在職全職 今日: 0 | 主題: 48041

積分: 247

1^#

發表於 05-4-11 00:51 |只看該作者

綜援

想問一下有無媽咪係攞緊綜援架

私人傳訊

積分: 5646

醒目開學勳章 2011精緻種植勳章

2^#

發表於 05-4-11 02:42 |只看該作者

Re: 綜援

sweetmimi :

我攞緊!!! :lol:

私人傳訊

積分: 247

3^#

發表於 05-4-11 15:14 |只看該作者

Re: 綜援

dudu19812002:

想問問我而家申請左,佢叫我等兩個星期再比電話我,係咪應該無問題喇,你係幾個人申請架,同埋批幾多會唔會個個月既額都唔同呢??thanks

私人傳訊

積分: 5646

醒目開學勳章 2011精緻種植勳章

4^#

發表於 05-4-11 18:25 |只看該作者

Re: 綜援

sweetmimi :

我諗佢應該沒有太大問題既,0個時我都要等一段時間先批俾我,不過我記得0個時社署會在呢段等批時間不斷叫我唔好申請,你如果都你咁樣,你一定要堅持呀!係咁話你個家庭好鬼唔掂,一定要申請,最好喊埋!!

我0個時就係咁應付佢地!我全家一家三口申請,唔係每個月金額都一樣,因為我地申請低收入人仕,咁因為我老公有時有d散工做下,社署會扣返呢d散工薪水!剩返既就出俾我囉!!我平時就攞$7千6百幾啦!!但試過扣左只有$5千幾咋!

私人傳訊

積分: 247

5^#

發表於 05-4-11 19:21 |只看該作者

Re: 綜援

佢話等通知先再交資料呀,已經等了一個月,現在才叫交,唉我老公又搵唔到工,都唔知等到幾時...咁你申請時等左幾耐先有呀,係呢你個時要唔要比回鄉証架,我唔見左呀,都唔知點算,又要去補領,好煩呀 :-(

私人傳訊

積分: 5646

醒目開學勳章 2011精緻種植勳章

6^#

發表於 05-4-12 03:13 |只看該作者

Re: 綜援

sweetmimi :

你唔好擔心!!我0個時都好似你咁,我等左兩個月先批准,不過,佢應該會由你開始話申請綜援時開始計(如果你申請到),例如我咁:我5月話申請,等到7月,社署就寄信俾我同我講批左,咁佢就開始出錢俾我,由5月開始出囉!即係佢會出返之前0個d俾你,咁你好好利用囉!!我全家都沒有回鄉証的!!

因為我地全家都唔會返大陸的,我同我老公好怕

係社署0個個人叫你補領的嗎???補領要錢的!!你係咪成日要返大陸先,如果唔係咁咪唔好補囉!!問下社署囉!!!因為如果攞左綜援,好似外出係有一個限期的!!咁你同老公需唔需要做社區工作呀??我老公要的!其實我都應該要,但我要湊女就可以唔需要住,但其實全家如果過左18歲而又無業就要做的了!你又知道嗎???通常申請綜援都一定俾人難為的!!唔好介意,我想問下你同你老公幾多歲呀???其實依家政府話市道好返,根本就唔係,只係某一d行業好返啫!慢慢搵工啦!!我諗你地應該申請到既!!

私人傳訊

積分: 247

7^#

發表於 05-4-12 08:17 |只看該作者

Re: 綜援

我申請左一個月多d,都未比資料呀,等佢打電話o黎先交,不過我老公話要帶埋回鄉証嘛,我都好少番去......我老公都話要做社區工作架,不過我都要湊仔,所以唔知需唔需要啫,我都知 :cry: ,唉講真可以既都唔想申請喇,你估好過癮咩,我老公上兩個月公司關門,無糧出,而家又搵唔到工做,又唔係後生,都四十幾喇,而家希望申請到幫補一下,唔係唔知點生活 :-(

私人傳訊

積分: 5646

醒目開學勳章 2011精緻種植勳章

8^#

發表於 05-4-12 17:41 |只看該作者

Re: 綜援

sweetmimi :

咁社署有沒有寄一封叫"關於申請綜援xxxx"既信俾你呀??通常有呢封野,你應該開始可以攪申請綜援的了!!因為呢封信
係講你要帶d什麼野去社署俾佢地用來申請綜援既,但只係開始,佢會不斷叫你唔好申請,你地一d要堅持呀!!唉...有邊一個鍾意攞綜援呀!攞綜援一d都唔好聽,我都好驚我個女將來俾人笑佢,其實我同我老公都係唔過30歲,我都覺得咁年輕就去攞唔好啦!!不過沒有辦法啦!!鬼叫沒有收入咩!!!唯有申請囉!!其實,我都唔開心的呀!不過,我同我老公唯有同自己講,我地以前都俾唔少稅政府收啦!!咁我地依家都係要政府幫返我地啫!咁可能會好感受d囉!!你又可以下咁諗啦!!自己無咁難過!

私人傳訊

積分: 247

9^#

發表於 05-4-13 13:07 |只看該作者

Re: 綜援

我係3月初申請既,填完所有野,社署就叫我老公4月初再上去,之後就叫等兩星期再比電話我o地,通知幾時帶埋資料上去,就係咁喇,所以都未知批唔批呀,咩信都冇喎 ?-(

私人傳訊

積分: 5646

醒目開學勳章 2011精緻種植勳章

10^#

發表於 05-4-13 19:14 |只看該作者

Re: 綜援

sweetmimi :

唔通依家唔同左,因為我申請左綜援都有成年了,我仲剛剛續左期!!咁可能已經唔同左了,咁依家有兩星期了嗎??
我諗應該批既!!佢叫得你地下次帶資料上去!!!放心啦!如何今次唔得,咁下次再去囉!!我0個時申請綜援都攪左兩個月,開始時社署都唔俾我申請,我好唔堅持!咁我又再去申請,喊哂先得咋,佢地社署成日驚d人呃綜援用!!

私人傳訊

積分: 247

11^#

發表於 05-4-13 23:41 |只看該作者

Re: 綜援

可能唔同啦.........都未夠兩星期呀,一星期度,我成日都諗自己竟然要攞綜援,有時諗諗下都想死,都唔敢比屋企人知呀,總之煩啦 :-(

私人傳訊

【丫鳳】

大宅

積分: 2334

12^#

發表於 05-4-14 15:18 |只看該作者

Re: 綜援

我想問下咩"之"格先可以申請綜援ga ???

已代刪除

私人傳訊