吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 阿哥被出櫃

少年成長今日: 0|主題: 16132

收藏本版

發帖

返回列表

跳至頁

查看: 59011 | 回覆: 28

阿哥被出櫃 [複製鏈接]

chowwan1

複式洋房

積分: 244

1^#

發表於 20-8-21 12:50 |只看該作者 |倒序瀏覽 |打印

本帖最後由 chowwan1 於 20-8-22 12:48 編輯

屋企阿哥半年前比阿媽發現佢同男人網上聊天。佢認咗佢係hehe, 對我屋企人係十級驚嚇, 因為佢90%好似正常男人一樣。佢話自己中學先自發現鍾意男仔, 話係天生, 但開頭唔係好肯定, 只係嘗試過鍾意過一個普通嘅女仔。阿媽因為咁日日喊兼好傷心, 軟硬兼施勸佢遠離啲男人, 而老豆就無表示。阿哥佢極度抗拒, 兼話阿媽好x討厭叫佢收把死人聲, 又同啲同事和朋友唱衰阿媽同我話唔撐佢好"紋虱", 就算我只係問過佢有冇變嘅可能。客觀咁講, 佢性格自細已經好偏執, 只有自己啱哂, 而佢有段時間喺小學被男同學欺凌同自細睇女仔卡通模仿啲角色。佢而家喺網上識埋啲喺香港但嚟自第三世界嘅男人(四個), 又成日引用但嚴重曲解啲哲學家科學家嘅話去證明自己無錯(fact-check過), 對我哋嚟講想了解同幫佢感到好吃力兼夾無奈。我哋曾經天真諗佢做嘅行業會令佢睇到人生百態, 而佢亦講好多佢遇過好多類似個案但個人問題而悲劇收場。但佢偏向虎山行...

我哋明白hehe會有天生, 亦有後天環境同個人經歷對心智成長嘅影響（例如：一些男仔遭男人性侵後會導致佢對自己性別同性取向感到懷疑, 長期缺乏安全感, 膽小, 抑鬱焦慮, 不能做決定, 覺得自己個身體係屬於男人嘅）, 只係現時科學界對同志研究好有限因為同志平權同避免歧視。我同屋企人客觀深入傾過認為佢好大可能係後天生活上多種嘅原因(不作詳解)令佢對逆服癖瘦形男人有強烈興趣, 亦發現佢有好多曾受欺凌帶來嘅負面影響。當我哋對佢提出嗰啲可能嘅原因時, 就好似拮中哂佢啲死穴! 佢好抗拒, 唔肯聽, 唔肯諗, 不斷回避, 冷笑, 係咁死撐自己啱係天生, 而唔係自己批判思考嗰啲原因會唔會影響咗佢少年心智發展。我完全感受到做阿媽嗰種痛, 我哋唔知點做可以令佢反思同調整心態。
想知各位媽媽或爸爸有咩意見／見解？我明白呢個係一個難題, 外人好似做唔到啲乜或會避忌談及。但我願意聽取任何正反意見, 只想知作為細佬和家人可以點做, 或你代入我個角色又會點做。

謝！

0 0 0

私人傳訊

awah112

禁止訪問

積分: 93097

2^#

發表於 20-9-12 01:33 |只看該作者

提示: 作者被禁止或刪除內容自動屏蔽

私人傳訊

fungbee

大宅

積分: 1664

3^#

發表於 20-9-13 01:22 |只看該作者

問你阿媽想唔想無左個仔
如果唔想就學習接受
同性戀都是閒事，愈反對佢地會愈討
厭你地

私人傳訊

zoesan123

複式洋房

積分: 132

4^#

發表於 20-9-16 20:58 |只看該作者

其實佢搞基, 關你咩事?

私人傳訊

alicego62

珍珠宮

積分: 30593

5^#

發表於 20-9-17 15:50 |只看該作者

Hehe有咩問題

私人傳訊

anjaco

大宅

積分: 2787

6^#

發表於 20-9-19 11:17 |只看該作者

fungbee 發表於 20-9-13 01:22
問你阿媽想唔想無左個仔
如果唔想就學習接受
同性戀都是閒事，愈反對佢地會愈討

Agree...

私人傳訊

阿韻BB

男爵府

積分: 5510

7^#

發表於 20-9-19 16:14 |只看該作者

回覆樓主:

冇野可以做到，都咁大個人，你管到咩。。佢係人，唔係公仔，唔係乜都要聽你地講。哩個世界中意男定女冇對錯。。

私人傳訊

chumeibajj

大宅

積分: 1557

8^#

發表於 20-9-19 18:37 |只看該作者

回覆樓主:

呢個年代hehe都唔出奇

私人傳訊

mtplee

複式洋房

積分: 191

9^#

發表於 20-9-20 14:48 |只看該作者

本帖最後由 mtplee 於 20-9-20 14:50 編輯

回覆 chowwan1 的帖子

呢個年代仲咁封建，我真係覺得無問題，你強迫佢鍾意女仔都無用，佢自己都會好痛苦，我寧願個仔開心，都唔想有日見到個仔為性取向而自殺，你應該開解一下你屋企人接受你阿哥HEHE，我個仔有個好FD嘅HEHE同學成日送我仔返屋企，我都有問我仔係咪HEHE，佢話 100%鍾意女仔，我媽仲叫我個仔不如唔好鍾意女仔，同呢個HEHE同學一齊，佢話HEHE人品幾好，HEHE同學唔係鍾意我仔，只係FD嚟，所以如果個家庭係接受，一家人嘅關係唔會咁差。

私人傳訊

mickeywinnie3

翡翠宮

積分: 86648

2025勳章蛇年勳章

10^#

發表於 20-9-23 22:43 |只看該作者

係心痛！但他開心就好了，只有祝福他身心健康！

自由太多會令世人失去平衡

私人傳訊

angiehouse

水晶宮

積分: 57835

11^#

發表於 20-9-24 12:19 |只看該作者

chowwan1 發表於 20-8-21 12:50
屋企阿哥半年前比阿媽發現佢同男人網上聊天。佢認咗佢係hehe, 對我屋企人係十級驚嚇, 因為佢90%好似正常男 ...

比着我系做亞媽亞妹都好難接受，不過難接受都要接受，攣變直系好難，最緊要吾好濫交

私人傳訊

kiubaby

大宅

積分: 3985

12^#

發表於 20-9-24 22:22 |只看該作者

回覆樓主:

雖然作為家人係有啲難接受，但同性戀都無乜問題啫，做乜一定要佢變番直，佢可能都好想得到你地既接納

私人傳訊

Kimberley0314

洋房

積分: 47

13^#

發表於 20-9-24 22:52 |只看該作者

真係好震撼.....

私人傳訊

啤梨腰小姐

別墅

積分: 678

14^#

發表於 20-9-25 12:08 |只看該作者

chowwan1 發表於 20-8-21 12:50
屋企阿哥半年前比阿媽發現佢同男人網上聊天。佢認咗佢係hehe, 對我屋企人係十級驚嚇, 因為佢90%好似正常男 ...

好感受到摟主的煩惱.....
你同媽媽/其他屋企人會盡一切的力，希望哥哥會好、將來開心、唔想佢會經歷悲劇收場
唔知道樓主有無留意到而家家庭關係的僵持下，對你、對媽媽、對哥哥、對大家有甚麼影響？
可能你想哥哥聽你地既意見，呢種方式有幾大效用？
會不會考慮轉變溝通的方式、氣氛、環境(例如專業人士社工/輔導員)或者情緒狀態等等？

私人傳訊

chowwan1

複式洋房

積分: 244

15^#

發表於 20-10-3 13:37 |只看該作者

本帖最後由 chowwan1 於 20-10-3 13:45 編輯

回覆啤梨腰小姐的帖子

感謝咁多位對作為家人嘅諒解同意見。當然佢咁大個人做咩都要自己負責, 旁人只可比意見, 最後是禍是福與任何人無尤。我亦有同阿媽講類似嘅説話。也許在家人角度是在乎他和對他有期望吧, 很難做到話唔理就真係做到不聞不問。我亦有話就算佢肯轉直都非常困難, 因為要佢自己不停揾方法去提起佢對女性嘅興趣。我認同任何人包括hehe也需要尊重。我諗我哋係想揾出所有原因, 因為我姑姑嘅兩個仔都係hehe, 但佢哋唔係孖生。而二伯個女男性特徵明顯但佢有男友(低音, 毛多, 男性面相)。如果係家族基因嘅, 我哋當然無計, 要接受。如果係後天環境影響, 咁喺家人角度一定係會想揾出原因或想佢自己嘗試變返原本嘅想法。雖然有研究話hehe個腦構造係唔同平常人, 但正唔正常我就唔太執着, 就好似有啲人出世有缺陷一樣, 亦對事無太大幫助。我親戚多亦係傳統家庭。如阿爺知道, 劏咗佢都有份。阿爸阿媽只係唔想佢喺工作同感情世界受到排斥, 希望佢變返常人咁, 因為佢周圍同人唱佢自己hehe...

我哋已轉為聆聽方式去問佢open questions。但佢唔願答只係提過只想透過網上揾真愛, 性愛其次。但佢對人係零機心, 諗嘢某情度純真過小學雞, 話社會同佢個行業好接受, 法律亦都開始改變, 當然大家睇到嘅亦未必係真係咁open。例如加拿大係LGBT friendly同合法, 但個政府調查發現佢哋喺職場係好普遍被排斥同難找工作。其實動物天性係會因為長相, 聲音, 氣味同行為不同而排斥對方在外, 法例都保障唔到咁多。佢由細好討厭亦唔識講大話, 但呢排成日作故仔講大話。我諗我哋係唔想佢比佢嘅情感令佢自己受傷害。我哋會繼續聆聽佢心底話去儘量做到幾多得幾多。

私人傳訊

Jasmine-4711

翡翠宮

積分: 93757

2025勳章蛇年勳章 2024年龍年勳章牛年勳章

16^#

發表於 20-10-4 00:22 |只看該作者

回覆樓主:

佢天生又好,後天心理原因又好,
佢都已是成年人,十幾廿年累積下來的性取向,你地想undo?

你們亦勸過佢又分析過可能的原因俾佢聽,講左很多次佢對抗拒,
咁係時候你們要接受佢.

曲同直,不是三言两語或接受輔導就可改變的事,亦不是“對與錯”的問題.如你地唔學懂尊重佢的性取向,逼佢改變,只會令關係惡化,甚至令佢煩到搬走,及很久都不想回家探你地,怕你地又“轟炸”佢.

只要佢不是濫交又識防止被網騙（網上交友）,放過佢啦

私人傳訊

(Samantha)

水晶宮

積分: 63993

畀面勳章

17^#

發表於 20-10-5 11:15 |只看該作者

回覆樓主:

是但啦，咪當佢單身到老，但有個好好嘅朋友。

私人傳訊

laiyuen

公爵府

積分: 25238

18^#

發表於 20-10-6 20:23 |只看該作者

Jasmine-4711 發表於 20-10-4 00:22
佢天生又好,後天心理原因又好,
佢都已是成年人,十幾廿年累積下來的性取向,你地想undo?

好同意
我自己係基督徒，都好唔同意同性戀。但係我地唔能夠將自己既諗法強加喺人身上，你地話唔想佢受傷害，但你地不斷去否定佢，轟炸佢，咪已經傷害緊佢囉。作為家人，你地已講過又話過佢都企硬，就不如學習接受佢吧。咁樣你地仲可以喺佢身邊support住佢，萬一佢有咩事都仲有人可以幫佢同聽佢傾訴，如果你地再係咁樣，佢一定會越行越遠，第時萬一有咩發生，佢都唔會俾你地知，你地更加無機會去幫佢。放手吧啦，接受同祝福佢，咁大家仲可以保持良好關係