吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 10歳已經反叛得好緊要

少年成長今日: 0|主題: 16134

收藏本版

發帖

返回列表

跳至頁

查看: 14154 | 回覆: 21

10歳已經反叛得好緊要 [複製鏈接]

mimiNbaby

男爵府

積分: 5888

陪月勳章

1^#

發表於 19-10-10 15:37 |只看該作者 |倒序瀏覽 |打印

其實都唔係10歳先開始, 早3年前已經好勁, 日日同你攪對抗, 平時一啲日常生活做開既野佢唔做. 夠鐘沖涼佢係唔沖, 特登同你拖好耐先去, 就算去沖涼, 喺廁所玩水玩好耐. 不時夠鐘瞓覺, 宜家既佢寧願喺屋企行黎行去都唔肯瞓, 無啦啦喺到執野, 就算上左床, 晚晚喺到玩腳趾, 我開門入去望住佢, 佢就用好差既眼神望住我, 坐喺到唔郁, 唔攪腳趾但又唔瞓底.
早餐唔岩食就直頭唔食, 你要佢食多少少先出門口返學, 佢坐喺到西面, 唔出聲唔郁唔食. 姐姐點都要佢食少少先好出門, 大女就同姐姐鬥氣鬥到返學校, 一出門口就自己行到老遠唔等人, 然後就同我投訴話姐姐特登行好慢喎, 姐姐就同我講佢行得好急. 我, 信姐姐, 因為我都試過. 只要我有野令佢一滿, 佢一樣喺街自己行得好快, 行到好遠就擰轉面怒視下你. 過一陣又自己衝走左.....................

日日管住細佬, 一見到有野唔岩就好惡話佢, 但人地話佢佢又西人面. 佢同我99, 工人姐姐成日都有好大衝突.... 成日打黎同我數姐姐有乜野唔岩, 對佢又幾唔好, 我聽完2邊講, 我會選擇信姐姐, 因為我自己經歷緊一模一樣既情況, 我作為佢阿媽都頂唔順佢啲性格態度, 更何況姐姐.

去到邊佢都好想話事, 食邊間餐廳, 叫乜野食物, 佢都好想好想話事, 長期要人聽佢講, 人地一唔聽佢講佢就黎料. 有次佢想晚黑食麵, 嫲嫲唔肯, 話食飯啦, 佢就癲左咁係咁拉扯嫲嫲隻手, 扯傷左嫲嫲, 嫲嫲叫痛, 整個痛苦樣, 我女都停唔到繼續攪嫲嫲.

如果有野令佢不滿, 佢行過細佬身邊, 佢一定會撞埋去整到細佬, 細佬喊, 佢又會話佢自己冇整細佬, 然後又話我偏幫佢. 好, 過一陣我就聽到工人姐姐話我女踩到佢, 我姐姐企左喺廁所門口等細佬刷好牙, 大女入去攞完野出黎就踩到姐姐, 當然一句sorry都唔會講. 唔通全世界都夾埋黎屈佢咩......

報仇心好重, 細佬整到佢, 不論特登定唔小心, 佢一定會還手, 永遠只有佢係最尾攪番人果個, 如果佢還手後細佬再攪佢, 佢一定一定會再攪細佬攪多幾下.

真心, 湊呢個女湊到好攰, 好辛苦, 佢唔珍惜我地對佢既好, 成日用咁既態度對我地, 好似我地所有人欠左佢咁, 我地都覺得好無助.

0 0 0

私人傳訊

ada_fung

子爵府

積分: 14682

2025勳章蛇年勳章 BK Milk勳章

2^#

發表於 19-10-10 16:03 |只看該作者

mimiNbaby 發表於 19-10-10 15:37
其實都唔係10歳先開始, 早3年前已經好勁, 日日同你攪對抗, 平時一啲日常生活做開既野佢唔做. 夠鐘沖涼佢係 ...

好奇一問，佢同屋企人以外, 好似同學，相處係點？

私人傳訊

goodsnooky

珍珠宮

積分: 46656

2025勳章蛇年勳章

3^#

發表於 19-10-10 19:43 |只看該作者

回覆 mimiNbaby 的帖子

你有沒有考慮帶她看心理醫生，聽下去有點不正常，可能是Asperger or ADHD。她在學校成績如何，在班裏面有沒有和老師搞對抗？

私人傳訊

mike89

珍珠宮

積分: 46551

4^#

發表於 19-10-10 22:52 |只看該作者

回覆樓主:

個個都關注細佬

言談間同背後有冇偏心

私人傳訊

YolandaTam

侯爵府

積分: 23170

5^#

發表於 19-10-11 13:39 |只看該作者

表面睇似係覺得大人唔聽佢講唔信佢.

青春期年輕人好希望亦好需要人哋認同信任. 可能姐姐講嘅係事實, 但喺年輕人眼中就係父母寧願信個外人都唔信佢. 我阿媽就係好似你哋咁信外人都唔信我, 整整吓佢會心淡乜都唔同你講, 反抗行為會越嚟越嚴重, 終於關係疏離到如陌路人.

而家最緊要嘅係多啲聽佢講同傾訴, 少啲指責. 佢不滿細佬嘅話暫時減少佢哋接觸, 媽媽EQ要高返啲, 揾啲時間只同佢一人"拍拖", 關係緩和返, 一切都好辦.

私人傳訊

hellolo

伯爵府

積分: 16922

6^#

發表於 19-10-11 20:21 |只看該作者

或者試吓同佢講，如果佢同工人相處唔到就唔要工人，以後佢要分擔家務工作，晚餐只吃簡單晚餐

私人傳訊

cymbb

大宅

積分: 1113

7^#

發表於 19-10-12 01:09 |只看該作者

mimiNbaby 發表於 19-10-10 15:37
其實都唔係10歳先開始, 早3年前已經好勁, 日日同你攪對抗, 平時一啲日常生活做開既野佢唔做. 夠鐘沖涼佢係 ...

應該盡快睇心理醫生，可以同學校社工傾下尋求幫忙，如果唔早d處理上到中學仲難攪

私人傳訊

Ahbee02

男爵府

積分: 9795

8^#

發表於 19-10-12 16:45 |只看該作者

細佬幾大？有冇話細佬乖D贊多D，或不時將佢地兩個人比較？

就甘睇，你大女有少少似特登搞甘多叛逆野黎取得父母的關注。

私人傳訊

Gee2020

大宅

積分: 3840

9^#

發表於 19-10-13 12:06 |只看該作者

mimiNbaby 發表於 19-10-10 15:37
其實都唔係10歳先開始, 早3年前已經好勁, 日日同你攪對抗, 平時一啲日常生活做開既野佢唔做. 夠鐘沖涼佢係 ...

本帖最後由 Gee2020 於 19-10-13 12:07 編輯

我面對同樣的問題,
好多事唔係唔教佢，
係佢根本唔受教。

私人傳訊

mimiNbaby

男爵府

積分: 5888

陪月勳章

10^#

發表於 19-10-14 09:10 |只看該作者

ada_fung 發表於 19-10-10 16:03
好奇一問，佢同屋企人以外, 好似同學，相處係點？

我都有問過老師, 我女都幾鍾意做話事果個, 鍾意要同學聽佢講, 試過帶頭果蝦下同學, 啲說話唔太好....

私人傳訊

mimiNbaby

男爵府

積分: 5888

陪月勳章

11^#

發表於 19-10-14 09:16 |只看該作者

goodsnooky 發表於 19-10-10 19:43
回覆 mimiNbaby 的帖子

你有沒有考慮帶她看心理醫生，聽下去有點不正常，可能是Asperger or ADHD。她在學 ...

有冇心理醫生介紹? 小一時同佢排過政府, 只係話佢有ADHD既問題, 但未到"症"喎.....

成綪方面, 我有點擔心, 佢一年差過一年, 佢頭兩年成績都算唔錯, 之後愈來愈差, 我有時擔心係佢情緒問題影響左佢.

又未至於同老師攪對抗, 只係有一年, 個班主任會話佢罰佢, 咁佢就唔多合作, 老師問佢話佢就唔出聲..... 果次咁岩我返去運動會做義工, 我女有啲唔乖, 老師叫佢企開一邊反思下先, 隔左陣叫返佢返黎, 問佢知唔知自己錯乜, 佢死都唔出聲, 最後全個運動會, 老師就請佢自己坐埋一邊, 唔可以同同學坐.

聽完老師既形容, 我既感覺係, 如果個老師欣賞佢, 佢會好合作, 如果個老師會罰佢, 佢就會有不合作既情況出現.

私人傳訊

mimiNbaby

男爵府

積分: 5888

陪月勳章

12^#

發表於 19-10-14 10:03 |只看該作者

mike89 發表於 19-10-10 22:52
個個都關注細佬
言談間同背後有冇偏心

我自己明白唔可以只關注細佬, 所以細佬細時我都花好多時間陪大女, 但老人家我控制唔黎, 佢地會關注細佬多啲啲, 我有解釋過俾佢地聽但佢地唔會明.....

細佬大個左, 佢性格比較隨和, 無乜所謂, 就得人又氹得人, 同大女相反, 大女乜都要爭要搶要多過人, 難免會俾人鬧得多啲, 其他人既焦點都會放多左落細佬到.... 雖然當時細佬好細個, 有時佢有少少野唔乖, 為左"做戲"俾大女睇, 唯有鬧細佬鬧得勁啲, 俾佢知我唔係剩係鬧大女一個. 當然, 大女唔會明, 永遠都只係覺得我地錫細佬多啲.....

私人傳訊

mimiNbaby

男爵府

積分: 5888

陪月勳章

13^#

發表於 19-10-14 10:33 |只看該作者

YolandaTam 發表於 19-10-11 13:39
表面睇似係覺得大人唔聽佢講唔信佢.

青春期年輕人好希望亦好需要人哋認同信任. 可能姐姐講嘅係事實, 但喺 ...

我都想佢少啲接觸細佬, 但佢太鍾意痴住人攪住人, 細佬明明可以自己一個去玩, 去做功課, 去做一啲事, 大女一定要痴住跟住, 一覺得有乜野問題就即刻大大聲鬧呀/話呀/管呀/控制住細佬. 我叫佢去做自己野, 俾細佬自己一個人啦, 佢就黎料黑面唔郁.....

至於信唔信佢呢樣野.... 係, 無錯, 的確身邊所有人都唔信佢, 因為佢活左喺佢自己個世界, 佢做過既野佢永遠都唔會記得, 99話佢有做過佢又唔認, 有時禮拜六日老公在家都好啲啲, 因為多一個証人去証明大女做過, 可能咁樣, 佢覺得身邊個個都唔信佢.

好似昨晚咁, 佢話佢login唔到網上功課系統, 我聯絡左客服, 客服話我女改左個password係xxxx, 咁我話番俾我女聽, 佢又好堅稱話佢冇改過, 佢只係改過google acct, 冇改過功課系統. 咁我問下客服兩樣野會唔會有聯繫, 佢話唔會, 一定要登入左功課系統, 入去改pwd既page, 入2次pwd確認埋先改到. 我同我女講番, 佢仍然話佢冇做過..... 我都唔再同佢爭論了....

可能係我個人太執著, 覺得佢乜野都唔認同係自己既問題, 我想去提醒番佢, 佢真係做過, 佢唔記得左.... 不過因為大家關係唔好, 我講乜佢都唔聽....

私人傳訊

blackpeppercrab

大宅

積分: 1259

14^#

發表於 19-10-14 17:03 |只看該作者

你個女已經有情緒病，快帶佢睇醫生。

私人傳訊

yuenyung1018

男爵府

積分: 7123

15^#

發表於 19-10-15 10:09 |只看該作者

mimiNbaby 發表於 19-10-10 15:37
其實都唔係10歳先開始, 早3年前已經好勁, 日日同你攪對抗, 平時一啲日常生活做開既野佢唔做. 夠鐘沖涼佢係 ...

我仔都好大脾氣同情緒，有時都有你囡嘅情況。所以我帶左佢睇心理輔導，有改善。

私人傳訊

tryoman

複式洋房

積分: 220

16^#

發表於 19-10-30 00:26 |只看該作者

我個仔情況同你一模一樣，對細佬，工人，怎至成績都好似作對咁⋯
工人好好，唔捨得換，好工人難求，況且下一個又唔啱佢咁點算呀⋯不過，始終工人的想法同我哋有文化差異，唔可以當仔面前信晒一面，工人總有啲位作為一個成人要體諒青春期轉變或作教導者的方法。我後尾每件事都當住他倆面前勸（當然如果他們過分到嗌咬就兩面都一齊鬧）現情況似乎有改善了。

我覺得最大原因仔開始出去做下義工，等佢感受下民間疾苦，亦讓佢參加社區中心的一日遊/參觀等。比你接觸下出面世界，同時亦都屋企分開下。
又或者搵樣運動俾佢發展下，分散吓注意力，學諗下點樣同人合作成長