吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 興趣嗜好› 朱古力靈2事件簿1 #2064

興趣嗜好今日: 0|主題: 123985

收藏本版

發帖

返回列表

跳至頁

查看: 74826 | 回覆: 2078

朱古力靈2事件簿1 #2064

12 3 4 5...104

積分: 40075

2025勳章 2025勳章蛇年勳章

1^#

發表於 12-4-17 09:57 |只看該作者 |倒序瀏覽 |打印

本帖最後由 chocolate9592 於 12-5-7 17:31 編輯

有緣既JM, 搵到我嗎 ?

雖然個心仲灰灰地, 不過有版主幫我搵番之前移走咗既故事, 我今日先可以出番黎見大家咋 !! 希望呢個POST唔好出事就好喇 !!

唔阻大家, 即刻去古仔 !! 睇完記得俾個LIKE我呀 !!

如果之前未睇過第1-7集既JM, 可以搵番黎睇, 只係留唔到言俾我啫.....

10/ 靈力尋人

話說幾年前, C6車會一位朋友, 因為感情問題唔開心, 仲SMS咗個好似想自殺既遺言message俾C6, C6之後有搵佢, 但係搵唔到, 又唔知佢住邊一座邊個單位, 只好希望佢無事....

隔無幾耐, 我問起C6有無搵呢位朋友, C6再試打, 又係打唔到, 仲要係連電話號碼都CUT埋個種, 為咗安心, 我決定用封哂塵既靈力, 去搵吓佢, 當時仲有另一位車會朋友在場....

我用既方法係 -- 水晶靈擺, 即係用一粒自己最愛既水晶, 有頸鍊穿住, 水晶向下, 另一邊就用食指 LONG 住條鍊, 個人靜落黎, 個心諗住要搵呢位朋友, 然後開口問, 如果呢位朋友仲在生, 請打圈....

水晶無答我, 靜止唔郁, 我再問, 如果呢位朋友唔係度, 請左右擺動, 講完再等, 都係唔郁, 朋友問我, 咁即係點, 我答佢 : 咁即係我根本搵唔到佢, 佢可能無死到...

第二日, 出奇地呢位朋友主動搵C6, 佢話佢尋晚 (即係我玩靈擺當晚), 突然心血來潮想搵番我地......

C6都信係我既靈力CALL到佢, 所以佢咪覆我CALL囉 !!

其實最緊要佢無事, 咁我用幾多靈力都無所謂架 !!

11/ c6撞鬼

當年c6做電話公司, 地區係西區, 佢要入大廈既電話機房度做野, 其中係一個機房內發生既, 當日佢用看更俾既鎖匙一開門, 見到本來得火管燈光既房內, 有小朋友拿著個籃球之類既物體, 企係一邊望住C6笑, 但聽唔到小朋友既笑聲....

當時佢都要繼續做野, 好在小朋友無攪佢, 佢做完就鎖門走....
C6話, 呢度唔算驚, 最驚係另一個地方, 佢一打開度門, 就已經有兩隻飛緊曱甴
係度翩翩起舞, 仲要望入去見到成個電話箱都佈滿郁緊既?? 嚇到佢即刻關門, 打電話向唔怕曱甴既同事求助呀 !!

12/ c6撞車

亦係坐c6車時發生既, 不過今次無咁好彩,佢撞車......

話說當時c6有幾位朋友一齊遊車河, 途經龍翔道向觀塘方向, 去到豐力樓時, 我望到其中一位朋友車頂上, 突然坐咗個女人, 我即刻同c6講, 叫佢打俾朋友叫朋友小心開車, c6有做, 我地都安全去到我屋企樓下....

但係當我上樓沖涼時, 突然又個心離一離, 然後腦入面見到c6苦惱撞車後點同我解釋既樣, 咁我就快快沖完個涼, 換番出街衫, 係度等電話, 點知真係隔咗一陣, 就收到c6電話, 佢真係撞咗車, 仲要係深水灣甩尾撞過對面線, 好在對頭車收哂車, 先無撞上咋 !!

而跟係後面既朋友, 就唔知點解, 自己撞埋山邊....c6叫第三架車黎接我去現場, 我見c6同朋友無受傷, 不過我就見到朋友額頭好黑好黑, 即係佢時運極差, 同佢當時工作有關 (骨灰庵), 不過今次事件同女鬼有無關我就真係唔肯定, 因為我去到現場見唔到隻女鬼....

13/ 石澳女靈

都係坐c6車發生既....當時我地行柴灣入石澳, 去到山上時, 我見到樹上有個女人, 好惡咁望住我, 我無出聲, 因為佢得個望字, 無走埋黎, 所以去到停車場我先同c6講, 開車要小心d, 因為我見到野.....

點知c6講, 原來去到o個個位, 佢都feel到背部好寒, 仲有d毛管楝, 不過佢就咩都見唔到.....好在隻女靈無跟住我地, 否則我都唔知點做先好囉......

14/ 返學遇鬼

又有一次, 個日唔知點解, 我爸爸帶我行返學, 當我地經過中途一個樓梯落平台時, 我見一棵樹上有條好粗既繩吊落黎, 我同爸爸講要去玩, 我爸爸俾我去...

咁我就行落樓梯, 係樓梯底有個伯伯坐係度, 而我就係佢身邊行過, 去到條繩度, 玩扮泰山, 不過唔知點解, 我可以愈飛愈高, 直到我爸爸大叫我停, 咁條繩就自己慢慢停落黎, 跟住我就同伯伯講拜拜, 然後去返學, 之後我問我爸爸, 有無見伯伯望住我笑, 我爸爸面色一變, 答我唔, 我知我爸爸可能根本見唔到個伯伯, 又或者佢知個伯伯唔係人.....

因為我爸爸都有時係醫院返工時, 都會久不久見到鬼架....

15/ 校車怪腳

講番我細個大約6歲, 個陣住飛鵝山, 就讀X望小學, 平日我係坐校車返學既, 有一日當我放學, 照常坐校車, 我坐係較後既地方, 當時只係5點左右, 架校車一直行既時間, 我突然望到校車中央車頂位置, 出面一隻青色既腳, 隻腳既小腿由車頂向下, 即係我望住佢隻腳板, 當時我唔敢出聲, 直到落車隻腳仲係度, 咁我咪烏低身行, 個保姆都無出聲問我一句, 唔知佢係咪都見到呢 ??

點評

kawai120 wa 發表於 12-5-7 14:20

crystal622

發表於 12-5-7 00:21

多多綠茶

發表於 12-5-4 17:07

manicheung

發表於 12-4-29 15:24

topkidsmom

發表於 12-4-28 19:08

katingting 校車怪腳 -> 好恐怖啊係咪校車保母都知道有野? 發表於 12-4-20 16:17

miffymiffy

發表於 12-4-17 10:47

2 59 0

私人傳訊

蘇花sogood

子爵府

積分: 10665

大廚勳章畀面勳章

2^#

發表於 12-4-17 10:01 |只看該作者

引用：有緣既JM,+搵到我嗎+?++雖然個心仲灰灰地,+

原帖由 chocolate9592 於 12-04-17 發表
有緣既JM, 搵到我嗎 ?

雖然個心仲灰灰地, 不過有版主幫我搵番之前移走咗既故事, 我今日先可以出番黎見大 ...

到~

點評

miffymiffy

發表於 12-4-17 10:48

私人傳訊

chocolate9592

珍珠宮

積分: 40075

2025勳章 2025勳章蛇年勳章

3^#

發表於 12-4-17 10:02 |只看該作者

回覆蘇花sogood 的帖子

咁快就俾你搵到添.....

私人傳訊

DoDoSo

子爵府

積分: 13454

2018復活節勳章好媽媽勳章畀面勳章環保接龍勳章大廚勳章

4^#

發表於 12-4-17 10:06 |只看該作者

點評

chocolate9592 thx !! 發表於 12-4-17 10:13

DoDoDo

私人傳訊

chocolate9592

珍珠宮

積分: 40075

2025勳章 2025勳章蛇年勳章

5^#

發表於 12-4-17 10:11 |只看該作者

16/ 沙螺洞行, 17/ 行山怪聲

本帖最後由 chocolate9592 於 12-5-6 14:22 編輯

16/ 沙螺洞行

上兩個星期日去行山時, 去到沙螺洞村時, 去到平原時我聽到有男人嘆氣聲, 回頭望無人, 再行到去村口時, 又聽到男人叫一聲好長既喂, 我再回頭望只見到自己個仔, 但係佢只得三歲, 又點會發出?咁既聲音呢...

17/ 行山怪聲

我星期六去行完北潭涌上窰, 唔覺意行跟C6去咗起子灣村, 先見到係條荒村, 仲要繼續俾C6點我行出碼頭先知無路要返轉頭, 返轉頭又俾C6點我上人地個墳, 雖然未行到上去, 不過回程再經條村時, 我突然頭痛, 我已經快步拖個仔走, 仲大大聲鬧仔壯膽, 但係都聽到兩次有人係我隔離EE哦哦.....

我C6知我咩事, 俾我雞咁腳走番上山呀 !! 我雞咁腳走, 睇到當睇唔到......走到上山添呀 !!

D聲我一出村就聽唔到, 最後一聲係 -- 笑聲.....好似笑我走得咁快咁樣架 !! 而頭痛都仲有, 所以我唔敢久留, 上到山頂先肯停低俾個仔休息咋 !!

點評

kawai120 so scary 發表於 12-5-7 14:20

crystal622

發表於 12-5-7 03:15

manicheung

發表於 12-4-29 15:25

私人傳訊

chocolate9592

珍珠宮

積分: 40075

2025勳章 2025勳章蛇年勳章

6^#

發表於 12-4-17 10:12 |只看該作者

18/ 仔仔出世, 19/ 靈異懷孕

本帖最後由 chocolate9592 於 12-5-6 14:22 編輯

18/ 仔仔出世

其實當我生個陣都唔係咩靈異野, 只係奇怪, 要講靈異, 就係另一個故事 -- 靈異懷孕 !!

講番仔仔出世先, 雖然唔靈異, 不過就真係好奇, 因為個仔係我個肚入面照超聲波時, 個樣十足十C6, 但係一出世, 我同C699一見個仔, 都覺得佢個樣有十成似我仙遊咗既62呀 !!

呢個樣維持咗一日左右, 就慢慢消失, 之後變番我細個既樣.....

咁究竟我個仔係咪62投胎呢 ? 咁就真係不得而知喇.....

19/ 靈異懷孕

我記得係懷孕前幾個月, 我同c6已經搬咗入粉嶺坪輋, 住地下個層既村屋, 屋出面係一個小草原, 亦無民居係屋前, 不過到夜晚, 我久不久就會聽到落地玻璃出面, 傳黎人聲, 有男有女, 仲有幾次我聽到我62把聲添.....

之後有同阿so講過, 阿so話係小草原近盡頭既一棵大樹, 有好多靈體聚集, 叫c6幫佢地整個位, 等佢地有得聽經超渡, 咁c6咪照辦, 之後無幾耐我就有咗bb, 我一直有做避孕措施多年都無事, 只係唔係100%個隻...

咁我就去問阿so, 呢個bb究竟係咩一回事, 阿so話係個班靈體回報俾我同c6, 因為要有bb係要有好多福氣, 有時係前世積落, 亦有係今世修得, 我同c6就係後者, 所以個bb係黎報恩, 叫我唔駛擔心, 咁又係既, 自己生出黎既, 就算係債都要還俾佢架喇 !!

其實係我懷呢個bb之前幾個月, 我真係試過自己唔知情之下, 流產咗一個, 可能個陣我地仲未夠福份掛.....

不過當我開始有孕開始, 真係見少咗好多好多, 亦都聽唔到佢地講野, 但係生完又番返哂黎喇 !!