婆媳關係 今日: 5 | 主題: 27758

積分: 129

1^#

發表於 17-7-19 21:29 |只看該作者 |倒序瀏覽 |打印

全令我不爽，全是芝麻小事，唔想再同c6講，其實佢已經好努力溝通，但有啲佢都冇計，我唔想令C6咁煩惱，更不想佢有一日覺得面對住個老婆係好煩嘅事…
1) 99成日自己抱BB 2-3個鐘都唔放低，我一抱BB就話我好成日抱，攪到個B一喊就要人抱

2) 姑奶 (奶奶個女) 有個女10歳同個仔4歳，而家放暑假，要住喺我哋屋企 (佢哋個個暑假都係咁…冇得問點解，只能接受…)成日入嚟我間房，問東問西，要搵我傾偈，我覺得好煩，有時間我會理佢哋，冇時間或者想休息，趕佢哋都唔出去。前日BB半夜喊，我成晚冇瞓，中午餵完奶想補眠。我喺張床換完片抱個BB去BB床想即瞓，個妹妹話一定要佢抱，我話BB瞓咗唔好抱，點知我抱完BB落BB床，佢抱返個BB出嚟，係咁話佢要抱…

3) 我見BB好精神，同BB講吓嘢，99就話 "去做你自己啲嘢啦，講咁多嘢做乜"

4) 我有一日出街，放咗BB喺企俾99睇住先，返嚟見到妹妹同BB瞓… 有一日我見到奶奶心情好好，我同佢傾開BB啲攪笑嘢，順便同佢講："不如以後俾呀B瞓返BB床…我睇好多新聞，BB同人瞓都好危險，果日見到妹妹同BB瞓…" 奶奶即刻好大反應話佢有住，瞓吓晏覺冇問題，係我過分緊張，佢湊大咁多個一定唔會有問題… 我叫c6同奶奶講咁係有問題的… 所以c6同99講多次，99唔耐煩地話以後唔會… 點知過幾日我哋出街返嚟，個妹妹同我講下晝99又俾佢同BB瞓… 我同c6講呢兩個月妹妹喺度住，不如出街都帶埋BB先…c6話BB咁細唔適宜成日出去

5) 妹妹喺公園捉啲蟲返屋企養，其實我已經好唔鍾意，都算了，佢養養吓隻蟲死咗，佢仲放喺飯枱上面話要等螞蟻食隻蟲…我想嘔…

6) 我喺房泵奶，唔想有人喺房，就算只喺細路都唔想…我逼妹妹同細佬出房，鎖門，佢哋嬲咗係咁整古我…惡意狂敲門，我一出房飲杯水佢哋就入我房，鎖我門唔俾我返入去，後嚟佢哋俾99罰，雖然冇再鎖我門，但係繼續惡意狂敲門，而且我一出房佢哋就用玩具打我，真係好煩… 我嬲話咗話佢地兩句，奶奶就話我做乜嬲啲細路仔…

7) 有日我落咗街買少少嘢，我BB喺BB床本身瞓好好哋變到瞓歪晒，個4歳細佬同我講佢將BB個頭拉向床邊，想同BB講嘢。我諗佢細個唔識，我同佢好好解釋咁係唔啱嘅，會危險BB會受傷，細佬話以後唔會，我諗住同奶奶講吓，等下次大家睇緊啲，點知出到廳我都未開口奶奶就話BB自己瞓瞓吓瞓歪咗，我話唔會架喎，得兩個月大唔識翻身唔會瞓歪架喎，奶奶堅持，我話細佬都認咗係佢拉BB個頭，奶奶繼續堅持，仲叫我唔好再嘈…

8) 我大肚果時，奶奶唔俾我買BB嘢，咩都話用佢個女啲小朋友留返嘅就好，本來冇所謂，但係呢…例如我問奶奶細佬之前有冇出街衫仔，可唔可以拎出嚟俾BB 著… BB得睡衣…奶奶話 "BB最好唔好出街… 舒服咪得囉，BB有乜分睡衣唔睡衣 (睡衣是沙布衣…很鬆的，出街衣過頭穿入去，件衫唔係歪來歪去…)" 我心諗…覆診打針都要出街卦，C6又每個星期都同朋友出去咁啱奶奶唔得閒睇住BB先，逼住要帶出去… BB其實睡衣都只有三件…我問奶奶，姪仔有冇大少少嘅睡衣，可唔可以拎俾BB? 佢而家大個，初生果啲太細件了…奶奶話拎話拎又唔記得…我問多幾次又好似催佢咁… 睡衣又要問幾次，出街唔知冇定唔肯俾…

9) BB床頭放咗啲BB嘅藥，妹妹狂問呢啲咩嚟點食點餵，我怕佢又話佢要餵 (或者我哋唔喺度時佢以為自己識餵拎嚟餵)，我叫佢唔好攪，順手拎走啲藥放到好高…個妹妹不爽就同BB講 "你睇你媽咪幾惡，佢嚇親你了…真係衰…" 雖然佢只係細路，但我真係接受唔到有人喺BB面前講我壞話…

10) 佢哋屋企一放假就打牌…有一個weekend 我老公同屋企人打兩日麻將，每日只瞓4-5個鐘…得我一個睇住BB…但BB半夜都喊…日頭我又俾10歳同4歳嘅小鬼嘈住，其實我都瞓得好少… 星期日晚我本來想叫c6幫手，但想到佢其實都瞓好少，就算啦…點知我星期一就扁桃腺發炎發燒了…奶奶問我做乜，我話可能揍B有啲攰，99冷眼地說 "有幾辛苦呀…" 我心諗…其實我得一個仔…但因為你哋屋企咁happy打兩日牌，攪到我要一打三﹐咪咁辛苦囉…

11) 奶奶成日叫我哋俾多啲衫BB著…我同老公都話醫院啲護士教BB體溫高唔好著咁多… 有一日，BB好似肚仔唔舒服，一直喊，仲一個鐘便便三次…我見到佢咁細個唔舒服個心已經唔安樂… 奶奶一知道就係咁囉唆我…話我唔俾衫BB著…

12) 買啲咩做啲咩(例如買BB床，買BB車) 都好似要得奶奶同意咁，買之前做之前一定要同奶奶做好心理建設點解要買，唔係佢就會一直囉唆囉唆囉唆囉唆，雖然可以唔理佢照買，但好煩 (好想加粗口字，好X煩)… 就連買罐奶粉，奶奶都要管："又話食人奶，做乜買奶粉" 我話BB而家食好多奶，我有少少唔夠奶，一日要俾佢食一次奶粉，奶奶又問 "咁買咁大罐做乜…" 我話呢隻牌子冇細罐賣，同埋之前細罐果隻我哋一日餵一次奶粉，兩星期就食晒一罐了… 奶奶黑面話 "點會冇細罐賣…算啦…你鍾意點就點啦…"

13) 我哋唔可以唔同99住，因為間屋喺我老公嘅，我哋冇錢買多間更唔會徒錢出去租…但係我62已不在，做不出咁冇人性趕99走…

仲有好多好多小事… 我好想抱個BB返娘家休息幾日…但諗到返到嚟咪又係一樣… 休息完都唔會好啲… 我就開始抑鬱了…

0 0 0

私人傳訊

我愛Corina

瑪瑙宮

積分: 137209

2025勳章 2025勳章蛇年勳章 2024年龍年勳章好媽媽勳章醒目開學勳章環保接龍勳章

2^#

發表於 17-7-19 21:38 |只看該作者

回覆樓主

奶奶係老公亞媽都話忍，但果兩個小朋友，明白好Q煩，我身同感受，但我惡惡地，我會叫一次，唔聽就鬧。

私人傳訊

aptcan

男爵府

積分: 8993

畀面勳章

3^#

發表於 17-7-19 22:12 |只看該作者

回覆樓主:

咁你同bb搬返外家可以嗎？

私人傳訊

燉蛋媽媽

別墅

積分: 649

4^#

發表於 17-7-19 22:13 |只看該作者

picpicc 發表於 17-7-19 21:29
全令我不爽，全是芝麻小事，唔想再同c6講，其實佢已經好努力溝通，但有啲佢都冇計，我唔想令C6咁煩惱，更不 ...

你奶奶就算啦，平時唔幫手但又多多意見（傳統師奶無嘢搵嘢講），但佢係大人你都可以當佢無到唔驚佢會對BB做啲乜。

但你姑奶個兩個小朋友真係唔得掂。邊有可能會抻手去搶bb抱，仲要得個兩個月嘅bb。又會扭bb個頭話同佢傾計，又唔知做錯事態度仲要咁野蠻。最慘你又唔可以打同話（除非你同你姑奶感情好好，咁就已經可以XZY佢地）

你真係要同你C6講，呢個兩個細路當左bb係玩具（應該佢屋企人無鄭重教過佢地bb係咩來，要點照顧），逼C6同佢家姐講叫佢教好啲細路，大家都唔想到時BB因爲呢兩個小朋友而有咩損傷。你C6愛理不理就直接返外家，話咁嘅情況我都係返外家湊B。為左你同BB要企硬。

私人傳訊

baby1316

別墅

積分: 902

5^#

發表於 17-7-19 23:31 |只看該作者

回覆樓主:

呢個情況緊係走返娘家住住先，起碼避走呢2個月先，如果你唔好好休息，辛苦係你自己，你同c6講清原因先。其實係為你自己好，因bb仲咁細，你99又唔覺得2個小魔怪同自己有問題。萬一整親bb就唔好

私人傳訊

積分: 129

6^#

發表於 17-7-19 23:37 |只看該作者

回覆樓主:

我話想抱bb返娘家到妹妹細路放完暑假 c6唔贊成因為我嫁去台灣 c6話BB咁細唔好搭飛機＞＜

私人傳訊

豬吉

伯爵府

積分: 15954

7^#

發表於 17-7-19 23:55 |只看該作者

回覆樓主

你老公都廢
打兩日牌唔幫手

私人傳訊

Chickentailbun

積分: 3426

8^#

發表於 17-7-19 23:57 |只看該作者

picpicc 發表於 17-7-19 23:37
我話想抱bb返娘家到妹妹細路放完暑假 c6唔贊成因為我嫁去台灣 c6話BB咁細唔好搭飛機＞＜
...

盡可能全部時間自己陪住bb ，真係好難攪。個bb 咁細，比啲小朋友抱好危險，要嚴厲啲。

私人傳訊

Karly123

積分: 1962

9^#

發表於 17-7-20 00:08 |只看該作者

回覆樓主：

本帖最後由 Karly123 於 17-7-20 00:11 編輯

我大伯個仔（3、4歲）試過用膠帶粒我5個月大既bb個頭，仲要話極唔聽，粒兩次，我就即刻爆佢，推開佢再好惡問：傻架你！？

你姑9果兩個細咁無家教，唔整到你啊b由自可，整到既話根本唔使比面，最好爆一次，等他們好好記住：係啊，就係我爆你地，你地最好唔好惹到我。完。

私人傳訊

Momoko303

積分: 2092

10^#

發表於 17-7-20 00:09 |只看該作者

picpicc 發表於 17-7-19 23:37
我話想抱bb返娘家到妹妹細路放完暑假 c6唔贊成因為我嫁去台灣 c6話BB咁細唔好搭飛機＞＜
...

咁你應該問返你老公搭飛機危險d定留係屋企比個2個百厭星當玩具玩危險d
樓主為左個bb安全一定要企硬返娘家住！

私人傳訊

Karly123

積分: 1962

11^#

發表於 17-7-20 00:13 |只看該作者

picpicc 發表於 17-7-19 23:37
我話想抱bb返娘家到妹妹細路放完暑假 c6唔贊成因為我嫁去台灣 c6話BB咁細唔好搭飛機＞＜
...

台灣99 10個有9個都惡頂

私人傳訊

已刪除用戶

已刪除用户

積分: 24878

12^#

發表於 17-7-20 02:20 |只看該作者

回覆樓主:

提示: 作者被禁止或刪除內容自動屏蔽

私人傳訊

anna59

珍珠宮

積分: 49041

13^#

發表於 17-7-20 08:33 |只看該作者

唉！又系台灣人

私人傳訊

hkgra

侯爵府

積分: 22882

2024年龍年勳章

14^#

發表於 17-7-20 09:03 |只看該作者

盡量令自己有經濟能力~盡量安排BB盡早入讀全日學校~

私人傳訊

NatalieTY

男爵府

積分: 7539

15^#

發表於 17-7-20 09:07 |只看該作者

睇完覺得好嬲 ...

唔係話你軟弱，但無論如何都要自己保護BB！

私人傳訊

積分: 129

16^#

發表於 17-7-20 09:18 |只看該作者

NatalieTY 發表於 17-7-20 09:07
睇完覺得好嬲 ...
唔係話你軟弱，但無論如何都要自己保護BB！

本帖最後由 picpicc 於 17-7-20 09:18 編輯

好憎個妹妹由細俾人縱壞晒自己想點就點佢媽咪同我奶奶都控制唔到
我尋晚同c6講要返香港放假。。。講咗好耐....佢話以後佢負責教罰個妹妹....聽住先妹妹個性太惡劣我不樂觀

私人傳訊

Beelaulau

積分: 431

17^#

發表於 17-7-20 10:12 |只看該作者

picpicc 發表於 17-7-19 21:29
全令我不爽，全是芝麻小事，唔想再同c6講，其實佢已經好努力溝通，但有啲佢都冇計，我唔想令C6咁煩惱，更不 ...

只能說一句你好忍得

私人傳訊

minna00

伯爵府

積分: 15140

好媽媽勳章

18^#

發表於 17-7-20 10:18 |只看該作者

picpicc 發表於 17-7-19 21:29
全令我不爽，全是芝麻小事，唔想再同c6講，其實佢已經好努力溝通，但有啲佢都冇計，我唔想令C6咁煩惱，更不 ...

佩服你既忍耐力，但bb既安全靠晒你，適當時候姑9個兩個唔使俾面，有d細路唔惡唔識驚

私人傳訊

積分: 129

19^#

發表於 17-7-20 14:05 |只看該作者

回覆樓主:

頭先c6同妹妹講（非常好語氣）話我哋好錫佢但係佢要聽話要尊重我哋唔可以唔合佢要求就惡作劇

佢就話佢係細路唔係大人唔識咁多規則 c6話咁就要用打架囉一係佢乖我哋就好錫佢

然後佢話乖都係得我哋錫佢佢話其他人都唔錫佢 c6話管唔到其他人但係我哋會錫佢

然後佢喊話我哋討厭佢話我哋唔俾佢照顧bb 仲走去奶奶度哭訴話為什麼她已經這麼努力了我們還是不喜歡她問奶奶佢做錯啲咩

而家啲細路全部演藝畢業。。。。

私人傳訊

sytse