婆媳關係

收藏本版
發帖
返回列表
跳至頁

首頁
12

尾頁
   1
ABBC


子爵府

積分: 13533


1#
發表於 09-5-24 03:58 |只看該作者
忍左幾日~我唔講我會死~依家已經搞到失眠喇~!!!
呢幾日~我係咁安慰自己~我忍到~我真係忍到~!!點知今日我終於都失眠喇~!!我真係發覺~如果我唔o係度發洩既話,可以o係邊度講出我既不滿..>.<~!!
話說我係freelance美容師~因為我99唔想睇我個囡~加上俾佢睇其實畢嬲都唔係咁好架喇~因為佢好唔鐘意我個囡~同哂佢o的其他仔女講都係咁講出口~!加上我又要申請公屋~所以我就停左自己份工轉去做freelance黎湊我個囡~!!亦都因為我媽咪本身自己湊緊佢個內孫女~身體又唔好~所以我都無俾湊~!一直以來~我99都好煩~係超煩果隻~佢一日24小時對住我個囡既時侯~大部份係鬧緊佢既~其他果d時間~大家都唔好以為佢係安靜~只係佢係訓左覺~或者係我個囡返緊學~!!不論我個囡係咪錯都好~佢都一樣鬧~!一樣話~自己又唔知自己八卦~連人地留下結婚佢都可以望一餐~仲要唔係望兩望果隻~望親都係成個鐘~!!依家我地同住左咁耐一年喇~我發覺我個囡已經俾佢感染左~八埋~都算喇~!佢好似唔知自己都係八婆之一~竟然日日鬧一個5歲既小朋友八呀!!自己盲字都唔識多隻~就話我個囡蠢~日日都不停鬧鬧鬧~有時我c6都忍唔住話佢好煩呀~!!我地同住..佢就成日都叫我個囡咩都入房~但係佢有冇諗過一個5歲既小朋友點可能一日到黑都困住o係個房度丫?畢嬲我對佢都係算禮貌..唔會話見到唔順眼既野~我就算~我忍!!
但係引致我嬲到依家既就係星期三~我做完個客~接埋我老公收工之後,如常咁走去搵我個囡~我一早就知道我99係走左去酒樓打牌~咁我去到既時間係7點~我個囡放5點~我諗住兩個鐘~睇睇佢~應該都唔係問題喇~!點知當我同我老公去到既時侯~我見到我99一見到我地就即刻走左出去門口~我就心知不妙~原來佢真係可以掛住打牌~連我個囡走左出去都唔理架可以~!!點知真係搵我個囡唔到~果時個天都黑哂喇~我自己真係好驚~佢就只係一直得把死人聲o係度嗌~驚死無人知佢唔見左個孫...但係大家唔好以為佢大叫d咩野,而係"xx..叫左你唔好周圍走架喇~又唔聽~麻鬼煩!"我聽到已經好嬲係嬲到想殺左佢~!
點知後來我搵到佢~原來佢跟住左d又係成日都掛住打牌唔理d孫既人既孫落左去~!!跟住仲要衰到又係o係度鬧鬧鬧~佢有個牌友衰到仲話"哈哈~我一早都估到佢同左o的細既落去玩架喇!!"嘩~~~嬲到我火燒心呀!!!!!但係我俾面你~我一句都無出到聲~就咁同個囡返左屋企就算~!!
我自己鬧我個囡就算喇~!!點知到左第二日~佢竟然可以當無事發生~打牌打到第二日既5點返黎~由於我99係訓廳既~我個囡已經係訓到10點半架喇~佢都嫌我個囡醒左嘈住佢~!見到我個囡玩佢個唔用既電話又唔出聲~好啦~等我出到黎~我見住佢眼尾望我一眼跟住又合埋~好~你想我鬧丫嘛~我就鬧囉~!!跟住點知我個白痴老公唔知頭~講笑咁講話why個電話個蓋突左出黎~件事就發生左喇~!!我99即刻惡人先告狀~"係佢整架喇~唔係佢仲有邊個喇~成日拎o的野黎玩,有咩唔俾佢整爛架?琴晚丫~叫左佢唔好出去架喇~又話去廁所去邊去乜...都唔聽人講架..佢走左去我點知呀!!麻鬼煩架佢~黑人憎到死~"不停係咁講係咁講~我真係好服我自己既忍耐能力~我唔鬧你已經好好架喇~你仲要借題發揮~~!我地唔提~你仲好意思講返出黎~我心諗~你一直係咁講係咁講推個責任俾一個5歲既小朋友~足足大佢55年既成年人竟然可以講埋d推卸負責任既說話,你同差佬講丫~睇下人地會唔會因為佢自己走落去~你掛住打牌唔理個孫~而唔告你丫~!!
呢件事都已經過左去喇~當晚我仲發覺一件令我憎佢既野~就係我前一晚買左個榴槤返黎~一心諗住同佢分享~點知我果晚食左兩舊~我就放左o係度俾佢食喇~果到足足有十舊咁多~點知只係一晚咁多~佢竟然可以食哂佢一舊都唔留俾我食~~我死唔信佢一個人可以食哂~點知我同個c6落街買野食既時侯~經過住o係住我隔離果個姑9~點知聞到有榴槤味~望一望佢袋埋垃圾我百份之90~我99又拎左我買既野俾佢d囡食哂佢~!已經唔止一次係咁架喇~佢o的囡係可以完全唔使咁過我~都可以入我房拎我o的野用食~然後就賴我個囡食哂架喇~!!做人可唔可以唔好咁衰呀?有次已經我地兩公婆訓覺~我另一個八婆姑9同我99為左拎我部相機~唔係問我借~而係拎~!問都唔問人可唔可以借俾佢~就走入黎我間房自己搵~~!大佬~我地兩公婆訓緊覺架~識唔識咩叫尊重人架?真係好無家教架~!!!
琴晚個衰99又走去打牌~我就煮飯食~點知我個八婆姑9到食果時先自己走出黎~成個佛咁又要我裝埋俾佢食~收野又要我收~完全成個廢人咁一d都唔幫下手,我已經激到我巴巴聲~我老公都睇唔過眼架喇~!!哼~到左今日~係我同我老公結婚紀念日~撞o岩我二伯一家入黎食飯~畢嬲我一家同佢一家感情都好好架喇~所以我就買左個蛋糕一齊食喇~點知一返到黎~我99就係咁問我地咁好買個蛋糕返黎仲乜?我已經到左今日完全都唔想理佢~因為佢一d都唔覺得自己有問題架!(待續)
私人傳訊

ABBC


子爵府

積分: 13533


2#
發表於 09-5-24 04:27 |只看該作者
跟住由於佢係咁問問問既情況之下..我老公忍唔住答左佢~!好啦~到左我二伯佢地黎到啦~~我99又係咁..唔理咩事都好~乜都鬧左我囡先~好似明明兩個一齊玩~佢可以淨係對住我個囡黎鬧~唔好咁噪..!!到左晚上~我姑9就又係咁..到我地食蛋糕~就不請自來~!都係我個囡衰架喇~定係我自己衰呢..我發覺我應該教我個囡~唔係咩野都係同人分享~都要相對性果個人對你好唔好!因為之前我姑9先我個囡食慢少少就話"打佢啦打佢啦"成30歲人架喇仲係咁不知所謂~!!!到食完野~兩表姊妹梗係又一齊玩架喇~點知佢地爭糖食~由於我個囡一早就拎先~本身佢又高過個表妹(細半年)咁佢地爭爭下~好自然咁整跌左落地~!點知我99一出聲又係淨係鬧我個囡~呢次我終於都忍唔住喇~話俾佢聽~兩個一齊爭先會跌唔係一個人既錯~!點知我99又借左聾人對耳扮聽唔到~!跟住呀...我個囡話一齊執喇~!大家真係唔會估到我99竟然可以講咩呀..佢話"你自己執啦~仲乜要人同你一齊執呀?"我當堂真係好想鬧佢八婆~不過我忍住同佢講"99..兩個一齊整跌梗係一齊執啦~"
經過呢幾日既不平等對待~我真係再忍唔到同佢一齊住喇~我驚我真係忍唔住鬧爆佢呀~!大家可能覺得why我會對99俾野我姑9食咁不滿~而係因為果個姑9同佢老公真係好不知所謂架一樣~佢地出哂名孤寒人地~豪俾自己!好似我地搬返黎住~每個月都俾3000蚊我99...多就唔係多~不過我老公得8000蚊人工..又要還錢俾人..每個月真係好窄~!點知我呢個衰姑9同佢老公竟然可以o係佢個十六歲既女面前話我地靠痴呀~俾得錢少呀果d~佢完住佢唔諗下~咁多年來佢自己有冇俾過錢我99先?但係就成日不論我煲定係我99煲湯都好~一定拎住大大湯碗過黎拎走~!唔該都唔會講聲~仲要覺得應份~!每年因為我同佢個囡年紀都唔係差好遠所以我都會封一百蚊生日利是俾佢既~唔係多~但係都係心意喇~佢就連我個囡幾時生日都唔知~!!因為佢個囡既生日係新年既時間~所以利是我都係唔會少~即使我地日子過得係唔好都照封~呢個係我個人對佢個囡既心意~同佢係無關既~點知呢個八婆姑9竟然可以同佢個囡講~唔止係我~就連佢個親妹~都係每年對佢個囡咁!佢就話"你估人地真係對你咁好呀?人地係因為我地都封咁多俾佢地先至對你咁好咋~"我真係唔明WHY佢地可以咁教個囡~佢話佢自己個妹都算啦~正常D~因為佢真係封返咁多俾佢個妹個仔~但係佢新年利是都係封10蚊俾我個囡咋~完全都唔係事實既野又走黎講~跟住又要話我二伯佢地成日都唔夾錢食飯呀..永遠都只係人地衰佢地好~!跟住件事因為俾我知道左~我又同左我老公講~不過都係諗住申下...點知我老公就走去同佢二哥講~跟住就全世界都知道哂~跟住自始佢就嬲左我~好似我係衰人咁..但係佢就完全唔諗過係佢自己既問題,如果佢真係無講過~我講左出黎~就話我唔o岩姐~依家係佢自己有問題喎!之後佢就一直都無彩過我喇~都算啦~但係野就照過黎拎我既~食我既!究竟咩意思呀!?我剛剛同我老公一齊既時侯~佢大哥連埋佢個仔~要我99照顧埋佢地食,係日日都有得食..我地都無日日都有得食呀..佢地都係俾1000蚊咋~我地咁都叫痴~我真係唔知點先叫痴喇~唉!!我真係好想即刻搬~唔想對住呢個不知所謂既人喇~~
私人傳訊

食嘢太狼


男爵府

積分: 8766


3#
發表於 09-5-24 05:18 |只看該作者
我唸你都真係要唸下辨法,個女成日俾人鬧,你嘅屋企人又扁心,個女係咁嘅環境大,容セ易心理唔平衡,再講個奶奶咁搞法容セ易下次真係唔見個女就大件事.
你係唔係巳申請梗公屋,我唸你哋而家只能夠做就係搬走,唔好俾佢再揍你個女,你話你做parttime美容師,咁平日係咪你湊個女,返工先俾奶奶湊,如果要返工嘅話先俾媽咪或朋友幫手得唔得呢.如果老公得8000蚊,同埋要還錢搬出去就真係少咗d,但到時搞唔掂咪最多唔俾咁多佢阿媽,兩公婆辛苦d,起碼個女唔駛俾人鬧到咁,自己又成肚氣擔心個女.
佢哋真係過份,瞓梗都自己走入嚟,冇家教,樓主,係自己嘅嘢放番晒入房,買條橫鏈鎖住佢,睇下佢哋點攞.你嗰d唔係正常人,要用番d對怪獸方法對佢哋,帶住個囡係身邊,鎖埋間房,等到攞到公屋就好d啦.
唔好咁勞氣,屈埋屈埋好傷身,慢慢唸下解決方法.
努力,加油,冇嘢係搞唔掂.
私人傳訊

食嘢太狼


男爵府

積分: 8766


4#
發表於 09-5-24 05:24 |只看該作者
有好多人係欺善怕惡,頂唔順又睇唔過眼,不妨發揮下d女人本識,睇下佢有冇反應,有d人你退一步,佢會行前幾步,得寸進尺呢.

私人傳訊

kimiwhy


男爵府

積分: 9727

好媽媽勳章 畀面勳章


5#
發表於 09-5-24 11:30 |只看該作者
爆一次大既,等佢地知你既不滿
私人傳訊

boey


男爵府

積分: 8888


6#
發表於 09-5-24 11:58 |只看該作者
你個女好慘
私人傳訊

樂樂小天使


子爵府

積分: 12327

環保接龍勳章


7#
發表於 09-5-24 12:32 |只看該作者
99又點,邊個咁話我個女實剷到佢上天花板,
使同佢客氣呀!
私人傳訊

3bng


別墅

積分: 599


8#
發表於 09-5-24 13:29 |只看該作者
你快D搵區議員幫手和寫信房屋處摧下,再這樣洛去,弟日你個囡好易變壞,WHY 我甘講,因我睇好多育嬰書如小朋友經常受責罵和在一個吾健康既環境下生活,小朋友自專心會受打擊和會做出相對反射,如你經常說佢壞/衰,小朋友聽得多佢會壊/衰比你睇,你99E家對你個囡就係做緊哩D野.
我99未死前,2個孫係佢到住,都係成日鬧,鬧佢地吾生性,吾做野,偷野,等等....佢2個孫一個真係吾做野,一個真係吾生性偷比佢睇,直到佢地跟反父母住,佢地變反乖和聽話,所以我信小朋友會有反射行為,你做和講D"物"佢就會做反和講反D"物",你快D使你個囡遠離你99,我BB係未出生前,我已經"林"定點樣遠離99,E家吾洗喇因佢死"在",我99D惡行不長講喇,我要有口德,佢都長眠洛.
私人傳訊

arcaar


子爵府

積分: 14979

好媽媽勳章 醒目開學勳章


9#
發表於 09-5-24 13:57 |只看該作者
你99擺到明唔鍾意你女女..你99成日咁鬧你女女..你女女再o係呢d環境長大~對佢有壞影響..如果係我我一早同我99開片~

有位媽咪講得岩~好多人真係欺善怕惡..好似我咁..表面上好似好純咁其實我好惡..我99以為我好好蝦..成日整古做怪咁同我老公講話我點點點?搞到老公鬧我..有次,我99見過我發火鬧人之後有d怕左我唔敢再亂黎...有時都問過我先做~不過,最近佢又搞事..受害係我個仔..我都好煩><唉
私人傳訊

ABBC


子爵府

積分: 13533


10#
發表於 09-5-24 14:01 |只看該作者
原帖由 食嘢太狼 於 09-5-24 05:18 發表
我唸你都真係要唸下辨法,個女成日俾人鬧,你嘅屋企人又扁心,個女係咁嘅環境大,容セ易心理唔平衡,再講個奶奶咁搞法容セ易下次真係唔見個女就大件事.
你係唔係巳申請梗公屋,我唸你哋而家只能夠做就係搬走,唔好俾佢再揍 ...

好多謝你地呀~!我就係實在太唔開心我先會POST出黎~!!本來我成日都覺得自己個囡曳~鬧係正常~!!有陣時到我老公頂唔順~話我99~我都會幫口話係個囡曳姐.!!!但係都唔係日日鬧法架...我亦都試過對佢好好..諗住佢都會對我個囡好D喇~點知原來都係無用~!佢係打從心底唔鐘意我個囡..並唔係因為佢曳~!!我依家自己都湊返架喇~只係有工接先出去..近既話2個鐘...遠既都只不過4個鐘!佢都唔想睇!!
唉~我依家係申請緊公屋.不過等待既日子真係好辛苦~!我怕我又頂唔順...搬返出去住..搵返野做算,但係長期捱貴租都唔係辦法~!!唉~我只係感慨WHY我囡同我老公要受不公平對待~~!同一樣係仔..另一個就可以搵成萬幾蚊個月都可以只係俾一千佢就可以..佢果個大仔就可以o係大6買左樓俾佢老婆外家~日日煮飯俾佢兩父子食..我地呢?就係俾多o的都俾人話痴~!
我都想搵區議員~不過相信都係無乜用啦~我依家就已經頂唔順..又訓唔到..我好少會訓唔到!我真係唔知自己幾時會癲呀!!唉~~大家~我老公試過發癲鬧佢阿媽一次架喇~換黎就只會俾人話唔o岩囉~但係佢地明明都心知肚明係我99衰~但係我99呢個時侯就會剩係識喊~佢一d都唔覺自己有問題~跟住就話叫唔好俾佢睇呀..佢都唔想睇呀..乜乜乜...!!好難頂~我老公鬧就已經係咁喇~何況係我?一定俾人叫搬走啦...>.<
私人傳訊

ABBC


子爵府

積分: 13533


11#
發表於 09-5-24 14:03 |只看該作者
原帖由 arcaar 於 09-5-24 13:57 發表
你99擺到明唔鍾意你女女..你99成日咁鬧你女女..你女女再o係呢d環境長大~對佢有壞影響..如果係我我一早同我99開片~

有位媽咪講得岩~好多人真係欺善怕惡..好似我咁..表面上好似好純咁其實我好惡..我99以為我好好蝦.. ...

唉~我就同你相反~!我會係揀忍既人~~因為我知道如果我唔搬走而同佢鬧交~佢仲開心~等人覺得係我錯...我搬走佢就會唔使煩!!希望你既問題都會快d解決喇~!
私人傳訊

TenWong


大宅

積分: 4466

好媽媽勳章


12#
發表於 09-5-24 15:06 |只看該作者
小朋友好慘，如果換轉我個女甘樣俾人鬧，相信我同我老公都鏟咗距九世啦，仲忍？有D人就系欺善怕惡咖，唉～
仲有私自入人房真系超無品咯，樓主你地無上鎖咩？我覺得就算人地唔鎖，入門唔敲都好無禮貌啦，叫你C6話下距地啦，其實宜家我覺得最緊要你C6態度系點啊？你甘講我覺得你C6系屋企都好無地位，連自己老婆仔女都保護唔到。
我愛我家！
私人傳訊

KaraWong


子爵府

積分: 10422

畀面勳章 BK Milk勳章


13#
發表於 09-5-24 16:57 |只看該作者
小朋友有時曳, 話/鬧佢,
我覺得無問題,
不過妳99係又鬧唔係又鬧,
妳姑9既小家,
再加上妳99同姑9,
無端端都可以就咁走入妳間房,
呢d人有冇禮貌架,
至於忍唔忍妳99,
我覺得如果佢再係變本加厲,
佢唔俾面妳, 妳都唔使俾面佢,
話晒妳之前同試過對佢好/想關係好,
希望樓主快d囉到公屋,
唔使睇人面色, 一家三口開開心心~
私人傳訊

ABBC


子爵府

積分: 13533


14#
發表於 09-5-24 18:29 |只看該作者
原帖由 KaraWong 於 09-5-24 16:57 發表
小朋友有時曳, 話/鬧佢,
我覺得無問題,
不過妳99係又鬧唔係又鬧,
妳姑9既小家,
再加上妳99同姑9,
無端端都可以就咁走入妳間房,
呢d人有冇禮貌架,
至於忍唔忍妳99,
我覺得如果佢再係變本加厲,
佢唔俾面妳, 妳都唔使 ...

好多謝你~!!依家我唯有係等公屋~!!
私人傳訊

ABBC


子爵府

積分: 13533


15#
發表於 09-5-24 18:33 |只看該作者
原帖由 TenWong 於 09-5-24 15:06 發表
小朋友好慘，如果換轉我個女甘樣俾人鬧，相信我同我老公都鏟咗距九世啦，仲忍？有D人就系欺善怕惡咖，唉～
仲有私自入人房真系超無品咯，樓主你地無上鎖咩？我覺得就算人地唔鎖，入門唔敲都好無禮貌啦，叫你C6話下距地啦，其實宜家 ...

我老公係已經去到唔想彩佢地既階段喇!佢依家都好憎佢地~仲話如果有公屋~搬左去就唔會搵佢地d衰人添呀!!!佢地成日都係咁架喇~!就算我將o的野放左入去間房~佢都會衰到叫我個囡拎俾佢食架!!跟住就話我個囡食哂我o的野!乜都係姓屈...!!我c6真係o係屋企無乜地位~因為佢係最細果個~!不過好多時我都明白佢既難做既~!因為佢明白到依家係寄人籬下~!同埋我地都無地方可以去了
私人傳訊

w_y


公爵府

積分: 25476

好媽媽勳章 2011精緻種植勳章 畀面勳章 環保接龍勳章


16#
發表於 09-5-24 18:53 |只看該作者
唔使
你老公對你好好, 又了解你苦況, 咪當 2 公婆後生吃下苦先囉, 將來有得上樓擺脫 d 衰人, 大家就會更珍惜到時的快樂. 總好過有 d 老公愚孝, 咁你先大鑊一世要同衰人住仲要鬥長命.

放心, 等公屋點都有個期, 而家你要多 d 錫返囡囡, 解俾佢知, 佢其實好乖, 唔好俾囡囡咁大心理負担, 唔使開工就帶囡囡出街玩, 唔好見到 d 衰人.
私人傳訊

770217


大宅

積分: 3474

2025勳章 2025勳章蛇年勳章 畀面勳章


17#
發表於 09-5-24 19:09 |只看該作者
我都係同叔仔/佢女友/6299住的,總之同其它人一齊住都係麻煩啦!橫掂你都申請緊公屋,咪忍多一排囉....因話晒間屋都係佢老人家,而佢又係傻既你就唔好比個女佢照顧啦!求人不如求己,希望你可以快Ｄ上樓啦...undefined
私人傳訊

edea


王國長老

積分: 119074

王國長老


18#
發表於 09-5-24 19:53 |只看該作者
唉, 我覺得樓主而家寄人籬下, 大聲剷奶奶上天花板, 只會換來佢更刻薄樓主個女, 唯有忍氣等快d搬, 但適當時候都要出聲.
我唔係經常上BK, 想搵我嘅朋友請email: [email protected]
私人傳訊

glory911


大宅

積分: 1550


19#
發表於 09-5-24 20:24 |只看該作者
樓主，你要多啲時間同個女傾，話巨知mummy錫巨，明白唔係次次都係巨錯。多啲帶個女出去食巨鍾意嘅野。你女女係咁嘅環境成長會影響到巨嘅性格咖。
私人傳訊

ABBC


子爵府

積分: 13533


20#
發表於 09-5-24 23:20 |只看該作者
嗚~~真係好多謝大家~!!!o係度呻左出黎~我個心都平靜左好多~起碼我成日都頭痛先啦!我今日一句說話都無同佢講過~我99都好似見到我對佢咁..好似有d反應~!今日無鬧得我個囡咁勁喇~!亦都可能因為我無比個囡出去咁多啦~!不過我從來都無試過唔彩佢咁耐~可能佢都知自己衰喇~!!
唉~係呀~~好在我老公唔係愚孝果o的人~!!不過我好後悔曾幾何時我都為左我99而鬧過我老公~因為我老公對佢阿媽d語氣好差~我睇唔過眼~因為我覺得係身教加上果個係佢阿媽~佢唔應該咁對99~可能因為咁..我99以為自己既地位高哂掛~都係慣自己衰喇~!
今日我去左我媽媽度~佢都話叫我如果做客就佢接放學~佢都唔想我99再睇喇~因為真係好怕有事發生喇~今次係好彩~下次呢?真係無人敢包嘛!!!
私人傳訊


首頁
12

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見