吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 興趣嗜好› 閒來無事說些事.....

興趣嗜好今日: 2|主題: 123969

收藏本版

回覆發帖

返回列表

跳至頁

樓主: cforchat

[其他] 閒來無事說些事.....

[複製鏈接]

8 91011 12...43

Jamesmama

公爵府

積分: 26309

好媽媽勳章

181^#

發表於 17-6-10 12:04 |只看該作者

回覆樓主:

有D黑雲喎

[管教]必須建立在母子間信任,關懷, 溫柔的基礎上, 至能達到良好的效果. 親情的溫暖比嚴格的管教更為重要.

"在人生道路上面對種種不同的困境時, 最困難不是要面對那個問題, 而是堅持一個信念: 向前看. 就算問題有多複雜都好, 只要你肯正面地面對, 一定可以克服. 當事情過去後, 回望整件事都是不外如是........................"

私人傳訊回覆引用

cforchat

大宅

積分: 2720

182^#

發表於 17-6-10 22:16 |只看該作者

點解無啦啦被抄家, 由自由講場搬來志趣相投嘅? 我冇乜趣㗎咋喎.

春有百花秋有月, 夏有涼風冬有雪, 若無煩事掛心頭, 便是人間好時節.

私人傳訊回覆引用

cforchat

大宅

積分: 2720

183^#

發表於 17-6-11 17:33 |只看該作者

咁熱嘅天氣, 如果外出, 仲要大部份時間流連於室外, 身體嘅水份係會嚴重地被抽乾, 你已經唔再滿足於自行帶備唔冷唔熱兼夾唔太大樽嘅水, 唔只好快飲晒, 仲會於沿路處不斷買飲品補充失去嘅水份, 汽水豆奶雪糕檸茶輪流被喝下解渴.....

入口時候當然透心涼爽歪歪啦, 但係對於腸胃差嘅人就好容易出事, 好似我咁, 暴飲之後都知實瀨嘢, 言猶在耳, 感覺到腸內開始準備興風作浪.

由於身處車廂內, 雖然可隨時下車往如廁, 但又唔想讓同伴刻意停下等候, 只好忍吓先, 反正仲係起風中, 等真係打到嚟至算.

可能唔算太嚴重, 未至於一嘢爆發, 所以攪肚得嚟似陣痛, 當痛到標晒冷汗, 心諗死嘞來了嘞今次實頂唔住嘞, 佢又唔痛. 當放下心來以為乃心理作用, 冇耐佢又開始隱隱痛, 成個車程就喺痛吓唔痛吓嘅情況下, 總算順利到達目的地.

好在平時女洗手間條龍排到出門口嘅場面不復見, 否則免不了又要經一番陣痛先至能解決.

對我嚟講, 夏天都係足不出戶為妙, 因為就算帶備足夠水, 身處酷熱中, 免不了會進食好多生冷食品飲品以圖驅除暑氣, 但冷凍食品嘅配額, 係畀我喺屋企嘆雪糕沙律甜品類㗎嘛, 而家出一出, 變成倍食生冷嘢, 對身體傷上加傷.

春有百花秋有月, 夏有涼風冬有雪, 若無煩事掛心頭, 便是人間好時節.

私人傳訊回覆引用

cforchat

大宅

積分: 2720

184^#

發表於 17-6-12 11:49 |只看該作者

本帖最後由 cforchat 於 17-6-12 11:51 編輯

終於熬過連續幾日嘅酷熱天氣, 雖然唔知日後仲會熱成點, 至少未來幾日被預告有雨, 應該較為涼快啩.

儘管熱到就算開著風扇依然汗流浹背, 但係家中仍然冇開冷氣, 目的係想為地球出一分力, 盡量唔破壞環境.

數數日子, 經已有十年八年冇開過屋企任何一部冷氣機, 咁耐冇開又冇檢查過機件是否正常, 唔排除已經壞咗都唔定, 不過一日外表未變, 就由得佢繼續安於原位暫時用作填塞窗口.

當初買冷氣機嘅原意, 係為咗真係熱到頂唔住嘅時候先至開兩三個鐘, 尤其是日頭曬到正, 就算入夜後間屋依然如置身焗爐熱氣未散, 開著冷氣可易於入眠. 而瞓到咁上下, 我就會起身熄掣, 並唔係冇時間掣, 只係順便開窗等空氣流通, 否則瞓瞓吓一定會焗醒.

雖然廳房都有冷氣機, 但每次只會開其中一部, 仲要集齊人一齊享受, 咁先至唔會嘥. 而嘆咗一陣, 身上汗水已抽乾得七七八八就熄機開風扇, 唔好以為開得一陣冇料到, 其實已經差好遠, 至少身體已解熱, 等下一輪又熱到頂唔順嘅時候, 可能係幾個鐘之後或第二日嘅事, 咁就唔駛全天候置身冷氣中, 傷身又傷財.

後來冷氣機們變老爺開始滴水, 為免被樓下投訴, 一係換新機, 一係唔開, 我哋揀咗後者. 本來落雨天可以開, 因為就算滴水都分唔出係雨水定冷氣機水, 不過落得雨通常都唔太熱, 根本無須要開.

如是者久而久之, 我哋都習慣冇冷氣的日子. (可能狗狗唔習慣, 不過佢冇得揀.)

對於嗰啲一入屋就要開行冷氣直至離開間屋至會熄嘅朋友嚟講, 當佢哋得知我哋咁多年都冇開冷氣, 簡直難以置信, 個個都話我哋堅. 仲話假如有一日夏天停電, 佢哋實死定.

春有百花秋有月, 夏有涼風冬有雪, 若無煩事掛心頭, 便是人間好時節.

私人傳訊回覆引用

cforchat

大宅

積分: 2720

185^#

發表於 17-6-13 10:40 |只看該作者

今次掛八號風球, 實在始料不及, 因為外出唔覺大風又冇乜雨, 聽講一號之後預告好快掛三號, 我仲心諗有冇咁猛呀, 到又預告快將八號, 我依然存疑, 季候風仲勁啦, 呢個一啲料都冇喎.

哈, 點知一掛咗八號, 即刻橫風橫雨, 加上附近維修工程嘅棚架被風吹到呼呼聲, 更加強效果, 令人錯覺好似打到嚟咁款.

將近收工至嚟掛風, 未返工又已落回三號, 打工仔想額外多一日半日嘅假都唔得, 仲要返工時段勁大雨, 為兩餐真係辛苦晒.

打工嘅時候, 每次晚上打風, 都期望風繼續吹唔好走咁快, 起碼第二日可以瞓晏啲唔駛早起, 如睡夢中聽到風聲依然大作, 心就會踏實啲, 表示可能仲有機唔駛返工, 如冇乜聲氣就會輾轉反側, 打定輸數要照常返工, 失望!

有啲同事, 每當知道晚上將掛八號, 就會呼朋喚黨打四圈, 以為第二朝實唔駛返工, 點知一早除下風球, 返到公司烏眉䀫睡無厘精神. 其實平時返工已經要搏殺, 好應該趁呢啲額外時間好好休息補充體力嘛, 居然仲去四方城搏殺, 一啲都唔愛惜身體.

春有百花秋有月, 夏有涼風冬有雪, 若無煩事掛心頭, 便是人間好時節.

私人傳訊回覆引用

cforchat

大宅

積分: 2720

186^#

發表於 17-6-14 11:59 |只看該作者

其實唔駛返工, 唯一嘅好處除咗能夠時刻陪伴狗狗之外, 對一個饞嘴嘅人(我)來講, 實在係百害而無一利.

以前返工, 雖然一返到公司已開始餓, 但礙於唔想食食吓零食有人搵或者要接聽電話而尷尬, 所以就算個肚奏緊交響樂, 都要等到放飯時間才醫肚, 三餐好正常.

自從賦閒在家百無聊賴, 個口冇時停, 唔係食呢樣就係食嗰樣, 一得閒就整嘢食, 整親都係肥死嘅食物, 長此下去, 我怕就快會變死肥婆.

我又衰唔忍得口之餘仲冇節制能力, 一食親就停唔到口, 唔飽到上心口都唔肯罷手, 令個胃長期處於飽脹狀態.

假如我個胃識講嘢, 佢一定會抱怨 : 主人由朝食到黑, 我就由朝忙到晚, 好辛苦至喺晚黑趕完工, 嗰頭又話要開工, 真係唔得佢死.

睇嚟要快啲搵嘢做, 否則唔係我陪狗狗至終老, 係佢要陪我至終點.

春有百花秋有月, 夏有涼風冬有雪, 若無煩事掛心頭, 便是人間好時節.

私人傳訊回覆引用

cforchat

大宅

積分: 2720

187^#

發表於 17-6-15 09:43 |只看該作者

當我宣佈要搵嘢做, 當家與吾兒第一時間加以反對, 二人口徑一致連番發出疑問 : 你去返工狗狗點? 你先唞得咁短時間, 做乜咁快又踏入職場? 又要再頻頻撲撲返工你慣㗎嘞?.......

我二話不說, 打開雪櫃畀佢哋睇, 見佢哋滿腦子問號, 我就指住內裡食物逐一解話 : 呢盒朱古力雪糕前日整嘅, 已經食咗三份二. 呢底芝士蛋糕尋日整嘅, 只剩下一半. 呢啲材料諗住陣間整千層糕. 呢啲呢, 聽日會整花生糖. 呢啲用嚟做蘋果批. 仲有呢啲紅豆係食埋盒朱古力味雪糕就再整紅豆雪糕...... 呢啲食物, 絕大部份都係落晒我個肚, 你哋話嘞, 咁食法, 係咪會死吖? 為免我一死, 係咪要放我出去做嘢吖?

當家話 : 哈, 人哋做嘢為搵食, 你做嘢就為咗唔想食, 你都得㗎嘞.

由於我只係諗住搵兼職, 所以佢哋最終都無可無不可, 話如果我真係覺得喺屋企對個胃構成威脅, 咁就即管去做嘢喎.

搵嘢做唔難, 但要搵到一份人哋啱我時我又啱人哋嘅工談何容易吖, 加上我又挑剔奄尖, 睇怕有排都未能搵到合心意, 所以都係要食住搵. 唯有盡量克制, 唔好太過份.

唉, 我幾乎可以預見節制最終會被饞嘴打到落花流水.

春有百花秋有月, 夏有涼風冬有雪, 若無煩事掛心頭, 便是人間好時節.

私人傳訊回覆引用

cforchat

大宅

積分: 2720

188^#

發表於 17-6-16 11:26 |只看該作者

電影"無間道"其中有一幕係梁朝偉與劉德華喺天台講數, 梁朝偉話自己係一個差人, 劉德華即接口講邊個知呀!

於是呢, 有人覺得邊個知呀呢句好型, 所以不自覺就將之作為口頭禪, 仲要係以戲內劉德華嘅語氣音調.

舉例 :

問 : 今日得唔得閒?
答 : 邊個知呀!

問 : 有冇見過某某?
答 : 邊個知呀!

問 : 做嘢做成點呀?
答 : 邊個知呀!

哈, 簡直答非所問九唔搭八, 我想像假如問佢一啲日常問題, 如果佢都係用劉德華不置可否嘅腔調作答都幾搞笑.

問 : 食咗飯未?
答 : 邊個知呀!

問 : 肚唔肚餓?
答 : 邊個知呀!

問 : 幾點返工?
答 : 邊個知呀!

春有百花秋有月, 夏有涼風冬有雪, 若無煩事掛心頭, 便是人間好時節.

私人傳訊回覆引用

cforchat

大宅

積分: 2720

189^#

發表於 17-6-17 09:40 |只看該作者

本帖最後由 cforchat 於 17-6-17 09:42 編輯

好多朋友都唔鍾意用縮骨遮, 除咗因為嫌細把, 最主要係唔鍾意縮骨遮一遇大風就反, 因而容易折斷, 所以多數都用長柄傘.

我就剛好相反, 鍾意用縮骨遮, 所以平日出門, 手袋內總會帶備一把, 好天用嚟擋太陽, 忽然落雨時又唔駛要企喺一邊避雨.

長柄傘我都有, 不過只限於出門前如果係落緊雨至會用, 假如明知會落雨, 但出門時未落, 我依然只會帶縮骨遮備用, 萬一用唔著放喺手袋內較方便. 如拎住把長柄傘去買餸, 一袋二袋餸又要揹手袋又要拎住把傘, 唔係嫌重, 而係長傘直挺挺會阻住行動, 倍感吃力.

另外, 長柄傘亦有個弊處, 就係由於手柄位有個勾, 如咁啱要搭巴士, 上到車好自然就將傘勾喺扶手欄, 落車時如當時冇雨, 就唔為意要用傘, 結果總將雨傘留喺車廂內, 碰著好心人或會及時提醒, 否則只能等你唔知過咗幾耐才發現. 可憐雨傘已經孤伶伶地去到總站, 由得站長處置.

而縮骨遮就好少會遺失, 因為上到車會將之縮短, 如滴住水就拎喺手裡, 如冇水就收喺袋裡, 唔怕失去佢.

有一次同朋友去街, 明明全日落住雨, 奇怪佢點解都唔帶遮. 佢話以前每次帶遮出街都會唔見, 連幾時唔見都唔知, 所以冇得回頭去搵, 搞到每逢落雨天佢返到屋企, 老婆第一句唔係問你返嚟嘞, 而係問把遮有冇返嚟. 就係因為自知失魂, 所以寧願避雨都唔帶遮, 費事帶一把冇一把.

春有百花秋有月, 夏有涼風冬有雪, 若無煩事掛心頭, 便是人間好時節.

私人傳訊回覆引用

joanma5426

複式洋房

積分: 469

190^#

發表於 17-6-17 19:17 |只看該作者

回覆樓主:

好彩你提下我姐，吾該哂

私人傳訊回覆引用

cforchat

大宅

積分: 2720

191^#

發表於 17-6-18 09:56 |只看該作者

回覆 joanma5426 的帖子

係唔係你正準備落車, 由於睇到呢段, 所以提醒咗你本來將會遺留喺車廂嘅雨傘帶落車? 係就真係要唔該我嘞, 至少幫你省回買過另一把雨傘嘅錢.

春有百花秋有月, 夏有涼風冬有雪, 若無煩事掛心頭, 便是人間好時節.

私人傳訊回覆引用

cforchat

大宅

積分: 2720

192^#

發表於 17-6-18 10:24 |只看該作者

而家打開報紙, 三日唔埋兩日就報導發生醫療事故, 而且好多根本係院方唔應該犯嘅錯誤, 致使病人與家人平白要受無謂嘅苦痛, 諗起都覺得牙煙.

好多年前有一位街坊, 入院做腳部小手術, 跟住就有入冇出. 雖然唔知道真正死因, 但係既然係小手術, 風險應該唔會大, 真係惡劣的話, 大不了截肢啫嘛, 未至於會死, 相信可能又係涉及醫療失誤.

市民如不幸病倒需入院, 認真要自求多福, 以免大吉利是打直入打橫出.

春有百花秋有月, 夏有涼風冬有雪, 若無煩事掛心頭, 便是人間好時節.

私人傳訊回覆引用

cforchat

大宅

積分: 2720

193^#

發表於 17-6-19 15:38 |只看該作者

好耐冇睇無記劇集, 最近連睇兩套, 分別係瞞婚與撒嬌.

前者內容離不開一貫老土嘅框框, 所以多數一路煮飯一路聽, 間中至瞄幾眼.

後者幾創新, 印象中無記劇集除咗外景之外, 其餘有關寫字樓家居全都係搭廠景拍攝, 雖然場景係模仿現實, 不過點都唔真實.

聽講撒嬌係全實景拍攝, 所以至吸引我觀看, 始終覺得實地實景較有親切感, 所以才能令我坐定定由第一集睇至最後一集.

平時由於好少睇劇集, 今次一睇, 先至發覺唐詩詠嘅演技進步咗好多, 人亦成熟咗好多.

記得有一段講佢喺台南為王浩信搽蘆薈, 搽完後順便將沾有蘆薈嘅雙手互搓唔好嘥嘅小動作, 我覺得佢呢段演得好自然. (其他觀眾未必有同感, 不過我睇戲特別注意呢啲小節)

以為結局佢與王浩信會破鏡重圓, 點知都係有緣無份. (其實既然可以服藥鎮住婚前恐懼症, 咁服藥咪就可以唔駛復發囉, 只要舉行完婚禮咪冇事囉, 況且佢都實現咗佢老父嘅遺願自己創業啦, 其實大團圓結局都得啦, 係都要留下一啲遺憾.)

唐詩詠畀我嘅感覺好乖好純, 婚後會係一個稱職嘅賢妻良母, 可惜真心錯付遇人不淑, 浪費咗多年寶貴青春. (所以我勁唔鍾意崔先生)

真心希望佢早日搵到一個愛佢疼惜佢嘅真命天子, 令佢得到幸福.

春有百花秋有月, 夏有涼風冬有雪, 若無煩事掛心頭, 便是人間好時節.

私人傳訊回覆引用

cforchat

大宅

積分: 2720

194^#

發表於 17-6-20 09:57 |只看該作者

間中, 狗狗會將畀佢嘅食物叼去沙發慢慢享用.

間中, 當家每逢傷風感冒會自行隔離去沙發瞓覺.

狗狗如常叼食物上沙發, 當家見到就指責佢 : 喂! 做乜喺我張床開餐呀? 走走走....

見狗狗被趕下沙發, 我化身正義嘅朋友為狗狗發聲 : 哈, 佢都未投訴你喺佢張餐檯瞓覺, 你居然好意思話佢.

春有百花秋有月, 夏有涼風冬有雪, 若無煩事掛心頭, 便是人間好時節.

私人傳訊回覆引用

karenma1669

複式洋房

積分: 438

195^#

發表於 17-6-20 14:43 |只看該作者

回覆樓主:

呢排天氣都吾太好，系麻煩左d既

私人傳訊回覆引用

beebeelai26

複式洋房

積分: 451

196^#

發表於 17-6-20 14:49 |只看該作者

回覆樓主:

唔好每次洗太多，咁就可以用多幾次啦XD

私人傳訊回覆引用

cforchat

大宅

積分: 2720

197^#

發表於 17-6-21 11:27 |只看該作者

連續落咗幾日雨, 我就足不出戶咁多日, 好在糧食存貨充足.

不過唔落街都有好處, 就係唔駛破費, 因為每次一落街市, 順便就要入超市逛, 每當見到平嘢就忍唔住手買, 就算暫時用唔著都會買咗先, 跟住至慢慢籌謀點處置.

明知咁樣一啲都唔好, 偏偏成日會咁做, 鬼咩, 一見到平嘢理性就被蒙蔽, 事後至嚟煩係事後嘅事, 起碼嗰刻叫做執到平貨.

春有百花秋有月, 夏有涼風冬有雪, 若無煩事掛心頭, 便是人間好時節.

私人傳訊回覆引用

cforchat

大宅

積分: 2720

198^#

發表於 17-6-22 13:55 |只看該作者

上次講起撒嬌, 我有感而發.....

好多人以為女人撒起嬌上嚟就天下無敵, 所有男士都要跪低, 因為實在難以抵擋嬌聲嗲氣, 每次聽到全身骨頭都會感到酥軟.

並唔係所有女人天生有撒嬌本事, 又唔係所有男人都會受落, 父親就係其中一個. 唔知係平時少嗲佢所以唔慣吖, 定係佢根本就唔受, 總之每次嗲佢, 就會被訓斥唔好嗲聲嗲氣. (唉, 好明顯我係佢前世仇人多過情人.)

有啲女人會刻意提高把聲, 以為又高又尖又拉長尾音會加多幾錢嗲勁, 其實除非把聲係天生, 否則特登將嗓音吊高, 唔只唔覺得嗲, 仲覺得毛管戙, 尤其聽入女士耳中, 會懷疑對方嘅動機係咪想誘惑某男.

以我閱人無數嘅經驗所得, 真正嗲嘅女人, 就算把聲係較低沉, 只要配合埋身體語言, 一樣嗲死人. 好似"秋天的童話"其中一段, 鍾楚紅途經一古董檔, 見到條錶帶, 於是央求船頭尺陪佢睇, 佢把聲嗲到呢, 我與幾個同性朋友聽到都暈得一陣陣, 呢啲先至叫做真正嗲在骨子裡.

至於好多人話林志玲嗲, 我反而唔覺, 佢把聲只係嬌滴滴得嚟又柔弱, 令人有種要對佢小心呵護嘅感覺.

春有百花秋有月, 夏有涼風冬有雪, 若無煩事掛心頭, 便是人間好時節.

私人傳訊回覆引用

cforchat

大宅

積分: 2720

199^#

發表於 17-6-23 15:22 |只看該作者

由於我鍾意飲豆漿, 所以先後買入幾部豆漿機, 在家自製豆漿.

當初買部機嘅時候, 當家誇下海口每日都會磨畀我飲, 事實上呢, 只係得三日貨仔咁大把啫, 跟住大多數都係要自己動手. (大部人男人最遵守諾言係佢未得到你嘅時候, 一旦私有化, 自己講過乜多數唔負責, 唔係詐傻扮懵就係扮失憶冇件事.)

可能用得頻密嘅關係, 所以每隔一段時間, 其中嘅配件總會有問題, 唔係磨蝕崩裂就係殘舊破爛, 所以要不時地另買新配件, 配件換完冇耐又輪到主機扭計, 咁換得主機, 即係等如換過部新機, 所以話前後共買入幾部就係咁解.

最近部機又神神哋, 每當脫水時發出嘅聲響驚天動地, 搞到我要用手掩住雙耳, 因為好驚發出聲響嘅同時部份零件會飛脫, 當然只係擔心, 實際應該唔會飛出咁化學. 不過礙於心驚肉跳, 所以盡可能等當家在時先叫佢磨, 咁我就可以匿得遠遠之時, 加上掩埋耳, 令傳入耳內嘅響聲愈細愈好.

當家嘅經驗係當脫水時, 只要雙手用力按實部機, 包保唔會有嘢飛脫出嚟, 我就可以如常自行磨, 唔駛等佢喺度至有得飲. 佢都傻嘅, 如果雙手用嚟按住部機, 咁何來仲有手掩耳呀?

當家話可能又係配件損壞, 換過應該冇事, 我話都係估估吓啫, 萬一換咗之後情況依然冇改善咁點呀, 屋企已經有好多喺咁嘅情況下買嘅配件嘞, 不如換過部新機啦. 但係當家堅持要再畀機會部機, 我冇所謂, 反正都係佢磨啫嘛.

後來唔只巨響, 喺脫水過程中明明已蓋到實嘅頂蓋會因轉動過猛自行鬆脫, 雖然只在內部唔會飛出嚟, 但聽到都夠恐怖啦, 所以連當家都受我影響怕咗聽呢種聲, 最後喺我嘅推波助瀾下扔掉部機, 連之前買落有啲仲係新簇簇嘅配件全部都唔要.

佢上網瀏覽其他牌子與型號, 準備買過另一部, 我話仲買乜鬼吖, 一於用回最原始嘅方法, 就係用攪拌機磨, 用濾網篩, 倒入煲內煮滾一了百了. 雖然冇豆漿機一站式咁方便, 但以後就唔駛再因為已買咗配件而搞到沒完沒了.

春有百花秋有月, 夏有涼風冬有雪, 若無煩事掛心頭, 便是人間好時節.

私人傳訊回覆引用