worthy 發表於 16-7-27 17:10 
回覆 rose-mag 的帖子
你結婚之後仲有冇朋友？(好少)
唔鍾意同人出街咪自己出囉，冇問題喎，學下享受獨處，一個人睇戲一個人行街一個人嘆下午茶，你總要食飯買餸架，唔係一定要老公陪你嘛，你就係太得閒冇嘢做，將生活重心放晒落老公度，佢點解冇你喺身邊會開心？因為平時大部份時間窒息，有得上水透氣就成個精神晒？定話你講老公冇你喺身邊好開心係你想像出嚟？講個個案你聽，老公朋友太太同我講朋友出軌3年，中間冇外宿，準時返工放工，唔多外出，只係有時ot或接外快，日日幾個電話報到，事發就係剛好個仔兩歲生日，朋友太太話個老公幫手做好多家務湊仔洗衫執屋，反而太太有時要輪更，個老公半個宅男咁款，但都有本事出軌，仲要唔係第一二三次，只係呢次上身三年又正係太太陀仔生仔段時間，個太太忍無可忍至趕佢走叫離婚。。。要反唔駛要好多時間都反到，而家資訊發達，有部手機都可以調情，所以你24小時監控都冇用，要反一定可以反，相反冇心的話你分開幾耐都冇事。去興趣班識人都唔一定會有婚外情，感情係兩個人嘅，你冇心冇人勉強到你，如果真有人令你動心的話，就係你呢段婚姻嘅造化啦。以前我去批命，個相士話我2003年會有桃花，同樣去到2005 2006 都會有，相比2005 2006 兩個更好，我問相士咁我係咪應該等2005 2006 果兩次，相士話隨緣，如果2003 果個相處到啱心水係可以論婚嫁，係對方條件冇咁好啫，我又問咁如果拍緊2003 果個或者結咗婚，去到2005 2006 又會點，相士話冇咩點架，你兩個冇問題，就算有個王子出現都唔會有嘢發生，甚至果個人出現咗我都未必知。事實係2003我識咗我老公，2005年結婚，果年剛結婚就遇到part time果間公司有個男仔追我，佢見到我對介指不斷問我點解要咁早結婚，點解唔俾機會其他人，老實講呢個男仔條件真係好好，同我老公完全唔同類，係我鍾意果種斯斯文文温文儒雅果隻，但果刻我只有種相逢恨晚嘅唏噓，但絕冇動過心。
鍾意影相拎部相機手機隨街拍下，換下心情，煲劇都唔錯，唔好下下圍住個老公轉，困獸鬥就算冇第三者都遲早玩完。
花旗太太生活在花旗國，留意時差，你問我未必即時答到。
發表於 
返回列表
