2星期前因為患咗玫瑰痤瘡去睇皮膚專科醫生,睇咗一個好冇醫德嘅醫生,為咗唔想更多人受害,我索性開名啦,就係佐敦恆城大廈 劉家豪醫生。
事緣我覺得藥費十分昂貴,抗生素收$75一粒,仲未計藥膏等,而我知道自己嘅情況需要食3-6個月抗生素,小數怕長計,咁我就第二次覆診嘅時候,請呢位劉家豪醫生開藥紙比我,等我可以出去配。
點知呢個醫生堅持唔肯,仲話如果唔喺佢度配藥就會blacklist我,以後冇得睇佢...
個姑娘又覺得我喺度搞事...
其實嗰一刻係真係好驚,唔知自己做錯咗咩,問醫生攞藥紙就搞到醫生咁大反應。
咁昨天我就去咗另一位中環嘅皮膚專科醫生覆診,醫生好有耐性,解釋得好清楚。
最後重點嚟啦!
喺新醫生度配同一款原廠抗生素,竟然只係$12-13/粒,平咗接近6倍!
假設我喺嗰位『劉家豪醫生』睇兼配6個月藥,要俾$13500,而家喺而家呢位醫生度配只係$2340 @@
昨天知道咗真係O咗咀,$12-13/粒都已經有錢賺,究竟呢位『劉家豪醫生』食水有幾深?!
好無醫德,為咗賺錢真係去得好盡。。
大家真係唔好睇佢。