自由講場今日: 2812|主題: 1348200

收藏本版

回覆發帖

返回列表

跳至頁

查看: 3997 | 回覆: 30

袁潔儀自爆三度流產不能再懷孕曾希望老公搵二奶 [複製鏈接]

cacandy

男爵府

積分: 8160

2025勳章 2025勳章蛇年勳章 BB防敏心得分享勳章

1^#

發表於 25-7-14 14:32 |只看該作者 |倒序瀏覽 |打印

袁潔儀日前於TVB熱播劇集《執法者們》飾演宣萱好姊妹Yan，劇內向潘志文打毒針，其兇狠眼神被網民激讚，表示睇到好心寒。袁潔儀1989年透過《亞洲小姐競選》入行，主持兒童節目《精靈一族》，2000年轉投TVB，雖然大多演閒角為主，但2018年參演劇集《宮心計2深宮計》因扮醜飾演受虐宮女而大獲好評。袁潔儀日前為鍾慧冰YouTube節目《冰姐的花樣人生》擔任嘉賓，分享曾三度流產嘅經歷。

袁潔儀曾與莫家堯拍拖7年，對方曾撻著袁潔儀一位藝人好友，因而令女方忍讓一年多後分手。2001年，袁潔儀於內地登台期間機緣巧合下邂逅做武警嘅老公。袁潔儀於節目提到，與老公係姊弟戀所以一直未有結婚打算，直至發現懷孕：「嗰陣都好糾結，擔心自己老咗要佢照顧我，點知係天註定，我突然間有咗，老公話梗係生落嚟，咁我哋咪排期結婚，嗰陣我哋喺香港註冊，不過檢查嗰陣醫生話bb冇咗心跳，唔要得。」袁潔儀續指，老公堅持繼續結婚；結婚不久再懷第二胎，但懷孕一個月後嘅情況又一樣。到懷有第三胎時，袁潔儀專心留喺內地養胎，到三個月時被驗出胎兒好大機會有唐氏綜合症，經權衡輕重後，決定排期做流產手術。袁潔儀重提當年流產情況，表示由半夜陣痛至第二日早上5、6點仍未成功流產：「我以為係一痛就會自己流出嚟，點知半夜一點開始痛，仲叫老公唔好過嚟，以為好快搞掂。」醫護人員表示因已懷孕4個月，要好似生仔咁等佢自己出嚟，半個鐘後開始感受到穿羊水：「feel到啲羊水好似噴出嚟，咁咪諗係咪要好似隔離嗰個媽媽咁用力，我用咗一下就feel到有嘢出咗嚟，嗰陣我唔敢望，只係心諗『小朋友，我哋有緣再見喇。』」

袁潔儀續指，當刻以為已經完成，但發現自己不停出血，護士主任檢查後表示係膀胱撕裂，要馬上做手術，袁潔儀透露亦因此不能再懷孕：「原來係我太大力搞到撕裂咗，自此之後我呢個子宮嘅環境跌到好低谷，就算我再重新去調整，都唔可以再懷孕。」袁潔儀老公堅持要佢去調理身體，但袁潔儀有唔同睇法：「我心諗『不如你去搵二奶咪仲好』，但係最後我都冇講到出口。」袁潔儀表示「搵二奶」呢個諗法係源自林建明（Ming姐），指對方亦曾諗過叫老公找個另一個女人生育，指：「古代都係咁，我又相信我老公搵得一定係心地好。」而袁潔儀老公曾搵過代孕，不過因生意忙加費用高昂，最後打消咗念頭。

佢都幾多唔好的經歷