首先你要去附近健康院拎 "懷孕證明"及 book 產檢，又或者你去睇婦產科私家醫生，會再同你 check 多次及抽血驗 hcg (抽血要抽2次，1次係你去既個日，另1次係5日後，用來檢查hcg增長，初步檢查有否化學懷孕 or 宮外孕)。如果你係健康院拎 "懷孕證明"，咁就唔洗做多樣。否則你係私家拎完"懷孕證明"之後就要去政府醫院 or 健康院 or HA go app登記，為的是在政府醫院上有你懷孕 reocrd，咁你係呢個懷孕過程入面有咩事，私家醫院不一定會收你，你就可以去政府醫院。我就政府私家兩邊睇，私家醫生在中環，每次診費 $1200 (包照超聲波，不包藥費)，各私家醫生收費不一樣，你要自己問，政府醫院產檢不收費。
8w係照閃閃 (胎心跳)，來確定胚芽成功發育成胚胎。大約 11w中段~12w就要驗 T21，政府不會驗 T21只會度頸皮。18w左右照結構，同上面個位 jm咁講，比較知名既私家醫生係要好早 book。
發表於 
返回列表
