吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 想離婚 (長文慎入)

夫婦情感今日: 0|主題: 42737

收藏本版

回覆發帖

返回列表

跳至頁

查看: 41500 | 回覆: 241

想離婚 (長文慎入)

[複製鏈接]

12 3 4 5...13

mowingkee

洋房

積分: 95

1^#

發表於 25-9-25 13:50 |只看該作者 |倒序瀏覽 |打印

本帖最後由 mowingkee 於 25-10-9 13:15 編輯

是咁的，我同老婆關係越嚟越差，成日都會為好小事又嘈，然後冷戰好多日，然後經常醞釀喺離婚嘅邊緣，佢成日覺得我唔識感恩，對佢唔好，但當然同時我都覺得佢有好多嘢做得唔好，試吓同大家分享吓，俾啲意見我

講返背景先，我算係有一份穩定嘅工作，月入80,000 ，太太冇做嘢，但其實係好唔夠用：
月入+$80000
租樓$28000
供養母$15000
小朋友讀書 $12000 (一個幼稚園 $6000, 一個直資小學 $6000)
生活費 $15000 (正常可能少啲, 不過好多開支又真係會突然多返)
水電媒$3000
工人$5000
車 $6000
保險$4000
MPF $4000
都係大約計支出 $92000 , 未計交稅

點解會演變到咁大開支，都係有循序漸進嘅原因嘅，以前係買咗一層一房，有一個小朋友勉強夠住，咁有小朋友出入有車方便啲, 之後小朋友入學, 佢要接送小朋友就拎左駕車來渣, 之後我覺得返工要來回兩個鐘太耐就要埋第二架車, 根住阿爸走左, 得返阿媽, 就要養佢, 之後有第二個小朋友，一定要搬，之前負擔冇咁大，就租咗新界三房連工人房，請埋個工人，之後個仔出左去市區讀, 就搬埋出市區了，之前仲有機會選擇一間平啲嘅直資或者一間要搭校車遠啲嘅名校，但係為咗名氣，我哋揀遠啲要搭校車, 另一個細既又要入學, 就咁了.

仍然夠用的原因是因為我自己有搵外快，但係就係唔穩定，有時多啲有時少啲，以前我係為咗去旅行，而家卻係要補貼生活開支，

不好意思要大家聽咁耐，因為我自己深信錢的重要性，有錢，係唔會有呢啲問題嘅，只可惜我唔係，我地都只係係一個普通嘅家庭出生，我自己個人其實唔覺得有需要咁多物欲，小朋友讀資助學校也可以，住新界大西北也沒有大問題，不過，太太就鍾意追求高啲，死不入大西北, 有得揀就直資，小朋友要讀私立幼稚園，券校不考慮，資助學校不考慮，兩房單位不考慮，搭地鐵搭巴士很危險，搭的士司機次次兜路又有煙味；其實早年夠用，雖然我覺得無必要, 我都唔係好介意，享樂永遠都係開心, 係人都鍾意, 不過自從第二個小朋友出世，一切就轉變了，而家好明顯開支係大過收入，我試過好心平氣和咁同佢講要轉變了，小朋友仲細搬去兩房，或者搬去唔使揸兩架車嘅地方: 去大西北(窮人村), 美孚新村(老人村), 黃埔(太舊)，或者養少架車(巴士很危險)，通通講完都係必需品，冇得改，冇得變，佢叫我阿媽住公屋(佢行動不便要工人, 公屋一人單位我覺得唔夠佢住), 佢叫我執咗間生意，唔好咁大壓力，我就諗極都諗唔通點樣可以做到？

要靠我自己一個人搵兩份才能勉強生活，所以我其實工作量好大，而且好多時放工返到屋企都仲要做，星期六日特登六點起身都係繼續做，每日返屋企其實都係得三個鐘陪吓對小朋友，跟住好攰都會直接去瞓,生活唔係頂唔住嘅，少少辛苦。

而調返轉睇我太太呢，就係我夢寐以求嘅生活，全職湊兩個小朋友，有車出入，有工人照顧，佢對自己好有要求嘅，要親自煮飯俾小朋友帶飯會親自教功課，送幼稚園返學放學，送小學搭校車放校車，高興時就揸埋車去接小學放學, 佢都覺得自己好辛苦。佢成日都會覺得，生兩個小朋友出嚟係為我做了最多的事，我應該要報答佢，感恩佢，然後就搬返大家網友講嘅全職媽媽好辛苦嘅道理出嚟啦，就話我好唔體諒佢了。

好明顯矛盾位就係呢度，我覺得日日返工好辛苦，我就覺得佢好舒服，但其實經濟好有壓力，我真係會為開多陣冷氣，用多張紙巾而覺得好浪費（我承認可能係病態，不過我真係覺得冇需要，喺屋企樓下汗，對小朋友好正常，唔需要二十四小時開住部冷氣機）

其實睇完背景，就知道我哋日嘈夜嘈了，今早兩日打風就為打風嘈了一交, 佢就為佢在屋企窗戶貼了交叉膠紙而覺得做左好多野, 想我多謝佢, 我就覺得好無聊, 浪費, 搵左啲網評話貼窗無用, 冷戰又開始, whatsapp 對話如下:

女:
無聊，小氣，執著，貼完又點安心就貼囉，咁小事都要發脾氣，點夠你玩，一時又咁一時又咁，只有你講，無人講，咁少事都鬧，真係好無聊，好執着，你覺得自己岩又如何有獎金？😅
貼左又點？新聞向全港公開叫人貼😹 你永遠係地球有自己獨特見解，咁又係，一個男人連生仔都唔明點解要多謝老婆付出咁大件事，其實都唔會有任何事懂得要感恩。咁小事都可以嬲，勁😮‍💨👍🏻咁你嬲曬全港人，大把人排曬隊貼窗，嬲埋消防處囉，就= 你同意林超英，問下有冇香港人覺得佢正常？？只是不停比人笑佢on 9 😹 ，放鬆啲啦香港人，甘少事，仔細想想邊個難頂
唔好咁無聊搞到家嘈屋閉啦，咁少事！放鬆啲啦香港人🤦🏻‍♀️ 我唔會再妄想你會多謝我對依個屋企付出任何野，只想你唔好成個地雷咁，唔知邊一句無聊野唔岩你聽就爆，叫你去圖書館都可以嬲到唔返屋企😅 唔該你，為左啲小朋友無辦法，認命自己揀錯人，認命前世互相欠左對方，今世要還債。唔錯都錯左，咪開心輕鬆湊大小朋友，盡量比一個開心童年佢地佢地囉，唔會好耐，痴父母只有十年時間就無架啦，我非常珍惜，請你都珍惜下小朋友，唔好為左啲無無胃胃的事係度爆炸，唔該曬🙏🏻
相安無事又一日，時間好快過，其實你現在行緊你老豆條路，你細心唸下你老豆錯，定你媽錯？
我完全無意同你鬧交，只希望相安無事又一日，一日一日地過去，好快就老，懇請你不要再在屋來大吵大鬧，感謝你的幫忙🙏🏻🙏🏻🙏🏻🙏🏻🙏🏻🙏🏻

男：
我都唔想行我阿爸舊路，但我同阿媽傾計時，永遠感受一份關心，佢次次識同我講知我辛苦好大壓力，佢果時同我阿爸係一齊過屋企限難既日子，我地負資產，佢真係日日返工，煮飯，照顧我，一齊由大屋搬去舊樓住，我就感受不到這份同行，我只感到，如果我們積蓄散盡，前路茫茫
而你在最基礎上既要求，只有告訴我：女人不應該工作，三房工人房，出入要用車，要工人，24小時要冷氣，2個小朋友要私幼直資，我收入係唔夠，卻連我想用少張濕紙巾，開少陣冷氣，買野格下價都多餘
生活經濟係壓力你唔理，咁講對我有無返基本尊重？或者比我做啲我想做既野？何來愛？
睇你上一段對話你應該要知日常你講野係點；
我想同個仔玩 Lego 電腦版，你在30分鐘內鬧左不知幾多次壞眼、唔應該玩；我鍾意陪養個仔去圖書館既習慣，你當住個仔面前話去書局咪得囉，跟本就唔一樣；我想要書枱，又無；
在你最崩潰既日子，要讀私小，我無話可說，頂囉，買過花，買過演唱會，忍；到你有offer. 何曾想過我要甚麼？我唔係想要禮物，我最想要少啲壓力既日子；在你有壓力時，眼中沒有我，在你無壓力時我又沒有特別好的對代，請問我的愛是從何來？
貼窗我覺得是無聊，你要我多謝你，你日日無憂無慮享用工人，已進化到搭地鐵，的士，都不正常了，我日日在壓力中你有無多謝我？你覺得只有我對你好，而你只需對小朋友好是理所當然嗎？
我每日做的是滿足你，是你的需要而不是孩子的需要啊，孩子不會一出世就要工人，要用濕紙巾抆屎，不會每日要開冷氣的，不會只喜歡去日本旅行的, 我每日就在滿足你，而留下的原因是因為不想小朋友沒有爸爸，你究竟睇唔睇到問題在邊？
你每日對小朋友無限好，而爸爸的付出是應份的，你究竟分唔分到邊個先應該係陪你到最後的人？不過講真，我真係好倦

女:
三日唔埋兩日少少事就又爆一大堆不滿出來🤦🏻‍♀️，又冷戰，你真係好鐘意冷戰🤣好無聊，你鐘意啦，冷戰達人👍🏻😌 唔知日日係度鬥氣有咩意思，成熟啲啦45歲啦，冷戰到小朋友30 歲囉笨，講到你屋企好似齊上齊落咁樣🤣最後咪又係成家散晒收皮啦你
你行緊舊路意思係，到老左我仔同個女會帶我走，你就繼承你個家族得「孤獨終老」！因為個問題係你度！超少事都可以離家出走同冷戰，送禮又唔滿意，唔送又話從來無買過野比你，其實無論點都唔滿意架你，極度難頂我就未聽過人話我難頂
無論我做咩你都唔滿意架，因為你睇我唔順眼囉，唔係我問題，係你變左啫，對你啲小朋友好有咩問題？？？
是旦啦，我係極度衰格因為對小朋友太好搞到你咁憎我，你中意啦，反正我都過左像單親日子好耐，我發生過咩事你都唔知，唔係淨係你無人關心，我每日都無無人問津不閒不問🤷🏻‍♀️病你都淨係問幾錢同問我死得未，唔覺有關心過我任何野，大家咁話啦
我只是一個無糧出得保母

總結, 生活既問題未解決, 要我可以返返去感恩我做唔到, 我覺得我付出不少了, 我係好想為小朋友留係屋企既, 但係屋企都係太令人窒息了, 離婚我係好瀟灑, 不過小朋友都好慘, 我都好鍾意小朋友, 不過要我為小朋友忍受佢我又做唔到.

0 0 0

私人傳訊回覆引用

Heman2001

男爵府

積分: 7227

2^#

發表於 25-9-25 16:31 |只看該作者

mowingkee 發表於 25-9-25 13:50
是咁的，我同老婆關係越嚟越差，成日都會為好小事又嘈，然後冷戰好多日，然後經常醞釀喺離婚嘅邊緣，佢成日 ...

樓主願意咁詳細講件事出嚟，果種鬱結、不被理解，相信你都真係頂得幾辛苦⋯

夫妻之間缺乏理解、配合、支持，對付出多既一方的確係好困擾，尤其經濟壓力下老婆又大花筒，呢個情況，除咗用男人身份表示同情，真心未有咩建議俾到師兄你，加油呀！

私人傳訊回覆引用

Moti

珍珠宮

積分: 33147

3^#

發表於 25-9-25 17:21 |只看該作者

基本上睇晒，字數太多，可能有遺漏都唔定。

你老婆話你小事化大，小小事就冷戰係咪真？

我睇晒你寫你老婆「衰」嘅point，我其實覺得佢好想提升你哋一家人嘅生活質素，係有啲離地，但佢出發點唔係想你哋衰，只係佢未認清/未肯承認你哋能力未夠，佢理想化咗佢自己嘅婚姻生活同喺生活上嘅角色。

私人傳訊回覆引用

Moti

珍珠宮

積分: 33147

4^#

發表於 25-9-25 17:28 |只看該作者

而我反而覺得你問題會嚴重啲。

你覺得所有問題始作俑者係你老婆，所以你覺得「離婚」就可以解決你老婆=解決咗問題。

佢話你無感激佢生小朋友，冇感激佢為屋企嘅付出，小小事就炸，其實要忍受你呢啲情緒，你老婆壓力唔會細過你。佢講嗰啲咩忍十幾年，忍一陣就過，你以為佢同你講，實質佢係同佢自己講。你無提供佢想要嘅「情緒價值」畀佢（讚美，欣賞），佢自然會想你提供實質物質畀佢（樓，車）——話畀佢知你在乎佢。

你明知佢係想往上爬，你想安穩就算。你明知兩個人價值觀不一，你點解仲要不斷抽呢啲事出來同佢傾呢？

私人傳訊回覆引用

Moti

珍珠宮

積分: 33147

5^#

發表於 25-9-25 17:35 |只看該作者

我驚BK食字，所以分開咗幾段。

有啲嘢，你明知大家一定觀點不一，根本唔需要攞出來討論，你冇咁多錢，唔需要畀佢去做最終決定。你畀你能力範圍嘅選擇畀佢，叫佢喺入面揀。你畀晒佢做決定，但自己又無能為力，最後又嬲咗佢，何必呢？

小事就唔好同佢計較，佢鍾意黐窗，咪由得佢黐飽佢，佢要做啲嘢去滿足自己有為呢個家付出嘅心，你咪由佢去做囉。做完就讚吓佢，佢獲得讚賞，自然會想做多啲，因為想再次獲得讚賞。如果連佢做咁小嘅事你都要挑剔，其實，我覺得你已經唔愛佢。

私人傳訊回覆引用

小菜豆

公爵府

積分: 27281

2025勳章 2025勳章蛇年勳章 2024年龍年勳章

6^#

發表於 25-9-25 17:40 |只看該作者

本帖最後由小菜豆於 25-9-25 17:41 編輯

mowingkee 發表於 25-9-25 13:50
是咁的，我同老婆關係越嚟越差，成日都會為好小事又嘈，然後冷戰好多日，然後經常醞釀喺離婚嘅邊緣，佢成日 ...

重點係老婆唔知道經濟情況入不敷支，你有責任同佢講，粉粹佢幻想中生活。讓佢一同分擔經濟壓力。
又唔係有第三者，搞離婚你會被分去一半身家，而且繼續供養佢同子女支出冇變。條數唔啱計。不如有情緒時去媽咪度住下，睇下會唔會小別勝新婚？

私人傳訊回覆引用

Moti

珍珠宮

積分: 33147

7^#

發表於 25-9-25 17:43 |只看該作者

佢話傷眼嗰度，其實你可以咁處理：「媽咪話對得電腦太耐會傷眼，咁我哋最多玩一個鐘好了。」你要畀佢聽到你有聽到佢嘅意見，但你亦同時表達咗你嘅意見（你要玩一個鐘）。

你畀我感覺係你無視甚至討厭你老婆，而佢因為你嘅無視，變得更挑剔。你哋大家都無真正欣賞對方嘅付出。

私人傳訊回覆引用

乖寶寶布布

男爵府

積分: 5793

8^#

發表於 25-9-25 19:25 |只看該作者

回覆樓主:

新界三房28000？好貴喎，我市區3房出租都係24000

養母要15000？可否cut點？

生活費15000？可否慳啲減到10000？

真係各樣要慳，否則壓力大，搵得8萬養咁多人。太太可否幫下手？日頭其實可以返工 or pt

樓主，你照顧咗自己情緒健康先諗其他嘢。不過千祈唔好搵小三，如果唔係你支出更加大

可以搵啲平既社工/婚輔睇下

私人傳訊回覆引用

capricornbb

水晶宮

積分: 64310

2025中秋節勳章母親節2025勳章 2024年龍年勳章 2018母親節勳章

9^#

發表於 25-9-25 19:39 |只看該作者

你啲薪金支出全部放晒喺家庭，你太太又用晒時間心思喺家庭，兩者都有大大的付出，沒有對錯，只係角色不同

或者你俾$40000太太，叫佢計數持家，如果唔得，就係開支方面出問題（你自己清楚，我哋也清楚，係佢唔清楚）

因為家用生活費@$15000，都會用晒喺家庭，實質佢無錢袋，佢唔會理解你已到臨界點

你和太太各自為家庭都盡了全力，卻互相得不到讚賞，甚至引致埋怨謾罵，當然覺得相當難過了

我和C6以前情況同你差不多，不過我只有一個小朋友，C6想我做FTM，但如果我做FTM生活質素大大減低，所以我都有繼續工作，有請工人，其他生活質素不變

現實生活係會容易磨滅愛情，希望您再冷靜想想，如果仲想維繫家庭，珍惜佢哋，再同太太商討（搬屋或駕少一架車）

我覺得您已經好叻，做得好好，值得被愛惜，希望您喺度申訴完，心情好返啲！

支持您，加油，不要放棄

私人傳訊回覆引用

namnamnamlolo

珍珠宮

積分: 44008

10^#

發表於 25-9-25 22:01 |只看該作者

回覆樓主：

本帖最後由 namnamnamlolo 於 25-9-25 22:08 編輯

我地收入多你少少
無請工人，長老零用好少，無車，無讀直資
但都唔覺得自己會好多錢淨
因為都仲要去旅行同埋交稅 ...

你老婆洗大咗個頭以為8萬係好多

你因為工作壓力應該對佢既語氣或面色都唔好
所以搞到大家都唔開心

不如調節返d洗費
如果小朋友已小學唔好再請工人只供一駕車

搵婚姻輔導大家好好傾下啦

查實佢唔怕離婚架咩？？？佢無收入架喎
離咗婚等個官判你要俾幾多佢
佢自己都要識計返條數根本唔容許佢咁大洗

私人傳訊回覆引用

kwhkwh

公爵府

積分: 29042

2025勳章 2025勳章蛇年勳章 2024年龍年勳章牛年勳章

11^#

發表於 25-9-25 22:26 |只看該作者

張list 咁清楚, 我相信樓主是持家果位。
如果樓主可以公開洗費, 其實也可開心見誠同太太說，叫太太慳D洗。
又如果樓主是持家果位, 月入8皮, 其實2小朋友好蚊水。特別是太太高消費, 不是day 1 事。
好似樓上各位話齋, 張洗費list 有可以cut 的空間, 節流下應該可以冇咁大壓力。

請勿轉載。搬字過紙不是記者的工作，未經同意, 即屬抄襲。

私人傳訊回覆引用

晴天bb

伯爵府

積分: 18092

12^#

發表於 25-9-25 22:26 |只看該作者

回覆樓主:

樓主如果係我，我會炒咗個工人，cut咗太太輪車己經省唔少。你老婆要嘈隨便佢，可以畀佢選擇，佢出返嚟做嘢，唔肯又要工人要車，就要小朋友就要轉校唔可以再讀直資。而且你要畀一個固定嘅家用畀佢，用曬佢自己諗掂去。唔好再畀你老婆離曬地，巴士唔坐地鐵唔坐。
佢要堅持嘅就同佢講離婚。講明贍養費都唔會畀得多佢，叫佢自己考慮清楚。其實問題唔解決勉強一齊，只會大家越來越憎恨對方，對小朋友都唔好。

私人傳訊回覆引用

gkhyzi9

複式洋房

積分: 102

13^#

發表於 25-9-25 23:07 |只看該作者

Moti 發表於 25-9-25 17:21
基本上睇晒，字數太多，可能有遺漏都唔定。

你老婆話你小事化大，小小事就冷戰係咪真？

不知足不懂換位思考係唔會有快樂的家收入已經不錯應該減少一些多餘的開支，如少架車．．互相理解會開心啲

私人傳訊回覆引用

My-jade

子爵府

積分: 14726

2025中秋節勳章父親節2025勳章母親節2025勳章 2025勳章蛇年勳章想生BB熱投

14^#

發表於 25-9-25 23:20 |只看該作者

可以試吓攤開個生活費同老婆傾吓

私人傳訊回覆引用

KILW

子爵府

積分: 10769

15^#

發表於 25-9-25 23:33 |只看該作者

其實樓主一個養全家，仲要唔夠洗，一定壓力大，而雖然老婆大洗，但佢都有付出。
我覺得行離婚呢一步前不如做下婚姻輔導，你2個唔算一個啱哂，一個錯哂。如果加一個外人調停下，令家庭經濟壓力無咁大，相信樓主會放鬆d，亦唔會只望到老婆嘅唔好。
老婆唔肯慳住洗，呢樣就算直接離婚，佢如果拎哂2個小朋友撫養權，你要比嘅贍養費應該都好貴，不如試下改變下大家思想，2個都行多一步，試下令雙方關係緩和少少。

私人傳訊回覆引用

Bb700

複式洋房

積分: 450

16^#

發表於 25-9-26 04:48 |只看該作者

回覆樓主：

本帖最後由 Bb700 於 25-9-26 04:53 編輯

經濟壓力真係好難頂，好影響心情同情緒。我見你都有講曾經同太太傾過節流，但太太覺得好多野都必需。

咁不如你倒轉比晒成份糧佢，叫佢持家。由佢去計數，迫佢面對現實同感受下經濟壓力。我估2-3個月阿太應該就能理解，之後再大家積極啲去節流，其實都好多位可以縮減，但就會降低左阿太心目中既生活質素。

其實八萬蚊，我唔係好明點解夠用，6000蚊兩架車，唔洗車位同油錢的嗎？小朋友除咗學費，冇報興趣班同補習嗎？

好似其他回覆咁講，相方都有為頭家付出，只係唔理解對方既壓力，只睇到互相既不足，又用左責怪既方式表達晒出嚟，傾唔掂就真係試下婚姻輔導，可能由第三者去分析，大家都容易啲處理。

離婚就未到既，但這個問題必須處理，再咁樣嘈落去，遲早走向這步。

私人傳訊回覆引用

mowingkee

洋房

積分: 95

17^#

發表於 25-9-26 07:37 |只看該作者

多謝大家寶貴嘅意見，

其實我都好同意，佢並唔係對自己好好，係對對小朋友100%付出，給他們最好的。

要同心合力去解決經濟嘅問題，真係唔係咁易，大家要求唔同，上一次搬屋又係另一次好痛苦嘅經歷，用少架車，用少工人都係帶來我更多嘅工作量，每次拎出嚟傾都係另一次冷戰的開始。

佢做得好嘅地方：
照顧子女無微不至
我每日返嚟都會指示好工人預備晚餐
工人執到間屋井井有條

不過就真係要求太高，我承認其實決定所有我都有份參與，不過都係為咗滿足佢，沒有及時阻止而讓佢進化到這層次我也是有責任，大家現在就是落不回地面，硬著陸就是離婚，講真一個男人真係唔需要洗好多。

軟着陸就是痛苦的慢慢長路

可能係好多處理和溝通方面，我可以做得好好多，不過咁多年來，沒有邊一次的拗撬，不是以我妥協而結束。

我不讓她不會讓，我讓情況又繼續相同，很疲倦，真的很疲倦

私人傳訊回覆引用

namnamnamlolo

珍珠宮

積分: 44008

18^#

發表於 25-9-26 08:39 |只看該作者

mowingkee 發表於 25-9-26 07:37
多謝大家寶貴嘅意見，

其實我都好同意，佢並唔係對自己好好，係對對小朋友100%付出，給他們最好的。

為小朋友好都唔一定要有工人同揸車
佢咁執著搞到2公婆氣氛都差
咁樣叫俾到小朋友一個好的成長咩

樓主你睇完咁多jm 回覆無諗過下一步點做？？或者俾你老婆睇下我地d comment 等佢知自己其實幾咁不設實際
8萬蚊2個小朋友讀直資
到有興趣班想報時已經未必拎到錢出黎報啦

8萬蚊租28000既樓真係好大膽
食好住好要返轉頭真係要一段時間先調節到

私人傳訊回覆引用

capricornbb

水晶宮

積分: 64310

2025中秋節勳章母親節2025勳章 2024年龍年勳章 2018母親節勳章

19^#

發表於 25-9-26 10:18 |只看該作者

本帖最後由 capricornbb 於 25-9-26 10:27 編輯

mowingkee 發表於 25-9-26 07:37
多謝大家寶貴嘅意見，

其實我都好同意，佢並唔係對自己好好，係對對小朋友100%付出，給他們最好的。

咁呢樣你要糾正返自己嘅觀點

其實佢對您哋嘅小朋友好=對您好，因為您係一家之主，係小朋友嘅爸爸，佢哋都係跟您姓的，係一個有血緣嘅家庭共同體

另外，一個人開支當然夠駛，我和C6都想自己份糧全部自己駛，但有小朋友，就有責任養大佢哋，至於富養窮養，就要睇自己能力，悉隨尊便嘞！

您好好同太太認真傾吓啦！如果佢再唔妥協，您才再上來尋求意見吧！

私人傳訊回覆引用

Jolin_C.Lau

複式洋房

積分: 108

20^#

發表於 25-9-26 10:24 |只看該作者

mowingkee 發表於 25-9-25 13:50
是咁的，我同老婆關係越嚟越差，成日都會為好小事又嘈，然後冷戰好多日，然後經常醞釀喺離婚嘅邊緣，佢成日 ...

建議你同佢講：不如我地先唔好講感情個part。
就咁睇雙方都有極大付出+都係為頭家。
個啲感唔感恩，你唔明白我，通通暫時擺埋一邊。

而家現實問題係：入不敷出，點解決好呀老婆大人？

人係情感動物，好鐘意唔正視問題但又撈埋其他野講，唔清唔楚，呢世都講唔掂。

問題明顯係錢，但講講下講左唔理解呀，唔感恩，簡單覆雜左。