢, 等過渡o左o依個時期就可以了."
但正如奶咀, 係會自己介, 可能佢返學之後俾人笑就自己唔食... ...
但你會唔會等佢三四歲自然介~!?
抱同一隻臭晒o既公仔瞓覺, o依家好多甚至做o左人呀媽o既都係咁.
起初就話安全感, 大o左唔使靠o依o的o野, 仲需要就係變o左癮.
我女一踏入歲半時, 一日內出晒歲半o的衰o野.
本書教都 work o架, 分散注意力.
佢要A, 你唔想, 試o下俾B, 好多時都 OK.
佢唔做某o的o野, 叫佢先做另一件事, 再做番先前o個件.
之後佢就會多o的主意, 要話事, 例如邊個坐邊張椅;
媽媽幫佢搽潤唇膏, 佢要爸爸媽媽都搽;
出門口件外套要佢戴帽, 佢又要全家人都戴.
o依o的大部份我都就佢, 冇危險就得, 一齊做同一樣o野一齊開心.
但另一方面, 危險o野就 set 底線,
一係俾佢知後果, 例如熱茶壺熱o下佢手仔,
一係就打, 罸企等.
但佢要做我都係冇咩計, 只好睇實o的.
對我女, 如果佢知後果好痛, 佢ok會唔掂, 仲見到都 no no no.
打同罸企最冇用, 佢甚至會去做o左衰o野之後自動俾你打 or 走去罸企位.
我問朋友 "你打唔打仔女", 佢教我, 如果你冷靜下來都要打, 就打.
唔好係發洩o既打就 ok 了.
但我女太耐打, 都未講完遁理佢就想你要打快o的打, 打完了事我走先.
你話自理活動例如除鞋, 佢之前覺得好玩, 識新o野叻叻, o依家唔肯做.
一方面佢要有主意, 例如你話出街, 我都唔想出住. 或者你話出街要著鞋, 我覺得就咁ok啦.
o依o的只好大人堅持, 話俾佢知唔係玩, 係規矩.
--- 我是P牌爸! ---
--- 爸爸o既自尊心係建基於囡囡o既關注度 ---
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
返回列表
