夫婦情感 今日: 5 | 主題: 42787

積分: 15183

1^#

發表於 17-2-26 22:38 |只看該作者 |倒序瀏覽 |打印

基本上我覺得我老公好乞人憎。無論人品，對人，語言，睇法。你地會話自己揀。但老實，佢真係掩飾得好好，同埋呢幾年變本加厲。仲欠我錢，好似無諗過還咁。每一次小小事要發脾氣，我都好想同佢離婚。完全睇弓佢唔順眼。

呢兩個月，我決定改變心態，唔理佢，當自己妮姑。應佢只係哦、係呀、講d無關痛癢既野。我自己既想法，困難，完全無同佢講。的確，咁樣相處佢好開心。心情好靚。

但實際上，我心入面勁黑暗，勁雙面人。其實我依舊好憎佢，依舊好想走。

我唔識調節自己，應該點？佢係要完全話哂事，佢世界唔容許唔同既聲音，佢搞唔掂d野會發脾氣，我去幫手仲要俾人鬧。

應該點調節心態？！我見佢越開心，我越嬲，因為我未放底對佢既恨。但理性話我知， tum得掂佢，我應該開心。我應該點？！

雖然我好想走，但未係時候，因為小朋友仲好細。我既夢想係45歲可以離開佢。我應該用咩心態明對佢？！

0 0 0

私人傳訊

SUMSUM_88

子爵府

積分: 10896

馬年勳章

2^#

發表於 17-2-26 23:12 |只看該作者

你係咪經濟上要依賴佢，如果唔係，點解要難為自己，放生自己亦放生佢，小朋友細仲容易適應改變，真係相就唔到，包容唔到佢，真係無勉強一齊

私人傳訊

積分: 15183

3^#

發表於 17-2-26 23:23 |只看該作者

SUMSUM_88 發表於 17-2-26 23:12
你係咪經濟上要依賴佢，如果唔係，點解要難為自己，放生自己亦放生佢，小朋友細仲容易適應改變，真係相就唔 ...

如果我有返工應該ok。而係如果我走，我唔會帶細路走。因為佢一定會賣樓都同我爭到底，你死我亡果種人。我唔想離開都仲要煩。所以我俾自己既選擇係為細路留，或放底細路走。

我唔捨得小朋友，所以尋求無咁痛苦既方法留底。我仲未放得底自己既憎恨心。

私人傳訊

sssssssss

積分: 9857

4^#

發表於 17-2-26 23:26 |只看該作者

set好目標，向目標行，
你唔開心，對我冇影響，
你自己唔開心,但又要過，你自己傻

私人傳訊

積分: 15183

5^#

發表於 17-2-26 23:30 |只看該作者

sssssssss 發表於 17-2-26 23:26
set好目標，向目標行，
你唔開心，對我冇影響，
你自己唔開心,但又要過，你自己傻

係呀。真係好白痴，唉，但要放棄仔女，談何容易。只有不停調節自己心態，委曲求全。

私人傳訊

cedarcone

積分: 7281

6^#

發表於 17-2-27 00:00 |只看該作者

夢想45歲可以離開佢<<<到時他比你更年長,
歲月會將人變得更成熟,缺點亦可能會隨著年齡而消失。

夢想45歲可以離開佢<<<人到中年不是應該平淡是福嗎? 還追求什麼呢?
那有幾多個十年活著呢? 難道兒孫滿堂仍是對他執著?

邊有人講到自己老公一文不值呢?
憤世嫉俗只會令到自己辛苦活著。

既然咁多不滿 ,長痛不如短痛, 咪爽快離開佢囉 !

(不喜勿插 / 觀點與角度) !

私人傳訊

readymama

積分: 8485

7^#

發表於 17-2-27 00:14 |只看該作者

回覆 moniko 的帖子

走。

私人傳訊

積分: 15183

8^#

發表於 17-2-27 00:50 |只看該作者

cedarcone 發表於 17-2-27 00:00
夢想45歲可以離開佢

我知。全世界都係咁講，唔鍾意就走。但走=唔見細路。未做得出。因為佢係果種你死我亡既人，佢一定會打官司打到我完全無得見細路。

佢唔係咁絕咁偏激，或者我都無咁憎佢。佢自己講到出口，多年來收集好多證據。深謀遠慮。

45歲，只係俾自己一個希望，可以脫苦海。到時真係好似你講咁，開開心心當然最好

私人傳訊

積分: 15183

9^#

發表於 17-2-27 00:54 |只看該作者

cedarcone 發表於 17-2-27 00:00
夢想45歲可以離開佢

或者，應該點樣放底我既恨？我未識。我覺得好唔公平，好不憤。係我眼中佢未算一文不值，不過真心勁難相處。唔係你地想像中既普通人。

拍拖時，見阿婆推紙皮會去幫手，而家見阿伯行得慢會勁bo人。我唯有不停哦，話佢知人總會老，佢媽都老。有好轉，但反差太大，我對佢人格好有保留。

私人傳訊

haileymama

水晶宮

積分: 67068

好媽媽勳章醒目開學勳章畀面勳章 hashtag影視迷勳章

10^#

發表於 17-2-27 07:23 |只看該作者

同病相憐

想走，但現實唔容許，有份工，自但唔想影響細路，焗住留係困局

唔走，又辛苦自己

私人傳訊

simpleAA

積分: 16828

馬年勳章 2024年龍年勳章牛年勳章

11^#

發表於 17-2-27 10:40 |只看該作者

回覆 moniko 的帖子

如果你只為小朋友，個官未必會判比佢

私人傳訊

Nino

珍珠宮

積分: 36897

12^#

發表於 17-2-27 10:54 |只看該作者

我諗唔係佢掩飾得好,
而係人會變.
佢會, 你都會.

佢呢幾年變成咁,
你有冇諗過係咩原因呢?
工作壓力? 家庭問題?
佢既濟遇係點?
佢點解發咁大脾氣?
佢點解要咁控制別人?
佢冇安全感?

另一方面,
你冇原諒過佢,
當然就唔可以一味死忍落去.
因為佢越冇野,
你就越嬲佢同嬲自己.

或者,
比多機會佢,
搵個氣氛冇咁緊張既日子,
再同佢好好傾下佢想點樣相處落去??

私人傳訊

jeremylui83

子爵府

積分: 14244

畀面勳章

13^#

發表於 17-2-27 12:24 |只看該作者

你當返工得唔得？當佢係你同事囉

私人傳訊

Jolin_Yuen

珍珠宮

積分: 44912

2018復活節勳章 BK Milk勳章

14^#

發表於 17-2-27 12:34 |只看該作者

本帖最後由 Jolin_Yuen 於 17-2-27 12:35 編輯

其實樓主都已經有左目標 -- 為小朋友唔走..

咁就一於抱著呢個方向, 呢段時間為小朋友而戰。
冇感情冇辦法, 儘量係呢段時間搵野做/見識下/搵興趣/拎佢多D錢..等等..
唔好咁執著對佢既心態, 自然唔上心, 話之佢。

你好在都清楚明白自己處境, 亦了解自己應該點做 / 點做先係最好

但小心控制自己情緒, 真係好辛苦就要搵朋友傾多D..
屈埋屈埋好辛苦, 精神壓力太大, 分分鐘自己傻左都唔知
(我有朋友就係咁....)

我慶幸我是水瓶星座.
爸爸是我心中的大樹.
媽媽是我一生的偶像.
姐姐是我一世的知己.
弟弟是我生活的依賴.
多多是我平常的歡樂.
一家人嘛!

私人傳訊

積分: 15183

15^#

發表於 17-2-27 13:45 |只看該作者

多謝你地回應，我消化下先。多d人傾下，多個腦諗下，真係有幫助，多謝你地

私人傳訊

大細心

積分: 6480

開心吸收勳章美好大世界2017勳章最關心BB問題熱投勳章認識瑞士牛牛第一回

16^#

發表於 17-2-27 13:53 |只看該作者

如果暫時離開不到, 當佢BOSS。

私人傳訊

Sams

積分: 5300

17^#

發表於 17-2-27 14:39 |只看該作者

moniko 發表於 17-2-27 13:45
多謝你地回應，我消化下先。多d人傾下，多個腦諗下，真係有幫助，多謝你地
...

呢度大把人都係兩夫妻關係差但又為左小朋友而被迫同屋，好無奈！加油樓主！

私人傳訊

SorenLorensen

大宅

積分: 4899

18^#

發表於 17-2-27 15:34 |只看該作者

本帖最後由 SorenLorensen 於 17-2-27 15:43 編輯

回覆 haileymama 的帖子

為了唔比兩公婆嘅關係影響小朋友, 真係要忍, 忍得好辛苦, 有時真係會爆出黎. 分居未嘗係一個辦法. 但之後要面對很多問題, 全部都要小心處理.

私人傳訊

啤梨腰小姐

別墅

積分: 678

19^#

發表於 17-2-27 17:11 |只看該作者

moniko 發表於 17-2-26 22:38
基本上我覺得我老公好乞人憎。無論人品，對人，語言，睇法。你地會話自己揀。但老實，佢真係掩飾得好 ...

睇到樓主你咁樣真係好辛苦，好似要對住佢要做另一個人咁，都唔係做緊自己..
而你又話佢係個種要控制住成個家庭所有事的人，
咁樣其實你好似真係完全表達唔到你自己的諗法...?!
E+既情況有冇令你訓得唔好或好影響你生常生活呀?
你照顧小朋友之餘，都要照顧自己的心情呀!:-(

私人傳訊