吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 於老公生命中很重要的女性朋友

夫婦情感今日: 0|主題: 42808

收藏本版

發帖

返回列表

跳至頁

查看: 16381 | 回覆: 163

於老公生命中很重要的女性朋友

[複製鏈接]

12 3 4 5...9

SauTai

別墅

積分: 745

1^#

發表於 16-7-10 00:55 |只看該作者 |倒序瀏覽 |打印

訓唔著，打左好長....

我老公A先生一直有位好要好的女性大學同學B小姐，雖然A先生當時另有一個女朋友，A先生同B小姐都仲係好 close，得閒又會叫吓大家全名，又互相開解，一齊上興趣班（而唔係同當時女友上），上完堂已經10pm 都仲要一齊食宵夜，B小姐失戀唔開心時，A先生又願意借個膊頭俾 B 小姐喊，肯攬住B 小姐，佢地係心靈上好了解果種，老公當時仲未認識我。

直到我同左A先生一齊，我對B小姐一直有戒心，A先生知我唔鍾意，於拍拖初期就索性選擇放棄同 B 小姐的友誼，承諾唔再同B小姐聯絡，免得我唔開心。咁多年黎我一直都好信任A先生，但我最近知道A先生間唔中都有去 B小姐 Facebook 睇下佢近況......

到4年後的今日，我地已經結左婚，原本激情的感情變得平淡，已經見緊婚姻輔導，而我無意中發現老公同B小姐仲有聯絡，一問之下，我老公話B小姐約一個月前 whatsapp 我老公，傾下閒計，之後佢地兩個仲約左兩次單獨食午飯，同埋有講過幾次電話，而 whatsapp 紀錄就 delete 左一大部分，剩番最近一個禮拜的通話內容。

今日老公理直氣壯咁話佢地兩個絕對冇野，佢話佢有選擇朋友的自由，佢話B小姐在他生命中係好重要的一個朋友，如果要有野一早有，「以前冇宜家冇將來都唔會有！」。老公又俾我睇 whatsapp 通話內容（雖然得番好少）。我見到B小姐提議 A 先生將她whatsapp 個名改做一個男仔名，話咁樣會安全 d。

睇到呢到我手都震埋。老公話唔想我唔開心所以冇講，佢係諗住瞞到我一世。跟住我即刻諗起我老公同 B小姐第二次食飯果日，佢買左一條新底褲，佢話因為肚痾整污糟左，所以扔左舊果條要買新。其實我信，我真心信我老公呢刻對 B小姐冇野，但我唔知 B小姐諗乜，我唔鍾意佢地兩個夾埋黎握我，我已經對老公失去曬信任。

老公明知我唔鍾意，而且4年前承諾過我唔會再同 B小姐聯絡，結果就在我地接受緊婚姻輔導，感情稍為好轉的時候俾我發現呢件事，我真係好失望。

今晚老公再次承諾唔會再同B小姐聯絡，但我已經冇曬信任。佢個電話一收到 message, 我個心就痛一痛，營住佢有野瞞我，我好惱我自己信錯人，好唔開心。我唔知點樣可以行落去，係咪真係要離婚？:(

0 0 0

私人傳訊

ms_ck

子爵府

積分: 13291

2^#

發表於 16-7-10 08:14 |只看該作者

引用：訓唔著，打左好長....我老公A先生一直有位

原帖由 SauTai 於 16-07-10 發表
訓唔著，打左好長....

點解買新內褲？唔成套買，連褲買？肚疴整烏糟就即刻返屋企啦，仲著住條有屎褲周街揾底褲買？

點評

peggypeggy820

發表於 16-7-12 12:29

Nancy20090615

發表於 16-7-10 08:25

私人傳訊

歌莉亞

伯爵府

積分: 18352

3^#

發表於 16-7-10 08:33 |只看該作者

SauTai 發表於 16-7-10 00:55
訓唔著，打左好長....

你話結了婚的男人應有所避忌, 記住自己個身份。即使呢刻無野, 老婆唔鐘意仍去做, 已破壞夫妻關係，如他覺得值班既話, 即是B在他心目中好重要, 他為何不娶B?

私人傳訊

hamsubbb

大宅

積分: 3062

4^#

發表於 16-7-10 09:25 |只看該作者

回覆樓主:

點解要買新底褲？肚痾一定係假。

私人傳訊

curryfishball

男爵府

積分: 5476

5^#

發表於 16-7-10 09:42 |只看該作者

回覆樓主:

B小姐建議你老公將佢個名改做男仔名，已經有問題啦。你老公當B小姐係心靈雞湯咁pure，B小姐又係咪咁諗?我覺得唔會囉~

私人傳訊

SauTai

別墅

積分: 745

6^#

發表於 16-7-10 09:47 |只看該作者

回覆歌莉亞的帖子

佢昨天早上係想照 keep 住同 B 小姐做朋友，到晚上拗完一輪就放棄爭拗，話拒絕聯絡。佢一路打斷「斷絕聯絡 whatsapp」一路都有問我意見。最後 send 左。 send 前我偷偷見到 B 小姐都係有 whatsapp 我老公(講電視節目，冇乜野，我冇問）。凌晨我想睇下 B小姐有冇覆，check 佢 whatsapp, 點知見到老公 delete 左中午 B 小姐個 message! 閒話家常都要 delete, 就係在他許下承諾後幾小時內又做 d 咁既爺，我真係崩潰！老公話慣左，唔想煩唔想剛剛好轉又要解釋。我真係唔識再信任佢

私人傳訊

coffeeemilk

複式洋房

積分: 363

7^#

發表於 16-7-10 11:01 |只看該作者

如果要有野一早有，同埋如果佢地想偷情既你都阻止唔到，要記住男人係越管越反抗，只要你老公乖乖甘返屋企無做啲過火既事不如就算啦

私人傳訊

Tzekiu

大宅

積分: 4605

8^#

發表於 16-7-10 11:40 |只看該作者

比著我會好大方叫老公介紹b小姐比我認識做朋友。你老公講得岩要有野一早有野仲同你結婚？結婚吾代表無晒朋友包括女性朋友，吾怪得男人話結婚係乜乜憤墓

不喜勿插純屬個人觀點

私人傳訊

小小bb

公爵府

積分: 27158

2024年龍年勳章畀面勳章

9^#

發表於 16-7-10 11:49 |只看該作者

Tzekiu 發表於 16-7-10 11:40
比著我會好大方叫老公介紹b小姐比我認識做朋友。你老公講得岩要有野一早有野仲同你結婚？結婚吾代表無 ...

我都同意，結咗婚唔代表無朋友，包括異性朋友。

私人傳訊

Lorican

珍珠宮

積分: 31362

10^#

發表於 16-7-10 13:15 |只看該作者

回覆：於老公生命中很重要的女性朋友

肚痾仲出街?????

私人傳訊

apple929

男爵府

積分: 6420

11^#

發表於 16-7-10 13:28 |只看該作者

回覆樓主：

本帖最後由 apple929 於 16-7-10 15:07 編輯

你好，我最近同老公都有婚姻煩惱，有考慮離婚。最近我一直讀好多的文章，重新認識自己同得到啓發，希望可以同你share.

首先，點解要離婚？是因爲感情變淡？你有小朋友嗎？你自己真的想離婚嗎？
我覺得你講的離婚同B小姐係兩件個別事件。

一段感情，總會有佢的必經階段：當激情變淡，我地就話感情變淡。
女人要的係細水長流（保鮮），男人要的係新鮮。我睇過一個文章（可能係bk jm的）,大概話一個人縱使鍾意食牛排，但日日365日食，總會有膩的一日。在一段感情裏，女人要的是在日常生活加插少少的玩意，務求保持新鮮感。

一段良好的關係需要新鮮感同時也需要“愉快”同“自由”。結咗婚唔代表無朋友。你而家强制你老公停止聯絡B小姐, 等同剝奪佢的自由，令佢不愉快。你要做的係適時發出signal，要佢記得唔好同B小姐too close（但不是强制）。要佢發自内心記得自己屋企有個老婆在等待他。

我明白你對B小姐的恐懼。但你要記得，呢個世界比你好的人一定大有人在。今日你擋住B小姐，聽日呢？我同意上面JM所講，要發生的應該一早發生。你要揾方法捨下你的恐懼（可能讀讀書，去下興趣班轉移心情）。

我唔係專家，我自己都suffer緊自己的問題。但希望JM能夠停一停，諗一諗，唔好比心情牽著你走。

私人傳訊

邊人

男爵府

積分: 7441

12^#

發表於 16-7-10 14:28 |只看該作者

“要發生的應該一早發生”？我覺得未必個個都是咁，人的感情、想法、經歷都會有轉變，之前不會發生吾代表以後都不會發生，男女之間是但一方有意思，就不會有純友情啦！如果是坦蕩蕩，點解要改名字呢、删信息？

私人傳訊

mini1204

翡翠宮

積分: 79230

13^#

發表於 16-7-10 15:02 |只看該作者

回覆樓主:

其實，我吾會介意，亦吾會要求老公了斷。

私人傳訊

善宜

子爵府

積分: 10805

14^#

發表於 16-7-10 15:06 |只看該作者

回覆：SauTai 的帖子

咩叫你老公改佢名做男仔名會安全d呀？佢地依家好唔安全咩？有野驚俾你知先會有唔安全呢樣野掛，肚疴換底褲呢d藉口太爛喇，(咩好橋果時疴肚呀？)兩個上完床唔知飛左條底褲系邊或者太激情撕爛左底褲

私人傳訊

apple929

男爵府

積分: 6420

15^#

發表於 16-7-10 15:25 |只看該作者

其實就算唔係而家的B小姐，最終都係能會有C或D小姐。而家個根源問題係因為感情轉淡而被第3方乘機而入（不論她是有意無意）。

諗返轉頭，我要更正「要發生就一早發生」。或者可能已經發生，或者可能未發生，但就算有我覺得樓主始終要負上某個責任。無錯的係牛唔飲水唔㩒得牛頭低，但佢係咪因為生活唔開心，而選擇同B小姐繼續連絡（可能同B小姐傾談佢覺得愉快唔需要諗太多？）
我覺得樓主先生似係被B小姐牽著走。B小姐主動連絡，B小姐話要改名等等。底褲事件我就唔評論了（既然樓主話選擇相信）。要擊退小三（尤其係呢個唔係普通小三，分分鐘佢地的共同回憶多過你同你老公），唔係話強制同束縛就可以做到。

我唔係話樓主先生無錯，但感情係雙方面的，發生問題時亦應該係雙方的責任（當然唔排除有賤男）。希望你先諗清楚要修補定離婚。

私人傳訊

soso1227

珍珠宮

積分: 37380

醒目開學勳章畀面勳章

16^#

發表於 16-7-10 16:08 |只看該作者

如果你們的婚姻問題不是因為B小姐出現，
先解決那個問題再説，
而為免令事情複雜化，
和C6協議暫時不聯絡B小姐。

如果你C6在這關鍵時刻也不能承諾，
你是可有可無，
無謂勉強了。

私人傳訊

chunching_bb

大宅

積分: 2636

2018父親節勳章 2018母親節勳章 Poo得好勳章畀面勳章貓狗褓姆育兒性格勳章認識瑞士牛牛第一回認識瑞士牛牛第三回認識瑞士牛牛第四回最關心BB問題熱投勳章笑得好勳章

17^#

發表於 16-7-10 16:21 |只看該作者

回覆樓主:

咁古怪要買新底褲? 個日先肚痾? 我覺得講大話都唔好咁假啦！

羊年行大運！

私人傳訊

Fion710

水晶宮

積分: 57600

18^#

發表於 16-7-10 16:27 |只看該作者

引用：其實，我吾會介意，亦吾會要求老公了斷。

原帖由 mini1204 於 16-07-10 發表
其實，我吾會介意，亦吾會要求老公了斷。

你好大方

私人傳訊

SauTai

別墅

積分: 745

19^#

發表於 16-7-10 17:01 |只看該作者

講得岩，將來亦可有C D E 小姐出現。我越唔俾佢就越唔甘心，咁我可以點做
坦白講，我係有少少覺得佢地明知我唔鍾意都要聯絡，係當我冇到，我覺得唔忿氣，所以好想 B 小姐不再打擾/介入

我未有小朋友，所以少一樣顧慮。但一諗到要離婚，就好唔捨得。但要修補關係亦唔容易，我唔知點樣可以信任佢，因為佢慣左講大話。唉我好多野諗，好辛苦

私人傳訊