婆媳關係 今日: 0 | 主題: 27783

積分: 10

1^#

發表於 08-12-28 23:39 |只看該作者 |倒序瀏覽 |打印

三年幾以來, 我一直無開心過, 因為同老爺奶奶之麻綠豆的小事; 我嫁入黎之後, 一如大部份新抱受了不少氣! 所以想搵個機會呻吓, 希望大家見諒!

(我阿爸唔係成日係屋企, 一如好多男人般有兩頭家而俾我發現, 而且得一個兄弟姐妹), 知道阿爸的事之後, 我唯有對阿媽更好... 嫁入呢個屋企之後, 我如常定期返阿媽度食飯...我大肚冇返工, 就更加多咗返, 因為老爺奶奶返工(我地同住), 而媽咪返夜, 好多時朝早我會返去同佢飲茶, 為咗顧及奶奶感受, 我都晚晚返屋企食飯... 奶奶都堅持會自己煮, 同買送, 不過...問題黎啦, 就算煮, 都10點幾至食, 有時我等到七點幾見未返, 打俾佢, 佢至話, 哎呀唔記得打俾你講我同朋友去街.. 註:佢份工冇定工作時間而且返唔返都得...唉, 十個頂, 因為我住果度咩都冇得買, 即係我要食公仔面...

又試過有次返屋企, 我件衫dirty咗, 阿媽幫我洗, 老公見十一點幾, 我都換咗屋企衫, 叫我不如係阿媽度訓一晚, 我同阿媽當然開心啦, 老公返到屋企奶奶唔見我, 發曬脾氣謂野又勁難聽, 結果老公竟然返黎叫我走; 果日開始我知道, 慢慢長路我有排過

囝囝出世早產, 我自己做做阿媽都唔想, 佢講得勁難聽, 又話我唔食野, 個仔係個肚度冇得食, 唔求你啦, 自己提早出黎食自己, 都未見過咁瘦的bb, (得4磅幾), 其實bb早產我同老公都唔想, 我自己都好難受, 仲同姑娘喊, 記得姑娘安慰我, 叫我唔洗怕, 早產bb的生存意志比其他bb高, 我當然精神返, 返到屋企後更打醒萬二分精神照顧佢, 自己唔訓唔食, 唔請工人....但可怕的事黎啦, 因為早產, bb情緒較差, 好易喊, 死啦, 奶奶話阿仔撞到dirty野, 唉, bb未滿月未出過街, 除非屋企有鬼啫, 我都死忍, 奶奶又明文定下未滿十二日唔俾我屋企人探, 但老公問, 咁姑奶算唔算, 奶奶話, 其實姑奶嫁咗都唔探得, 不過佢冇理由叫個女走... 可怕的係, 我出院當日, 姑奶經已上黎打牌, 唉... 我生完, 想訓啫...

(一)

0 0 0

私人傳訊

cpui_shan

積分: 2

2^#

發表於 08-12-28 23:53 |只看該作者

你奶奶好似我奶奶都係勁迷信!點解你唔返自己媽媽度坐月,對你真係會好d架!我2月生我一早已經同老公講我返自己媽媽度坐月,等我老公同我奶奶講(我地都叫係一齊住架).bb喊你試下同佢做按摩,可能會好d架!努力呀!加油!

私人傳訊

bb363597

伯爵府

積分: 15186

畀面勳章環保接龍勳章

3^#

發表於 08-12-29 00:38 |只看該作者

妳姑奶咁都得,明知產婦最重要就係多休息,佢都可以咁,佢都得.........

[img]http://www.baby-kingdom.com/home.php?mod=space&uid=212624&do=album&picid=839365[/img]

私人傳訊

Casttle

積分: 1

4^#

發表於 08-12-29 02:50 |只看該作者

你個姑奶係咪未生個仔架, 生完好累喎, 都想黎打MAJOK, 佢咁唔識体諒人, 佢AR MUM都會好得去BIN, 你保重AR, 揾藉口返AR MUM度坐月LA

私人傳訊

sandy1425

珍珠宮

積分: 41032

好媽媽勳章大廚勳章

5^#

發表於 08-12-29 09:08 |只看該作者

又試過有次返屋企, 我件衫dirty咗, 阿媽幫我洗, 老公見十一點幾, 我都換咗屋企衫, 叫我不如係阿媽度訓一晚, 我同阿媽當然開心啦, 老公返到屋企奶奶唔見我, 發曬脾氣謂野又勁難聽, 結果老公竟然返黎叫我走; 果日開始我知道, 慢慢長路我有排過
你C6吾幫口,仲叫你走？

私人傳訊

JennyKwok

積分: 2735

6^#

發表於 08-12-29 09:28 |只看該作者

原文章由 cpui_shan 於 08-12-28 23:53 發表
你奶奶好似我奶奶都係勁迷信!點解你唔返自己媽媽度坐月,對你真係會好d架!我2月生我一早已經同老公講我返自己媽媽度坐月,等我老公同我奶奶講(我地都叫係一齊住架).bb喊你試下同佢做按摩,可能會好d架!努力呀!加油! ...

咁似我奶奶既, 我奶奶恨抱男孫恨到出晒口, 5年前當知道我胎係女既時候, 當堂黑面, 我頂, 關我咩事, 妳咪怨妳個仔咯!! 仲好笑, 我同佢個仔都未結婚, "已經講定第日妳嫁入黃家, 做黃家媳婦既時候, 唔妳成日返外家, 過年過節才返去, 我眼都突埋望住佢話: 唔係呀話, 伯有, 宜家咩年代呀, 90年代啦, 仲有呢支歌仔唱既, 我個人好講自由架, 唔鍾意人地管我, 包括妳個仔!!"

私人傳訊

冬前

積分: 1193

7^#

發表於 08-12-29 10:47 |只看該作者

叫你99去死

私人傳訊

Cat1218

積分: 1690

8^#

發表於 08-12-29 11:43 |只看該作者

點解d99同姑9係都要做到咁衰嘅

佢地自己都係女人~自己

都有嫁人架,佢地咁做人唔怕報應架!!!!樓主,你要好好照顧自己同bb呀,唔好同佢地講咁多野~我99同隻姑9對我都好衰架

佢地而家都得到報應了~你放長雙眼睇下佢地有幾慘啦!!!

私人傳訊

kke22

別墅

積分: 539

9^#

發表於 08-12-29 15:34 |只看該作者

我覺得樓主你好好脾氣,俾住我已經離家出走好耐啦

私人傳訊

Melody_Che

積分: 4192

10^#

發表於 08-12-29 15:50 |只看該作者

原文章由 kke22 於 08-12-29 15:34 發表
我覺得樓主你好好脾氣,俾住我已經離家出走好耐啦

me 2 la, 仲講甘多規條, 啋佢都傻!! 又唔係BB俾佢揍!!

私人傳訊

A.C.C.

積分: 3786

11^#

發表於 08-12-30 12:10 |只看該作者

原文章由 happyunhappy 於 08-12-28 23:39 發表
三年幾以來, 我一直無開心過, 因為同老爺奶奶之麻綠豆的小事; 我嫁入黎之後, 一如大部份新抱受了不少氣! 所以想搵個機會呻吓, 希望大家見諒!

(我阿爸唔係成日係屋企, 一如好多男人般有兩頭家而俾我發現, 而且得一個 ...

係好多奶奶眼中, 新抱 = 妹仔 + 生仔機器 + 白食白住嘅女人, 所以樓主唔好覺得奶奶對你唔好就係你唔討佢歡心, 你當奶奶係同屋住就好啦, 其他大小事情就自己顧自己, 安心照顧好BB, 等到以後BB番學時就可以出去再搵工, 自己有經濟能力, 可以搬開住就唔需要睇人臉色

私人傳訊

積分: 10

12^#

發表於 08-12-30 15:45 |只看該作者

各位, 我囝囝依家好大啦, 就三歲, 不過愈來愈多問題, 我好辛苦都呻吓啫!

回應番大家, 我姑奶經已有兩個小朋友, 當時囝囝出世, 我堅持唔俾奶咀, 問心, 一家自有一家事, 你鐘意用奶咀, 唔代表我鐘意, 你俾自己小朋友用唔代表我要用, 囝囝第一天返屋企喊, 其實係太嘈, 佢一句入我房, 搵奶咀放入佢個口度, 囝囝唔要, 佢強行放, 仲話食奶咀就唔喊啦, 把口有野仲喊!

私人傳訊

TenWong

積分: 4492

好媽媽勳章

13^#

發表於 08-12-30 15:59 |只看該作者

你姑奶甘過份？？甘你點？？？有咩反應？

我愛我家！

私人傳訊

積分: 10

14^#

發表於 08-12-30 16:02 |只看該作者

繼續第二篇故事:

結果, 頭一年我好慘, 日日係屋企喊, 係媽咪度一走又喊, 自己抱住阿囝坐巴士喊, 開始覺得自己精神好大壓力, 我同老公講, 生bb係開心, 我唔想咁而傻咗, 初初老公理我, 奶奶又做小動作, 大家係度時佢整好湯放埋係我面前俾我飲, 出街食番夾埋送俾我..... 大時大節買禮物俾我, 但一切我看在眼內, 我覺得佢好可怕...

老爺老公出咗去, 佢打俾朋友講我, 仲要大聲講, 話我八婆, 唔俾個孫佢湊, 自己收埋個仔, 又話我成日死返屋企替死, 咁鐘意自己搬返去住...

有次我同阿仔返阿媽度食飯, 都未開飯佢打黎, 我親戚黎咗香港, 你立即湊個仔出黎俾佢見吓, 我話係阿媽度食梗飯, 因為當時冇人, 佢話, 你係就自己湊, 唔係就我自己上黎湊走, 你咁鐘意返可以返到夠, 你可以唔食架, 係阿媽度食lor, 我都只係想要個孫啫... 我立即發火, 心諗, 你當我係咩, 我都忍, 打俾老公, 老公竟然唔信我... 我又一次做咗衰人...

囝囝六個月大仲未諗抬頭, 姑娘話係早產bb問題, 我見有時間, 就開始上playgroup, 買教材返黎睇, 結果奶奶話我想迫死個仔, 幾個月大呢樣果樣, 學人想要迫個仔成材, 其實要個仔去死...我心痛極了, 現今社會有邊位媽媽如負擔得起唔去做呢啲野! 當然我姑奶除外, 佢啲小朋友由出世佢一有時間就湊返大陸搵人湊, 又話小朋友幾歲學咁多野都唔記得, 學黎做咩.... 我心底當然明白, 但, 人一生有幾多機會去學去試, 唔係我自大, 不過囝囝現在的好奇心的確很重, 老師都讚成係因為佢可以見多啲有關....

私人傳訊

積分: 10

15^#

發表於 08-12-30 16:29 |只看該作者

繼續第三篇故事:

因為好多問題, 奶奶愈來愈假, 我壓力愈多愈大, 老公唔明我, 我試過走, 返過屋企, 問題依然冇改變, 老公係可以改進, 但老爺奶奶屋企, 我總覺得受夠了....

後來有兩次我發覺自己有咗bb, 我清楚我唔可以生住, 我地都仲未ready, 而且奶奶經已不知醜咁講, 如果我再生, 佢幫手湊, 我知道一定更有問題.... 結果兩個bb我地都冇要

後來我提出搬...

結果, 老爺奶奶認定我係罪人, 我一次過要佢地分開, 我同老公講, 如果我地一家三口唔可以開開心心, 咁即係我的問題, 係我要求太多, 還是真係如此係奶奶討厭, 我要搬, 如果唔搬, 咁我要走啦, 我受唔到落去, 的確如果我走, 我地都唔會開心, daddymummy, 要分開, 囝囝將來知道亦唔會開心....

結果老公肯搬, 但竟然冇勇氣同佢地講... 我提出, 佢地話以後就只得番佢地兩個, 有咩事都冇人知, 等等說話, 我受夠了, 亦清楚提出, 小朋友現在還細, 當然冇問題, 將來大啲, 兩老咁依賴佢佢亦會反感, 而且佢大咗, 我自己都要學放手, 做媽咪的要, 做阿爺阿嫲更要...

我心諗, 我真係唔明白點解咁多老人家會咁, 自己小朋友湊大咗, 責任完成, 仔女有自己的家, 就應該自己負擔番自己的責任... 但我老爺奶奶, 我避佢地避到成日自己係房啫, 但就連我地房, 邊個柜放咩, 電視向邊要理, 電腦放係房要理, bb床放邊要理, 仲要提議我地將bb床放入佢地房.... 窗簾布顏色又要理....

我完全根本冇曬自由....

後來, 我決定要生第二胎啦, 今次決定餵人奶, 睇你地點湊... 可惜, 事與願違, bb離開咗我地....

奶奶竟然怪我, 保唔住個bb, 仲搵我媽咪鬧咗一餐, 我好心痛, 佢竟然將自己的氣發洩係我媽咪將上!

私人傳訊

wxxyxn