吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 奶奶唔like我咁做.....唔該教下我應該點?

婆媳關係今日: 0|主題: 27784

收藏本版

發帖

返回列表

跳至頁

查看: 2665 | 回覆: 11

奶奶唔like我咁做.....唔該教下我應該點? [複製鏈接]

Snoopy211

珍珠宮

積分: 39436

1^#

發表於 09-5-19 01:39 |只看該作者 |倒序瀏覽 |打印

我有2個小朋友, 大仔4歲幾, 讀緊k2, 奶奶湊, 細女就黎2歲, 而家我自己湊<因無做野>.

平日一至五, 我奶奶負責接送我仔搭校巴番學, 下午帶亞仔食飯, 跟住亞仔午睡, 食埋晚飯我接佢番黎做功課/溫習/同亞妹玩, 十點左右帶番比奶奶度瞓, 星期五/六/日我地2公婆自己湊.

事原我3月底被公司裁員, 我邊休息邊搵工, 上個月同奶奶講左從今個月開始我等佢接完亞仔放學食埋午飯我就湊番佢, 等亞仔早o的做功課/溫習/同亞妹玩下再午睡, 係我度食埋晚飯先去番奶奶度.

但每日去接亞仔番我度時, 我奶奶都會同我講唔同既野, 例如: 係我<奶奶>度做功課都得嫁. 要溫書我都可以同佢溫. 做完功課溫完習番我<奶奶>度瞓晏覺. 黎緊星期三至五有雨落, 我<奶奶>想亞仔陪我.

mouth:

唉.... 我都係想趁而家冇野做陪亞仔多o的, 同埋明年升小一, 見而家有時間咪準備下囉! 我好多謝我奶奶係我要番工果時幫我湊亞仔, 但係我而家就覺得佢想霸住我個仔囉! 成日比說話我聽, 搞到我好唔開心..... 我都唔知點好???

0 0 0

私人傳訊

smilebaboo

大宅

積分: 2873

2^#

發表於 09-5-19 09:18 |只看該作者

其實你要咁諗99 唔捨得囝囝都係人之常情, 唔好講到佢霸住囝囝, 我諗你要同奶奶講清楚你都想趁住現在未揾到工, 想多d 陪下囝囝.

同埋, 我個人覺得2兄妹分開住係唔係咁好, 因為始終冇左2兄妹一齊長大既感覺, 同埋哥哥開始大個會諗點解唔可以同媽咪daddy妹妹一齊生活. 如果係我, 我會覺得現在其實都係時候要接番哥哥一齊住, 只要比奶奶多一點時間去適應, 同埋如果奶奶住得近, 叫佢多d 過黎睇對孫重好啦..

原帖由 Snoopy211 於 09-5-19 01:39 發表

我有2個小朋友, 大仔4歲幾, 讀緊k2, 奶奶湊, 細女就黎2歲, 而家我自己湊.

平日一至五, 我奶奶負責接送我仔搭校巴番學, 下午帶亞仔食飯, 跟住亞仔午睡, 食埋晚飯我接佢番黎做功課/溫習/同亞妹玩, 十點左右 ...

私人傳訊

123!@#

伯爵府

積分: 16607

3^#

發表於 09-5-19 09:43 |只看該作者

其實係架, 你99湊左囝囝4年, 你叫佢1下子咁, 成個下午無左囝囝陪, 佢係好唔慣同唔捨得. 好似我有個朋友咁, 婆婆都係湊左4年, 依家囡囡要回父母家, (工人湊), 公公婆婆就成日話我朋友殘忍, 要揾工人湊咁無陰公. 但其實婆婆係每日都會入我朋友家, 湊囡囡. 但都會俾d說話我朋友聽.
所以, 你唯有唔好1下子切, 慢慢等你99適應囉.

私人傳訊

boobecky

伯爵府

積分: 17328

畀面勳章

4^#

發表於 09-5-19 10:49 |只看該作者

咁又係...其實你99都唔算比咩說話你聽架啦
我mami仲勁呀,佢湊咗我姨甥女2年, 我家姐話想夜晚湊返咋, 即時一哭二鬧差在未上吊咋...搞咗半年咁啱撞著mami搬屋,我姨甥要返去mami到瞓先完全湊返哂...
老人家係要比時間佢識應架, 因為之前最辛苦最難湊又係你99 湊, 到現在容易湊你就攞返,其實將心比己,你99會唔捨得都好正常既...

私人傳訊

MIMI_CHOW

複式洋房

積分: 114

5^#

發表於 09-5-19 11:05 |只看該作者

我諗你奶奶知你搵緊工, 如果湊2個小朋友會冇哂d時間, 佢想幫你分擔下j... 況且佢湊你個仔都咁多年, 一定唔捨得架喇...

私人傳訊

ChingChing730

珍珠宮

積分: 34435

好媽媽勳章醒目開學勳章

6^#

發表於 09-5-19 11:55 |只看該作者

唔好話99擺住個仔咁嚴重！

不過話時話，你會唔會從此做全職媽先，如果你係咁決定，咁就真係慢慢同99傾啦，佢真係唔捨得你仔仔係正常架 wor，如果佢好想你湊返，你仲會諗係咪佢跟本唔想湊，一直唔知係咪對你仔仔唔好 tim 啦！

但如果你仲會係搵工，而你又湊2個，第日搵到工，你打算點？唔好話99到時湊唔湊，攪到 d 小朋友一時一樣咪仲唔適應，都係諗清楚究竟想點好 wor！

私人傳訊

Jameskey

子爵府

積分: 14617

7^#

發表於 09-5-19 12:18 |只看該作者

你自己要做野攞個仔去比老人家湊就好地地,依家無野做要攞左個仔來湊就話個老人家霸住個仔..到時揾到野做就又比返99湊丫!!你當你99係咩丫?

私人傳訊

christy1012

水晶宮

積分: 67540

2025勳章蛇年勳章 2024年龍年勳章 2023年兔年勳章醒目開學勳章畀面勳章 BK Milk勳章

8^#

發表於 09-5-19 12:22 |只看該作者

個仔一向俾99湊開,你突然間話接番就接番,
對於你99黎講好難適應嫁喎,你個仔都未必適應到跟住媽媽啦,如果你打算以後做全職mani的話,
你就要同99傾下,如果唔係打算做全職mani的話,
咁樣維持都冇問題丫,反正你個仔幾年都係咁,
都慣啦,而且你99都係俾說話你聽o者,
都冇咩實際行動,唔好因為個個係你99,
就咩都討厭佢,咩都憎佢先得嫁

私人傳訊

yoyotown

複式洋房

積分: 382

9^#

發表於 09-5-19 21:33 |只看該作者

咁其實你可以帶埋囡囡一齊去99度. 可以順便一齊接放學. 陪佢訓午覺.
或者可以等你仔仔訓完午覺你先過去99度. 教佢功課. 食埋飯先回自已家架..

私人傳訊

evashao

大宅

積分: 2165

10^#

發表於 09-5-20 02:31 |只看該作者

你99都湊左個孫仔幾年,雖然改變方式都仲係會日日見面,但你有無諗下~當你提早接走個仔既時候,你99佢成個下晝仲有咩寄託呢?除非你係無任歡迎佢過嚟探你地,如果唔係佢真係會唔習慣同唔開心架~~
除非你係諗住以後做全職媽媽,咁就應該同佢好好傾吓~相反,如果你搵到野做之後d小朋友會交番比99湊既話,咁我會覺得有d[呼之則來,揮之則去]既感覺囉!假若你99妥協左,中午開始交比你湊番,但你一搵到野做,就將d細路比番佢~咁做就即係用把隱形鎖鎖住佢,佢想搵d細藝做下都唔得啦,要隨時ready幫你湊番喎,你諗下幾自私...,如果你真係想有多d時間陪下囝囝既,不妨參考下樓上既見議丫~

[ 本帖最後由 evashao 於 09-5-20 02:35 編輯 ]

私人傳訊

人地姑仔

民房

積分: 6

11^#

發表於 09-5-21 00:17 |只看該作者

不如咁啦，你同你99講﹕近來天氣熱，我唔想你上上落落，我去湊阿仔上去你度做功課好唔好？不如你幫我睇住囡囡。

除非你唔打算搵工，唔係有朝一日都要俾番99帶，而且我都明白帶帶下忽然無得帶真係好失落。

睇你寫，你奶奶係唔捨得遮，如果你奶奶唔難頂，咪你湊仔仔上佢度/直接你過去佢度咁。今朝留一線，他朝好相見嘛。

私人傳訊