吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 老公/男朋友對你最衰果次係點？

夫婦情感今日: 0|主題: 42807

收藏本版

發帖

返回列表

跳至頁

查看: 4417 | 回覆: 24

老公/男朋友對你最衰果次係點？ [複製鏈接]

pianess

大宅

積分: 1603

1^#

發表於 04-9-21 23:06 |只看該作者

老公/男朋友對你最衰果次係點？

如題 :-|

私人傳訊

Jerry豬媽咪

男爵府

積分: 5304

2^#

發表於 04-9-22 00:27 |只看該作者

Re: 老公/男朋友對你最衰果次係點？

最衰果次, 係佢同D同事出去飲野, 返黎屋企飲得好醉, 跟住仲要係間房度嘔！仲要我幫佢清理 (因為佢真係好醉), 好核突！！我一路清潔, 一路覺得自己好苦命, 仲滴左幾滴眼淚添！！

都嬲左幾日架, 嬲果刻仲想過要離家出走添！！ :-x :-x

私人傳訊

maggiechow

大宅

積分: 2616

3^#

發表於 04-9-22 09:06 |只看該作者

Re: 老公/男朋友對你最衰果次係點？

生仔前已講好囝囝比我媽咪湊，每個月比$3000，有咗亞囝6個月，奶奶想湊，老公反口，一定比奶奶，我同佢講奶奶未湊過細路，唔識湊 (我老公三兄娣由馬姐帶大，但現在家道中落)，老公話比$3000你亞媽，不如比$3000我亞媽，唔理唔識湊。我話比個仔佢交非，我不如落咗佢，最多兩母子死咗去。

後來經我分析，老公才答應由我媽咪湊，到囝囝出咗細，奶奶試比奶囝囝食，1個鐘都食唔到1安，你服未，老公當然當睇唔到。

仔仔06-12-2003出世

私人傳訊

靚靚媽媽

男爵府

積分: 5088

4^#

發表於 04-9-22 09:25 |只看該作者

Re: 老公/男朋友對你最衰果次係點？

我老公同你老公差唔多，佢上次飲到好醉，佢返黎訓就係張床到，仲要霸哂成張床搞到我要訓sofa，到左朝早叫佢起身，我發現佢嘔左係張床到

（佢都唔知自已嘔過），我叫醒佢，佢就走左去sofa到訓仲叫我整返乾淨張床，個刻我都覺得勁核突，仲要搞到張床勁臭！

Jerry豬媽咪寫道:
最衰果次, 係佢同D同事出去飲野, 返黎屋企飲得好醉, 跟住仲要係間房度嘔！仲要我幫佢清理 (因為佢真係好醉), 好核突！！我一路清潔, 一路覺得自己好苦命, 仲滴左幾滴眼淚添！！
都嬲左幾日架, 嬲果刻仲想過要離家出走添！！ :-x :-x

政直明月耀安康
南極星輝照長蕎

私人傳訊

monchan

男爵府

積分: 7751

畀面勳章

5^#

發表於 04-9-22 10:44 |只看該作者

Re: 老公/男朋友對你最衰果次係點？

完全冇喎....我都覺得自己好幸福

私人傳訊

Mummy

男爵府

積分: 5874

6^#

發表於 04-9-22 11:25 |只看該作者

Re: 老公/男朋友對你最衰果次係點？

最衰果次係為個仔鬧我, 自問為個仔都算盡心盡力, 因為佢有濕疹, 我就尋遍可以醫濕疹既藥同食療, 咩都試, 有一次試隻外洗藥, 要用滾水黎開, 用黎抹身, 佢一見到用滾水, 驚死我6親佢個寶貝仔, 又話危險又盛, 口話就6親邊個都唔好, 查實至緊要係佢個金波蘿。好話我指意個工人, 又話我o係屋企唔知做乜, 點做人阿媽等等。聽到之後興過火屎, 一路同個仔抹身, 我自己一路喊, 自己又一路鬧個仔叫佢企好, 有咩事的話你daddy又話我唔知點做人阿媽, 仲鬧個仔叫佢千其唔好病, 如果唔係你daddy又話我係屋企唔知做乜。

果日心諗真係唔知為乜, 做咁多野仲要比人鬧, 生完仔放棄自己工作留o係屋企湊仔, 冇曬自我, 咁樣都仲比人鬧, 激到我死咁滯, 果日仲覺得自己老公好黑人憎, 好討厭。之後我老公同我道歉我條氣先順番d, 真係同佢一齊咁耐, 至嬲呢次!! :evil: :evil:

所以做full time mum唔容易的, 老公變左老細咁, 自己仿佛變左阿四咁, 請左個工人之後, 雖然有工人, 但自己都仲係阿四2號, 雖然咁多年黎只鬧過我呢一次咁大把, 但已經足夠我記住一世, 你話我小氣都係咁話。

美甲達人俱樂部私家BlogHERE

Judy's Nail 美甲相集HERE

Judy's Nail Web PageHERE

私人傳訊

jasma

大宅

積分: 1869

7^#

發表於 04-9-22 11:58 |只看該作者

Re: 老公/男朋友對你最衰果次係點？

我只老未生之前當你寳,生咗個女之后當你草.成日為個女閙我,驚死我對個女唔好甘,大佬啊,個女是我十月怀胎生出來ga,我仲緊過你啦. :evil:

私人傳訊

聰明豆

侯爵府

積分: 21322

8^#

發表於 04-9-22 12:50 |只看該作者

Re: 老公/男朋友對你最衰果次係點？

渡蜜月的時候因為我們同朋友差不多時間結婚, 約埋兩pair人一齊去日本渡蜜月, 我pair朋友成日拖住, 我老公又掛住同佢地傾計, 佢地變左三人行, 行快左我兩條街都冇人望返轉頭搵我呀? 人地吾理我吾緊要, 但我老公一定吾抵幫啦, 當我冇到, 仲日日都係咁呀, 我好似自己去旅行咁呀, 攪到去足咁多日鬧交鬧足咁多日, 想同佢離婚添!

私人傳訊

~小熊貓~

禁止訪問

積分: 1160

9^#

發表於 04-9-22 13:31 |只看該作者

Re: 老公/男朋友對你最衰果次係點？

提示: 作者被禁止或刪除內容自動屏蔽

私人傳訊

pvya

複式洋房

積分: 295

10^#

發表於 04-9-22 14:12 |只看該作者

Re: 老公/男朋友對你最衰果次係點？

有一次,一家人行行下街,我扑低左,仲扑得好應,對仔女好緊張問我痛唔痛,有無整親,但個衰佬居然嚮度鬧我,話我唔知點行路,當時真係火都黎埋,唔關心不特止,重要踏多兩腳,我d眼淚係咁流,一來隻腳好痛,二來好傷心,點解嫁左個咁涼薄既人,佢見我流淚都知衰,即刻問我駛唔駛睇醫生,之後隻腳腫到行唔到,佢要揹我返屋企.個次之後,佢唔敢再亂講野.