夫婦情感 今日: 3 | 主題: 42807

積分: 11178

1^#

發表於 12-8-15 19:54 |只看該作者 |倒序瀏覽 |打印

童年篇 (一):

我好細個時, 同父母, 姐姐同住係屯門一個得二百幾呎嘅單位. 八十年代, 媽媽

成日都攞d膠花來穿, 平時就喺家裡照顧我地.

爸爸係一船務公司做文員, 我爺爺有許多仔女, 自己做生意所以都唔窮. 但我爸爸係大仔, 所以讀完中七就要出來, d弟妹就去晒外國讀書.

我爸爸英文都幾好, 思想行為都洋化, 同埋對西裝好講究, 個樣後生好英俊吓, 我媽媽

就賢妻良母一個.

由好細個開始, 我就知道好多親戚都睇我哋唔起, 又覺得我媽讀到小學

,唔識教我地...我地去飲茶, d親戚就一定叫你記得出番你分錢, 唔係就唔好出來飲茶, 仲有好多討厭的冷眼同冷言冷語, 連我當年人仔細細都feel到...

我仲記得我阿爸出糧請阿爺晚飯, 佢話我阿爸無出息, 請佢食d垃圾.

我阿爸喺尖沙咀番工, 我地星期六同阿媽會出去找佢午飯. 之後會行海港城, 見到五光十色嘅名店, 幾歲的我開始虛榮, 一日到黑都好想有錢, 可以食好, 住好, 買靚嘢. 不過我從來無怨自己父母, 只係覺得家裡無閒錢, 成日要慳, 好辛苦... 成日發夢自己做千金小姐, 唔駛挨...

我個人好細個思考就好似大人, 三歲時, 我夜晚同姐姐訓係廳張碌架床, 我見到爸爸媽媽

喺度熄晒燈睇電視, 我唔知點解, 望住佢哋偷偷喊, 好想我爸爸媽媽

永遠都係我身邊, 一家人好好生活......

我哋由小到大都無去旅行, 見到有人有得去旅行, 帶手信回來, 好羨慕, 將d手信又聞又玩好耐, 好想有機會去.

我細細個, 同我姐姐已經好鍾意睇新小甜甜, 仲會成日襯衫, 盡量令自己睇落高貴啲, 等親戚唔會咁睇我地唔起.....

我細個成日病, 我媽好好照顧我, 仲會成日帶我睇醫生, 一唔掂就會花二十幾年前嘅幾百完同我睇尖沙咀一個兒科名醫, 唔知係咪d藥靚, 每次都好快好, 令我覺得, 有錢睇醫生都唔同d... 睇佢仲有好多有錢人阿太同d有錢小朋友, 其實我都幾鍾意去個度, 令我眼界大開... 係咪好變態..

我爸爸都好捨得駛錢買衫同鞋, 個樣勁似混血兒, 真係似一個公子咁. 佢都好肯買玩具比我同姐姐, 每年生日, 我頭號禮物, 就係little twins star手袋一個, 三百幾蚊, 四歲的我拎出街終於知道比人羨慕嘅感覺, 真係好好架, 同而家d人拿hermes一樣, 不過我比人哋早有呢種感受遮......
(二）童年篇

我小時候住蝴蝶邨，真係記得媽媽

有穿膠花，同成日拿布回家車衣。

我三歲還有一次迷路，自己由蝴蝶商場行番屋企，我仲叫啲c9幫我按5樓，找我幼稚園同學個小學

阿哥送我返屋門口，陪我等阿媽。我鄰居就叫我去佢度，到我媽報警完返屋企見到我安然無恙係人度大吃大喝，即刻喊左出來。

係我八歲，我爸爸升職做經理，我弟弟又出生，我媽就話不如搬家，找地方，睇樓，有看過新屯門中心，我好興奮，因為個時覺得好高級，但媽媽

話見到好多屯門長大的人容易學壞，就搬到將軍澳的居屋。我爸爸仲自己油油，慳得就慳。我個時覺得華景山莊係超級豪宅。

我仲插班入區內一間幾好的小學

，因為考油塘一間名校，人地不收我同家姐。
（三）
我入這間小學

嚴過屯門個間好多，一有乜唔乖就要打手板同罰抄，我個時有些強迫症，一回家就狂檢查自己功課有冇做漏，好驚比人罰。

我家個時開始有少少多餘錢，我媽比我同家姐一人一個補習

老師

，弟弟係九龍塘唸幼稚園，我們常外岀晚飯，一年有一次去酒店吃飯，之後我和家姐會回味好耐。我媽媽

每次去飲都會同我地買裙，五百元一條還要拿去改衫，我表姐個年結婚係某五星酒店擺，九十年代好少人係呢啲地方擺，我同姐姐都覺得好夢幻。個老公又老又唔靚仔，我姑媽仲風騷到暈。相反我仲有幾個靚的表姐嫁比啲有樣冇事業的男仔，婚後老公又去滾又無家用，我就立志第日要嫁得好好。唔要冇錢冇前途男仔。

大咗先知原來我表姐夫係酒店高層所以先在那酒店結婚，不是什麼有錢佬。

我有個小學

男同學成日吹水話自己好有錢，過年又成日帶成盒金莎請人食，我都吹水話自己好有錢希望可以配得起佢，第時同佢結婚，點知一次去佢屋玩先知佢住屋邨同一啲都唔富有，我就即時冇乜理佢，哈哈。

我畫畫好叻，成日自製時裝雜誌，啲衫二十年前都要幾千蚊件。哈哈。

六年級，我成日同同班一個女仔鬥靚文具，買百幾蚊個筆袋同六七十元的原子筆。又會用零食同爸爸公司的送客紀念品籠絡同學同老師

。所以都幾受人歡迎。

上述好像很變態，大家都覺我好物質主義，係咪？不過除了咁我就同其他小朋友冇分別，同埋媽媽

好嚴，所以我都好乖，唔太勤力但也考頭三名。

其他時間，我都係一個普通小朋友，阿媽管教都嚴，所以除了貪錢外我都同真正他小朋友一樣。

0 0 0

私人傳訊

積分: 11178

2^#

發表於 12-8-15 19:54 |只看該作者

四，中學階段

我升上中一，因為跨網唔成功所以入區內一間band 3中學，我姐姐就係區內最好間英文中學，為此我哭了幾次。

喺呢個時候，我爸比人裁員，佢當時搵三萬幾，找唔番啲高級工作，失了業一排，媽媽好徬徨。我地成家人都心情好差，我媽於是幫人湊仔，我阿爸原來一直冇儲錢，又少爺仔，每份工都做唔長，最後去做保安員，仲要輪班，我見佢官仔骨骨，而家要帶飯，午夜起床上班，我內心好難過。

我媽之後上午做幼兒園校工，下午到快餐店做廚房，之後轉工到老人院做姐姐，上班什麼也做，廚房清潔倒垃圾洗阿伯尿片一腳踢，比人勁鬧，回家還要做家務煮飯，日日累到好辛苦，我有時同佢按摩，洗碗，晚上就在被窩喊，覺得一家人捱得好辛苦。爸媽問親戚借錢交稅，就算兄弟姊妹都比好多説話你聽，兼且唔借，好彩我媽的親戚好好多，而我地亦每月還錢比人。我中學下午成日幾蚊腸粉炒麵就一餐。

五中學階段
我中三個年姐姐中五，點知原來佢偷偷拍拖成績一落千丈，會考得三分，我阿媽咋喊住叫我努力讀書，先可脫貧。姐姐個樣似爸爸一個混血兒咁，我當時冇心機打扮，又冇掹眉，又短髮，成個男仔咁。冇人話我靚。家姐就本事識好多有錢花在佢身上的男仔，一個星期六返家，拿著三對miumiu鞋，prada手袋，仲有每月幾千蚊買衫。出街好多人望佢。

有一日，有個自以為自己好靚嘅女同學係好多人面前話我平胸，又話我唔靚，我表面若無其事其實好傷心，喊左成晚。

自此，我買左罐奶粉，一日係咁當水飲來豐胸，又偷偷地搽歌婷有色乳液返學，偷家姐的衫來著，掹眉脫唇毛，我呢世唔要再有人話我樣衰，平胸。

以前yes有個專欄叫萬元戶，每幾期找一個幸運兒比一萬元去買野，我冇參加但成日發白日夢自己中獎，可以買啲乜。個時一萬蚊覺得好多，而家買對鞋，買件衫萬幾蚊件都冇乜野。

私人傳訊

積分: 11178

3^#

發表於 12-8-15 19:55 |只看該作者

六中學時期 - 第一位puppy love男友出現

個時我中四成日去英x, x代教育補習班, 成日自己一個人去, 我又開始變得少女樣, 飲奶又真係豐胸 (發育時期), 加上化少少妝, 成日有男仔問我拿電話. 係那時我識了一個讀九龍一著名男校的男生, 佢好斯文, 同佢講電話, 補多幾次習就一齊, 但其實我地都係第一次談戀愛, 所以連咀都無咀過. 佢家裡開兩間洗衣店, 我以為佢幾有錢. :p

第一次出街, 我地約好去海洋公園, 出到金鐘地鐵外的巴士售票處, 佢問我, ‘er…你有無帶銀包呀?我好似無帶夠錢比你個份..”, 之後我話, ‘吓, 我家姐話我地女仔出街係唔洗帶銀包喎, 我無帶錢呀.” (咁我當然其實有帶啦).

之後佢好無奈, 就建議去佢家. 我參觀完佢書房, 無嘢好做, 就係佢家唱k. 真係好騎呢..

佢環境都OK, 住私人樓, 家裡佈置幾靚, 但佢連同我出街嘅錢都比不起, 我回家後就致電同佢分手, 我記得佢都話佢想分手, 呢個男仔都幾醒目, 唔想同一個咁貪錢的女仔一齊.

於是我就繼續去補習, 有班男校嘅男仔, 成六七個人, 個個都對我有D意思, 除了一個少少肥的男仔, 偏偏我最想佢追我, 因為佢爸爸係醫生, 住西貢, 但人地鍾意補習班另一個都幾靚的女仔.

我生日, 呢班男仔同我唱K睇戲, 每人送份生日禮物比我, 又送我番家, 我體驗到比人服侍的高高在上感覺, 好正…HEHE.

七. 中學時期 – 第二及三位PUPPY　LOVE男友出現

我家附近有間小型超級市場，仲有報紙檔，好好生意，個太子爺係一個大我三年嘅男仔，我那時放學經過佢舖頭，知道佢好留意我，我就得閒扮得幾靚就去買吓報紙，如我意料之內，佢又問我拿電話，原來呢個男仔真係好有錢，父母比好多零用，每次同佢出街，佢都帶幾千蚊，未有車牌，就同我乘的士，不過佢都係好純情，又係唔會‘TALL’手，咀都無咀過．．

呢個時候殺出個程Ｘ金，就係佢好朋友，都想同我一齊，我地暗暗講電話比佢知道了，佢地無FRIEND做，我心裡好嬲，因為氹緊佢買隻Baby G，我又唔想哎番佢，因為無鐘意過佢．．

私人傳訊

積分: 11178

4^#

發表於 12-8-15 19:55 |只看該作者

八，第一位正式男友出現

係我中四中五兩年，我好勤力讀書，因為我明知呢啲咁既學校，個個同學成績都差，我唔想咁，我想自己樣樣叻，所以老師都好錫我，同埋我係好識表現自己的，校長有訪問必找我做學生代表，有些同學考試前會叫我唔好溫，一齊去玩，我就好衰成日扮唔讀同佢地去，心想你地真係損友，自己之後回家努力讀。結果當然係我好高分，漸漸同學知道我的把戲，老師對我又偏心，我搽歌婷上學又比人看穿，我就成日比同學針對，全班九成人唔同我講野，我媽媽就安慰我，其實我都睇得幾開，我才不屑和這些不讀書又小心眼的人玩。

我喺這中學其實有三個好友，其中有兩個今日也很friend , 有一個當年係我best friend,玩咗七年，但佢同咗一個追過我的師兄拍拖後，就扮唔識我同我絕交。於是，我傷心之餘覺得友誼係好脆弱，所以我對得住人就得，唔期望一定有一世的朋友。

我係自修室讀書，識了個同我同年的男仔，佢係一間男校嘅籃球隊隊長，靚仔大隻，但就一啲都唔有錢，老豆做政府工，媽媽做護士，都算小康，但個時我都同佢走在一起。。。

私人傳訊

funbi0816

積分: 45360

叻叻勳章畀面勳章

5^#

發表於 12-8-15 20:00 |只看該作者

無喇??

私人傳訊

積分: 11178

6^#

發表於 12-8-15 20:02 |只看該作者

九. 中學時期
我起初同呢個籃球隊隊長一齊, 係真正鍾意佢, 覺得自己仲後生, 得十六歲, 無錢都可以愛情飲水飽吖, 個個係我人生一個好開心嘅暑假.

出街一定aa制, 我雖然真心鍾意佢, 但已經知道我第時唔要同佢結婚.

當時我覺得我愛佢多啲, 佢好似唔係對我好好咁. 佢有一次忍不住同我講, '你可唔可以打扮吓呀?'

我呆了. 我都有好多人追, 點解佢仲叫我打扮? 果時好興廣末涼子d清純風, 我打扮就係咁, 純情少女feel, 有乜問題?

"你可以染吓髮, 穿得索d, 你而家成個細路女咁...頭髮又短..."佢話.

我雖然好傷心, 但明白到, 自己覺得幾靚係無用, 一定要穿得令人覺得你索, sexy (我要強調唔一定係要露肉!), 令人覺得你係正, 係索女才可!!!

於是, 我從此好注重打扮, 衫唔一定要貴, 名牌, 但一定要夠索!!!我改造自己後, 佢明顯對我好了許多, 而追我嘅人, 亦直線上升, 有時我約了佢, 等佢來時有人撩, 我會故意比佢睇到, 之後變成佢好緊張我.

中五放榜, 我會考有廿幾分, 幾條a, 留係原校, 但佢就得12分, 要另找學校. 我即時覺得, 你當日嫌棄我, 今日我又好多人追, 成績又比你好, 開始覺得將來我們的路會不一樣.

中六中七兩年, 我比中五更努力讀書, 因為我唔要成績變差. 我男友成日叫我去街, 我要溫書就唔理佢, 溫好晒先同佢一齊出去. 我係超級極度勤力, 每晚半夜五時起身溫書. 從無間斷. 係咁溫, 溫到熟都要繼續.

呢個時候我識了個好有錢的男仔, (就叫佢方x申啦, 因為好似) 佢係九龍一著名男校讀, 住獨立house, 諗住中七後去外國讀書, 所以佢好懶,佢知我有男友都好關心我...我地一直保持朋友關係

我媽睇我畢業禮, 見到我攞了幾個學科獎, 忍不住哭.

我高考放榜果日, 好開心, 我比會考時成績更好, 我都估不到成績超好, 入了香港龍頭大學其中一間讀工商管理, (因為呢個系容易搵錢).我連上網選大學都係同學家進行, 因為無錢上網.

我中七暑假在giordano做sales搵錢, 我做嘢都好勤力, 個女店長好鍾意我, 加我好多hours等我可以搵多些錢. 旁邊的餐廳男老闆(約三十歲, 我十八歲)每日請我午飯, 我諗住有人請食飯不知幾好, 佢又係我將會入的u的畢業生, 好斯文, 點知比我媽見到, 話我咁食人餐廳的飯唔好, 呢個男人太老等等, 我就同佢講我有男友, 之後佢就舖都好少番. 方x申就成日嚟探我班, 買嘢比我食. 話我咁辛苦不如唔好做, 我問點解, 佢又講唔出.

我做sales時成日都有些男仔, 男人撩, 我好討厭佢哋, 我即將做大學生, 還要應酬你嗎?

自戀傾向, 哈哈, 都有少少, 因為追我的人和觀音兵, 真係數不清, 仲有些特別的人, 我都覺得幾精彩......

十. 大學時代 (第二個男友出現)
大學第一日番學, 我即時同幾個女仔坐埋一齊, 有個樣貌唔差的女仔(叫佢m小姐)話, 不如我哋交換電話電郵同地址, 大家都覺得好好, 就寫下來. 之後我同佢越來越熟, 最後m小姐話比我聽, 佢收集呢啲資料係睇吓d人住邊, 邊個係有錢仔, 我都打了個突, 原來有人比我更進取喎!!!

我好快發現, 大學裡面除了讀醫的男仔值得留意外, 其他大部分都家境一般, 因為有錢好多都去了外國讀書.

所以, 我好多有兩個讀醫男仔追, 不過一個無錢兼有女友, 一個就有錢但超樣衰.

籃球隊長就升唔到大學, 去讀副學士, 我平時就成日幫人補習, 用來交學費, 試過有八個學生, 不過可能我份人做嘢好勤力, 好認真, 好多學生成績都有大進步, d媽媽對我好好, 成日請我留佢地家食飯.

我雖然有幫人補習, 但好多時真係好窮, 我成日係家自製三文治(有隻牌子吞拿魚醬附送餅乾, 我好鍾意用個個醬搽包). 落堂盡量避開同班的同學, 自己等車時食.
同埋我好孝順, 百x每晚六點後十蚊六個包, 我就幫我媽買, 同d阿毛搶包...

我有日發現籃球隊長未log out icq, 見到佢係icq約女仔食tea, 我都好大打擊, 成個人好凍, 好失望, 即刻同佢分手. 佢死lor, 我之後當佢係觀音兵, 有錢先好同我去街

大學真係有好多好多男同學會追你, 約你去街, 但大部分我覺得都係細路仔.
一開icq, d 'oh oh' 會叫到部電腦hang機, 又有好多騎呢男仔會等你一同上堂, 我最興就係叫讀醫個肥仔開寶馬接我放學嚇走佢地, 同埋可以等佢繼續做我觀音兵, 一舉兩得.

呢個時候, 籃球隊長有個打波識嘅超靚仔朋友, 都成日icq叫我, 約我出來, 我偏偏一次都無去過...因為佢太靚仔, 我唔鍾意d 我唔係佔上風, 我控制唔到的情況, 咁佢那時是做model的, 佢而家係不紅的明星嚟. 希望大家唔好估係邊個, (我想強調呢個人從無追求我, 只係成日叫我出來, 可能唔甘心有女仔竟然拒絕同佢出來, 而我估佢應該都成日約女仔出來測試自己魅力, 好似我嘅心理)

於是, 我都send了幾張沙龍相去model公司自薦, 成功得到唔少job, 第一次就係出席君悅酒店的名牌活動, 那時有叫jj的餐廳酒吧, (而家係扒房)令我見識了真正高級的世界. 還比人在高級地方以欣賞的眼光望, 我第一次因為工作可以食到場內的食物, 仲懷念那綠茶紅豆蛋糕的味道, 但現在可以天天去君悅的日子, 真的覺得那蛋糕不如以往好味. 所以我有些想要的東西, 我故意不買, 我怕失去了期望的感覺. 我好感謝個casting我的女士, 我呢個經歷好難忘.

方x申去了英國留學, 知道我和籃球隊長分手, 就話不如我地一齊啦, 於是我就同佢展開long-distance relationship...

係得咁多
係GOOGLE搵到咁多

點評

Elefant老婆我原來桌面電腦broswer仲有留底（因我較咗只看該作者）所以十一之後有晒。發表於 12-8-15 22:29

TaiLoBo 謝謝 !

發表於 12-8-15 20:43

私人傳訊

fumi

積分: 13983

7^#

發表於 12-8-15 20:38 |只看該作者

回覆：(未睇入黎)一個屯門屋邨妹嫁去淺水灣的憤鬥歷史

多謝分享，都幾好睇

私人傳訊

zitayan

積分: 10269

畀面勳章

8^#

發表於 12-8-15 21:16 |只看該作者

回覆：(未睇入黎)一個屯門屋邨妹嫁去淺水灣的憤鬥歷史

仲有冇？咁睇清楚好多

私人傳訊

judymama

積分: 13744

9^#

發表於 12-8-15 21:20 |只看該作者

回覆：(未睇入黎)一個屯門屋邨妹嫁去淺水灣的憤鬥歷史

有冇個blog

私人傳訊

lovebabyswong

大宅

積分: 4596

10^#

發表於 12-8-15 21:36 |只看該作者

回覆：candy.c 的帖子

咁犀利，有keep 低

私人傳訊

wongcccc

禁止訪問

積分: 1689

11^#

發表於 12-8-15 21:41 |只看該作者

版主的帖子

提示: 作者被禁止或刪除內容自動屏蔽

私人傳訊

FION_CHI

大宅

積分: 1480

12^#

發表於 12-8-15 21:44 |只看該作者

回覆：(未睇入黎)一個屯門屋邨妹嫁去淺水灣的憤鬥歷史

@@仲有無

私人傳訊

candydoraemon

大宅

積分: 2708

13^#

發表於 12-8-15 21:47 |只看該作者

回覆：(未睇入黎)一個屯門屋邨妹嫁去淺水灣的憤鬥歷史

佢寫緊小說丫，想表達乜？

私人傳訊

積分: 11178

14^#

發表於 12-8-15 21:47 |只看該作者

lovebabyswong 發表於 12-8-15 21:36
咁犀利，有keep 低

我無BLOG 呀!係GOOGLE幫我地KEEP淨咁多
其他無喇

私人傳訊

積分: 37317

好媽媽勳章醒目開學勳章畀面勳章

15^#

發表於 12-8-15 22:28 |只看該作者

十一. 大學時代

同方x申一齊後, 我好開心, 因為佢會係外國買好多貼心禮物比你, 同埋名牌, 例如hermes的飾物, 金器都有送(好老土), 仲會匯錢嚟香港比你做零用. 佢番香港, 對我同籃球隊長好唔同, 佢真係一個有教養嘅人, 好斯文細心, 好有風度, 仲有三架車同我食飯.去啲高級餐廳, 唔似籃球隊長只識食快餐店.

不過佢唔好就係, 超級多疑和'痴'身,一番英國就狂打來, check住晒.

我有時同同學一齊, 佢打來叫我叫佢老公, 我唔肯, 佢又成日係我溫書時打來, 我話溫書, 佢話'你弟日都係我養啦!', 我話"無話寫包單喎!"佢又發巔又喊. 我覺得佢越洋追蹤真係好煩.

佢一回香港就好鍾意飛車嘅, 但我就好憎夜晚去睇佢飛車, 極速傳說咩, 同埋我唔想佢玩車時坐佢車, 怕太快有意外, 係我地成日吵架之下, 一日我發現佢同時同緊個女仔一齊...

個女仔細我兩年, 讀完中三就無讀的老泥妹, 不過好崇拜佢, 好聽話. 我又係好驚, 好shocked, 哭了一晚咁大把, 第二日還有個estee xxxxxx的化妝show, 我第二日出活動隻眼腫晒, 個make up artist都好奇怪咁望我, 又唔敢問. 仲有部機錄我化妝情況, 可能人地個客都嚇親.

我只哭了一晚咁大把, 我飲恨要玩謝佢, 方x申狂打來, 話同佢分手, 我扮原諒佢, 等佢番英國, 我生日叫佢寄錢比我買禮物, 我仲用佢d錢買了電話及鑽戒比自己, 還有許多嘢比追我的男仔當獲利回吐. 例如古龍水, 手錶, 之後我等佢打來, 同佢講我咁做, 仲話你d咁嘅二世祖, 書又讀唔好要去外國, 個人又少爺仔, 無鬼用, 你唔好以為我有鍾意你, 當你'saw"仔玩你咋.! 佢好受打擊, 喊, 我收綫, 其實我有愛過佢的, 不過原來男仔都唔專一嘅. 我好傷心, 決定以後也不要真心愛一個人了...!

私人傳訊

積分: 37317

好媽媽勳章醒目開學勳章畀面勳章

16^#

發表於 12-8-15 22:30 |只看該作者

十二; 大學時代

我係方x申呢一役後, 決定要做情場女殺手, 唔會再對感情認真!!!!!

係呢個時候, m小姐(之前提幾靚的女同學, 同我一樣都係想識有錢仔) 開始帶我蘭桂坊, 我地呢啲十九歲靚女大學生好受歡迎, 成日有人坐埋嚟, 請飲嘢, 我的電話於是更唔得閒, 狂有人打來問我今晚不如一齊呀咁, 但係我好清醒, 其實呢啲地方啲男仔唔好架, 一係就樣衰無錢又咸濕, 一係就自以為好靚仔係度扮情聖. 我從來唔期望有好男仔會係度出現, 講真, 就算係好男仔, 係lkf識你,對你的態度都會唔認真. 所以我從來唔會同呢啲男仔有進一步的感情發展.

好多女仔鍾意post自己係lkf同人玩的照片上facebook, 例如女仔同女仔kiss,(都還ok), 同d男仔玩得懶開放咁, 呢啲嘢我係從來唔會做, 好心啦, 同啲死肥仔合照, 仲要比佢抽水, 仲要放上網, 咁便宜佢!實影衰我呀, 所以我從來唔同d去蒲識嘅男仔合照. 另外, 有一樣嘢我都唔會做, 就係去船p, (那時已開始hit), 我心諗, 你哋班cheap仔, 咁容易可以睇我穿泳衣呀, 睇蝕晒! 有啲女仔會在船p穿三點式和d男仔狂影相, 哈哈, 就算船上全部富二代, 我都唔會穿三點式比咁多男人睇蝕晒. 我好憎做到自己好恨受溝咁(雖然我鍾意比人追, 但我唔想擺明係到等人撩), 例如去飲嘢我根本唔鍾意坐晒出嚟, 係門口晒靚樣, 偏偏m小姐好鍾意咁做. 呢啲手段係三流㗎, 我呢啲要唔望人, 直入裡面坐, 啲男仔行入來搵吓你係邊先係高手嘛. 呵呵~.

仲好講個m小姐, 同另外幾個女仔簡直妒忌我到不得了, 枉我當佢朋友, 有次係銅鑼灣飲嘢, 當晚有兩三次有男士走來同我講嘢, 問我電話, 我見佢呢啲普通男邊有資格問我拿電話, (假假地都係個大學model), 就無睬佢, 我啲'friend"就話, "佢好眼訓啦, 唔得閒同你玩, 不如我地一齊玩啦?"我心諗'校por"之中你都算cheap, 咁嘅都唔放過! 之後我話我走先, 我好記得, 呢個cheap精走來, 輕輕打了我塊面幾巴, '好啦, 你要返家啦!唔好係度jor住晒", 佢當時都飲醉. 我覺得呢啲根本唔係我朋友, 不過, 我係大學繼續同佢地一齊玩, 因為我都要搵渠道晒命, 比佢地知我啲桃花旺到爆, 連結婚也有請佢飲(等佢哋羨慕吓). 我就係一個咁嘅人, 你對我好我對你好, 你唔like我我實激死你...

私人傳訊

積分: 37317

好媽媽勳章醒目開學勳章畀面勳章

17^#

發表於 12-8-15 22:30 |只看該作者

十二，大學時代

題外回應講下我姐姐，佢同幾個有錢男友分手後突然從良，同咗個係教會識的冇錢又樣衰，家庭又有問題的男仔一齊。個男仔讀香港某大學(不是港大中大）唔知點解仲對呢個男仔咁好，當佢仔咁湊。之前的艷光無晒。之後呢個男仔居然係教會溝女，我家姐承受不了這打擊，係咁喊。不過我地做得兩姐妹，佢亦唔係善類，有方法同一年考入到這大學，還向佢示威，哈哈。不得不佩服佢的創意同能力。最後佢亦順利畢業。佢亦斷續同啲質數麻麻的男仔一齊。講真，啲冇本事的男仔又會發窮惡，又冇見識，亦很少識對女仔好。經我多番批評，佢狠撇了那些男友，同了個做生意的男人結婚。我姐夫人好好，很疼我姐姐。佢地不知多幸福。同埋佢地係相愛架，我姐夫樣都幾好架！

至於我弟弟，剛大學一級榮譽畢業，佢讀書係中學後期好叻，將會去外國留學浸吓鹹水。見識吓。我父母就最開心，仔女讀到書，我同姐姐每月比好多佢地，退休唔洗做咁辛苦的工，仲係賤人親戚面前風騷到暈。呢啲家庭聚會，我一定去，仲要三母女，珠寳，Hermes 手袋特別款晒到班賤人面都黑埋！我仲會笑笑口同佢地打招呼！睇唔起我地窮丫拿！睇死我地幾姊弟上唔到大學丫拿！而家咪到佢地唔掂囉！我真係勁心涼架！呵呵！

私人傳訊

積分: 37317

好媽媽勳章醒目開學勳章畀面勳章

18^#

發表於 12-8-15 22:31 |只看該作者

無錯爸爸係大仔, 仲有姑媽.

交稅時是爸爸剛失業, 佢當時搵三萬幾一個月呀. 仲要供樓, 居屋都要供㗎

好, 我現在開始如果有人質疑或唔相信我都不再解釋, 我份人就係咁, 唔buy我就算

私人傳訊

積分: 37317

好媽媽勳章醒目開學勳章畀面勳章

19^#

發表於 12-8-15 22:31 |只看該作者

我其實平時對人好好，特別係的嬸嬸，看更，我會特別客氣。。起碼我唔會睇人唔起先。
名牌手袋只會係我見啲賤人要晒命才拿，平日我拿的袋是別人看不出牌子的。我又唔係老不用拿這些野證明自己。男人係唔喜歡女人拿名牌的，之後出現的男友告訴我，名牌係著比女人睇的，男人最憎女人成身名牌。

善事我都成日做，不過媽媽話成日話自己做善事的人好偽裝，無名氏就最好。所以我從不會向人透露詳情。我覺得真正認識我的人都認為我唔係衰人，唔想以做善事來彰顯我係個好人。好像一些城中阿太，捐錢要傳媒採訪，比人覺得佢善心。我想嘔。

私人傳訊